AMS Economyអ្នកនាំពាក្យ ៖ ក្រសួងអប់រំកំពុងបង្វែផលជះកូវីដ១៩ ឱ្យក្លាយជាឱកាសពង្រឹងការអប់រំឌីជីថល
ភ្នំពេញ – នៅក្នុងរបាយការណ៍របស់ធនាគារពិភពលោកចេញផ្សាយនៅថ្ងៃទី៩ ខែធ្នូ ឆ្នាំ២០២១ ត្រង់ចំណុចមួយបានលើកឡើងថា ការបិទសាលារៀនបាននាំមកនូវការខាតបង់ធំធេងនៅទូទាំងប្រទេស ហើយបើទោះបីក្រសួងអប់រំ យុវជន និងកីឡា បានខិតខំបង្កើតជម្រើសកម្មវិធីច្រើនយ៉ាងសម្រាប់ការរៀនពីចម្ងាយក៏ពិតមែន ប៉ុន្តែសិស្សមួយចំនួននៅតែមិនអាចប្រើប្រាស់វាបាន ឬ មិនបានប្រើប្រាស់វាសោះតែម្តង។
ឆ្លើយតបនឹងរបាយការណ៍នេះ ឯកឧត្តម រស់ សុវាចា អ្នកនាំពាក្យក្រសួងអប់រំ យុវជន និងកីឡា បានលើកឡើងថា បើផ្តោតលើបញ្ហា យើងឃើញបញ្ហា, បើផ្តោតលើឱកាសយើងឃើញឱកាស, ក្នុងជីវិតបុគ្គលក្តី ក្នុងជីវិតការងារក្តី ផ្លូវមួយណាដែលយើងដើរក៏ដោយ គឺមានបញ្ហាប្រឈម និងឱកាសរៀងៗខ្លួន សំខាន់ត្រង់ថា យើងជ្រើសរើសផ្លូវមួយណាសម្រាប់ដើរ ដោយប្រឈមនឹងបញ្ហា រួចដោះស្រាយតាមទិដ្ឋភាពនិងលទ្ធភាពជាក់ស្ដែង ប្រកបដោយការតាំងចិត្តខ្ពស់។ ដោយមានការគាំទ្រពីបុគ្គលិកអប់រំគ្រប់លំដាប់ថ្នាក់ និងគ្រប់ភាគីពាក់ព័ន្ធ ក្រសួងអប់រំ យុវជន និងកីឡាបាននិងកំពុងបង្វែផលជះនៃកូវីដ-១៩ ឱ្យក្លាយជាឱកាសពង្រឹងការអប់រំឌីជីថល។
ឯកឧត្តមលើកឡើងទៀតថា កូវីដ-១៩ បានរំខានដល់ដំណើរការផ្ទាល់នៃសាលារៀននៅលើពិភពលោកនិងកម្ពុជាក្នុងកំឡុងពេល ០២ ឆ្នាំកន្លងមក ។ តែទោះជាយ៉ាងនេះក៏ដោយ ការរៀននិងបង្រៀននៅកម្ពុជា នៅតែមានដំណើរការជូនសិស្សានុសិស្សទូទាំងប្រទេសតាមវិធីសាស្រ្តអប់រំចម្រុះ ស្របនឹងវិធានការសុវត្ថិភាពសុខភាព។
ជាទូទៅ ក្រសួងអប់រំ យុវជន និងកីឡាសង្កេតឃើញថា គ្រូបង្រៀនភាគច្រើនអាចប្រើប្រាស់ប្រព័ន្ធបច្ចេកវិទ្យាសម្រាប់បង្រៀនតាមអនឡាញមុន និងក្នុងបរិការណ៍កូវីដ-១៩ ។ ចំពោះគ្រូបង្រៀនដែលត្រូវការការបណ្តុះបណ្តាលបន្ថែមដើម្បីអាចប្រើប្រាស់ប្រព័ន្ធបច្ចេកវិទ្យាសម្រាប់បង្រៀនតាមបែបចម្រុះ រួមទាំងតាមអនឡាញ ក្រសួងបានបន្តផ្តល់ឱកាសពង្រឹងសមត្ថភាពតាមគ្រប់រូបភាព។
