AMS Economyបេក្ខជនវិទ្យាល័យពងទឹក ខេត្តស្វាយរៀង ជាប់ជ័យលាភីលេខ១ ពានរង្វាន់សម្ដេចតេជោហ៊ុនសែន ផ្នែកតែងនិពន្ធ
ភ្នំពេញ- នៅក្នុងសេចក្ដីប្រកាសរបស់ក្រសួងអប់រំ យុវជន និងកីឡា បានរកឃើញបេក្ខជនជ័យលាភីប្រឡងប្រណាំងផ្នែកតែងនិពន្ធ ពានរង្វាន់សម្តេចតេជោ ហ៊ុន សែន កាលពីថ្ងៃទី០៨ ខែមីនា ឆ្នាំ២០២២ ។ ក្រសួងអប់រំបានប្រកាសបេក្ខជនជ័យលាភីបីរូប ជាប់ចំណាត់ថ្នាក់ផ្នែកតែងកំណាព្យក្នុងឱកាសអបអរសាទរ ទិវាជាតិអំណាន លើកទី៧ ក្រោមប្រធានបទ « អំណានជួយលើកកម្ពស់គុណភាពជីវិតក្នុងសង្គមឌីជីថល» ។
លទ្ធផលបេក្ខជនជ័យលាភីលេខ១ បានទៅលើបេក្ខជនឈ្មោះ ជោ ស្រីណាង សិស្សថ្នាក់ទី១២ មកពីវិទ្យាល័យហ៊ុនសែនពងទឹក ខេត្តស្វាយរៀង ប្រធានបទ អំណានជួយលើកកម្ពស់គុណភាពជីវិតក្នុងសង្គមឌីជីថល ។ ម្ចាស់ជ័យលាភីលេខ១ ពានរង្វាន់ សម្ដេចតេជោហ៊ុនសែន ផ្នែកតែងនិពន្ធ បាននិយាយថា នៅពេលទទួលដំណឹងថាខ្លួនជាប់ជ័យលាភីលេខ១ នាងមានអារម្មណ៍រំភើបរីករាយរហូតស្រក់ទឹកភ្នែក ព្រោះជាសេចក្ដីសង្ឃឹមដែលនាងប៉ងចង់យកជ័យលាភីលេខ១ តំណាងឱ្យវិទ្យាល័យរបស់ខ្លួន។
យុវតី ជោ ស្រីណាង
“ខ្ញុំតាំងចិត្តថានឹងខិតខំប្រឹងប្រែងឱ្យអស់ពីសមត្ថភាពនៅក្នុងការតែងនិពន្ធនេះ ហើយខ្ញុំរំពឹងចង់បានចំណាត់ថ្នាក់លេខ១ ដើម្បីជាកិត្តិយសជូនវិទ្យាល័យរបស់ខ្ញុំ ”
ម្ចាស់ជ័យលាភីលេខ១ ផ្នែកតែងនិពន្ធ បន្ថែមថា ចូលរួមប្រកួតតែងនិពន្ធនេះ ដោយសារចង់បង្ហាញពីសមត្ថភាពរបស់ខ្លួនតាមរយៈស្នាដៃតែកំណាព្យ និងជម្នះភាពភ័យខ្លាចរបស់ខ្លួនដែលកន្លងទៅធ្លាប់ចូលរួមប្រកួតប៉ុន្តែមិនទទួលបានលទ្ធផលល្អ ។ យុវតី ជោ ស្រីណាង បន្តថា ដោយសារមានការជំរុញទឹកចិត្តពីក្រុមគ្រួសារ លោកគ្រូ អ្នកគ្រូ និងកម្លាំងចិត្តពីខ្លួនឯងចង់ចូលរួមប្រកួតស្នាដៃតែងនិពន្ធម្ដងទៀត ដើម្បីបង្ហាញសមត្ថភាពថាខ្លួនពិតជាអាចធ្វើបានល្អជាងពេលមុន។
យុវតី ជោ ស្រីណាង
“ដើម្បីតែងកំណាព្យមួយល្អ យើងត្រូវមានចិត្តស្រឡាញ់ តាំងចិត្តស្រមើស្រមៃខ្ពស់មុននឹងចាប់ផ្ដើមតែងនិពន្ធ ជាពិសេសត្រូវអានប្រធានបទនោះបានច្បាស់ ផ្ដល់នូវតម្លៃអប់រំ ចំណេះដឹង ឱ្យអ្នកស្ដាប់ អ្នកអាន បានត្រិះរិះពិចារណាវាយតម្លៃ និងទទួលបានគំនិតអប់រំចេញពីកំណាព្យ”
ជុំវិញការប្រកួតតែងនិពន្ធនេះ យុវតី ជោ ស្រីណាង ទទួលបានបទពិសោធន៍ជាច្រើនដែលជួយជំរុញនាងឱ្យមានភាពក្លាហាន មានឱកាសបង្ហាញមត្ថភាពតាមរយៈស្នាដៃកំណាព្យ ស្គាល់បរិបទសង្គមបានយ៉ាងច្បាស់ ស្គាល់អត្ថន័យរបស់ពាក្យខ្មែរយកមកប្រើនៅក្នុងកំណាព្យឱ្យមានសោភ័ណភាពល្អ។ ស្របគ្នានេះ ស្រីណាង បន្តថា កំណាព្យមានការលំបាកក្នុងការតែងនិពន្ធ ទាមទារដឹងពីធាតុសំខាន់ៗរបស់កំណាព្យ រួមមាន ចង្វាក់ ចំណាប់ជួន កាព្យមាត្រ រង្វាស់កាព្យ និងសង្គមបរិយាកាស ហើយចាំបាច់កត់ចំណាំនិយមន័យឱ្យបានច្បាស់លាស់ ។
