AMS Economyទិវាពិភពលោកលាងសម្អាតដៃលើកកម្ពស់ការអប់រំសុខុមាលភាពប្រជាពលរដ្ឋឲ្យមានទម្លាប់លាងដៃនឹងសាប៊ូជាប្រចាំ
ព្រៃវែង – ទិវាពិភពលោកលាងសម្អាតដៃឆ្នាំ២០២១នេះ សម្រាប់ប្រទេសកម្ពុជា បានប្រារព្វធ្វើឡើងនៅបរិវេណសាលាស្រុកពាមរក៍ ខេត្តព្រៃវែង កាលពីថ្ងៃទី១៨ ខែតុលា ឆ្នាំ២០២១ ក្រោមប្រធានបទ “អនាគតយើង ស្ថិតនៅលើដៃរបស់យើង សូមចូលរួមលាងសំអាតដៃទាំងអស់គ្នា!” ដោយមានការចូលរួមពីសំណាក់សិស្សានុសិស្ស លោកគ្រូអ្នកគ្រូ រួមនឹងមន្ត្រីរាជការស្ថាប័នពាក់ព័ន្ធសំខាន់ៗមួយចំនួនផងដែរ។
សារគន្លឹះដើម្បីកត់សម្គាល់ចំណុចសំខាន់ៗ នៃការលាងសម្អាតដៃជាមួយសាប៊ូ គឺ «ការលាងសំអាតដៃគឺជាគន្លឹះសំខាន់មួយសម្រាប់កាត់បន្ថយការរីករាលដាលនៃជំងឺឆ្លងជាច្រើន ដែលបណ្តាលឱ្យមានការប្រឈមរ៉ាំរ៉ៃដល់សុខភាព និងការអភិវឌ្ឍន៍របស់ប្រជាពលរដ្ឋ», « ការលាងសំអាតដៃរួមចំណែកដល់ការកាត់បន្ថយការរីករាលដាលជំងឺកូវីដ-១៩ និងនៅតែជាវិធានការការពារដ៏មានសារៈសំខាន់មួយ កំឡុងពេលយុទ្ធនាការចាក់វ៉ាក់សាំងកំពុងដំណើរការ»,« ការលាងសំអាតដៃ ជាអ្នកការពារ “ជួរមុខ” ក្នុងការបង្ការការផ្ទុះឡើងនូវជំងឺឆ្លងនានា និងកាត់បន្ថយអត្រាកើនឡើងការរីករាលដាលនៃជំងឺឆ្លងនៅពេលបច្ចុប្បន្ននិងនាពេលអនាគត»។
ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ មានប្រសាសន៍ថា ការប្រារព្ធទិវាពិភពលោកលាងសំអាតដៃឆ្នាំនេះ គឺក្នុងគោលបំណងឱ្យការលាងសម្អាតដៃកា្លយជាទម្លាប់ ហើយដើម្បីសម្រេចបានគោលបំណងនេះយើងត្រូវអនុវត្តសកម្មភាពលាងសម្អាតដៃនឹងសាប៊ូជាប្រចាំ ព្រោះថា ដៃរបស់យើងគឺជាអនាគតរបស់យើងទាំងអស់គ្នា ។ ទន្ទឹមនឹងនេះ ដៃជាមធ្យោបាយចម្លងជំងឺគ្រប់ប្រភេទ ហើយថា កង្វះអនាម័យក្នុងការរស់នៅប្រចាំថ្ងៃជាមូលហេតុចម្បងដែលបណ្ដាលឱ្យមានផលប៉ះពាល់ចំពោះសុខភាព និងអាយុជីវិត ។
រដ្ឋលេខាធិការក្រសួងអភិវឌ្ឍន៍ជនបទបន្តថា តាមរយៈការស្រាវជ្រាវរបស់អង្គការសុខភាពពិភពលោកបានឱ្យដឹងថា កុមារដែលរស់ក្នុងមជ្ឈដ្ឋានកង្វះអនាម័យ បង្កឱ្យមានជំងឺរាគរូស ជំងឺផ្លូវដង្ហើមស្រួចស្រាល ឆ្លងជំងឺដង្កូវព្រូន ដែលធ្វើឱ្យកុមារមានភាពស្លេកស្លាំង ឈានទៅកង្វះអាហារូបត្ថម្ភ ប្រឈមនឹងភាពក្រិះក្រិន ដែលបង្អាក់ដល់ការលូតលាស់ទាំងផ្នែករាងកាយ និងបញ្ញាស្មារតីជាដើម ។
“ការលាងសម្អាតដៃនឹងសាប៊ូជាញឹកញាប់មុនពេលបរិភោគអាហារ និងក្រោយពេលបន្ទោរបង់ គឺជាសកម្មភាពងាយស្រួលអនុវត្ត និងចំណាយថវិកាអស់តិចដែលទទួលបានផលចំណេញច្រើន ជាពិសេសអាចកាត់បន្ថយហានិភ័យនៃការឆ្លងជំងឺកូវីដ-១៩”
