AMS Economyអតីតសិស្សនិទ្ទេស A បីរូប ចែករំលែកបទពិសោធន៍ក្នុងការត្រៀមខ្លួនសម្រាប់ការប្រឡងបាក់ឌុប
ភ្នំពេញ – ក្រសួងអប់រំ យុវជន និង កីឡា បានកំណត់រៀបចំការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) សម្រាប់ឆ្នាំសិក្សា ២០២០-២០២១ នៅថ្ងៃទី២៧ ខែធ្នូ ឆ្នាំ ២០២១ ខាងមុខនេះ ។ ទន្ទឹមនឹងនេះ សម្រាប់សិស្សដែលកំពុងរៀននៅថ្នាក់ទី១២ ពិតជាមានការព្រួយបារម្ភអំពីការប្រឡងនេះ បើទោះបីជាកន្លងមកមានការសិក្សាតាមប្រព័ន្ធអនឡាញក៏ដោយ ។ តែយ៉ាងណាកុំបារម្ភអី AMS បានសួរនាំអតីតសិស្សនិទ្ទេស A ចំនួនបីរូប ដោយពួកគេបានចែករំលែកបទពិសោធន៍ត្រៀមខ្លួនមួយខែមុនប្រឡងបាក់ឌុប ដើម្បីជំនួយស្មារតីដល់ប្អូនៗថ្នាក់ទី១២ ក្នុងថ្ងៃប្រឡងបាក់ឌុបខាងមុខឱ្យទទួលបាននិទ្ទេសល្អ ។
កញ្ញា សេង រដ្ឋសេដ្ឋាមុនី អតីតសិស្សនិទ្ទេស A ឆ្នាំ២០១៨ នៅសាលាប៊ែលធី អន្តរជាតិ សាខាស្ទឹងមានជ័យ, សព្វថ្ងៃកញ្ញាជាអ្នកបង្កើតមាតិកាលើបណ្ដាញសង្គម និងជានិស្សិតឆ្នាំទី៤ នៅសាកលវិទ្យាល័យអាមេរិកាំងភ្នំពេញ ។ សម្រាប់ រដ្ឋសេដ្ឋាមុនី មុនប្រឡងបាក់ឌុបមួយខែ សិស្សថ្នាក់ទី១២ត្រូវតែបែងចែកកាលវិភាគរៀនឱ្យបានត្រឹមត្រូវ ។ សម្រាប់បទពិសោធន៍របស់កញ្ញា នៅសប្ដាហ៍ទី១ សិស្សគួរតែព្យាយាមធ្វើលំហាត់ដែលមានក្នុងសៀវភៅពុម្ភរបស់ក្រសួងតាមមុខវិជ្ជានីមួយៗ ពីព្រោះសំហាត់ទាំងនោះមានសារសំខាន់សម្រាប់ប្រឡងសញ្ញាបត្រមធ្យមសិក្សាទុតិយភូមិ ។
ចំពោះសប្ដាហ៍ទី២ និងទី៣ សិស្សគួរយកវិញ្ញាសាចាស់ៗយកមកហាត់ធ្វើរាល់ថ្ងៃ ហើយត្រូវកំណត់ម៉ោង និងមិនមើលចម្លើយនោះឡើយ ។ ចំណែកនៅសល់មួយសប្ដាហ៍រហូតដល់ថ្ងៃប្រឡង គឺនៅតែបន្តយកវិញ្ញាសាចាស់ៗមកសាកល្បងធ្វើដដែល តែសិស្សមិនត្រូវព្យាយាមដាក់សម្ពាធលើខ្លួនឯង ឬខំប្រឹងសម្រុករៀនខ្លាំងពេកពេលជិតថ្ងៃប្រឡងោះឡើយ ។
“សិស្សប្អូនដែលប្រឡងថ្នាក់ទី១២ ឆ្នាំនេះ ពិតជាពិបាកដោយសាររៀនក្នុងថ្នាក់ផង រៀនតាមអនឡាញផង ប៉ុន្តែត្រូវជឿជាក់លើខ្លួនឯងថាពិតជាប្រឡងជាប់ គិតវិជ្ជមានឱ្យបានច្រើន និងខំប្រឹងរៀនសូត្រដោយសារតែពេលវេលាប្រឡងកាន់តែខិតជិតមកដល់ហើយ”
កញ្ញា សេង រដ្ឋសេដ្ឋាមុនី