ជាមួយគ្នានេះ លោក ញ៉ាន់ សុវណ្ណ នាយកវិទ្យាល័យហ៊ុនសែនពងទឹក ខេត្តស្វាយរៀង មានប្រសាសន៍ថា វិទ្យាល័យហ៊ុនសែនពងទឹក ខេត្តស្វាយរៀង ស្ថិតក្នុងស្រុករំដួល ស្ថិតក្នុងភូមិទួលតាកែវ ឃុំពងទឹក ស្រុករំដួល ខេត្តស្វាយរៀង ដែលមានព្រំប្រទល់ខាងកើតជាប់ប្រទេសវៀតណាម ។ លោក ញ៉ាន សុវណ្ណ បន្តថា លោកមានអារម្មណ៍សប្បាយរីករាយ រំភើបរកអ្វីប្រៀបផ្ទឹមពុំបាន ព្រោះជាលើកទីមួយដែលវិទ្យាល័យហ៊ុនសែនពងទឹក ខេត្តស្វាយរៀង មានសិស្សចូលរួមប្រកួតទទួលបានជ័យលាភីលេខ១ ផ្នែកតែងនិពន្ធ។
លោក ញ៉ាន់ សុវណ្ណ នាយកវិទ្យាល័យហ៊ុនសែនពងទឹក ខេត្តស្វាយរៀង
“ខ្ញុំសប្បាយចិត្តមែនទែន ហើយមិនមែនតែខ្ញុំទេ ប៉ុន្តែគឺគណៈគ្រប់គ្រងសាលា និងបុគ្គលិកអប់រំទាំងអស់សប្បាយរីករាយ រំភើបចិត្តដែលជាកិត្តិយសមួយសម្រាប់សាលា ក៏ដូចជាមន្ទីរអប់រំខេត្ត ដែលមានសិស្សទទួលបានជ័យលាភីលេខ១ ផ្នែកតែងនិពន្ធ”
នាយកវិទ្យាល័យហ៊ុនសែនពងទឹក ខេត្តស្វាយរៀង បន្ថែមថា ស្រីណាងធ្លាប់ទទួលបានការសិក្សារៀនសូត្រច្រើនទាក់ទងនឹងកំណាព្យ ការតែងនិពន្ធ ហើយមុនទៅប្រឡងសាលាក៏មានធ្វើការប្រឡងជម្រុះគ្រប់សាលារៀន ព្រមទាំងជួយហ្វឹកហាត់បន្ថែមពីលោកគ្រូ អ្នកគ្រូ ផ្នែកអក្សរសាស្រ្តខ្មែរ ។ លោកនាយក បន្តថា ស្រីណាង ជាសិស្សមានអត្តចរិកស្លូតបូត ខិតខំប្រឹងប្រែងរៀនសូត្រ ជាសិស្សពូកែ ទោះបីជាគាត់ស្ថិតនៅក្នុងគ្រួសារដែលមានជីវិភាពមធ្យម ។
លោក ញ៉ាន សុវណ្ណ នាយកវិទ្យាល័យហ៊ុនសែនពងទឹក ខេត្តស្វាយរៀង
“ខ្ញុំសង្ឃឹមថា ស្រីណាងនឹងក្លាយជាសិស្សពូកែតំណាងឱ្យវិទ្យាល័យហ៊ុនសែនពងទឹក ខេត្តស្វាយរៀង ជួយលើកមុខមាត់សាលារៀន នឹងសង្ឃឹមថាគាត់ទទួលបាននិទ្ទេសA ពេលប្រឡងបាក់ឌុបឆ្នាំនេះ”
លោក ញ៉ាន សុវណ្ណ បបញ្ជាក់បន្ថែមថា ក្នុងនាមជានាយកសាលាមួយរូប លោកប្ដេជ្ញានឹងបន្តការដឹកនាំសាលារៀន ឱ្យទទួលបានការរីកចម្រើន ទាំងគុណភាពអប់រំ និងការអភិវឌ្ឍក្នុងសាលាឱ្យបានល្អប្រសើរ បើប្រៀបធៀបក្នុងស្រុក ។ លោកនាយកបន្តថា ទោះបីជាសាលាទទួលបានការជួយឧបត្ថម្ភពីសប្បុរសជនបន្តិចបន្តួចក៏ដោយ ប៉ុន្តែលោកនៅតែតស៊ូ ខិតខំប្រឹងប្រែង គ្រប់គ្រង អប់រំ ប្អូនៗសិស្សានុសិស្សនៅទីនេះ ឱ្យទទួលបានលទ្ធផលល្អនៅពេលគាត់បញ្ចប់ការសិក្សានៅថ្នាក់ទី១២ និងចេញបម្រើការងារជាមន្រ្តីរាជការ និងតាមបណ្ដាអង្គភាពផ្សេងៗ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ប្រភេទ នៃអាហារូបករណ៍ទាំង១០ក្នុងប្រទេសអ៉ីតាលីដែលអ្នកគួរដឹង
ព័ត៌មានអាហារូបករណ៍, ព្រឹត្តិការណ៍
• 22/05/2025
បើនិយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង...
