AMS Economyយុវតីកម្ពុជាពីររូបចំណាយពេលមួយថ្ងៃក្នុងតំណែងជាឯកអគ្គរាជទូតអង់គ្លេស និងឯកអគ្គរដ្ឋទូតឥណ្ឌា
ភ្នំពេញ – ឯកអគ្គរាជទូតមួយថ្ងៃ កញ្ញា ហ្គិច លីម ទទួលតួនាទីរបស់ឯកអគ្គរាជទូតពីលោកជំទាវ ធីណា រ៉េដស ដែលជាឯកអគ្គរាជទូតអង់គ្លេសប្រចាំនៅកម្ពុជា និងកញ្ញា ការី ទទួលតួនាទីឯកអគ្គរដ្ឋទូតរបស់ លោកជំទាវ Devyani Khobragade ជាឯកអគ្គរដ្ឋទូតឥណ្ឌាប្រចាំកម្ពុជា កាលពីថ្ងៃពុធកន្លងទៅ។ យុវនារីទាំងពីររូបនេះ ក៏បានធ្វើជាសហប្រធាននៃកិច្ចពិភាក្សា ស្តីពី “ការងារដែលស្ត្រីចង់បាននៅឆ្នាំ២០៣០” ដោយមានការចូលរួមពី លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី លោកជំទាវ ជា សេរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា ឯកអគ្គរាជទូតអង់គ្លេសប្រចាំកម្ពុជា ឯកអគ្គរដ្ឋទូតឥណ្ឌាប្រចាំនៅកម្ពុជា និងនាយិកាប្រចាំប្រទេសរបស់អង្គការភ្លែនអន្ដរជាតិកម្ពុជា។
កញ្ញា ហ្គិច លីម ជានិស្សិត ទទួលតួនាទីជាឯកអគ្គរាជទូតអង់គ្លេសប្រចាំកម្ពុជា និយាយថា នាងចាប់អារម្មណ៍លើការពង្រឹងអំណាចរបស់ក្មេងស្រី ហើយគិតថាក្មេងស្រីត្រូវបានគេដាក់សម្ពាធឱ្យចូលទៅក្នុងសកម្មភាពផ្លូវភេទនៅក្មេងវ័យ មិនទទួលបានការលើកទឹកចិត្តឱ្យបន្តការសិក្សា និងចាប់យកអាជីពក្នុង វិស័យ STEM ហើយបង្វែរឱ្យផ្តោតលើចំណុចដែលមិនចាំបាច់នៃរូបរាងកាយ ដូចជាស្បែកសជាដើម។
យុវតីវ័យ ១៧ឆ្នាំ កញ្ញា ហ្គិច លីម និយាយថា នាងមានក្ដីសុបិន្តចង់និយាយទៅកាន់ស្ត្រីដែលទទួលបានជោគជ័យខ្ពស់ និងស្វែងរកផ្លូវដែលនាំពួកគាត់ទៅកន្លែងដែលពួកគេទទួលបានជោគជ័យ។ ទន្ទឹមគ្នានេះ នាងចង់ដឹងពីរបៀបដែលស្រ្តីអាចដោះស្រាយជាមួយនឹងការរើសអើងដែលពួកគាត់បានប្រឈម។
“ខ្ញុំក៏ចង់ឱ្យក្មេងស្រីធម្មតាជាច្រើនរូបផ្សេងទៀត មើលឃើញនូវអ្វីដែលអស្ចារ្យកំពុងរង់ចាំ ប្រសិនបើពួកគេហ៊ានដើរចេញពីកន្លែងដែលងាយស្រួលដូចជារូបខ្ញុំបានធ្វើ”
កញ្ញា ហ្គិច លីម
លោកជំទាវ ធីណា រ៉េដស ឯកអគ្គរាជទូតអង់គ្លេសប្រចាំកម្ពុជាមានប្រសាសន៍ថា វិសមភាពយេនឌ័រត្រូវបានពង្រឹង ជាពិសេសចំពោះស្ត្រី និងកុមារី ដែលប្រឈមមុខនឹងការរើសអើង ដោយសារតែអាយុ សាសនា ពិការភាព ភេទ ពូជសាសន៍ ឬភាពខុសគ្នាផ្សេងទៀតរបស់ពួកគេ។ ឯកអគ្គរាជទូត ធីណាបានបន្តថា នៅពេលមានការវិនិយោគលើស្ត្រី ជាអ្នកបម្រើរការផ្សេងៗ ជាអ្នកដឹកនាំ សហគ្រិន និងអ្នកប្រើប្រាស់នៅក្នុងបរិបទសេដ្ឋកិច្ចដែលកំពុងរីកចម្រើន ប្រទេសទាំងមូលទទួលបានអត្ថប្រយោជន៍ បង្កើនល្បឿន សេរីភាព និងឯករាជ្យភាពសេដ្ឋកិច្ច និងផលប្រយោជន៍សេដ្ឋកិច្ចជាតិ។
