AMS Economyការអប់រំស្ទែម ជួយជំរុញសិស្សានុសិស្សចាប់យកជំនាញបច្ចេកវិទ្យា
ភ្នំពេញ – ភាពរីកចម្រើននៃបច្ចេកវិទ្យាបានធ្វើឱ្យមានការផ្លាស់ប្ដូរស្ទើរគ្រប់វិស័យ ក្នុងនោះស្វ័យប្រវត្តិកម្មវិស័យការងារ និងជំនួសការងារមួយចំនួន ដោយការងារថ្មីៗនឹងត្រូវបង្កើតឡើង។ ក្នុងន័យនេះ ការអប់រំស្ទែម (STEM Education) ពិតជាមានសារៈសំខាន់ណាស់ ព្រោះវាអាចជួយឱ្យសិស្សមាននូវជំនាញសំខាន់ៗសម្រាប់ទីផ្សារការងារថ្មីៗនេះ ដូចជា ជំនាញក្នុងការដោះស្រាយបញ្ហា ការត្រិះរិះពិចារណា ភាពច្នៃប្រឌិត ការគិតបែបឡូជីក(Logical Thinking) និងសមត្ថភាពក្នុងការវិភាគ។ បើតាមមជ្ឈមណ្ឌលកម្ពុជា៤.០ ការអប់រំស្ទែម ពិតជាមានសារៈសំខាន់ណាស់ ក្នុងការជួយជំរុញសិស្សានុសិស្សអាចចាប់យកជំនាញបច្ចេកវិទ្យា។
ទី១. ជួយឱ្យសិស្សមានភាពរីករាយក្នុងការសិក្សា ៖ យោងតាមគេហទំព័រ Classful មូលហេតុចម្បងដែលធ្វើឱ្យសិស្ស និងនិស្សិតមានភាពធុញទ្រាន់ក្នុងការរៀនសូត្រ គឺកង្វះសកម្មភាពក្នុងថ្នាក់។ ខណៈដែលកម្មវិធីសិក្សាតាមបែបប្រពៃណីផ្ដោតលើការសិក្សាតាមសៀវភៅ កម្មវិធីសិក្សាស្ទែមបានដើរតួនាទីយ៉ាងសំខាន់ក្នុងការជួយឱ្យសិស្ស និងនិស្សិតមានភាពសប្បាយរីករាយក្នុងការសិក្សា ព្រោះកម្មវិធីសិក្សានេះផ្តោតលើការអនុវត្តផ្ទាល់ ជាជាងការចំណាំមេរៀន។ ឧទាហរណ៍៖ នៅក្នុងថ្នាក់រៀនស្ទែមសិស្ស និងនិស្សិតត្រូវធ្វើការពិសោធន៍ផ្ទាល់ក្នុងមន្ទីរពិសោធន៍ និងធ្វើការជាក្រុម ដើម្បីបង្កើតដំណោះស្រាយបច្ចេកវិទ្យាចំពោះបញ្ហាប្រឈមនានា និងបង្កើតផលិតផលវិស្វកម្មជាដើម។
ទី២. បង្កើនសមត្ថភាពធ្វើការងារជាក្រុម៖ កម្មវិធីសិក្សាស្ទែមផ្ដោតលើការធ្វើការងារជាក្រុម ដើម្បីអាចឱ្យសិស្សមានសមត្ថភាពក្នុងការទំនាក់ទំនង និងដោះស្រាយបញ្ហា តាមរយៈការធ្វើការរួមគ្នាក្នុងគម្រោងនានា ដូចជា ការបង្កើតមនុស្សយន្តសម្រាប់ជាជំនួយដល់ជនពិការ។ សិស្ស និងនិស្សិតត្រូវមានសមត្ថភាពក្នុងការទំនាក់ទំនងជាមួយសមាជិកក្រុមដទៃ ព្រមទាំងចេះប្រើប្រាស់នូវចំណេះដឹង និងជំនាញដែលពួកគេទទួលបានពីការរៀនមុខវិជ្ជាវិទ្យាសាស្ត្រ បច្ចេកវិទ្យាវិស្វកម្ម និងគណិតវិទ្យា ដើម្បីបង្កើតជាមនុស្សយន្តសម្រាប់ជាដំណោះស្រាយចំពោះបញ្ហាប្រឈមនានារបស់ជនពិការ។ ក្នុងន័យនេះ ការអប់រំស្ទែមមិនត្រឹមតែអាចជួយឱ្យសិស្ស និងនិស្សិតមានសមត្ថភាពក្នុងការធ្វើការងារជាក្រុមប៉ុណ្ណោះទេ ថែមទាំងអាចដឹងពីអត្ថប្រយោជន៍នៃការប្រើប្រាស់ជំនាញស្ទែមក្នុងជីវិតពិតជាក់ស្តែងផងដែរ។
