AMS Economyលោក ចាវ យ៉ាហ្វូ អាយុ៨២ បន្តបេសកកម្មប្រែក្លាយស្នាមញញឹមកសិករតាមរយៈការអភិវឌ្ឍកសិកម្មសរីរាង្គ
ខេត្តជាំងស៊ូ – នាប៉ុន្មានឆ្នាំចុងក្រោយនេះ មានសារព័ត៌មានជាច្រើនបានចាប់អារម្មណ៍ពីស្នាដៃឆ្នើមរបស់បុរសកសិកម្មអាយុ ៨២ឆ្នាំ នោះគឺលោក ចាវ យ៉ាហ្វូ (Zhao Yafu) អ្នកស្រាវជ្រាវផ្នែកកសិកម្ម នៅខេត្តជាំងស៊ូនៅភាគខាងកើតប្រទេសចិន ។ លោក ចាវ យ៉ាហ្វូ កំពុងជួយប្រជាកសិករឱ្យអភិវឌ្ឍកសិកម្មសរីរាង្គ ដើម្បីបង្កើនប្រាក់ចំណូល ព្រមទាំងរួមចំណែកអភិវឌ្ឍស្រុកភូមិរបស់ពួកគេតាមរយៈផលិតផលកសិកម្ម ។
អាយុ ៨២ឆ្នាំជាវ័យដែលមនុស្សភាគច្រើនសម្រេចចិត្តចូលនិវត្តន៍ពីការងារ ប៉ុន្តែសម្រាប់លោក ចាវ យ៉ាហ្វូ បានសម្រេចចិត្តបន្តធ្វើការងារកសិកម្មជាមួយកសិករដដែល ដោយលោកយល់ថា នៅពេលដែលកសិករមានចំណេះដឹងពីកសិកម្ម និងប្រើប្រាស់បច្ចេកទេសកសិកម្មបានត្រឹមត្រូវ នោះការអភិវឌ្ឍន៍សេដ្ឋកិច្ចគ្រួសារ និងជីវភាពសហគមន៍នឹងកាន់តែប្រសើរជាលំដាប់ ។
លោក ចាវ យ៉ាហ្វូ បាននិយាយថា ៖
“កសិកម្មជាឆ្អឹងខ្នងដ៏សំខាន់សម្រាប់ជីវភាពអ្នកភូមិតៃសួង (Daizhuang) មុននឹងនិយាយទៅដល់ការអភិវឌ្ឍផ្សេងៗ ហើយយើងអាចប្រែក្លាយជីវភាពគ្រួសារឱ្យប្រសើរបាន ប្រសិនបើយើងបានយល់ច្បាស់ពីតម្លៃនៃការងារកសិកម្ម។”
ការចុះផ្សាយរបស់ CCTV បានឱ្យដឹងថា រយៈពេល ៦០ឆ្នាំដែលលោក ចាវ យ៉ាហ្វូ បានបំពេញការងារនៅទីក្រុង ស៊ិនជាំង (Zhenjiang) ក្នុងនាមជាអ្នកស្រាវជ្រាវកសិកម្ម និងធ្វើការងារដោយផ្ទាល់ជាមួយកសិករ ។ លោក ចាវ យ៉ាហ្វូ បានជួយកសិករចំនួន ១សែនប្រាំមួយម៉ឺននាក់ដែលដាំដុះលើផ្ទៃដីប្រមាណ ១សែនប្រាំមួយម៉ឺនប្រាំមួយពាន់ហិចតា តាមរយៈបច្ចេកទេស និងបច្ចេកវិទ្យាថ្មីៗក្នុងវិស័យកសិកម្មឱ្យរួចផុតពីភាពក្រីក្រ ។ ចំណេះដឹងថ្មីសម្រាប់កសិករ មានដូចជា ការបង្កាត់ពូជដំណាំថ្មីៗ ការប្រើប្រាស់ជីសរីរាង្គ ការដាំដុះតាមគោលការណ៍កសិកម្មល្អ ព្រមទាំងបច្ចេកទេសដាំដុះដ៏ត្រឹមត្រូវគ្រប់រដូវកាល ។
តើអ្វីនៅពីក្រោយខ្នងនៃកិច្ចខិតប្រឹងប្រែងរបស់បុរសកសិកម្មវ័យ ៨២ឆ្នាំ ចាវ យ៉ាហ្វូ? ចម្លើយដ៏សាមញ្ញមួយដែលទទួលបានពីលោក ចាវ គឺ “ខ្ញុំចង់ឃើញស្នាមញញឹមរបស់កសិករនៅស្រុកភូមិរបស់ខ្ញុំ” ។ លោក ចាវ យ៉ាហ្វូ បាននិយាយបន្តថា ឧទាហរណ៍នៅក្នុងភូមិតៃសួង (Daizhuang) ភាគខាងជើងនៃ Nanjing បុរសជាច្រើនមិនអាចរៀបការបានទេព្រោះពួកគេក្រីក្រពេក ហើយស្ថានភាពរស់នៅរបស់ពួកគេបែបនេះបានធ្វើឱ្យលោកភ្ញាក់ផ្អើល ដូច្នេះលោកត្រូវសម្រេចចិត្តធ្វើអ្វីមួយដើម្បីជួយ។