ក្នុងន័យនេះ ក្រសួងអប់រំ យុវជន និងកីឡាបង្វែបញ្ហាប្រឈម ឱ្យទៅជាឱកាសពង្រឹងគុណវុឌ្ឍិគ្រូបង្រៀន ដែលស្របតាមផែនការយុទ្ធសាស្រ្តវិស័យអប់រំ ២០១៩-២០២៣ ក្នុងគោលបំណងអភិវឌ្ឍន៍មូលធនមនុស្សសម្រាប់ចូលរួមប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់ក្នុងឆ្នាំ២០៣០ និងប្រទេសអភិវឌ្ឍន៍នៅឆ្នាំ២០៥០។
អ្នកនាំពាក្យបានបញ្ជាក់ទៀតថា មុន និងក្នុងបរិការណ៍កូវីដ-១៩ ក្រសួងអប់រំ យុវជន និងកីឡាបន្តលើកកម្ពស់ការបណ្តុះបណ្តាលគ្រូបង្រៀនតាមរយ:ការបន្តអនុវត្តកំណែទម្រង់គ្រឹះស្ថានបណ្តុះបណ្តាលគ្រូ និងលើកកម្ពស់គុណវុឌ្ឍិគ្រូបង្រៀនដោយ៖
– បន្តអនុវត្ត ផែនការសកម្មភាពកំណែទម្រង់គ្រឹះស្ថានបណ្តុះបណ្តាលគ្រូ។
– ជំរុញគ្រប់គ្រឹះស្ថានបណ្តុះបណ្តាលគ្រូ ឲ្យបន្តអនុវត្តកម្មវិធីបណ្តុះបណ្តាលឱ្យបានពេញលេញ និងច្បាស់លាស់ ដោយបែងចែកឱ្យមានការសិក្សាក្នុងថ្នាក់រៀន ស្វ័យសិក្សា និងការប្រើប្រាស់បច្ចេកវិទ្យា។
– កំណត់អ្នកទទួលខុសត្រូវកម្រិតបច្ចេកទេស ដើម្បីឱ្យមានការទទួលខុសត្រូវរឹតតែច្បាស់លាស់។
-បន្តផ្តល់ការបណ្តុះបណ្តាល ដោយប្រើវិធីសាស្រ្តបង្រៀនថ្មីៗ និងការប្រើបច្ចេកវិទ្យាព័ត៌មានក្នុងដំណើរការបង្រៀន និងរៀន។ គ្រូបង្រៀនក៏ទទួលបានវិធីសាស្រ្តបង្រៀនថ្មីៗ រួមមានការរៀនសូត្រសកម្ម ការរៀនបែបស្ថាបនា ការរៀនតាមបែបដោះស្រាយបញ្ហា ការរៀនតាមបែបស្រាវជ្រាវ និងការរៀនតាមបែបរិះរក រួមទាំងបច្ចេកទេសគ្រប់គ្រងថ្នាក់រៀនផ្ទាល់ និងតាមអនឡាញ។
ដើម្បីលើកកម្ពស់ប្រសិទ្ធភាពការរៀននិងបង្រៀនតាមបែបចម្រុះ ឯកឧត្តមបានជូននូវទិដ្ឋភាព២ទាក់ទងនឹង “ការផ្តល់ និងការទទួល” ។ ដោយនិយាយជារួម ទិដ្ឋភាពទី១ គឺការរៀបចំផ្តល់សេវារៀនបែបចម្រុះ ចំណែកឯ ទិដ្ឋភាពទី២គឺការទទួលសេវារៀនបែបចម្រុះ។
ចំពោះទិដ្ឋភាពទី១ស្តីពីការរៀបចំផ្តល់សេវារៀនបែបចម្រុះ ផ្តោតលើត្រីកោណធនធានសម្រាប់ផ្តល់ការរៀនបែបចម្រុះ ដែលមាន៣មុំ៖