ឯកឧត្តមបណ្ឌិត ជ្រុន ថេរ៉ាវ៉ាត រដ្ឋលេខាធិការក្រសួងអភិវឌ្ឍន៍ជនបទ ។
ឯកឧត្តម ឌុច គន្ធា អភិបាលរងខេត្តព្រែវែង មានប្រសាសន៍ថា ទិវាពិភពលោកលាងសំអាតដៃ ឆ្នាំ២០២១នេះ ពិតជាមានសារៈសំខាន់ចូលរួមចំណែកលើកកម្ពស់ការយល់ដឹងអំពីសុខុមាលភាពរបស់ប្រជាពលរដ្ឋ នៅតាមសាលារៀន គ្រួសារ និងសហគមន៍ ។ ឯកឧត្តមបញ្ជាក់ថា ទិវាពិភពលោកលាងសម្អាតដៃនឹងសាប៊ូជាសកម្មភាពមានប្រសិទ្ធភាពដើម្បីទប់ស្កាត់ជំងឺឆ្លងកូវីដ-១៩ សំដៅដល់ការការពារអាយុជីវិតប្រជាពលរដ្ឋ សុខភាពសាធារណៈ និងសណ្ដាប់ធ្នាប់សង្គម ព្រមទាំងកាត់បន្ថយឱ្យបានជាអតិបរមានៅផលប៉ះពាល់នៃការឆ្លងជំងឺ ចំពោះវិស័យសង្គម និងសេដ្ឋកិច្ចជាតិ ។
ទន្ទឹមនឹងនេះ លោក ឡុក វុទ្ធី ប្រធានមន្ទីរ អភិវឌ្ឍន៍ជនបទ ខេត្តព្រៃវែង មានប្រសាសន៍ថា ទិវាលាងដៃជាសកល គឺជាទិវាតស៊ូមតិពិភលោកដែលឧទ្ទិសដល់ការបង្កើនការយល់ដឹងអំពីសារៈសំខាន់នៃអនាម័យដៃ ជាពិសេសតាមរយៈការលាងដៃជាមួយសាប៊ូនិងបង្កឱ្យមានការផ្លាស់ប្តូរយូរអង្វែង ពីកម្រិតគោលនយោបាយទៅជាសកម្មភាពដែលជំរុញដោយសហគមន៍ ។
លោកបន្ថែមថា ការលាងដៃជាមួយសាប៊ូពិតជាបានចូលរួមចំណែកយ៉ាងសកម្មក្នុងការលើកកម្ពស់អនាម័យជនបទ ព្រមទាំងការពារដ៏មានប្រសិទ្ធិភាព និងអស់តម្លៃយ៉ាងតិចបំផុតសម្រាប់ការរារាំងទប់ស្កាត់ជំងឺរាគរូស និងជំងឺសួត ។ល។ ដើម្បីកាត់បន្ថយអត្រាមរណៈក្នុងចំណោមកុមារអាយុក្រោម៥ឆ្នាំឱ្យបានដល់ពីរភាគបី នៃអត្រាមរណៈរួមរបស់កុមារ ។
សូមបញ្ជាក់ថា ទិវាពិភពលោកលាងសម្អាតដៃលើកដំបូងត្រូវបានប្រារព្ធធ្វើឡើងនៅថ្ងៃទី១៥ ខែតុលា ឆ្នាំ២០០៨ នៅទូទាំងពិភពលោក។ បច្ចុប្បន្ននេះជារៀងរាល់ឆ្នាំ ទិវាពិភពលោកលាងសម្អាតដៃ ត្រូវបានគេកំណត់យក ថ្ងៃទី១៥ ខែតុលា គឺជាថ្ងៃប្រារព្ធទិវានេះ។ សម្រាប់កម្ពុជា ទិវាដ៏មានសារៈសំខាន់នេះ បានរៀបចំធ្វើឡើងដោយក្រសួងអភិវឌ្ឍន៍ជនបទ និងដៃគូគាំទ្រពាក់ព័ន្ធមួយចំនួនដូចជា អង្គការ PLAN, អង្គការ WaterAid, អង្គការWorld vision, WSSCC Water SHED ventures និងក្រុមហ៊ុនUnilever ។
គួរជម្រាបជូនថា ដើម្បីឱ្យការលាងសំអាតដៃមាននិរន្តរភាពដើម្បីសម្រេចបាន ៩០% នៃប្រជាពលរដ្ឋជនបទមានកន្លែងលាងសំអាតដៃ មានទឹកនិងសាប៊ូ ត្រឹមឆ្នាំ២០២៣ និង ១០០% ត្រឹមឆ្នាំ២០២៥ ក្រសួងអភិវឌ្ឍន៍ជនបទសហការជាមួយដៃគូអភិវឌ្ឍន៍ អង្គការក្រៅរដ្ឋាភិបាល វិស័យឯកជន (ដូចជាសហគ្រាសផលិតសាប៊ូ និងបង្គន់ក្នុងស្រុក …)និងអ្នកពាក់ព័ន្ធសំខាន់ផ្សេងៗទៀត