និយាយពីអតីតកាលកុមារ ចាវ យ៉ាហ្វូ កើតក្នុងឆ្នាំ១៩៤១ លោកមានក្តីសុបិនតាំងពីវ័យកុមារ គឺចង់ក្លាយជាអ្នកកាសែតឆ្នើមមួយរូប។ ប៉ុន្តែគ្រោះមហន្តរាយធម្មជាតិ និងទុរភិក្សជាបន្តបន្ទាប់នៅចុងទសវត្សរ៍ឆ្នាំ១៩៥០ និងដើមទសវត្សរ៍ឆ្នាំ១៩៦០ ធ្វើឱ្យប្រជាជនចិនបានរងទុក្ខវេទនា បានផ្លាស់ប្តូរគំនិតរបស់គាត់ចង់សិក្សាជំនាញកសិកម្ម ហើយជួយប្រជាពលរដ្ឋក្នុងស្រុកភូមិវិញ ។
ជីវិតសិក្សាជានិស្សិតមហាវិទ្យាល័យនៅពេលនោះ ចាវ បានឃើញថា ជីវិតរស់នៅទីជនបទអាចលំបាកខ្លាំង ប្រសិនបើកសិករនៅតែរក្សាទម្លាប់ដាំដុះតាមបែបប្រពៃណី ហើយកសិករនៅតែបន្តរស់នៅក្នុងខ្ទមតូចដែលសភាពទ្រុឌទ្រោមហ៊ុំព័ទ្ធដោយលាមកសត្វដដែល ។ ពេលនោះហើយគំនិតកសាងទំនើបកម្មភូមិកសិកម្មបានកើតឡើងចំពោះលោក ចាវ ។ និស្សិតរូបនេះ បានស្រាវជ្រាវពីគុណសម្បត្តិដ៏ល្អឥតខ្ចោះ ដើម្បីអភិវឌ្ឍកសិកម្មសរីរាង្គនៅភូមិហ៊ុំព័ទ្ធទៅដោយភ្នំតូចធំជាច្រើន ។ ជីវិតមានសម្រស់ដ៏ស្រស់ត្រកាល នៅពេលដែលទីជនបទទទួលបានការអភិវឌ្ឍ” (Life’s beautiful when countryside gets revitalized) ។ នេះបើតាមលោក ចាវ យ៉ាហ្វូ ។
ដំបូងឡើយកិច្ចការរបស់លោក ចាវ យ៉ាហ្វូ គ្មានការគាំទ្រពីកសិករក្នុងតំបន់ឡើយ ដោយអ្នកភូមិយល់ថា បច្ចេកទេសដាំស្រូវមួយដើមរបស់លោក ចាវ មិនអាចទៅរួចឡើយ ព្រមទាំងមិនអាចទទួលទិន្នផលដូចការដាំដុះតាមទម្លាប់សហគមន៍ ។ គ្មាននរណាគាំទ្រគំនិតរបស់លោក ចាវ យ៉ាហ្វូ នោះទេ ក៏ប៉ុន្តែលោកបានជ្រើសរើសកសិករ ៤នាក់ ដើម្បីដាំស្រូវសាកល្បង ហើយនៅទីបំផុតលទ្ធផលទទួលបានលើសពីការរំពឹងទុក ព្រមទាំងជ្រើសរើសអ្នកភូមិឱ្យចូលរួមដាំដុះដំណាំតាមបច្ចេកទេសរបស់លោកជាបន្តបន្ទាប់ ។ ពូជស្រូវថ្មីរបស់លោកមានរសជាតិឆ្ងាញ់ និងលក់បានតម្លៃខ្ពស់។
ជាក់ស្តែងប្រាក់ចំណូលប្រចាំឆ្នាំជាមធ្យមរបស់ប្រជាជនភូមិតៃសួង បានកើនឡើងពី ២,២០០យ័ន (ប្រមាណជាង ២៧៧ដុល្លារ) ក្នុងឆ្នាំ២០០៣ ដល់ ៣៤,០០០យ័ន បើធៀបនឹងប្រាក់ចំណូចកាលពីឆ្នាំមុនៗ។ ទីបំផុតភូមិចាប់ផ្តើមទទួលបានប្រាក់ចំណេញដោយការងារកសិកម្ម ដោយប្រាក់ចំណូលប្រចាំឆ្នាំកើនឡើង ហើយឈានទៅបង្កើនជាឥណទានវិជ្ជមានសម្រាប់កសិករដែលមានទំហំទឹកប្រាក់ ៤.២លានយ័ន។
នៅឆ្នាំ២០១៨ លោក ចាវ យ៉ាហ្វូ បានបង្កើតសិក្ខាសាលា Yafu ព្រមទាំងបានបង្កើតក្រុមការងារទទួលខុសត្រូវលើការបណ្តុះបណ្តាលអ្នកជំនាញកសិកម្មអាជីពចំនួន ១,២០០ នាក់ និងបន្តជួយកសិករជាង ៤សែនប្រាំម៉ឺននាក់។ លោក ចាវ យ៉ាហ្វូ បានរក្សាលេខទូរស័ព្ទរបស់កសិករគោលដៅជាង ២០០នាក់នៅលើទូរស័ព្ទរបស់គាត់ ហើយកសិករអាចរកការប្រឹក្សាណាមួយពីលោកបាន ទាំងតាមរយៈទូរស័ព្ទ និងតាមគេហទំព័ររាល់ពេលមានការស្នើសុំ។