-មុំទី១នៃត្រីកោណធនធានគឺ សំដៅដល់អ្នកជំនាញផ្នែកខ្លឹមសារដូចជា÷ក្រុមការងារនាយកដ្ឋានជំនាញនៃក្រសួងអប់រំ យុវជន និងកីឡា, គណៈគ្រប់គ្រងសាលារៀន និងលោកគ្រូ អ្នកគ្រូជាដើម។
-មុំទី២នៃត្រីកោណធនធានគឺ សំដៅដល់អ្នកជំនាញផ្នែកដំណើការដូចជា÷ ក្រុមការងាររដ្ឋបាលនិងហិរញ្ញវត្ថុនៃក្រសួងអប់រំ យុវជន និងកីឡា, ក្រុមការងារនៃមន្ទីរអប់រំ យុវជន និងកីឡា និងក្រុមការងារនៃក្រសួង ស្ថាប័នពាក់ព័ន្ធ និងដៃគូរអភិវឌ្ឍន៍ជាដើម។
-មុំទី៣នៃត្រីកោណធនធានគឺ សំដៅដល់អ្នកជំនាញបច្ចេកវិទ្យាព័ត៌មានដូចជា÷ ក្រុមការងារផ្នែកបច្ចេកវិទ្យា, អ៊ីនធឺណែត, ក្រុមហ៊ុនទូរស័ព្ទ, និងក្រុមការងារវិទ្យុទូរទស្សន៍ជាដើម។
សម្រាប់ទិដ្ឋភាពទី២ ផ្តោតលើ ការតាំងចិត្តផ្ទាល់របស់សិស្ស-និស្សិត និងការគាំទ្រពីមាតាបិតា៖ ការតាំងចិត្តរៀនជាកត្តាសំខាន់១ដែលកំណត់ការពេញចិត្តក្នុងជីវិត។ ការតាំងចិត្តរបស់អ្នកសិក្សាមានតួនាទីសំខាន់មួយកំណត់គុណភាពនៃការទទួលរៀនបែបចម្រុះ។ ចាស់បុរាណបានពោលថា អត់អីអត់ទៅកុំឲ្យតែអត់ចិត្ត។ ក្រសួងអប់រំ យុវជន និងកីឡាមានការតាំងចិត្តខ្ពស់រៀបចំមុំទាំង៣នៃត្រីកោណធនធានខាងលើ។ កម្រិតតាំងចិត្តរបស់អ្នកសិក្សាក្នុងការទទួលការរៀនបែបចម្រុះមានចំណែកសំខាន់កំណត់គុណភាពរៀនបែបចម្រុះ។
តាមរយៈគ្រប់រូបភាព និងគ្រប់លទ្ធភាព ក្រសួងអប់រំ យុវជន និងកីឡាបាននិងបន្តជុំរុញយន្តការការងារ និងកិច្ចសហការរវាងមុំទាំង៣នៃត្រីកោណធនធានខាងលើ ក៏ដូចជាបន្តលើកទឹកចិត្តអ្នកសិក្សា និងមាតាបិតាឲ្យបន្តខិតខំតាំងចិត្តខ្ពស់ប្រកបដោយការអត់ធ្មត់ ទន្ទឹមនឹងការចូលរួមអនុវត្តវិធានការ៣ការពារ ៣កុំ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រចំនួន១០០កន្លែង សិក្សានៅសាកលវិទ្យាល័យសម្តេចព្រះមហាសង្ឃរាជ បូរ គ្រី
ព័ត៌មានអាហារូបករណ៍, ព្រឹត្តិការណ៍
• 30/11/2023
ក្រោមការឧបត្ថម្ភ និងគាំទ្រពី ឯកឧត្តមអភិសន្តិបណ្ឌិត ស សុខា និងលោកជំទាវ សាកលវិទ្យាល័យសម្តេចព្រះសង្ឃរាជ បួរ គ្រី ផ្តល់ជូនអាហារូបករណ៍ដល់សិស្ស-និស្សិតសម្រាប់ឆ្នាំសិក្សា២០២៣-២០២៤ ...
