AMS Economyយុវតីពីររូបយកពេលទំនេរសរសេរសៀវភៅរឿងអប់រំខ្លីៗ ដើម្បីលើកកម្ពស់ការអានតាមឌីជីថលរបស់កុមារ
ស្របពេលដែលប្រជាជនសឹងតែគ្រប់រូបមានទូរស័ព្ទស្មាតហ្វូនប្រើប្រាស់ និងបានវិវត្តទៅកាន់សម័យកាលឌីជីថល វាជារឿងមួយកាន់តែងាយស្រួលសម្រាប់កុមារក្នុងការធំធាត់ឡើងជាមួយបច្ចេកវិទ្យា ក៏ប៉ុន្តែឌីជីថលគឺជាអាវុធមុខពីរដែលអាចជួយឱ្យអ្នកប្រើប្រាស់រីកចម្រើនបាន ក៏អាចធ្វើឱ្យអ្នកប្រើប្រាស់ខាតបង់បានដូចគ្នា។ ជាពិសេស អ្នកប្រើប្រាស់ដែលមិនបានយល់អំពីហានិភ័យនៃឌីជីថល តួយ៉ាងដូចជាកុមារតូចៗ គឺជាក្រុមដែលងាយប្រឈមក្នុងការក្លាយខ្លួនជាជនរងគ្រោះដោយឪពុកម្ដាយមិនបានដឹងជាមុន។
ស្របទៅតាមរបត់នៃសង្គមបច្ចុប្បន្ន អង្គការមូនិធិអាស៊ី បានសហការជាមួយ ក្រុមហ៊ុន Starbucks កម្ពុជា ក្នុងការបង្កើតបណ្ណាល័យអនឡាញមួយឈ្មោះថា «តោះអាន-Let’s Read» ដើម្បីលើកកម្ពស់ការអានរបស់កុមារក្នុងសម័យឌីជីថលនេះ។ ការសហការនេះ ក៏ដើម្បីបង្វែរការចាប់អារម្មណ៍របស់កុមារពីការលេងកម្សាន្ដ លើប្រព័ន្ធអ៊ីនធឺណេត មកជាការអានរឿងដែលមានរូបភាពទាក់ទាញជាច្រើនក្បាល។
យុវតីពីររូបដែលបានចូលរួមសរសេររឿងអប់រំសម្រាប់កុមារតូច និងដែលបានសម្ពោធស្នាដៃថ្មីថ្មោង នេះជាផ្លូវការ កាលពីថ្ងៃទី១៨ ខែវិច្ឆិកា កន្លងទៅ បានបង្ហាញនូវអារម្មណ៍រំភើបក្នុងការក្លាយខ្លួនជាចំណែក មួយជួយទៅដល់កុមារតូចៗ។
បច្ចុប្បន្ន កញ្ញាជាអ្នកបង្កើតវេទិកាឱ្យក្រុមហ៊ុនឌីជីថលមួយ ហើយឆ្លៀតពីការងារស្នូលនេះ កញ្ញាបានចូលរួមសរសេរឱ្យបណ្ណាល័យឌីជីថល «តោះអាន» តាំងពីឆ្នាំ ២០១៩ ប៉ុន្តែសម្រាប់ឆ្នាំ ២០២២នេះ ស្នាដៃថ្មីមួយទៀតរបស់កញ្ញាទទួលបានការរៀបចំបើកសម្ពោធជាផ្លូវការ។
«ប៉ូប៉ូ អ្នកច្នៃម៉ូតសក់ដ៏ល្បី» គឺជាស្នាដៃនិពន្ធរបស់យុវតី អម្រិន ពិសី ដែលសព្វថ្ងៃកញ្ញាមានអាយុ ២៤ឆ្នាំ ជានិស្សិតដែលបញ្ចប់ការសិក្សាពីវិទ្យាស្ថានភាសាបរទេស។ រឿងនេះ បាននិយាយអំពីកូនចៀមមួយក្បាលដែលនាងមានពិការភាពផ្នែក គរថ្លង់ មិនអាចសន្ទនាជាមួយមិត្តដទៃទៀតបាន។ ប៉ុន្តែ ប៉ូប៉ូ មានជំនាញពីកំណើតមួយគឺពូកែច្នៃម៉ូតសក់ ដែលជំនាញនេះហើយបានធ្វើឱ្យមិត្តភក្កិដទៃ ទៀតចាប់អារម្មណ៍នាង និងសុំឱ្យនាងជួយច្នៃម៉ូតសក់ឱ្យគ្រប់គ្នា។ ក្រោយបានស្គាល់ពីចំនុចខ្លាំង របស់ខ្លួន ប៉ូប៉ូ បានបង្កើតសុបិន្ដទៅថ្ងៃអនាគតមួយគឺ ក្លាយជាអ្នកច្នៃម៉ូតសក់។
បើតាមកញ្ញា ពិសី ដែលជាម្ចាស់ស្នាដៃ រឿងនេះគឺចង់ផ្ដល់កម្លាំងចិត្តដល់កុមារដែលមានពិការភាព ជាពិសេសក្មេងស្រី ឱ្យបន្តខិតខំរៀនសូត្រ និងហ៊ានបង្ហាញអ្វីដែលជាចំណុចខ្លាំងរបស់ខ្លួន។
កញ្ញា អម្រិន ពិសី ៖