បច្ចុប្បន្នឥទ្ធិពលនៃការរបស់លោក ចាវ យ៉ាហ្វូ បានលាតសន្ធឹងហួសពីខេត្ត Jiangsu ទៅកាន់តំបន់ផ្សេងៗទៀត ។ ព្រឹទ្ធាចារ្យកសិកម្មរូបនេះ កំពុងលើកទឹកចិត្តឱ្យកសិករចិនងាកទៅរកដំណាំផ្សេងទៀត ដូចជា ផ្លែស្ត្របឺរី និងទំពាំងបាយជូ ដែលបង្កើនប្រាក់ចំណូលកាន់តែច្រើន។ បន្តិចម្ដងៗ ជីវភាពប្រជាជនចាប់ផ្ដើមប្រសើរឡើងៗ ផ្ទះខ្ទមជាច្រើនត្រូវជំនួសដោយផ្ទះថ្មថ្មី និងផ្លូវធ្វើដំណើរកាន់តែងាយស្រួល ហើយអ្នកភូមិបានប្រសិទ្ធនាមថា ចាវ ជាបុគ្គលជួយពួកគេឱ្យរួចផុតពីភាពក្រីក្រ។
ឃ្លាមួយដែលលោក ចាវ យ៉ាហ្វូ តែងនិយាយនិងអនុវត្តផ្ទាល់ខ្លួន គឺ “ការសិក្សាគ្មានទីបញ្ចប់” ។ លោក ចាវ យ៉ាហ្វូ បាននិយាយថា ៖
“ខ្ញុំចាប់ផ្តើមរៀនភាសាជប៉ុននៅពេលដែលខ្ញុំមានអាយុ ៤០ឆ្នាំ រៀនធ្វើទីផ្សារនៅពេលខ្ញុំមានអាយុ ៥០ឆ្នាំ រៀនកុំព្យូទ័រនៅពេលខ្ញុំអាយុ ៦០ឆ្នាំ និងដាំបន្លែសរីរាង្គនៅពេលខ្ញុំអាយុ ៧០ឆ្នាំ។ វាគួរឱ្យចាប់អារម្មណ៍ទាំងអស់ ហើយអ្វីដែលខ្ញុំបានរៀន ខ្ញុំអាចបម្រើសេវាកម្មទៅកសិករកាន់តែប្រសើរឡើង។”
សូមបញ្ជាក់ដែរថា បើតាមការចុះផ្សាយរបស់សារព័ត៌មានចិន CGTN បានឱ្យដឹងថា លោក ចាវ យ៉ាហ្វូ បានក្លាយជាប្រតិភូនៃសមាជជាតិ CPC លើកទី២០ (20th CPC National Congress) នៅឆ្នាំ២០២២ តាមរយៈការងារលើកកម្ពស់កសិកម្មសរីរាង្គរបស់គាត់ ដោយប្រែក្លាយភូមិដែលធ្លាប់ក្រីក្រនៅភាគខាងកើតប្រទេសចិនឱ្យមានសម្រស់ស្រស់បំព្រង ប្រើប្រាស់ពេលវេលាជាងពីរទសវត្សរ៍បន្ទាប់ពីចូលនិវត្តន៍។
“ខ្ញុំបានតស៊ូជាមួយភាពក្រីក្រនៅតំបន់ជនបទពេញមួយជីវិតរបស់ខ្ញុំ។ ខ្ញុំបានឃើញពីរបៀបរស់នៅរបស់អ្នកភូមិក្រីក្រពីមុន ហើយខ្ញុំក៏បានឃើញពីរបៀបដែលពួកគេត្រូវបានផ្លាស់ប្តូរជាច្រើនឆ្នាំកន្លងមកនេះ។ ខ្ញុំនឹងបន្តការងាររបស់ខ្ញុំ ដរាបណាសុខភាពរបស់ខ្ញុំនៅតែអនុញ្ញាត។”
នេះបើតាមការប្តេជ្ញាចិត្តរបស់លោក ចាវ យ៉ាហ្វូ ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Mae Fah Luang ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 19/04/2023
ក្រោមកម្មវិធី Boon Rawd Scholarship 2023 សាកលវិទ្យាល័យ Mae Fah Luang ខេត្តឈៀងរ៉ៃ នៃព្រះរាជាណាចក្រថៃ បានប្រកាសជ្រើសរើសនិស្សិតកម្ពុជាចំនួន ២រូប...