ជាមួយគ្នានេះ អតីតសិស្សនិទ្ទេស A ឆ្នាំ២០១៨ ក៏បានផ្តល់ដំបូន្មានដល់សិស្សថ្នាក់ទី១២ដែលត្រៀមប្រឡង ត្រូវថែរក្សាសុខភាពឱ្យល្អ ដោយគេងឱ្យបានគ្រប់គ្រាន់ ញ៉ាំឱ្យបានគ្រប់គ្រាន់ ហើយជ្រើសរើសអាហារដែលមានជីវជាតិដូចជា ប្រភេទសាច់ត្រី បន្លែ ផ្លែឈើ និងហាត់ប្រាណឱ្យបានទៀងទាត់ ។ ជាពិសេស សិស្សអាចចេញដើរលំហែរជុំវិញផ្ទះ ស្ដាប់ចម្រៀង ដើម្បីឱ្យមានអារម្មណ៍ល្អខ្លះ បន្ទាប់ពីកំណត់ពេលវេលាមើលមេរៀន និងធ្វើលំហាត់រួចរាល់ ។
សម្រាប់យុវជន សៀង ស៊ីផាត់ បច្ចុប្បន្នជានិស្សិតឆ្នាំទី៣ នៅវិទ្យាល័យផារ៉ាហ្គនអន្តរជាតិ ផ្នែកស្ថាបត្យកម្ម និងជាអតីតសិស្សនិទ្ទេស A ឆ្នាំ២០១៩ នៃវិទ្យាល័យក្រុងព្រះសីហនុវិញ ក៏បានចែករំលែកបទពិសោធន៍ដែរថា មុនពេលប្រឡងប្អូនៗត្រូវដឹងច្បាស់លើមុខវិជ្ជាណាដែលមានទំនុកចិត្ត និងមុខវិជ្ជាដទៃទៀតដែលមិនទាន់មានទំនុកចិត្ត ហើយត្រូវចំណាយពេលរៀឱ្យច្រើនទៅលើមុខវិជ្ជាដែលខ្វះខាត ប៉ុន្តែក៏មិនបោះបង់មុខវិជ្ជាមានទំនុកចិត្តស្រាប់នោះដែរ ។
អតីតសិស្សនិទ្ទេស A រូបនេះបន្តថា មុនប្រឡងមួយខែប្អូនៗសិស្សថ្នាក់ទី១២ គួរប្រឡងសាកល្បងតេស្តសមត្ថភាពខ្លួនឯង ដោយយកវិញ្ញសាចាស់ៗធ្លាប់ប្រឡងរួច ពិសេសកំណែទម្រង់ឆ្នាំ២០១៤-២០១៩ យកមកធ្វើដោយកំណត់ពេលវេលាប្រឡងជាក់ស្ដែង ដោយមិនមើលកំណែ ឬមើលរូបមន្តអ្វីទាំងអស់ ។ ការប្រឡងនេះ ត្រូវចាត់ទុកដូចពេលប្រឡងបាក់ឌុប ដើម្បីដឹងថាយើងអាចសរសេរទាន់ដែរឬអត់? ចម្លើយត្រូវបានប៉ុន្មាន ឬខុសប៉ុន្មាន ? ពេលធ្វើហើយទើបផ្ទៀងជាមួយអត្រាកំណែ នោះយើងនឹងអាចដឹងពីសមត្ថភាព ហើយបានរៀនពីកំហុស និងបានអនុវត្តផ្ទាល់ ។
យុវជន សៀង ស៊ីផាត់ បន្ថែមថា ដើម្បីចងចាំមេរៀនបានល្អ ប្អូនៗគួរព្យាយាមយល់ពីមេរៀន ឬលំហាត់ ជាជាងទន្ទេញចាំមាត់ ព្រោះនៅពេលប្រឡងប្អូនអាចសរសេរចម្លើយតាមការយល់អំពីមេរៀន ហើយបានពិន្ទុដូចគ្នា ។ ក្នុងនោះ ការសង្ខេបមេរៀន សង្ខេបរូបមន្ត សំណួរសំខាន់ៗតាមមេរៀននីមួយក្នុងក្រដាស ជាផ្នែកមួយជួយឱ្យងាយស្រួលចាំ និងងាយស្រួលរំលឹកនៅពេលជិតដល់ថ្ងៃប្រឡង ។
“អារម្មណ៍ភ័យអារម្មណ៍ខ្លាចតែងតែមាន ប៉ុន្តែយើងត្រូវចេះគ្រប់គ្រងអារម្មណ៍កុំឱ្យបារម្ភជ្រុលពេករហូតដល់រំខានការប្រឡង និងសុខភាព ដោយយើងគួរតែយកកម្លាំងពេលដែលបារម្ភពីលទ្ធផលនៅថ្ងៃមុខមក មកខិតខំមើលមេរៀនវិញទើបចំណេញជាង”
សៀង ស៊ីផាត់