“សម្រាប់រឿងនេះដែរ ខ្ញុំចង់ប្រាប់ទៅក្មេងៗដែលមានពិការភាពគរថ្លង់ ថាការដែលមានពិការភាពនេះមិនមែនជាឧបសគ្គក្នុងការប្រាស្រ័យទាក់ទងជាមួយនឹងអ្នកដទៃទេ ហើយចង់ប្រាប់កុមារីដែលមានពិការភាពកថ្លង់ កុំបាក់ទឹកចិត្ត រឹងមាំ ហើយស្វែងរកទេពកុសល្យរបស់ខ្លួនឯង ដើម្បីជួយជាប្រយោជន៍ដល់អនាគតរបស់ខ្លួន”
ម៉ិល សុភាវត្តី គឺជាឈ្មោះរបស់អ្នកនិពន្ធវ័យក្មេងម្នាក់ទៀត ដែលកញ្ញាទើបមានអាយុ ២៣ ឆ្នាំ ជានិស្សិតបញ្ចប់ការសិក្សាផ្នែកស្ថិតិវិទ្យា ពីសកលវិទ្យាល័យភូមិន្នភ្នំពេញ។ សព្វថ្ងៃផងដែរ កញ្ញាកំពុង បម្រើការងារនៅធនាគារជីបម៉ុង។ មិនខុសគ្នាប៉ុន្មានពីកញ្ញា ពិសី យុវតីរូបនេះក៏មានស្នាដៃ ដែលត្រូវបានដាក់សម្ពោធរួមគ្នាមួយផងដែរ។ ស្នាដៃរឿងអប់រំខ្លីរបស់កញ្ញាគឺ «នូនូ កូនខ្លាឃ្មុំញី» ដែលរឿងនេះនិយាយពីកូនខ្លាឃ្មុំញីមួយចូលចិត្តកីឡាជិះកង់ភ្នំ។ ថ្ងៃមួយកូនខ្លាឃ្មុំញីនេះបានចូលរួមប្រកួតជិះកង់ឡើងភ្នំ ដែលបេក្ខនារីគឺមានតែ រូបនាងម្នាក់គត់។ នូនូ ទទួលបានការមាក់ងាយពីខ្លាឃ្មុំឈ្មោលផ្សេងទៀត ដែលធ្វើឱ្យនាងបាក់ទឹកចិត្ត និងចង់បោះបង់ចោលការប្រកួត។ ប៉ុន្តែដោយទទួលបានកម្លាំងចិត្តពីកូនខ្លាឃុំញីមួយទៀតដែលជាអ្នកទស្សនា ទើបនាងសម្រេចចិត្តបន្តការប្រកួត និងខិតខំហ្វឹកហាត់រហូតទទួលបានជ័យជំនះ និងការកោតសរសើរពីខ្លាឃ្មុំឈ្មោលឯទៀត។
កញ្ញា ម៉ិល សុភាវត្តី បានរៀបរាប់ពីអត្ថន័យអប់រំថា៖
“រឿងនេះ គឺលើកទឹកចិត្តដល់កុមារីដែលមានក្ដី ស្រមៃចង់ធ្វើការងារមួយដែលមិនសូវមានក្មេងស្រីផ្សេងធ្វើ…ម្យ៉ាងទៀតចង់លើកទឹកចិត្តពួកគេកុំឱ្យ បោះបង់ដោយគ្រាន់តែពាក្យចំអក លេងសើច។”
ទាំងពីរស្នាដៃនេះ គឺស្ថិតក្រោមមូលបទ «ផ្ដល់អំណាចដល់ស្ត្រី និងកុមារដែលមានពិការភាព» និងត្រូវបានដាក់ឱ្យអានតាមឌីជីថលលើគេហទំព័រផ្លូវការរបស់ «តោះអាន-Let’s Read»។ រាល់ស្នាដៃនិពន្ធ ទាំងអស់ ក៏ត្រូវបានឆ្លងកាត់ផងដែរនូវការពិនិត្យខ្លឹមសារឱ្យស្របតាមការអប់រំកុមារតូច ព្រមទាំងមាន ការរចនាជាគំនូរយ៉ាងទាក់ទាញផងដែរ។
អ្នកស្រី Meloney Lindberg ដែលជាតំណាងមូនិធិអាស៊ីប្រចាំកម្ពុជាបានឱ្យដឹងថា បណ្ណាល័យឌីជីថលមួយនេះគឺដាក់ឱ្យប្រើប្រាស់ដោយឥតគិតថ្លៃសម្រាប់អ្នកអានដំបូងដែលមានអាយុពី ៥ ទៅ១០ឆ្នាំ។ បណ្ណាល័យមួយនេះមានសៀវភៅចំនួន ៩ពាន់ក្បាលក្នុង ៥១ភាសាផ្សេងគ្នា ក្នុងនោះ សៀវភៅជាង ៥០០ក្បាលជាភាសាខ្មែរ។
តំណាងអង្គការមូនិធិអាស៊ីរូបនេះបន្ថែមថា ៖
“ជាការសហការជាមួយក្រុមហ៊ុន starbucks យើងរួម គ្នាធ្វើក្រោមហេតុផលសំខាន់មួយ គឺការលើកកម្ពស់វប្បធម៌នៃការអានឱ្យកាន់តែច្រើននៅប្រទេសកម្ពុជា ដោយចាប់ផ្ដើមពីក្រុមកុមារតូចៗទៅ។”
ក្នុងនោះអ្នកស្រី ក៏បង្ហាញការសាទរចំពោះយុវតីទាំងពីររូបដែលបានសម្ពោធស្នាដៃខ្លួនជាផ្លូវការ និង បន្តជំរុញឱ្យយុវជន យុវតីគ្រប់រូបចូលរួមក្នុងសកម្មភាពសង្គមផ្សេងៗ ដើម្បីជាប្រយោជន៍ដល់ការ អភិវឌ្ឍជាតិទាំងមូល៕
