AMS Economyយុវតី៖ បុរសនិងស្ត្រីនិយាយពីការអប់រំសុខភាពនិងអនាម័យពេលមានរដូវ មិនមែនជារឿងខុសឆ្គង
ភ្នំពេញ៖ ឆ្នាំ២០២១នេះ ប្រធានបទទិវាអនាម័យនៃការមករដូវរបស់ស្រ្តី “បង្កើនសកម្មភាព និងការវិនិយោគទៅលើសុខភាព និងអនាម័យនៃការមករដូវ”។ ទិវាអនាម័យនៃការមករដូវរបស់ស្ត្រីតែងបា្ររព្ធជាសកលនៅថ្ងៃទី២៨ ខែឧសភាជារៀងរាល់ឆ្នាំ។ ការលើកយកបញ្ហាទាំងនេះមកនិយាយនៅក្នុងគ្រួសារ មិត្តភក្តិ និងសហគមន៍អប់រំសុខភាពមិនមែនជាទង្វើអាក្រក់ ឬអាថ៌កំបាំងទៀតឡើយសម្រាប់បុរសនិងស្រី្ត។ នេះជាការយល់ឃើញរបស់យុវតីនិងអ្នកពាក់ព័ន្ធមួយចំនួនដែល AMS បានជួបសម្ភាសន៍។
កញ្ញា ហ៊ូ គីមហៀង ជានិស្សិតពេទ្យឆ្នាំទី៥ នៃសាកលវិទ្យាល័យវិទ្យាសាស្រ្ដសុខាភិបាល បានប្រាប់ពីមូលហេតុដែលកញ្ញាហ៊ាននិយាយប្រាប់មិត្តភក្ដិអំពីបញ្ហាពេលមករដូវក្នុងគោលបំណងការពារការប៉ះទង្គិចជាមួយមិត្តភក្ដិ និងងាយស្រួលឱ្យមិត្តភក្តិជួយនៅពេលមានបញ្ហាធ្ងន់ធ្ងរ។
“ខ្ញុំមានអារម្មណ៍ថាមានសុវត្ថិភាពក្នុងការនិយាយប្រាប់មិត្តភក្ដិនៅពេលខ្ញុំមានរដូវ ព្រោះជាពេលដែលអារម្មណ៍ខ្ញុំផ្លាស់ប្ដូរខុសពីធម្មតា ខ្ញុំឆាប់ខឹង មិនចង់និយាយស្ដី ប្រសិនប្រាប់បញ្ហានេះទៅកាន់មិត្តភក្ដិគេអាចនឹងយល់ អាចជួយរកដំណោះស្រាយ និងរៀបចំឥរិយាសមស្រប”
កញ្ញា ហ៊ូ គីមហៀង
កញ្ញា ហ៊ូ គីមហៀង បានបន្តទៀតថា ស្ត្រីតែងមានភាពអៀនខ្មាស់នៅថ្ងៃនៃការមករដូវ ប៉ុន្តែបើមនុស្សជុំវិញខ្លួនឈប់រើសអើងនោះនឹងចូលរួមចំណែកសំខាន់ក្នុងការថែទាំសុខភាពផ្លូវ ស្រ្តី ព្រមទាំងជួយស្រ្ដីឱ្យជៀសផុតពីជំងឺ ឬបញ្ហាសុខភាពផ្លូវភេទ។
ចំណែកកញ្ញា សុខ ស្រីនុត និស្សិតអក្សរសាស្រ្ដខ្មែរឆ្នាំទី៤ នៃសាកលវិទ្យាល័យភូមិន្ទភ្នំពេញ យល់ឃើញថា ស្រ្ដីកម្ពុជាគួរបង្កើនគិតបញ្ហាសុខភាពឱ្យបានច្រើន ពិសេសបញ្ហាអនាម័យពេលមានរដូវ ហើយយុវជនគួរស្វែងយល់ពីចំណេះដឹងនេះឱ្យបានទូលំទូលាយ។
ស្ថាបនិកនៃអាជីវកម្ម Green Lady Cambodia កំពុងផលិតក្រណាត់អនាម័យស្រ្តី (Washable Pad) សម្រាប់ស្រ្តីប្រើជំនួសសំឡីអនាម័យ កញ្ញា ហុក សុវណ្ណវត្តី ក៏បាននិយាយដែរថា យុវតីត្រូវបំបែកភាពស្ងៀមស្ងាត់ ត្រូវបង្ហាញពីការលំបាកផ្ទាល់ខ្លួន ហើយគ្រប់គ្នាត្រូវជួយដល់ស្ត្រី និងក្មេងស្រីនៅពេលពួកគេទើបមានបទពិសោធន៍មករដូវដំបូង។
“ខ្ញុំផលិតក្រណាត់អនាម័យស្រ្តី អាចជួយអ្នកដទៃ ជាពិសេសយុវតីនៅក្នុងប្រទេសកម្ពុជាគួរយល់ដឹងអំពីសុខភាពផ្ទាល់ខ្លួនឱ្យបានទូលំទូលាយ និងហ៊ាននិយាយពីបញ្ហាអនាម័យពេលមានរដូវដើម្បីសុខភាព ដើម្បីស្នាមញញឹមរបស់ស្ត្រីខ្លួនឯង”
កញ្ញា ហុក សុវណ្ណវត្តី
នៅថ្ងៃទី២៨ ខែឧសភា ជារៀងរាល់ឆ្នាំពិភពលោកតែងទិវាអនាម័យនៃការមករដូវរបស់ស្រ្តីក្នុងគោលបំណងបង្ហាញអំពីសារៈសំខាន់នៃការគ្រប់គ្រងអនាម័យស្រ្តីពេលមានរដូវ។ នៅកម្ពុជាការចូលរួមប្រារព្ធទិវានេះដោយមើលឃើញថា ស្រ្តី និងក្មេងស្រីមួយចំនួនហាក់នៅមានភាពអៀនខ្មាស់ ដែលទាមទារឱ្យមានការអប់រំ និងផ្សព្វផ្សាយពីការយល់ដឹងក្នុងកាថែរក្សាអនាម័យពេលមានរដូវឱ្យកាន់តែទូលំទូលាយ ។