វិទ្យាស្ថានពហុបច្ចេកទេសខេត្តព្រះវិហារផ្ដល់អាហារូបករណ៍វគ្គជំនាញ ១២០កន្លែង ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 28/05/2025
វិទ្យាស្ថានពហុបច្ចេកទេសខេត្តព្រះវិហារ បានប្រកាសផ្ដល់ជូនអាហារូបករណ៍ ១០០% ក្រោមកម្មវិធីអប់រំបណ្ដុះបណ្ដាលបច្ចេកទេសនិងវិជ្ជាជីវៈ (TVET) ១.៥លាននាក់ ចំនួន១២០កន្លែង...
វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាសផ្ដល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេសជាច្រើនកន្លែងសម្រាប់យុវជន
ព័ត៌មានអាហារូបករណ៍, ព្រឹត្តិការណ៍
• 05/08/2025
វិទ្យាស្ថានពហុបច្ចេកទេសភូមិភាគតេជោសែនសៀមរាប ប្រកាសផ្ដល់អាហារូបករណ៍១០០% ជាច្រើនកន្លែងសម្រាប់យុវជន យុវនារី និងសាធារណជន ចូលសិក្សាកម្រិតសញ្ញាបត្រជាន់ខ្ពស់បច្ចេកទេស រយៈពេល២ឆ្នាំ។
ក្រសួងអប់រំប្រកាសប្រឡងជ្រើសរើសនិស្សិតអាហារូបករណ៍ទៅសិក្សានៅប្រទេសឡាវ
ព័ត៌មានអាហារូបករណ៍, ព្រឹត្តិការណ៍
• 12/05/2023
ភ្នំពេញ - ក្រោមកិច្ចព្រមព្រៀងរវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ និងកីឡា នៃសាធារណរដ្ឋប្រជាធិបតេយ្យប្រជាមានិតឡាវ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ France Eiffel Excellence ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 31/10/2024
កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។
អគ្គនាយកដ្ឋានអប់រំ ជ្រើសរើសនិស្សិតចុះកម្មសិក្សាការងារ ៦រូប លើជំនាញរដ្ឋបាល អប់រំ ទំនាក់ទំនងអន្តរជាតិ និងព័ត៌មានវិទ្យា
ព័ត៌មានអាហារូបករណ៍, ព្រឹត្តិការណ៍
• 05/10/2026
ឱកាសសម្រាប់សិស្សនិស្សិត ដែលកំពុងសិក្សាលើជំនាញ រដ្ឋបាលសាធារណៈ អប់រំ ទំនាក់ទំនងអន្តរជាតិ និងបច្ចេកវិទ្យាកុំព្យូទ័រ និងព័ត៌មានវិទ្យា
ACE ផ្តល់អាហារូបករណ៍ដល់សិស្សនិស្សិតចំនួន ៣១កន្លែង
ព័ត៌មានអាហារូបករណ៍, ព្រឹត្តិការណ៍
• 25/08/2023
មជ្ឈមណ្ឌលអូស្រ្តាលីសម្រាប់ការបណ្តុះបណ្តាល ប្រកាសផ្តល់អាហារូបករណ៍ដល់សិស្សនិស្សិតចំនួន៣១កន្លែង ដោយម្នាក់ៗនឹងទទួលបានអាហារូបករណ៍រយៈពេល១ឆ្នាំ។
អាហារូបករណ៍ថ្នាក់បណ្ឌិតពីក្រុមហ៊ុន Meta ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 27/01/2026
ឱកាសសិក្សាអាហារូបករណ៍រយៈពេល២ឆ្នាំសម្រាប់ថ្នាក់បណ្ឌិតពីក្រុមហ៊ុន Meta ឆ្នាំ២០២៦ នៅសហរដ្ឋអាមេរិក។ អាហារូបករណ៍ផ្ដល់ឱ្យបេក្ខភាពបន្តការសិក្សា និងស្រាវជ្រាវក្នុងវិស័យស្នូលរបស់ Meta ដូចជា ឯកជនភាព...
អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 22/07/2025
សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
