AMS Economyយុទ្ធនាការ «ភ្នំពេញស្អាត» ឆ្នាំ២០២១ មានផែនការសកម្មភាពសំខាន់ចំនួន៧
ភ្នំពេញ – ក្នុងពិធីបើកយុទ្ធនាការភ្នំពេញស្អាត ឆ្នាំ២០២១ នាព្រឹកថ្ងៃទី១ វិច្ឆិកា លោក ហៃ ភិរម្យ សហស្ថាបនិកនៃគម្រោងភ្នំពេញស្អាត បានលើកឡើង ផែនការសកម្មភាព យុទ្ធនាការ «ភ្នំពេញស្អាត» ចំនួន៧ចំណុច ដោយជ្រើសរើសយុវជនសុច្ឆន្ទៈស្អាតចំនួន ៤០នាក់ ដើម្បីប្រមូលកម្លាំងអនុវត្តរួមគ្នា ។
«ទម្លាប់ថ្មី ទម្លាប់ស្អាត» ជាការវិវត្ត និងកែសម្រួលពីពាក្យស្លោកចាស់ កាលពីឆ្នាំ ២០២០ គឺ “ស្អាត ជាទម្លាប់ថ្មី» ដើម្បីឆ្លើយតបទៅនឹងហេតុការណ៍បច្ចុប្បន្ន ផ្ដោតសំខាន់ទៅលើបញ្ហាកូវីដផង និងវិស័យបរិស្ថានផង ។ “ទម្លាប់ថ្មី ទម្លាប់ស្អាត” គឺមិនត្រឹមតែសំដៅដល់ ទម្លាប់ក្នុងការគ្រប់គ្រង និងទុកដាក់សំរាមឲ្យបានត្រឹមត្រូវ ប៉ុណ្ណោះទេ ក៏ប៉ុន្តែអ្វីដែលលើសពីនេះគឺការជំរុញ និងលើកកម្ពស់ការរស់នៅដោយស្មារតីប្រុងប្រយ័ត្ន និងការបំពេញការងារ ការប្រកបរបរវិជ្ជាជីវៈផ្សេងៗ ប្រកបដោយប្រសិទ្ធភាព ក្នុងបរិបទកូវីដ-១៩ ជាមួយទម្លាប់ថ្មី ។
លោក ហៃ ភិរម្យ សហស្ថាបនិកនៃគម្រោងភ្នំពេញស្អាត មានប្រសាសន៍ថា នៅឆ្នាំ២០២១នេះ ក្រោមកិច្ចសហការគាំទ្រ និងជ្រោមជ្រែងពីក្រសួងបរិស្ថាន និងបណ្តាស្ថាប័នរដ្ឋនិងឯកជនដទៃទៀត ក្រុមការងារប្រតិបត្តិនៃគម្រោងស្អាត បានជ្រើសរើសយុវជនសុច្ឆន្ទៈស្អាតចំនួន ៤០នាក់ ដើម្បីប្រមូលជាកម្លាំងសាមគ្គីគ្នា អនុវត្តផែនការសកម្មភាព ដែលដាក់ចេញដោយសមាជិក សមាជិកាក្រុមប្រឹក្សាភិបាលនៃគម្រោងស្អាត ។
ចំពោះការអនុវត្តផែនការសកម្មភាពពេញមួយខែវិច្ឆិកា ឆ្នាំ២០២១នេះ រួមមាន ផែនការសកម្មភាពទី១៖ «ការសម្ភាសន៍ជាមួយនាយកប្រតិបត្តិ (Executives)»៖ បណ្តានាយកប្រតិបត្តិដែលអញ្ជើញមកពីវិស័យចម្រុះ ក្នុងអង្គភាពសាធារណៈ និងឯកជន ទាំងស្ថាប័នជាតិ និងអន្តរជាតិ ចំនួន ២៥នាក់ (តាមគោលដៅដែលបានកំណត់ទុក) នឹងចូលរួមការសម្ភាសដោយមានក្រុមការងារយុវជនស្អាតជាអ្នកសម្របសម្រួល។ ពួកគាត់ដែលមានបទពិសោធន៍យូរឆ្នាំក្នុងវិស័យផ្សេងៗគ្នា នឹងចូលខ្លួនចែករំលែកចំណេះដឹង និងវិធីសាស្រ្តទាំងឡាយពាក់ព័ន្ធនឹង របៀបរស់នៅ របៀបធ្វើការ របៀបដឹកនាំគ្រប់គ្រងធុរកិច្ចរបស់ខ្លួនប្រកបដោយប្រសិទ្ធភាពក្នុងបរិការណ៍កូវីដ-១៩ ដោយក្រសោបយកទស្សនៈស្អាត មកធ្វើជាផ្នែកមួយនៃទម្លាប់ថ្មីផងដែរ។
