AMS Economyសាស្រ្តាចារ្យ ជុំ ផារីណូ លើកទឹកចិត្តស្រ្តី និងក្មេងស្រីពង្រឹងសមត្ថភាពរៀនជំនាញបច្ចេកវិទ្យា
កំពត- បច្ចេកវិទ្យា ជាជំនាញមួយថ្មីដែលអនុញ្ញាតិឱ្យក្មេងស្រីអាចសិក្សាបានដូចបុរសដែរ ព្រោះការសិក្សាផ្នែកនេះ មិនប្រើកម្លាំងអ្វីច្រើននោះឡើយ ហើយស្រី្តនិងក្មេងស្រីពិតជាមានសមត្ថភាពរៀនជំនាញនេះបានដូចបុរស។ នេះបើតាមការលើកឡើងរបស់លោកសាស្រ្តាចារ្យ ជុំ ផារីណូ ព្រឹទ្ធបុរសមហាវិទ្យាល័យវិស្វកម្មនៃសកលវិទ្យាល័យបច្ចេកវិទ្យា និងវិទ្យាសាស្រ្តកម្ពុជា (ខេមតិច) ក្នុងកម្មវិធីដាក់ឱ្យអនុវត្តគម្រោង “ពង្រឹងវិស័យវិទ្យាសាស្ត្រ បច្ចេកវិទ្យា និងនវានុវត្តន៍” ក្នុងខេត្តកំពត កាលពីពេលថ្មីៗនេះ។
បើតាមប្រសាសន៍លើកឡើងរបស់លោកសាស្រ្តាចារ្យ ជុំ ផារីណូ ជំនាញបច្ចេកវិទ្យា មិនមែនសម្រាប់តែបុរសនោះឡើយ ដូច្នេះស្រ្តី និងក្មេងស្រីមិនគួរដើរតាមផ្នត់គំនិតចាស់ដែលយល់ថា បច្ចេកវិទ្យារៀនបានសម្រាប់តែបុរសនោះទេ។ លោកសាស្រ្តាចារ្យបន្តថា មានស្ថាប័ន អង្គការ និងក្រុមហ៊ុនមួយចំនួន បានលើកទឹកចិត្ត និងផ្ដល់ឱកាសដល់ស្រ្តី និងក្មេងស្រីរៀនជំនាញបច្ចេកវិទ្យាផងដែរ ដូចជាការការសរសេរកូដ (Code) ជាដើម។
លោកសាស្រ្តាចារ្យ ជុំ ផារីណូ
“ខ្ញុំសង្ឃឹមថា យុវជនខ្មែរទាំងក្មេងស្រី និងក្មេងប្រុសជំនាន់ក្រោយអាចចូលរួមនៅក្នុងការអភិវឌ្ឍសេដ្ឋកិច្ចតាមរយៈបច្ចេកវិទ្យា វិទ្យាសាស្រ្តទំនើប និងវិស្វកម្ម ទំនើបទាន់សម័យជាមួយសង្គមដែលមានការអភិវឌ្ឍន៍ គឺថែមទាំងទទួលបានចំណូលខ្ពស់”
ជាមួយគ្នា ព្រឹទ្ធបុរស នៃសាកលវិទ្យាល័យខេមតិច (CamTech University) ក៏បានកត់សម្គាល់ដែរថា កម្មវិធីដាក់ឱ្យអនុវត្តគម្រោង “ពង្រឹងវិស័យវិទ្យាសាស្ត្រ បច្ចេកវិទ្យា និងនវានុវត្តន៍” ក្នុងខេត្តកំពតនេះ ជាកម្មវិធីដែលសាកលវិទ្យាល័យខេមតិចបានចូលរួមជាដៃកូសហការជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ សហការរៀបចំដោយស្ថានទូតឥណ្ឌា។ លោកសាស្រ្តាចារ្យបន្តថា សិស្សានុសិស្សដែលមកចូលរួមមានការចាប់អារម្មណ៍ច្រើនទៅលើបច្ចេកវិទ្យា និងសិស្សានុសិស្សភាគច្រើនបានប្រើប្រាស់បច្ចេកវិទ្យា ប៉ុន្តែពួកគេមិនដឹងថា ត្រូវបង្កើតយ៉ាងម៉េច? និងទាញប្រយោជន៍ពីបច្ចេកវិទ្យាយ៉ាងណា?