“ថ្ងៃនេះ ខ្ញុំពិតជាមានមោទកភាពក្នុងការដឹកនាំគំនិតផ្តួចផ្តើមមួយ ដែលស្រ្តី និងក្មេងស្រីត្រូវបានបំផុសគំនិត និងផ្តល់សិទ្ធិអំណាចឱ្យក្លាយជាអ្នកដឹកនាំនាពេលអនាគត។ ខ្ញុំទន្ទឹងរង់ចាំមើលយុវតីកម្ពុជាជាច្រើនរូបទៀតបន្តជំរុញឱ្យមានការចូលរួមដោយសមភាពក្នុងសង្គមគ្រប់ផ្នែក និងអាចសម្រេចបាននូវអាជីពក្នុងក្តីស្រមៃរបស់ពួកគេ”
ឯកអគ្គរាជទូតអង់គ្លេសប្រចាំកម្ពុជា
ក្នុងឱកាសនោះ កញ្ញា ការី មកពីខេត្តរតនគិរី មានក្តីសុបិនចង់ក្លាយជាអ្នកដឹកនាំដ៏សំខាន់ និងជាឯកអគ្គរាជទូតរបស់ស្ថានទូតមួយ។ នាងបានធ្វើការស្ម័គ្រចិត្ដ និងចូលរួមជាមួយ អង្គការភ្លែនអន្តរជាតិកម្ពុជា ដើម្បីដោះស្រាយបញ្ហាជាច្រើន រួមទាំងការរៀបការមុនអាយុ ការរៀបការដោយបង្ខំ និងការមានគភ៌ក្នុងចំណោមក្មេងស្រីជនជាតិដើមភាគតិច។
យុវតីវ័យ ១៨ឆ្នាំ កញ្ញា ការី និយាយថា នាងចង់លើកកម្ពស់ភាពក្លាហានរបស់ក្មេងស្រី ក៏ដូចជាស្វែងយល់ពីតួនាទីរបស់ឯកអគ្គរដ្ឋទូត និងអ្នកដឹកនាំសំខាន់ៗនៅក្នុងស្ថានទូត ដើម្បីស្វែងយល់ពីការទទួលខុសត្រូវរបស់ឯកអគ្គរដ្ឋទូតម្នាក់។
“ខ្ញុំចង់លើកទឹកចិត្តដល់ក្មេងស្រីជនជាតិដើមភាគតិច និងក្មេងស្រីដទៃទៀតក្នុងខេត្តរតនគិរី ឱ្យមានក្តីសុបិនធំ និងចក្ខុវិស័យទាក់ទងនឹងការដឹកនាំនៅក្នុងសហគមន៍ជនជាតិដើមភាគតិចរបស់ពួកគេ ហើយខ្ញុំចង់ជំរុញកុមារីឱ្យក្លាយជាអ្នកដឹកនាំនាពេលអនាគត”
កញ្ញា ការី
ក្នុងនាមជាឯកអគ្គរដ្ឋទូតមួយថ្ងៃ ការី បានចែករំលែកការបំផុសគំនិតរបស់នាងទៅកាន់ស្ថានទូតឥណ្ឌា និងសាធារណៈជនទូទៅថា នាងចាប់អារម្មណ៍ក្នុងការរៀបចំយុទ្ធនាការលើកកម្ពស់ការអប់រំរបស់ក្មេងស្រី និងក្តីសុបិនរបស់ក្មេងស្រីដើម្បីលើកកម្ពស់ការយល់ដឹងអំពីផលប៉ះពាល់នៃអាពាហ៍ពិពាហ៍នៅក្មេងវ័យ ផ្លាស់ប្តូរផ្នត់គំនិតរបស់ឪពុកម្តាយ និងលើកកម្ពស់ការយល់ដឹងរបស់ស្ត្រីវ័យក្មេងអំពីសុខភាពបន្តពូជ។
ឯកអគ្គរដ្ឋទូត Devyani បញ្ជាក់បន្ថែមថា ឯកអគ្គរដ្ឋទូតមួយថ្ងៃគឺជាគំនិតផ្តួចផ្តើមដែលលើកទឹកចិត្តស្ត្រីវ័យក្មេងឱ្យក្លាយជាអ្នកដឹកនាំ និងជឿលើការផ្លាស់ប្តូរ។ លោកស្រី ជឿថាសារៈសំខាន់នៃការអប់រំសម្រាប់ស្ត្រី និងផ្នត់គំនិតឆ្ពោះទៅរកសមភាពគឺផ្តើមចេញពីគ្រួសារ។ ក្នុងនោះ ឥទ្ធិពលនៃការបង្ហាញភាពជាគំរូ គឺមានសារៈសំខាន់ខ្លាំងណាស់ ដែលស្ត្រីមិនត្រឹមតែត្រូវបានគេមើលឃើញថាជាអ្នកដឹកនាំក្នុងការផ្លាស់ប្តូរទេ តែជាអ្នកដឹកនាំតួនាទីជាច្រើនទៀត។