ទី៣. ពង្រឹងការគិតត្រិះរិះពិចារណា៖ ការអប់រំស្ទែមបានដើរតួនាទីយ៉ាងសំខាន់ក្នុងការជួយពង្រឹងការគិតត្រិះរិះពិចារណាដល់សិស្ស និងនិស្សិត។ ជាក់ស្ដែង ការសិក្សាមុខវិជ្ជាគណិតវិទ្យាទាមទារឱ្យសិស្ស និងនិស្សិតមានភាពច្នៃប្រឌិត និងការគិតបែបឡូជីក (Logical Thinking) ដើម្បីអាចបង្កើតដំណោះស្រាយសមស្របចំពោះចំណោទបញ្ហានានា ដែលធ្វើឱ្យពួកគេមានការគិតត្រិះរិះពិចារណា។ លើសពីនេះ ការគិតត្រិះរិះពិចារណានឹងអាចជួយឱ្យពួកគេធ្វើការសម្រេចចិត្តលើបញ្ហានានាក្នុងជីវិតបានយ៉ាងត្រឹមត្រូវ ព្រមទាំងអាចជួយឱ្យពួកគេបង្កើតដំណោះស្រាយចំពោះបញ្ហាប្រឈមនានាក្នុងសង្គមបានយ៉ាងមានប្រសិទ្ធភាព។
ទី៤. ជួយបង្កើនឱកាសការងារ៖ នៅក្នុងបដិវត្តន៍ឧស្សាហកម្ម ៤.០ នេះ បច្ចេកវិទ្យាបានធ្វើឱ្យមានការផ្លាស់ប្តូរលើវិស័យការងារយ៉ាងខ្លាំងដោយគិតត្រឹមឆ្នាំ ២០២៥ ការងារចំនួនប្រមាណ ៨៥លាននឹងត្រូវជំនួសដោយស្វ័យប្រវត្តិកម្ម ហើយការងារចំនួនប្រមាណ ៩៧លាន នឹងត្រូវបង្កើតឡើង ដោយការងារក្នុងវិស័យស្ទែមកំពុងមានតម្រូវការខ្លាំងជាងគេ នេះបើយោងតាមវេទិកាសេដ្ឋកិច្ចពិភពលោក (World Economic Forum)។ ទន្ទឹមគ្នានេះ បើយោងតាមគេហទំព័រ CNBC តម្រូវការបុគ្គលិកដែលមានជំនាញស្ទែមកំពុងមានតម្រូវការខ្លាំងដែលក្នុងនោះ គិតចាប់ពីឆ្នាំ ២០២០ ដល់ ឆ្នាំ ២០៣០ តម្រូវការបុគ្គលិកមានជំនាញវិភាគសន្តិសុខព័ត៌មាននឹងកើនឡើងប្រមាណ ៣៣%, វិទ្យាសាស្ត្រទិន្នន័យ និងគណិតវិទ្យានឹងកើនឡើងប្រមាណ ៣១% និងអ្នកវិទ្យាសាស្ត្រកុំព្យូទ័រនឹងកើនឡើងប្រមាណ ២២%។
ទី៥. ជួយឱ្យសិស្សទទួលបានប្រាក់ខែខ្ពស់៖ ទន្ទឹមនឹងឱកាសការងារ ការអប់រំស្ទែមក៏បានដើរតួនាទីយ៉ាងសំខាន់ក្នុងការជួយឱ្យសិស្ស និងនិស្សិតទទួលបានប្រាក់ខែខ្ពស់នៅក្នុងអាជីពការងារនាថ្ងៃអនាគត។ យោងតាមការសិក្សាស្រាវជ្រាវរបស់ការិយាល័យស្ថិតិការងារ (Bureau of Labor Statistics)នៅឆ្នាំ ២០២១ អ្នកជំនាញក្នុងវិស័យស្ទែមនៅសហរដ្ឋអាមេរិកទទួលបានប្រាក់ខែជាមធ្យមប្រមាណ ១សែនដុល្លារអាមេរិកក្នុងមួយឆ្នាំ បើធៀបនឹងអ្នកជំនាញក្នុងវិស័យផ្សេងទៀតដែលទទួលបានប្រាក់ខែជាមធ្យមត្រឹមប្រមាណជាង ៥ម៉ឺនដុល្លារអាម៉េរិក។
គួរជម្រាបជូនថា ការអប់រំស្ទែមមិនត្រឹមតែផ្តល់ជំនាញរឹងលើផ្នែកវិទ្យាសាស្ត្របច្ចេកវិទ្យា វិស្វកម្ម និងគណិតវិទ្យាប៉ុណ្ណោះទេ ថែមទាំងផ្តល់នូវជំនាញទន់ និងសមត្ថភាពយល់ដឹង (Cognitive Ability) ដូចជា ជំនាញក្នុងការដោះស្រាយបញ្ហាការត្រិះរិះពិចារណា ភាពច្នៃប្រឌិត ការគិតបែបឡូជីក (Logical Thinking)និងសមត្ថភាពក្នុងការវិភាគជាដើម។ ដូច្នេះ ការអប់រំស្ទែមពិតជាមានសារៈសំខាន់ណាស់ក្នុងការកសាងធនធានមនុស្សដែលមិនងាយនឹងជំនួសដោយបច្ចេកវិទ្យាបាន ព្រមទាំងអាចជួយពង្រឹងជំនាញដែលសមស្របសម្រាប់ទីផ្សារការងារ ដែលអាចជួយឱ្យពួកគេមានឱកាសការងារច្រើន៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអលណេសិនចំនួន១៧០នាក់សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 26/11/2024