ឱកាសសិក្សានៅអាល្លឺម៉ង់ ៖ សាលា Hertie ប្រកាសផ្ដល់អាហារូបករណ៍អនុបណ្ឌិត «អភិបាលកិច្ចឌីជីថល»
ព័ត៌មានអាហារូបករណ៍, ព្រឹត្តិការណ៍
• 19/10/2026
Hertie School ផ្តល់អាហារូបករណ៍ថា្នក់អនុបណ្ឌិតដល់និស្សិតកម្ពុជាសិក្សាពីបញ្ហាប្រឈមនៃការផ្លាស់ប្តូរឌីជីថល
អាហារូបករណ៍ថ្នាក់ឧត្ដមសិក្សានៅប្រទេសអាល្លឺម៉ង់ ពី Heinrich Boll Foundation Scholarship 2026
ព័ត៌មានអាហារូបករណ៍, ព្រឹត្តិការណ៍
• 11/11/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសអាល្លឺម៉ង់ក្រោមគម្រោងកម្មវិធី Heinrich Boll Foundation Scholarship 2026។ អាហារូបករណ៍ផ្ដល់ការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ការសិក្សានៅ...
ឱកាសអាហារូបករណ៍៥៥កន្លែងទៅសិក្សានៅប្រទេសថៃ ពីគម្រោងអាហារូបករណ៍ព្រះអង្គម្ចាស់ក្សត្រី សិរិថន
ព័ត៌មានអាហារូបករណ៍, ព្រឹត្តិការណ៍
• 25/11/2024
ក្រសួងអប់រំ យុវជន និងកីឡា កាលពីពេលថ្មីៗនេះបានប្រកាសដល់សិស្ស និស្សិត និងមន្រ្តីរាជការកម្ពុជា ដែលមានបំណងចង់បន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បរិញ្ញាបត្រនៅព្រះរាជាណាចក្រថៃ ដោយពេលនេះ គម្រោងព្រះរាជូបត្ថម្ភដល់ព្រះរាជាណាចក្រកម្ពុជា...
អាហារូបករណ៍អភិសន្តិបណ្ឌិត ស សុខា ចំនួន ១០ កន្លែង សិក្សានៅសាកលវិទ្យាល័យជាតិគ្រប់គ្រង
ព័ត៌មានអាហារូបករណ៍, ព្រឹត្តិការណ៍
• 29/09/2026
សម្រាប់សិស្សានុសិស្សដែលទើបប្រឡងជាប់សញ្ញាបត្រមធ្យមសិក្សាទុតិយភូមិ និងមានបំណងចង់បន្តការសិក្សាថ្នាក់ឧត្តមសិក្សានៅសាកលវិទ្យាល័យជាតិគ្រប់គ្រង
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃ នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 10/02/2025
វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសផ្តល់អាហារូបករណ៍ចំនួន ៩៩០កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុកដែលមកពីគ្រួសារក្រីក្រ...
អាហារូបករណ៍ថ្នាក់បរិញ្ញាបត្រជាន់ខ្ពស់ ពី ADB-KFP ឆ្នាំ២០២៦ ទៅសិក្សានៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 13/01/2026
ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School)
ឱកាសសិក្សាអាហារូបករណ៍ថ្នាក់ឧត្ដមសិក្សាពីអាហារូបករណ៍ Lindenwood University Scholarship 2026
ព័ត៌មានអាហារូបករណ៍, ព្រឹត្តិការណ៍
• 29/07/2025
កម្មវិធីអាហារូបករណ៍ Lindenwood University 2026 កំពុងបើកទទួលពាក្យអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Lindenwood សម្រាប់និស្សិតអន្តរជាតិ ក្នុងឆ្នាំសិក្សា២០២៦ នៅសហរដ្ឋអាមេរិក។
ក្រសួងអប់រំជ្រើសរើសនិស្សិតអាហារូបករណ៍នៅសិក្សានៅប្រទេសថៃសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 20/12/2023
ក្រសួងអប់រំ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