“ខ្ញុំមានមោទកភាពជាតំណាងឱ្យប្រទេសរបស់ខ្ញុំក្នុងនាមជាឯកអគ្គរដ្ឋទូតស្ត្រី និងការខិតខំប្រឹងប្រែងរបស់ខ្ញុំ ដែលស្ត្រីជាច្រើននាក់ទៀតគួរតែមានឱកាសទាំងនេះផងដែរ។ ខ្ញុំត្រូវបានបំផុសគំនិតដោយសម្រង់សម្តីរបស់មេដឹកនាំខ្ពស់បំផុតម្នាក់នៃប្រវត្តិសាស្ត្រឥណ្ឌា B.R. Ambedkar ដែលបាននិយាយថា “អ្នកអាចប្រាប់ពីស្ថានភាពនៃប្រទេសមួយដោយមើលស្ថានភាពរបស់ស្ត្រីក្នុងប្រទេសនោះ”
ឯកអគ្គរដ្ឋទូត Devyani
ដោយឡែក លោកស្រី គ្វីននេត វ៉ង នាយិកាប្រចាំប្រទេសនៃអង្គការភ្លែនអន្តរជាតិប្រចាំកម្ពុជា មានប្រសាសន៍ថា គំនិតផ្តួចផ្តើម ឯកអគ្គរដ្ឋទូតមួយថ្ងៃនេះ គឺស្របគ្នានឹងកម្មវិធី ក្មេងស្រីកាន់តួនាទីជំនួស របស់អង្គការភ្លែនអន្តរជាតិ ដែលអ្នកដឹកនាំអនុញ្ញាតឱ្យក្មេងស្រី និងស្រ្តីវ័យក្មេងទទួលបន្ទុកការងារប្រចាំថ្ងៃ។ កម្មវិធីនេះ បង្កើតឱកាសសម្រាប់ក្មេងស្រីក្នុងការចែករំលែកគំនិត និងការអំពាវនាវរឱ្យធ្វើសកម្មភាពនៅកន្លែងដែលពួកគេកម្របានឃើញ ដើម្បីឱ្យក្មេងស្រីទាំងអស់អាចរៀនសូត្រ ដឹកនាំ សម្រេចចិត្ត និងអភិវឌ្ឍ។
“អង្គការភ្លែនអន្តរជាតិប្រចាំកម្ពុជាមានសេចក្តីសោមនស្សរីករាយដែលបានសហការជាមួយឯកអគ្គរាជទូតអង់គ្លេស ធីណា រ៉េដស និងឯកអគ្គរដ្ឋទូតឥណ្ឌា Devyani Khobragade និងបានផ្តល់ឱកាសដល់យុវតីកម្ពុជាពីររូបដើម្បីធ្វើជាឯកអគ្គរដ្ឋទូតសម្រាប់ថ្ងៃនេះ”
លោកស្រី គ្វីននេត វ៉ង
គួរជម្រាបជូនថា ឯកអគ្គរដ្ឋទូតមួយថ្ងៃប្រចាំឆ្នាំ២០២២ គឺជាគំនិតផ្តួចផ្តើមដោយស្ថានទូតអង់គ្លេស និងស្ថានទូតឥណ្ឌាប្រចាំកម្ពុជា។ ជាឱកាសសម្រាប់យុវតីកម្ពុជា ដើម្បីមើលឃើញពិភពលោកនៃវិជ្ជាជីវៈការទូតតាមរយៈក្រសែភ្នែករបស់ឯកអគ្គរាជទូតស្ត្រី និងសម្រាប់ឯកអគ្គរាជទូតដើម្បីទទួលបានការយល់ដឹងកាន់តែច្រើន និងការចូលរួមកោតសរសើរចំពោះទស្សនវិស័យរបស់យុវតីកម្ពុជា។ កម្មវិធីក៏មានគោលបំណងដើម្បីអបអរសាទរសមភាពយេនឌ័រ និងភាពជាអ្នកដឹកនាំរបស់ស្ត្រីក្នុងការបំពេញបេសកកម្មប្រចាំថ្ងៃរបស់ពួកគេ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់នៅចក្រភពអង់គ្លេស
ព័ត៌មានអាហារូបករណ៍, ព្រឹត្តិការណ៍
• 17/04/2025
កម្មវិធីអាហារូបករណ៍ Commonwealth Distance Learning Scholarship 2025-2026 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យផ្សេងៗនៃចក្រភពអង់គ្លេស សម្រាប់ឆ្នាំសិក្សា២០២៥-២០២៦។
ក្រសួងប្រៃសណីយ៍ ប្រកាសផ្តល់អាហារូបករណ៍ទេពកោសល្យឌីជីថលតេជោ ២៥កន្លែង លើជំនាញ «វិទ្យាសាស្ត្រកុំព្យូទ័រកង់ទិច» នៅសាកលវិទ្យាល័យ AUPP
ព័ត៌មានអាហារូបករណ៍, ព្រឹត្តិការណ៍
• 07/08/2026
ដើម្បីឆ្លើយតបទៅនឹងការវិវត្តយ៉ាងរហ័សនៃបច្ចេកវិទ្យាឌីជីថល និងការអភិវឌ្ឍមូលធនមនុស្សក្នុងយុគសម័យថ្មី និងក្នុងគោលបំណងជំរុញកំណើនសេដ្ឋកិច្ច ការប្រកួតប្រជែងផ្នែកបច្ចេកវិទ្យា