ផែនការសកម្មភាពទី២៖ «ការសម្ភាសជាមួយអ្នកជួរមុខ (Frontliners)»៖ ផែនការបន្ទាប់ទៀតនេះ គឺជាការសម្ភាសន៍ទៅកាន់អ្នកជួរមុខ ដែលសុទ្ធសឹងតែជាបុគ្គលប្រឈមមុខក្នុងកម្រិតខ្ពស់ ជាមួយមជ្ឈដ្ឋានទូទៅ មិត្តរួមការងារ ឬអតិថិជន នៅក្នុងការប្រកបការងារប្រចាំថ្ងៃរបស់ពួកគេ រួមមាន៖ អ្នកដឹកជញ្ជូន អ្នករត់តុ អ្នកគិតលុយ អាជីវករលក់ដូរតាមទីផ្សារ អ្នកទទួលបដិសណ្ឋារកិច្ច កម្មករ កម្មការិនី ក្រុមគ្រូពេទ្យតាមទីតាំងព្យាបាលជំងឺកូវីដ។ល។ ពួកគេទាំងអស់នេះ នឹងចូលរួមចែករំលែកបទពិសោធន៍ ព្រមទាំងតិចនិក មធ្យោបាយនានា ដើម្បីធានាបាននូវសុវត្ថិភាពផ្ទាល់ខ្លួន ខណៈពេលជាមួយគ្នានេះ ក៏ត្រូវរក្សាអនាម័យស្អាតជាដើម។
ផែនការសកម្មភាពទី៣៖ «កិច្ចពិភាក្សាជាលក្ខណៈតុមូល (Panel Discussions)»៖ ខុសប្លែកពីការសម្ភាសន៍ខាងលើដែលមានលក្ខណៈជាបុគ្គល កិច្ចពិភាក្សាត្រង់នេះ គឺជាការជជែកពិគ្រោះយោបល់គ្នាទៅវិញទៅមក ជាលក្ខណៈពហុភាគី ដោយមានវាគ្មិនកិត្តិយសជានាយកប្រតិបត្តិ ប្រធានអង្គភាព អ្នកជំនាញបច្ចេកទេស អញ្ជើញមកពីវិស័យរដ្ឋ ឯកជន និងអង្គការសង្គមស៊ីវិលនានា ដើម្បីមកពិភាក្សា ផ្លាស់ប្តូរមតិយោបល់ ក៏ដូចជាបទពិសោធន៍ល្អៗជុំវិញបញ្ហាប្រឈមនិងលើកឡើងជាដំណោះស្រាយល្អៗចែកជូនសាធារណជន។ កិច្ចពិភាក្សានេះផ្តោតចម្បងទៅលើប្រធានបទ «ទម្លាប់ថ្មី ទម្លាប់ស្អាត» នៅក្នុងការអនុវត្តមុខរបរ និងការប្រកបវិជ្ជាជីវៈការងារផ្សេងៗប្រកបដោយប្រសិទ្ធភាព ក្នុងបរិបទកូវីដ-១៩ ក្នុងវិស័យជាអាទិ៍ រួមមាន៖ វិស័យអប់រំ ឧស្សាហកម្មអាហារ និងភេសជ្ជៈ វិស័យសិប្បកម្ម វិស័យសំណង់ វិស័យសេវាកម្ម និងបដិសណ្ឋារកិច្ច ព្រមទាំងសហគ្រាសខ្នាតតូច និងមធ្យម (SME) និងវិស័យធុរកិច្ចពាក់ព័ន្ធនានាជាដើម។
ផែនការសកម្មភាពទី៤៖ «ភាពជាដៃគូជាមួយភ្នាក់ងារផ្សព្វផ្សាយ» ៖ យុទ្ធនាការភ្នំពេញស្អាតឆ្នាំ ២០២១ នៅតែបន្តសហការ ក្នុងភាពដៃគូ ជាមួយបណ្តាញភ្នាក់ងារផ្សព្វផ្សាយទៅលើការបង្កើតខ្លឹមសារ និងមាតិកាទាក់ទងនឹង “ទម្លាប់ថ្មី ទម្លាប់ស្អាត” ដែលនឹងមានការចាក់ផ្សាយតាមកញ្ចក់ទូរទស្សន៍ និងបណ្តាញសង្គម ឲ្យបានទូលំទូលាយទូទាំងប្រទេស និងជ្រាបដល់ទស្សនិកជនគ្រប់វ័យ និងសាធារណជនទូទៅផងដែរ ។ កិច្ចសហការផ្សព្វផ្សាយនេះ នឹងមានការចូលរួមពីសំណាក់បុគ្គល ភ្នាក់ងារ ស្ថាប័ន និងក្រុមហ៊ុនផ្សព្វផ្សាយនានា ដែលមានឥទ្ធិពល និងសក្តានុពលនៅកម្ពុជា។
ផែនការសកម្មភាពទី៥៖ “ការផ្សារភ្ជាប់ជាមួយបុគ្គលមានឥទ្ធិពលក្នុងបណ្តាញសង្គម” ៖ បុគ្គលមានឥទ្ធិពលក្នុងបណ្តាញសង្គម (Social Media Influencers) នឹងដើរតួនាទីជាទូតសុច្ឆន្ទៈស្អាត ក្នុងការពាំនាំនូវសារអប់រំ «ទម្លាប់ថ្មី ទម្លាប់ស្អាត» ទៅដល់ប្រិយមិត្តគាំទ្ររបស់ពួកគេ និងជាពិសេសដើរតួជាជនគំរូក្នុងការប្រកាន់ខ្ជាប់នូវឥរិយាបថទុកដាក់សំរាមឲ្យបានត្រឹមត្រូវ ការរក្សាអនាម័យស្អាត តាមរយៈការបង្កើតខ្លឹមសារ និងមាតិកាជាអត្ថបទ ជាវីដេអូខ្លីៗតាមប្រព័ន្ធបណ្តាញសង្គម ដើម្បីទាក់ទាញឱ្យសាធារណជនបានចូលមើល យកគំរូតាម និងចូលរួមជាមួយយុទ្ធនាការភ្នំពេញស្អាត ក្នុងការថែរក្សាអនាម័យផ្ទាល់ខ្លួន គេហដ្ឋាន ការិយាល័យធ្វើការ ដើម្បីឈានទៅដល់សហគមន៍គ្មានសំរាមពាសវាលពាសកាល ពិសេសឈានទៅដល់សោភ័ណភាពទីក្រុងស្អាត និងប្រទេសជាតិប្រកបដោយបរិស្ថានស្រស់បំព្រង។
ផែនការសកម្មភាពទី៦៖ «ដាក់បញ្ចូលវិធានការ ៣ ការពារ ៣ កុំ ចូលក្នុងគោលការណ៍គ្រឹះរបស់យុទ្ធនាការភ្នំពេញស្អាតឆ្នាំ ២០២១» យុទ្ធនាការភ្នំពេញស្អាតឆ្នាំ ២០២១ នឹងរួមចំណែកទប់ស្កាត់ការឆ្លងរីករាលដាលនៃជំងឺកូវីដ១៩ ដោយចូលរួមជាសហវិជ្ជមានជាមួយរាជរដ្ឋាភិបាលក្នុងការប្រយុទ្ធប្រឆាំងនឹងមេរោគកូវីដ១៩នេះ តាមរយៈការដាក់បញ្ចូលវិធានការ ៣ការពារ និង៣កុំ ទៅក្នុងគោលការណ៍គ្រឹះរបស់យុទ្ធនាការភ្នំពេញស្អាត ឆ្នាំ២០២១ ដោយភ្ជាប់ជាមួយសកម្មភាពមួយចំនួនដូចជា៖ បង្កើតគោលការណ៍គ្រឹះនៃ «ទម្លាប់ថ្មី ទម្លាប់ស្អាត ជាលក្ខណៈ Animated Infographic និងបញ្ចូលក្នុង QR Code ទៅគ្រប់សកម្មភាពទាំងអស់ ។ Fun Voxpod ដែលចូលរួមដោយក្រុមយុវជនស្អាត តាមរយៈការបង្កើតវីដេអូអប់រំ ។ លើសពីនេះ ការបង្កើត Mini Game រួមមាន៖ Trash Sorting និង GIF Freeze ។
ផែនការសកម្មភាពទី៧៖ «កិច្ចសហប្រតិបត្តិការជាមួយបណ្តាក្រសួង អង្គការនិងសមាគម ព្រមទាំងដៃគូសហការនានា»៖ ដើម្បីជាការជំរុញ និងពន្លឿនផែនការសកម្មភាពគម្រោងស្អាតឆ្នាំ ២០២១នេះឲ្យទទួលបានប្រសិទ្ធផលខ្ពស់ យុទ្ធនាការភ្នំពេញស្អាតឆ្នាំ២០២១ ក៏កំពុងបង្កើតចំណងមេត្រីភាព ក្រោមកិច្ចសហប្រតិបត្តិការជាមួយបណ្តាក្រសួង អង្គការនិងសមាគម ព្រមទាំងដៃគូសហការនានា។ កិច្ចសហប្រតិបត្តិការនេះត្រូវបានរៀបចំឡើងក្នុងគោលបំណងសហការ និងទាក់ទងតួអង្គពាក់ព័ន្ធ តួយ៉ាងមានដូចជាប្រធានស្ថាប័ន អ្នកជំនាញបច្ចេកទេស នាយកប្រតិបត្តិពីអង្គភាពស្ថាប័នទាំងនោះ ឱ្យមកចូលរួមក្នុងកិច្ចសម្ភាសន៍ជាលក្ខណៈបុគ្គល (Interview with Executives) ឬកិច្ចពិភាក្សាតុមូល (Panel Discussions) ជាដើម។ ទន្ទឹនឹងនេះ ក្រៅពីសាលារាជធានីភ្នំពេញ បណ្តារក្រសួងស្ថាប័នរដ្ឋនានា យុទ្ធនាការភ្នំពេញស្អាត បានសហការយ៉ាងជិតស្និទ្ធជាមួយបណ្តារសមាគម និងអង្គការជាច្រើនផងដែរ ។