បានធ្វើសកម្មភាពជាច្រើនទាក់ទងនឹងយុទ្ធនាការផ្លាស់ប្តូរឥរិយាបថតាមរយៈការប្រាស្រ័យទាក់ទងលើវិស័យទឹកស្អាត និងអនាម័យ រួមមានការផ្សព្វផ្សាយលើកកម្ពស់ការអនុវត្តអនាម័យការផ្សព្វផ្សាយពីការលាងសំអាតដៃ និងហានិភ័យរបស់ជំងឺកូវីដ-១៩ និងការចូលរួមរបស់សហគមន៍ យុទ្ធនាការអបអរសាទរទិវាពិភពលោកលាងសំអាតដៃ និងកសកម្មភាពផ្សេងៗទៀត ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ១០កន្លែងនៅសាកលវិទ្យាល័យលីមកុកវីង
ព័ត៌មានអាហារូបករណ៍, ព្រឹត្តិការណ៍
• 18/12/2023
ជាឱកាសសម្រាប់សិស្សនិស្សិតដែលកំពុងស្វែងរកអាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យលីមកុកវីង ពេលនេះ គណៈកម្មាធិការអាហារូបករណ៍...
អាហារូបករណ៍សិក្សាផ្នែកធ្វើនាឡិកា នៅមជ្ឈមណ្ឌលបណ្ដុះបណ្ដាលវិជ្ជាជីវៈ ព្រីនស៍ នាឡិកា នៅកម្ពុជា ជំនាន់ទី៣
ព័ត៌មានអាហារូបករណ៍, ព្រឹត្តិការណ៍
• 02/09/2025
មជ្ឈមណ្ឌលបណ្តុះបណ្ដាលវិជ្ជាជីវៈ ព្រីនស៍ នាឡិកានៅកម្ពុជា ប្រកាសផ្ដល់អាហារូបករណ៍ ១០០% សិក្សាផ្នែកផលិតនាឡិកា ជំនាន់ទី៣ សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនសម្រាប់បេក្ខជន បេក្ខនារីដែលមានចំណាប់អារម្មណ៍ផ្នែកផលិតនាឡិកា...
អាហារូបករណ៍ពីកម្មវិធី UWC សម្រាប់សិស្សវិទ្យាល័យឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 03/12/2024
កម្មវិធី United World College (UWC) ប្រកាសផ្ដល់ឱកាសសិក្សាអាហារូបករណ៍ដល់សិស្សកម្ពុជា ដែលកំពុងសិក្សានៅវិទ្យាល័យ ចំនួន៥កន្លែងសម្រាប់ឆ្នាំសិក្សា២០២៥ ដល់ ២០២៧។ អាហារូបករណ៍ផ្ដល់ជូនការសិក្សានៅប្រទេសជប៉ុន ប្រទេសចិន...
អាហារូបករណ៍ស្រាវជ្រាវ សម្រាប់សាស្ត្រាចារ្យ និងសាធារណជនកម្ពុជា នៅសហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 23/10/2026
អាហារូបករណ៍ស្រាវជ្រាវសម្រាប់សាស្ត្រាចារ្យ អ្នកស្រាវជ្រាវ និងសាធារណជនកម្ពុជា សិក្សានៅអាមេរិក
វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និងរចនាក្រាហ្វិច
ព័ត៌មានអាហារូបករណ៍, ព្រឹត្តិការណ៍
• 22/05/2023
ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញបច្ចេកទេសដោយឥតគិតថ្លៃចំនួន ៤៥នាក់។...
ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 02/03/2023
ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង
ព័ត៌មានអាហារូបករណ៍, ព្រឹត្តិការណ៍
• 04/02/2025
ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