ទាក់ទងនឹងការត្រៀមខ្លួនប្រឡងបាក់ឌុបខាងមុខនេះ សម្រាប់ យុវជន ថង ប៉ាលេស្ទីន ជានិស្សិតឆ្នាំទី៤ ផ្នែកវិស្វកម្មទូរគមនាគមន៍ និងអេឡិចត្រូនិច នៃសាកលវិទ្យាល័យភូមិន្ទភ្នំពេញ និងជាអតីតសិស្សនិទ្ទេស A ឆ្នាំ២០១៨ នៅវិទ្យាល័យស្ដៅសន្តិភាព ខេត្តបាត់ដំបងវិញ បានចែករំលែកបទពិសោធន៍ដែរថា ប្អូនៗដែលត្រូវប្រឡងនៅខាងមុខ ចាំបាច់ត្រូវត្រៀមចំណេះដឹង និងសមត្ថភាពឱ្យបានរួចរាល់ដើម្បីប្រឡង ក្នុងនោះត្រូវដឹងពីពិន្ទុនៃការប្រឡងតាមមុខវិជ្ជានីមួយៗ ។
“សម្រាប់សិស្សទី១២ដែលត្រូវប្រឡងឆ្នាំនេះ ត្រូវខិតខំពង្រឹងសមត្ថភាព ចំណេះដឹង ធ្វើយ៉ាងណាឱ្យទទួលបានលទ្ធផលល្អ និងជឿជាក់ថាយើងពិតជាប្រឡងជាប់”
ថង ប៉ាលេស្ទីន
អតីតសិស្សនិទ្ទេស A ឆ្នាំ២០១៨ រូបនេះ បានចែករំលែកបទពិសោធន៍ក្នុងថ្ងៃប្រឡង ដោយថ្ងៃនោះ នៅពេលសិស្សានុសិស្សបានវិញ្ញាសាប្រឡង មិនត្រូវប្រញាប់ធ្វើភ្លាមៗនោះឡើយ ត្រូវដកដង្ហើមឱ្យវែងៗមួយៗ រួចចាប់ផ្ដើមពិនិត្យ និងបំពេញឈ្មោះ ឬលក្ខខណ្ឌនៃការប្រឡងឱ្យបានត្រឹមត្រូវ ។ បន្ទាប់មកចាប់ផ្ដើមអានសំណួរឱ្យអស់ អានម្ដងមួយៗដោយយកចិត្តទុកដាក់ ។ លើសពីនេះ ក្រោយពេលយល់សំណួរ ត្រូវចាប់ផ្ដើមធ្វើលំហាត់ណាដែលចេះមុន និងដាក់លេខរៀងលំហាត់ឱ្យបានត្រឹមត្រូវ ។ ម៉្យាងវិញទៀត ដំបូងៗកុំសរសេរលឿនពេក ព្យាយាមសរសេរមួយៗឱ្យបានស្អាត ដែលជួយធ្វើឱ្យសិស្សមានពេលគិតបានលឿន ហើយក្រោយសរសេរបាន៥នាទី ចាំចាប់ផ្ដើមសរសេរលឿន ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
មូលនិធិព្រីនស៍ បញ្ចប់វគ្គសម្ភាសន៍ចុងក្រោយ ប្រកបដោយជោគជ័យ សម្រាប់អាហារូបករណ៍ ចេន ហ្ស៊ី ជំនាន់ទី៣
ព័ត៌មានអាហារូបករណ៍, ព្រឹត្តិការណ៍
• 11/03/2024
មូលនិធិព្រីនស៍ដែលជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប ថ្មីៗនេះបានធ្វើបទសម្ភាសន៍ចុងក្រោយ សម្រាប់កម្មវិធីអាហារូបករណ៍ ចេន ហ្ស៊ី របស់ខ្លួន។
ឱកាសទទួលបានការឧបត្ថម្ភថ្លៃសិក្សាចំនួន២០កន្លែងនៅវិទ្យាស្ថានបច្ចេកវិទ្យាគិរីរម្យ ឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 01/06/2023
វិទ្យាស្ថានបច្ចេកវិទ្យាគិរីរម្យ បានប្រកាសពីការផ្ដល់ការឧបត្ថម្ភថ្លៃសិក្សាថ្នាក់បរិញ្ញាបត្រដល់សិស្សានុសិស្សដែលកំពុងសិក្សានៅថ្នាក់វិទ្យាល័យ...