ACE ផ្តល់អាហារូបករណ៍ដល់សិស្សនិស្សិតចំនួន ៣១កន្លែង
ព័ត៌មានអាហារូបករណ៍, ព្រឹត្តិការណ៍
• 25/08/2023
មជ្ឈមណ្ឌលអូស្រ្តាលីសម្រាប់ការបណ្តុះបណ្តាល ប្រកាសផ្តល់អាហារូបករណ៍ដល់សិស្សនិស្សិតចំនួន៣១កន្លែង ដោយម្នាក់ៗនឹងទទួលបានអាហារូបករណ៍រយៈពេល១ឆ្នាំ។
ឱកាសអាហារូបករណ៍ចំនួន១០០កន្លែង ៖ អាហារូបករណ៍ ចេន ហ្ស៊ី (Chen Zhi) ចាប់ផ្តើមបើកទទួលពាក្យហើយ
ព័ត៌មានអាហារូបករណ៍, ព្រឹត្តិការណ៍
• 22/01/2024
ក្នុងរយៈពេលប្រាំពីរឆ្នាំកម្មវិធីរបស់ ព្រីនស៍ ហូលឌីង គ្រុប នឹងគាំទ្រដល់និស្សិតកម្ពុជាចំនួន ៤០០នាក់ ជាមួយនឹងការបរិច្ចាគដែលមានតម្លៃជាទឹកប្រាក់សរុបប្រមាណ ២ លានដុល្លារសហរដ្ឋអាមេរិក...
រៀនជំនាញឥតគិតថ្លៃ សម្រាប់អតីតពលករដែលធ្លាប់ធ្វើការនៅបរទេស
ព័ត៌មានអាហារូបករណ៍, ព្រឹត្តិការណ៍
• 20/01/2026
មជ្ឈមណ្ឌលពលករទេសន្តប្រវេសន៍មាតុភូមិនិវត្តន៍កម្ពុជា (HRCC) ដែលជាមជ្ឈមណ្ឌលបណ្តុះបណ្តាល និងគាំទ្រពលករទេសន្តរប្រវេសន៍ (ពលករចំណាកស្រុក)
វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសសិស្សចូលរៀនជំនាញ TVET ឥតគិតថ្លៃ ចំនួន៦៤០នាក់
ព័ត៌មានអាហារូបករណ៍, ព្រឹត្តិការណ៍
• 15/07/2025
វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្តុះបណ្តាលបច្ចេកទេស និងវិជ្ជាជីវៈរបស់រដ្ឋ កំពុងប្រកាសជ្រើសរើសសិស្សទាំងពីរភេទឱ្យចូលរៀនជំនាញវិជ្ជាជីវៈ និងបច្ចេកទេសដោយឥតគិតថ្លៃទៅលើជំនាញជាច្រើន ចំនួន ៦៤០នាក់
អាហារូបករណ៍ថ្នាក់ក្រោយឧត្ដមសិក្សាពីកម្មវិធីអាហារូបករណ៍ GIST ប្រទេសកូរ៉េខាងត្បូងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 21/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងកម្មវិធី MS&PhDរួមបញ្ចូលគ្នា នៅវិទ្យាស្ថានវិទ្យាសាស្ត្រ និបច្ចេកវិទ្យាGwangju (GIST)សាធារណកូរ៉េពីកម្មវិធីអាហា.....
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 30/05/2025
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ប្រទេសកាណាដា សម្រាប់ឆ្នាំសិក្សា២០២៥។ អាហារូបករណ៍ផ្ដល់ដោយ កម្មវិធី University of Calgary Bachlor’s Scholarship 2025 in Canada។
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និងវិជ្ជាជីវៈ ចំនួន ៦៣៣០នាក់
ព័ត៌មានអាហារូបករណ៍, ព្រឹត្តិការណ៍
• 17/11/2023
ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និងវិជ្ជាជីវៈ ពេលនេះ វិទ្យាស្ថានពហុបច្ចេកទេសភូមិភាគតេជោសែនបាត់ដំបង ...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