លោក ហង់ ហ៊ីប៊ុណ្ណា អ្នកឯកទេសទឹកស្អាត និងអនាម័យរបស់អង្គការភ្លែនអន្តរជាតិកម្ពុជា បានមានប្រសាសន៍ថា តាមការអង្កេតរបស់អង្គការភ្លែននៅក្នុងប្រទេសកម្ពុជាស្រី្ត និងក្មេងស្រីមានបញ្ហាប្រឈមពេលមានរដូវ ជាពិសេសក្នុងអំឡុងពេលកូវីដ-១៩ ដោយមានការខ្មាស់អៀនក្នុងការទិញសំឡីអនាម័យ មានការព្រួយបារម្ភពីស្ថានភាពសេដ្ឋកិច្ចជាប្រចាំនៅក្នុងការចំណាយលើការប្រើប្រាស់សំឡីអនាម័យ និងបម្រាមប្រពៃណីមួយចំនួនដែលមិនល្អ។
លោក ហង់ ហ៊ីប៊ុណ្ណា បានបន្ថែមទៀតថា សារៈសំខាន់នៅក្នុងទិវាអនាម័យស្រ្តីពេលមានរដូវក្នុងឆ្នាំ២០២១នេះ ផ្ដោតទៅលើប្រធានបទបង្កើនសកម្មភាព និងការវិនិយោគទៅលើសុខភាព និងអនាម័យនៃការមករដូវ។
“យើងត្រូវបំបែកភាពស្ងៀមស្ងាត់របស់ស្រ្តី និងក្មេងស្រីឱ្យមានការយល់ដឹងខ្ពស់អំពីសុខភាពអនាម័យពេលមានរដូវជារឿងសំខាន់ដែលមិនមែនជារឿងគួរអៀនខ្មាស់ទៀតឡើយ ហើយត្រូវមានមោទនភាពចំពោះខ្លួនឯងជាស្រ្ដី និងក្មេងស្រីដែលអាចពរពោះបាន ដោយគិតថារាល់ថ្ងៃគឺជាថ្ងៃល្អសម្រាប់ខ្លួនជាស្រ្ដីជានិច្ច”
លោក ហង់ ហ៊ីប៊ុណ្ណា
ដោយឡែកលោក ខុន លីដូ អនុប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទ មានប្រសាសន៍ថា បច្ចុប្បន្នកម្ពុជាបានយកចិត្តទុកដាក់ទៅលើសុខភាពអនាម័យស្រ្ដីពេលមករដូវបានទូលំទូលាយ និងបានចូលរួមកាត់បន្ថយអត្រាបោះបង់ការសិក្សារបស់ក្មេងស្រី។
“ទិវាអនាម័យនៃការមករដូវរបស់ស្ត្រី នឹងជួយផ្សព្វផ្សាយព័ត៌មានសុខភាពនិងអនាម័យទៅកាន់ក្មេងស្រីនៅជនបទឱ្យបានទូលំទូលាយ ជំរុញការយល់ដឹងពីរបៀបប្រើប្រាស់សំឡីអនាម័យ និងរៀបចំទុកដាក់ឱ្យបានល្អ។ នៅពេលក្មេងស្រីពេញវ័យយល់ដឹងពីបញ្ហាអនាម័យទាំងនេះអាចចូលរួមចំណែកជួយពួកគាត់មិនឱ្យបោះបង់ការសិក្សា”
លោក ខុន លីដូ
ជាការកត់សម្គាល់ នៅកម្ពុជាកាលបើនិយាយពីពាក្យ “អនាម័យពេលមានរដូវ” ស្តាប់មួយភ្លែតហាក់ដូចជារឿងថ្មីក្នុងប្រធានបទពិភាក្សា ឬអាចថាជារឿងរបស់ស្ត្រីតែប៉ុណ្ណោះ។ ប៉ុន្តែទិដ្ឋភាពជាក់ស្តែងបញ្ហាសុខភាពស្រ្ដី និងក្មេងស្រីពេលមានរដូវនេះ កំពុងក្លាយជាចំណោទបញ្ហាដ៏សំខាន់ដែលប្រទេសនានាក្នុងពិភពលោកយកចិត្តទុកដាក់ និងកំពុងសិក្សាពីរបៀបគ្រប់គ្រងអនាម័យពេលមានរដូវឱ្យបានប្រសើរសម្រាប់ស្ត្រី និងបរិស្ថាន៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ប្រទេសចិនផ្តល់អាហាររូបករណ៍ជាច្រើនកន្លែងដល់បុគ្គលិកអប់រំកម្ពុជា សម្រាប់ថ្នាក់បរិញ្ញាបត្រជាន់ខ្ពស់ និងបណ្ឌិត
ព័ត៌មានអាហារូបករណ៍, ព្រឹត្តិការណ៍
• 18/04/2023
ក្រោមកម្មវិធីអាហារូបករណ៍របស់ MFCOM សាធារណរដ្ឋប្រជាមានិតចិន បានប្រកាសផ្តល់អាហារូបករណ៍ជាច្រើនកន្លែងដល់មន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រជាន់ខ្ពស់...