អត្ថបទដោយ៖ កែវ បុស្បា
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
ព័ត៌មានអាហារូបករណ៍, ព្រឹត្តិការណ៍
• 25/04/2024
វិទ្យាស្ថានពហុបច្ចេកទេសភូមិភាគឦសាន បានប្រកាសជ្រើសរើសយុវជនចំនួន២៤០នាក់ ចូលរៀនជំនាញបច្ចេកទេស និងវិជ្ជាជីវៈ ១ សិក្សាក្នុងរយៈពេល៤ខែ ក្នុងកម្មវិធី១.៥លាននាក់ ។
ឱកាសទទួលបានអាហារូបករណ៍ពេញលេញនៅសាកលវិទ្យាល័យ Victoria of Wellington ប្រទេសនូវែលហ្សេឡង់
ព័ត៌មានអាហារូបករណ៍, ព្រឹត្តិការណ៍
• 03/04/2025
កម្មវិធីអាហារូបករណ៍ Victoria University Of Wellington Scholarships ប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ សម្រាប់ឆ្នាំសិក្សា២០២៥។
ឱកាសអាហារូបករណ៍ជំនាញវិស្វកម្មអគ្គិសនី សិក្សានៅប្រទេសចិន ពីក្រុមហ៊ុន China Southern Power Grid
ព័ត៌មានអាហារូបករណ៍, ព្រឹត្តិការណ៍
• 13/06/2025
សម្រាប់សិស្សនិស្សិតកម្ពុជាដែលមានបំណងចង់បន្តការសិក្សាថ្នាក់បរិញ្ញាបត្រ ក៏ដូចជាថ្នាក់អនុបណ្ឌិត ទៅលើជំនាញវិស្វកម្មអគ្គិសនី នៅប្រទេសចិន
អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ
ព័ត៌មានអាហារូបករណ៍, ព្រឹត្តិការណ៍
• 22/01/2025
តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង
ព័ត៌មានអាហារូបករណ៍, ព្រឹត្តិការណ៍
• 04/12/2023
វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 12/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...
រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅវិទ្យាស្ថានពហុបច្ចេកទេសខេត្តព្រះវិហារ
ព័ត៌មានអាហារូបករណ៍, ព្រឹត្តិការណ៍
• 05/03/2026
សម្រាប់ឆ្នាំ២០២៦នេះ វិទ្យាស្ថានពហុបច្ចេកទេសខេត្តព្រះវិហារ បានប្រកាសជ្រើសរើសសិស្សទាំងពីរភេទ (អាយុចាប់ពី១៥-៣៥ឆ្នាំ) ឱ្យចូលរៀនឥតបង់ថ្លៃ លើជំនាញចំនួន៦ ដែលកំពុងមានតម្រូវការទីផ្សារការងារ។
ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធី ICESCO Young Professionals នៅប្រទេសម៉ារ៉ុក
ព័ត៌មានអាហារូបករណ៍, ព្រឹត្តិការណ៍
• 15/01/2025
កម្មវិធី ICESCO Young Professionals នៃ អង្គការអប់រំ វិទ្យាសាស្ត្រ និងវប្បធម៌ឥស្លាមពិភពលោក (The Islamic World Educational, Scientific and Cultural Organization) ប្រកាសជ្រើសរើសនិស្សិតសិក្សាអាហារូបករណ៍ថ្នាក់ឧត្ដមសិក្សា...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/12/2023
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