សូមជម្រាបថា យុទ្ធនាការភ្នំពេញស្អាត ជាផ្នែកមួយនៃ «គម្រោងស្អាត» ដែលតែងធ្វើឡើងរៀងរាល់ឆ្នាំ ក្នុងអំឡុងខែវិច្ឆិកា ។ ហើយសម្រាប់ឆ្នាំនេះ ជាឆ្នាំទី៥ នៃ«យុទ្ធនាការភ្នំពេញស្អាត» ដោយប្រព្រឹត្តិទៅពេញមួយខែវិច្ឆិកា ដែលហៅថាជា «ខែស្អាត» ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាថ្នាក់បរិញ្ញាបត្រជាន់ខ្ពស់នៅ Yenching Academy ប្រទេសចិនឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 28/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅ Peking University ពីកម្មវិធី Yenching Scholarship 2024 នៃប្រទេសចិនក្នុងឆ្នាំសិក្សា២០២៤...
ឱកាសសិក្សាសញ្ញាបត្រជាន់ខ្ពស់ចំនួន១០កន្លែងនៅវិទ្យាស្ថានបច្ចេកទេសឧស្សាហកម្ម ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 22/11/2024
ឱកាសសិក្សាអាហារូបករណ៍ថ្នាក់កម្រិតសញ្ញាបត្រជាន់ខ្ពស់ ឬថ្នាក់បរិញ្ញាបត្ររង នៅវិទ្យាស្ថានបច្ចេកទេសឧស្សាហកម្ម ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនក្រោមការឧបត្ថម្ភ និងគាំទ្រពី...
រៀនជំនាញឥតគិតថ្លៃ សម្រាប់អតីតពលករដែលធ្លាប់ធ្វើការនៅបរទេស
ព័ត៌មានអាហារូបករណ៍, ព្រឹត្តិការណ៍
• 20/01/2026
មជ្ឈមណ្ឌលពលករទេសន្តប្រវេសន៍មាតុភូមិនិវត្តន៍កម្ពុជា (HRCC) ដែលជាមជ្ឈមណ្ឌលបណ្តុះបណ្តាល និងគាំទ្រពលករទេសន្តរប្រវេសន៍ (ពលករចំណាកស្រុក)
ឱកាសអាហារូបករណ៍ SHE-CAN ថ្នាក់បរិញ្ញាបត្រនៅសហរដ្ឋអាមេរិក សម្រាប់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 09/10/2024
កម្មវិធីអាហារូបករណ៍ SHE-CAN ឆ្នាំ២០២៤ បានប្រកាសពីការទទួលពាក្យស្នើសុំអាហារូបករណ៍ថ្នាក់បរិញ្ញាបត្រទៅសិក្សានៅសហរដ្ឋអាមេរិកហើយ។
អាហារូបករណ៍ អ.ម.ត ៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ (RUFA) ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 04/09/2026
អាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី នឹងផ្តល់ជូន ៦០កន្លែង...
ឱកាសសិក្សាហាត់ការងារផ្នែករូបវិទ្យា និងកុំព្យូទ័រពីកម្មវិធី DESY នៅប្រទេសអាល្លឺម៉ង់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 30/01/2024
ឱកាសសិក្សា និងហាត់ការងារសម្រាប់សិស្សនិស្សិតកំពុងសិក្សានៅផ្នែករូបវិទ្យា និងកុំព្យូរទ័រពីកម្មវិធី DESY Summer Student សិក្សានៅប្រទេសអាល្លឺម៉ង់ សម្រាប់ឆ្នាំសិក្សា២០២៤។ ការសិក្សា...
វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/06/2025
ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស របស់រាជរដ្ឋាភិបាល
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