អាហារូបករណ៍ថ្នាក់បរិញ្ញាបត្រ២២កន្លែង នៅវិទ្យាស្ថានភាសាបរទេស និងវិទ្យាស្ថានសិក្សាអន្តរជាតិ និងគោលនយោបាយសាធារណៈ
ព័ត៌មានអាហារូបករណ៍, ព្រឹត្តិការណ៍
• 19/12/2023
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាសពីការផ្តល់អាហារូបករណ៍ចំនួន ២២កន្លែង សម្រាប់ការសិក្សាកម្រិតថ្នាក់បរិញ្ញាបត្រនៅវិទ្យាស្ថានភាសាបរទេស...
អាហារូបករណ៍ ICCR ទៅសិក្សានៅប្រទេសឥណ្ឌា ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 04/03/2026
រដ្ឋាភិបាលឥណ្ឌា បានប្រកាសផ្តល់អាហារូបករណ៍ពេញលេញសម្រាប់និស្សិតកម្ពុជា ទៅបន្តការសិក្សាថ្នាក់ឧត្តមសិក្សានៅប្រទេសឥណ្ឌា តាមរយៈក្រុមប្រឹក្សាសម្រាប់ទំនាក់ទំនងវប្បធម៌ឥណ្ឌា។
អាហារូបករណ៍ ៥០% ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្ស
ព័ត៌មានអាហារូបករណ៍, ព្រឹត្តិការណ៍
• 03/01/2024
ឱកាសទទួលបានអាហារូបករណ៍៥០% សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធនធានមនុស្សសម្រាប់ឆ្នាំសិក្សា២០២៣-២០២៤។ អាហារូបករណ៍...
ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី
ព័ត៌មានអាហារូបករណ៍, ព្រឹត្តិការណ៍
• 17/06/2026
សាកលវិទ្យាល័យ RMIT នៃប្រទេសអូស្រ្តាលី បានប្រកាសពីការផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Nalanda ប្រទេសឥណ្ឌា
ព័ត៌មានអាហារូបករណ៍, ព្រឹត្តិការណ៍
• 03/07/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតចំពោះប្រជាពលរដ្ឋដែលជាប្រទេសសមាជិកអាស៊ាន នៅសាកលវិទ្យាល័យ Nalanda នៃប្រទេសឥណ្ឌា សម្រាប់ឆ្នាំសិក្សា២០២៥-២០២៦។ សាកលវិទ្យាល័យផ្ដល់ការសិក្សារយៈពេល៤ឆ្នាំ
វិទ្យាស្ថានពហុបច្ចេកទេសកម្ពុជា ផ្តល់អាហារូបករណ៍ ១០០% និង ៥០% សម្រាប់សិស្សបាក់ឌុបជាប់និទ្ទេស A និង B
ព័ត៌មានអាហារូបករណ៍, ព្រឹត្តិការណ៍
• 17/08/2026
ជាការផ្តល់ឱកាសដល់សិស្សានុសិស្សដែលប្រឡងបញ្ចប់ថ្នាក់ទី១២ ទទួលបាននិទ្ទេសល្អ, វិទ្យាស្ថានជាតិពហុបច្ចេកទេសកម្ពុជា (NPIC) នឹងផ្តល់អាហារូបករណ៍ ១០០% សម្រាប់សិស្សនិទ្ទេស A
៤ចំណុច ដែលបេក្ខភាពស្នើអាហារូបករណ៍ Australia Awards គួរដឹងក្នុងពេលដាក់ពាក្យ
ព័ត៌មានអាហារូបករណ៍, ព្រឹត្តិការណ៍
• 04/04/2025
នៅក្នុងការដាក់ពាក្យស្នើសុំអាហារូបករណ៍ Australia Awards មានច្រើនដំណាក់កាល ដែលបេក្ខជនត្រូវយកចិត្តទុកដាក់ ក្នុងពេលដាក់ពាក្យស្នើក្នុងដំណាក់កាលនីមួយៗ។ ឯកសារដាក់ស្នើពាក្យ ជាចំណុចរឹតតែសំខាន់ត្រូវត្រៀម និងដាក់ពាក្យស្នើបានឱ្យគ្រប់លក្ខខណ្ឌ។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