អាហារូបករណ៍អភិសន្តិបណ្ឌិត ស សុខា ថ្នាក់ជាតិ ផ្ដល់ជូនការសិក្សាអាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្ររង នៅវិទ្យាស្ថានអលណេសិន ចំនួន១៧០កន្លែងសម្រាប់ឆ្នាំសិក្សា២០២៤-២០២៥។
ក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក (AYC) ជ្រើសរើសសមាជិកជំនាន់ទី១៤
ព័ត៌មានអាហារូបករណ៍, ព្រឹត្តិការណ៍
• 02/02/2026
ជាឱកាសសម្រាប់យុវជនក្នុងការពង្រឹងភាពជាអ្នកដឹកនាំ ចូលរួមក្នុងសកម្មភាពសហគមន៍ និងចែករំលែកទស្សនៈរបស់ខ្លួន ក្នុងការពិភាក្សាប្រកបដោយអត្ថន័យ។
ឱកាសអាហារូបករណ៍ Lester B. Pearson ទៅសិក្សានៅ University of Toronto សម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 14/07/2026
ឱកាសសម្រាប់សិស្សានុសិស្សកម្ពុជាដែលបញ្ចប់ថ្នាក់ទី១២ ហើយមានបំណងចង់បន្តការសិក្សាថ្នាក់បរិញ្ញាបត្រនៅប្រទេសកាណាដាបានមកដល់ហើយ។ ពេលនេះអាហារូបករណ៍ Lester B. Pearson International Scholarship 2027
អាហារូបករណ៍ រដ្ឋាភិបាលនូវែលសេឡង់ សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧
ព័ត៌មានអាហារូបករណ៍, ព្រឹត្តិការណ៍
• 23/03/2026
ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅតាមសាកលវិទ្យាល័យនានា
អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 25/03/2026
ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...
អាហារូបករណ៍រដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 14/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីរដ្ឋាភិបាលចិននៅសាកលវិទ្យាល័យ Beijing Jiaotong ឆ្នាំសិក្សា២០២៤។...
អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/04/2024
ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...
អាហារូបករណ៍សាច់ប្រាក់ ពីកម្មវិធីអាហារូបករណ៍សិល្បៈអមតៈអាន ចនផន ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 29/03/2024
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអាន ចនផន ចំនួន១០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍...
វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសសិស្សចូលរៀនជំនាញ TVET ឥតគិតថ្លៃ ចំនួន៦៤០នាក់
ព័ត៌មានអាហារូបករណ៍, ព្រឹត្តិការណ៍
• 15/07/2025
វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋ កំពុងប្រកាសជ្រើសរើសសិស្សទាំងពីរភេទឱ្យចូលរៀនជំនាញវិជ្ជាជីវៈ និងបច្ចេកទេសដោយឥតគិតថ្លៃទៅលើជំនាញជាច្រើន ចំនួន ៦៤០នាក់
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