លោកសាស្រ្តាចារ្យ ជុំ ផារីណូ
“ខ្ញុំសង្កេតឃើញថា សិស្សស្រីដែលបានមកចូលរួមកម្មវិធីនេះ ចាប់អារម្មណ៍ចំពោះបច្ចេកវិទ្យាថ្មីៗ ហើយដើម្បីសម្រេចការងាររបស់ពួកគេបន្ថែមទៀត យើង នឹងរួមចំណែកជួយជ្រោមជ្រែងសិស្សានុសិស្សបន្ថែមទៀតទាក់ទងទៅនឹងបច្ចេកវិទ្យាស្ទែមនេះ”
តាមប្រសាសន៍របស់លោកសាស្រ្តាចារ្យ សាកលវិទ្យាល័យខេមតិច ផ្ដោតសំខាន់ទៅលើផ្នែកស្ទែម (STEM) ហើយក៏បានសហការជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ធ្វើយ៉ាងណាឱ្យក្មេងជំនាន់ក្រោយយល់ដឹងអំពីជំនាញស្ទែម បង្កើតឱ្យមានអ្នកជំនាញផ្នែកស្ទែម វិទ្យាសាស្រ្ត និងបច្ចេកវិទ្យា ដើម្បីរួមចំណែកអភិវឌ្ឍប្រទេសជាតិឱ្យមានការរីកចម្រើន។ ក្នុងនោះសាកលវិទ្យាល័យក៏មានផ្ដល់អាហារូករណ៍សម្រាប់ស្រ្តីក្នុងវិស័យស្ទែម (Women in STEM) ជាអាហារូបករណ៍សម្រាប់និស្សិតស្រីដែលមានសក្ដានុពល ។ លើសពីនេះ សាកលវិទ្យាល័យក៏មានអាហារូបករណ៍សម្រាប់និស្សិតដែលមកពីតំបន់ដាច់ស្រយាល និងអាហារូបករណ៍ទេពកោសល្យស្ទែម (STEM Genius Scholarship)ផងដែរ។
កញ្ញា លី រ៉ាសា ជានិស្សិតដែលទទួលបានអាហារូបករណ៍ពីសាកលវិទ្យាល័យខេមតិច លើជំនាញវិស្វកម្មរ៉ូបូត និងស្វ័យប្រវត្តិកម្ម និយាយថា កញ្ញាចាប់យកជំនាញនេះ ដោយសារស្រឡាញ់ចូលចិត្តការបង្កើតអ្វីដែលថ្មីៗដោយប្រើប្រាស់បច្ចេកវិទ្យា។ សម្រាប់ រ៉ាសា នាងមិនគិតថា ជំនាញមួយនេះមិនមែនសម្រាប់តែបុរសនោះទេ ហើយការចាប់យកជំនាញបច្ចេកវិទ្យារៀននៅសាកលវិទ្យាល័យ គឺជាការសម្រេចចិត្តរបស់នាងផ្ទាល់ ដោយកញ្ញាយល់ថា នៅថ្ងៃខាងមុខបច្ចេកវិទ្យា នឹងវិវត្តទៅមុខឥតឈប់ឈរ។
កញ្ញា លី រ៉ាសា
“ខ្ញុំគិតថាសក្តានុពល និងភាពឆ្លាតវៃរបស់ខ្ញុំមាននៅក្នុងខ្លួនខ្ញុំស្រាប់ ព្រោះនៅពេលមនុស្សគ្រប់គ្នាសម្រាក ខ្ញុំតែងតែខិតខំសិក្សារៀនសូត្រ និងធ្វើការ”
យុវតីវ័យ២០ឆ្នាំរូបនេះ បន្តថា ឪពុកម្ដាយភាគច្រើនបារម្ភអំពីសុវត្ថិភាពរបស់កូនស្រីក្នុងការរៀនជំនាញបច្ចេកវិទ្យា ព្រោះពួកគាត់យល់ថា នៅក្នុងថ្នាក់ភាគច្រើនមានតែសិស្សប្រុសនោះទេដែលចាប់យកជំនាញបច្ចេកវិទ្យា។ កញ្ញា លី រ៉ាសា ក៏សូមសំណូមពរដល់ឪពុកម្ដាយទាំងអស់ គួរមានទំនុកចិត្ និងជឿតចំពោះកូនក្នុងការចាប់យកជំនាញដែលពួកគេស្រឡាញ់ ប្រសិនបើឪពុកម្ដាយមិនគាំទ្រកូន នោះពួកគេនឹងបាត់បង់ឱកាសរៀនជំនាញដែលខ្លួនស្រឡាញ់៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសផ្លាស់ប្ដូរការសិក្សានៅប្រទេសជប៉ុនពីកម្មវិធី IATSS Forum Leadership Program 2026
ព័ត៌មានអាហារូបករណ៍, ព្រឹត្តិការណ៍
• 12/06/2025
កម្មវិធី IATSS Forum Leadership Program 2026 កំពុងប្រកាសជ្រើសរើសសិស្ស និស្សិត និងយុវជននៅក្នុងប្រទេសអាស៊ាន ទៅផ្លាស់ប្ដូរការសិក្សានៅប្រទេសជប៉ុនសម្រាប់ឆ្នាំ២០២៦។ កម្មវិធីផ្ដល់ឱកាសដល់បេក្ខជន យុវតី ដើម្បីអភិវឌ្ឍជំនាញ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗ នៃប្រទេសប្រ៊ុយណេ ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/12/2024
កម្មវិធីអាហារូករណ៍ Brunei DARUSSALAM SCHOLARSHIP រដ្ឋាភិបាល នៃប្រទេសប្រ៊ុយណេ ប្រកាសផ្ដល់អាហារូបករណ៍ថ្នាក់ឧត្ដមសិក្សាសម្រាប់និស្សិតអន្តរជាតិជាច្រើនកន្លែងសម្រាប់ឆ្នាំសិក្សា២០២៥-២០២៦...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន
ព័ត៌មានអាហារូបករណ៍, ព្រឹត្តិការណ៍
• 25/04/2025
កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...
អាហារូបករណ៍សិក្សាវគ្គខ្លីថ្នាក់ Full-Stack Development នៅ ADITI Academy
ព័ត៌មានអាហារូបករណ៍, ព្រឹត្តិការណ៍
• 17/10/2025
ឱកាសសិក្សាអាហារូបករណ៍វគ្គខ្លីថ្នាក់ Full-Steak Development រយៈពេល៤ខែ នៅ ADITI Academy សម្រាប់ឆ្នាំសិក្សាថ្មី។ អាហារូបករណ៍គាំទ្រដោយធនាគារវីង ផ្ដល់ជូន ១០០% ចំនួន ៣០កន្លែង ៨០% ចំនួន១០កន្លែង និង ៧០% ចំនួន ១០កន្លែង។
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 10/09/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃ នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 10/02/2025
វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសផ្តល់អាហារូបករណ៍ចំនួន ៩៩០កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុកដែលមកពីគ្រួសារក្រីក្រ...
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 12/06/2026
សាកលវិទ្យាល័យឈានមុខគេមួយផ្នែកស្រាវជ្រាវនៅអូស្ត្រាលី ប្រកាសផ្តល់អាហារូបករណ៍ដល់និស្សិតជាតិ-អន្តរជាតិ
ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់
ព័ត៌មានអាហារូបករណ៍, ព្រឹត្តិការណ៍
• 14/01/2026
ក្រសួងមហាផ្ទៃកាលពីដើមសប្តាហ៍នេះ បានប្រកាសពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