អាហារូបករណ៍សាច់ប្រាក់ពីធនាគារ Maybank សម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 26/03/2025
កម្មវិធីអាហារូបករណ៍ Maybank Scholarship Programme 2025 ប្រកាសផ្ដល់អាហារូបករណ៍សាច់ប្រាក់សម្រាប់និស្សិតដែលកំពុងសិក្សានៅសាកលវិទ្យាល័យមួយចំនួននៅព្រះរាជាណាចក្រកម្ពុជា។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 13/01/2025
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...
អាហារូបករណ៍ ១០០% រៀនជំនាញ វិស្វកម្មឧស្សាហកម្ម ១២០កន្លែង នៅវិទ្យាស្ថានជាតិពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 01/09/2026
ក្រោមគម្រោងអភិវឌ្ឃន៍មុខជំនាញសម្រាប់សេដ្ឋកិច្ចនារពេលអនាគត (SFESDP) វិទ្យាស្ថានជាតិពហុបច្ចេកទេសតេជោសែន នឹងផ្តល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យបច្ចេកវិទ្យាប៉េកាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/12/2024
តាមរយៈសាកលវិទ្យាល័យភូមិន្ទភ្នំពេញ បានប្រកាសអំពីអាហារូបករណ៍រដ្ឋាភិបាលចិន ដែលនឹងជ្រើសរើសនិស្សិតកម្ពុជាទៅបន្តការសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យបច្ចេកវិទ្យាប៉េកាំង សម្រាប់ឆ្នាំសិក្សា២០២៥។
អាហារូបករណ៍ថ្នាក់បរិញ្ញាបត្រ ៤០កន្លែង សិក្សានៅសាកលវិទ្យាល័យ Ton Duc Thang ប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 02/11/2026
សាកលវិទ្យាល័យ Ton Duc Thang ប្រទេសវៀតណាម នឹងផ្តល់អាហារូបករណ៍ចំនួន ៤០កន្លែង ដល់និស្សិតកម្ពុជា សម្រាប់ការសិក្សាថ្នាក់បរិញ្ញាបត្រ
ឱកាសសិក្សាអាហារូបករណ៍ចំនួន២៣០កន្លែងនៅវិទ្យាស្ថានខ្មែរជំនាន់ថ្មី ពី ស.ស.យ.ក រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 16/11/2023
ឱកាសសិក្សាអាហារូបករណ៍ថ្នាក់បរិញ្ញាបត្ររង ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅវិទ្យាស្ថានខ្មែរជំនាន់ថ្មី ចំនួន២៣០កន្លែង ពីសហភាពសហព័ន្ធយុវជនកម្ពុជារាជធានីភ្នំ...
ឱកាសអាហារូបករណ៍ថ្នាក់អនុបណ្ឌិត បរិញ្ញាបត្រ និងបរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 27/09/2024
សហភាពសហព័ន្ធយុវជនកម្ពុជារាជធានីភ្នំពេញ (ស.ស.យ.ក. រាជធានីភ្នំពេញ) ក្រោមកិច្ចសហប្រតិបត្តិការជាមួយវិទ្យាស្ថានខ្មែរជំនាន់ថ្មី ផ្តល់ជូនអាហារូបករណ៍ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និងថ្នាក់បរិញ្ញាបត្ររង ចំនួន...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