ឱកាសសិក្សាជំនាញផលិត និងតុបតែងគ្រឿងសង្ហារឹមឥតគិតថ្លៃ! សម្រាប់បងប្អូនអតីតពលករទេសន្តរប្រវេសន៍
ព័ត៌មានអាហារូបករណ៍, ព្រឹត្តិការណ៍
• 26/11/2025
មជ្ឈមណ្ឌលពលករទេសន្តរប្រវេសន៍មាតុភូមិនិវត្តន៍កម្ពុជា (HRCC) បានប្រកាសជ្រើសរើសសិក្ខាកាមដែលជាអតីតពលករទេសន្តរប្រវេសន៍ ធ្វើមាតុភូមិនិវត្តន៍មកប្រទេសកំណើតវិញ ឱ្យចូលរួមវគ្គបណ្តុះបណ្តាលមុខវិជ្ជាផលិត...
ឱកាសសម្រាប់យុវជននៅខេត្តស្ទឹងត្រែង រៀនជំនាញចំនួន ៩ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 23/07/2026
សម្រាប់យុវជន ក៏ដូចជាសាធារណជនទូទៅរស់នៅក្នុងខេត្តស្ទឹងត្រែង ដែលចង់ទទួលបានជំនាញប្រចាំជីវិត ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តស្ទឹងត្រែង
អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ ៣០០កន្លែង នៅវិទ្យាស្ថានខ្មែរជំនាន់ថ្មី
ព័ត៌មានអាហារូបករណ៍, ព្រឹត្តិការណ៍
• 02/01/2024
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សេន និងសម្តេចកិត្តិព្រឹទ្ធបណ្ឌិត ប្រកាសផ្តល់អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ ចំនួន ៣០០កន្លែង...
អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 21/01/2026
ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...
ឱកាសសិក្សានៅប្រទេសអាល្លឺម៉ង់ពីកម្មវិធីអាហារូបករណ៍ Konrad Adenauer Stiftung ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 17/03/2023
កម្មវិធី Konrad Adenauer Stiftung ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅប្រទេសអាល្លឺម៉ង់សម្រាប់ឆ្នាំសិក្សា២០២៣ ។ ...
វិទ្យាស្ថានពហុបច្ចេកទេសកម្ពុជា ផ្តល់អាហារូបករណ៍ ១០០% និង ៥០% សម្រាប់សិស្សបាក់ឌុបជាប់និទ្ទេស A និង B
ព័ត៌មានអាហារូបករណ៍, ព្រឹត្តិការណ៍
• 17/08/2026
ជាការផ្តល់ឱកាសដល់សិស្សានុសិស្សដែលប្រឡងបញ្ចប់ថ្នាក់ទី១២ ទទួលបាននិទ្ទេសល្អ, វិទ្យាស្ថានជាតិពហុបច្ចេកទេសកម្ពុជា (NPIC) នឹងផ្តល់អាហារូបករណ៍ ១០០% សម្រាប់សិស្សនិទ្ទេស A
អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 29/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...
អាហារូបករណ៍ភាសាអង់គ្លេស សម្រាប់បុគ្គលិកអប់រំ ពីមជ្ឈមណ្ឌលស៊ីមេអូ សិក្សានៅប្រទេសសិង្ហបុរី
ព័ត៌មានអាហារូបករណ៍, ព្រឹត្តិការណ៍
• 11/06/2026
ក្រសួងអប់រំ យុវជន និងកីឡា បានប្រកាសថា មជ្ឈមណ្ឌលស៊ីមេអូ RELC ដែលមានទីតាំងនៅប្រទេសសិង្ហបុរី បានផ្តល់អាហារូបករណ៍ដល់បុគ្គលិកអប់រំ និងគ្រូបង្រៀនឯកទេសភាសាអង់គ្លេស ចំនួន ១៤កន្លែង
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
