AMS Economyម្តាយឪពុកថែរក្សាសុខភាពមាត់ធ្មេញកុមារបានល្អ ជួយកាត់បន្ថយការចំណាយនិងលើកកម្ពស់ការអប់រំតាមវ័យ
ភ្នំពេញ – កុមារគ្រប់រូបអាចញញឹមស្រស់ស្រាយ ឬទទួលបានការអប់រំពេញលេញនៅពេលសុខភាពមាត់ធ្មេញរបស់ពួកគេទទួលបានការថែទាំល្អប្រសើរពីម្តាយឪពុក ឬអាណាព្យាបាល។ ការសម្អាតមាត់ធ្មេញបានល្អ ព្រមទាំងចំណេះដឹងទទួលទានអាហារដែលមិនប៉ះពាល់ដល់សុខភាពធ្មេញសំខាន់សម្រាប់កុមារ ពិសេសប្រភេទអាហារនិងភេសជ្ជៈផ្អែមងាយបណ្តាលឱ្យធ្មេញកុមារងារខូច។ ខាងក្រោមនេះជាចំណេះដឹងមួយចំនួនដែលលោកស្រីទន្តបណ្ឌិត ណម ចំណាន ប្រធានផ្នែកគ្លីនិកមន្ទីរព្យាបាលធ្មេញ មែលវីន បានណែនាំដល់ម្តាយឪពុកដើម្បីដឹងពីការវិវត្តន៍និងការថែទាំសុខភាពធ្មេញកុមារ។
១. ទារកពីអាយុពី ៦ខែដល់ ២ឆ្នាំ ៖ ការសម្អាតធ្មេញទឹកដោះដំបូង គឺជាតួនាទីរបស់ឪពុកម្តាយដោយប្រើស្បៃផ្សើមទឹកតិចៗជូតថ្មមៗលើផ្ទៃធ្មេញដើម្បីកាត់បន្ថយជាតិផ្អែម ក៏ដូចជាសម្អាតបាក់តេរីដែលតោងស្អិតលើផ្ទៃធ្មេញរៀងរាល់ពេលបំបៅដោះរួច។ បន្ថែមពីនោះ អាណាព្យាបាលគួរតែឧស្សាហ៍ប្រើខ្សែអំបោះទាក់នៅចន្លោះធ្មេញស្រាលៗដើម្បីកោសសម្អាតឱ្យបានគ្រប់ផ្ទៃធ្មេញ ។
២. កុមារពីអាយុ ២ឆ្នាំដល់ ៤ឆ្នាំ៖ នេះជាពេលដែលកុមារកំពុងរៀនដើរ រៀនរត់ ហើយក៏ជាពេលដែលកុមាររៀនប្រើដៃចាប់កាន់ឧបករណ៍ប្រើប្រាស់មួយចំនួនបាន។ វាជាពេលវេលាដ៏សំខាន់ដែលឪពុកម្តាយចាប់ផ្តើមនាំកុមារឱ្យចេះរៀនកាន់ច្រាសដុសធ្មេញនៅក្នុងបន្ទប់ទឹក ឬក៏ដាក់គាត់អង្គុយលើភ្លៅផ្តេកក្បាលលើខ្លួន ហើយឆ្លុះកញ្ចក់ដុសឱ្យគាត់មើល ឬឱ្យនរណាម្នាក់ធ្វើជាគំរូដុសធ្មេញនៅទល់មុខគាត់ក៏បាន។
ការបង្រៀនឱ្យកុមារចេះសម្អាតមាត់ធ្មេញអាចរៀនតាមរយៈការប្រើប្រាស់ App តុក្កតាបង្រៀនដុសធ្មេញជាជំនួយ ដើម្បីលើកទឹកចិត្តកុមារឱ្យចាប់ផ្តើមទម្លាប់ដុសធ្មេញ ព្រោះនៅអាយុនេះកុមារចូលចិត្តរៀនធ្វើតាមមនុស្សធំណាស់ ។ គួរកត់ចំណាំថា នៅអាយុនេះត្រូវជ្រើសរើសថ្នាំដុសធ្មេញដែលមានហ្ល្វុយអររ៉ាយកំហាប់តិច (អាចមើលបាននៅលើទីបថ្នាំដុសធ្មេញ ឬគេសសេរថាសម្រាប់កុមារ) ហើយដាក់ទំហំថ្នាំដុសធ្មេញតូចប៉ុនគ្រាប់សណ្តែកបាយប៉ុណ្ណោះ ជៀសវាងគាត់លេបចូលពោះដែលអាចបណ្តាលឱ្យលើសជាតិហ្ល្វុយអររ៉ាយ។ បើគាត់ចូលចិត្តលេបថ្នាំដុសធ្មេញ យើងអាចដុសតែជាមួយនឹងច្រាសធម្មតា និងទឹកប៉ុណ្ណឹងសិនបានហើយ ។
៣. កុមារពីអាយុ ៤ឆ្នាំដល់ ៦ឆ្នាំ ៖ វ័យនេះកុមាររាងធំបន្តិចគាត់អាចកាន់ច្រាសដុសធ្មេញបានដោយខ្លួនឯង តែពេលខ្លះពួកគាត់ក៏ខ្ជិល ឬគេចមិនចង់ដុសធ្មេញដែរ ដូច្នេះអាណាព្យាបាលត្រូវបន្តការលើកទឹកចិត្តតាមរយៈការផ្តល់ជារង្វាន់ជូនគាត់រៀងរាល់សប្តាហ៍ដូចជាការទិញសៀវភៅអាន ឬជូនគាត់ទៅញាំអាហារដែលគាត់ចូលចិត្តជាដើម ។
បណ្ឌិតផ្នែកធ្មេញដដែលបន្តថា អាណាព្យាបាលគួរតែចាប់ផ្តើមនាំកុមារមកទទួលសេវាកម្មថែទាំធ្មេញបាននៅគ្លីនិកផ្ទាល់គួរតែចាប់ផ្តើមពីអាយុ២ឆ្នាំឡើងព្រោះជាពេលដែលធ្មេញទឹកដោះដុះគ្រប់ចំនួន ។ បើទោះបីជាពួកគាត់ពុំទាន់ព្រមឲ្យគ្រូពេទ្យពិនិត្យក៏ដោយ ប៉ុន្តែក្មេងអាចបន្សាំអារម្មណ៍ជាមួយបរិយាកាសគ្លីនិក ពិសេសគឺគ្រូពេទ្យធ្មេញអាចជួយបង្រៀនពីរបស់ដុសធ្មេញដែលត្រឹមត្រូវ ដែលជាសកម្មភាពកាត់បន្ថយការភ័យខ្លាចនៅពេលដែលពួកគាត់មកពិនិត្យលើកក្រោយ និងជួយការពារកុំឱ្យមានជម្ងឺដង្កូវស៊ីធ្មេញ ។ ដូច្នេះរៀងរាល់ពេលដែលឪពុកម្តាយអញ្ជើញមកពិនិត្យធ្មេញរៀងរាល់ ៦ខែម្តង គួរតែនាំយកកូនតូចៗមកជាមួយផង។
“ការនាំកុមារមកទទួលការពិនិត្យឱ្យបានទៀងទាត់នឹងជួយកាត់បន្ថយការចំណាយរបស់ឪពុកម្តាយតាមរយៈការពត់ធ្មេញនៅពេលធំឡើង ។ នៅពេលដែលកុមារពុំមានការឈឺចាប់ធ្មេញ នោះកុមារអាចញាំចំណីបានឆ្ញាញ់ ញញឹមស្អាត មិនខកខានការរៀនសូត្រ (សុំច្បាប់មកព្យាបាលធ្មេញ) និងមិនយំរករឿងឪពុកម្តាយពេលដែលឈឺ”
លោកស្រីទន្តបណ្ឌិត ណម ចំណាន
អ្នកជំនាញរូបនេះបន្ថែមថា នៅពេលដែលម្តាយឪពុកយកចិត្តទុកដាក់ពិនិត្យសុខភាពធ្មេញកុមារបានទៀងទាត់ ភាគច្រើនធ្មេញកុមារមិនសូវមានបញ្ហាអ្វីច្រើនទេ។ ម្តាយឪពុកត្រូវដឹងថា កុមារតូចៗមិនងាយឱ្យពេទ្យធ្មេញប៉ះធ្មេញទេ ដូច្នេះវាអាស្រ័យមួយចំណែកធំទៅលើការសហការណ៍របស់គាត់ ពិសេសគឺអាណាព្យាបាលដែលត្រូវតែនៅក្បែរកូនគាត់ជានិច្ច ដើម្បីជួយនិយាយលួងលោម លើកទឹកចិត្ត និងការផ្តល់ជារង្វាន់ផ្សេងៗបន្ទាប់ពីធ្វើធ្មេញរួច ។
លោកស្រីបញ្ជាក់បន្តថា កូនក្មេងមិនងាយផ្ចង់អារម្មណ៍ហាមាត់ឱ្យគ្រូពេទ្យធ្វើការងារប៉ះធ្មេញបានយូរទេ ដែលតម្រូវឱ្យគ្រូពេទ្យត្រូវត្រៀមលក្ខណៈឱ្យបានរួចរាល់ ហើយជំនួយការវិញក៏ត្រូវមានចាប់ពី ២នាក់ឡើង ដើម្បីឱ្យពេលវេលានៃការងារកាន់តែលឿន ហើយមានប្រសិទ្ធិភាព ។ ការធ្វើបែបនេះគឺជាការផ្តល់នូវបទពិសោធន៍មួយដ៏ល្អដល់កុមារ ដើម្បីលើកទឹកចិត្តឲ្យពួកគាត់មកទទួលការព្យាបាលបន្តបន្ទាប់ទៀតតាមគោលការណ៍ធ្វើពីការងារស្រាលៗទៅដល់ការងារធំៗ ។
ជាទូទៅការព្យាបាលធ្មេញកុមារធ្មេញកុមារ អ្នកជំនាញប្រើបច្ចេកទេស “Tell-Show-Do” មានន័យថា ប្រាប់ថាគ្រូពេទ្យនឹងត្រូវធ្វើអ្វី រួចបង្ហាញរបស់ដែលត្រូវដាក់ចូលមាត់គាត់ ពេលខ្លះឱ្យគាត់កាន់ ឬស្ទាបកុំឱ្យខ្លាច រួចហើយធ្វើតែម្តង គឺពន្យល់បណ្តើរធ្វើបណ្តើរ ។ ពេលធ្វើជាមួយកូនក្មេងម្តងៗ គឺត្រូវមានភាពអត់ធ្មត់ព្រោះត្រូវការពន្យល់និងលួងលោមច្រើន ។ ទោះជាយ៉ាងណាក៏ដោយ មានក្មេងប្រហែល១០% ដែលពុំសហការ ទោះជាខំពន្យល់យ៉ាងណាក៏មិនព្រមស្តាប់ដែរ ប៉ុន្តែអ្នកជំនាញនៅតែមានវិធីសាស្រ្តមួយចំនួនថែមទៀតដើម្បីជួយសម្រួលអាម្មណ៍គាត់មុន និងកំឡុងពេលព្យាបាល គឺការដាក់ថ្នាំសណ្តំស្រាលដើម្បីកុំឱ្យគាត់ខ្លាច ។
សូមជម្រាបជូនថា នៅគ្លីនិក Melvin Dental Care មានគ្រូពេទ្យដែលមានបទពិសោធន៍ក្នុងការព្យាបាលជាមួយកុមារតូចៗជាច្រើនដោយជោគជ័យ ប្រសិនបើកុមារខ្លាចពេទ្យធ្មេញ គឺនៅតែមានវីធីដើម្បីជួយព្យាបាលការពារធ្មេញតាមរយៈការបិទថ្នាំហ្ល្វរអររ៉ាយ និងការប្រឹក្សាក្នុងការថែទាំធ្មេញកុមារចាប់ពីអាយុ ២ឆ្នាំឡើង ។ លើសពីនោះ មែលវីន ក៏មានតុសម្រាប់កុមារតូចៗអាចអង្គុយលេងរៀបផ្គុំរូបភាព អានសៀវភៅ ផាត់ពណ៌ ក៏ដូចជាការទទួលបាននូវការបង្រៀនដុសធ្មេញពីក្រុមគ្រូពេទ្យផងដែរ ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ពីកម្មវិធីសិក្សាផ្នែកច្បាប់របស់ World Bank ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/04/2023
កម្មវិធីសិក្សាផ្នែកច្បាប់របស់ World Bank នៅរដ្ឋធានីវ៉ាស៊ីនតោន ប្រកាសផ្ដល់ឱកាសសិក្សាដល់និស្សិតអន្តរជាតិជុំវិញពិភពលោកសម្រាប់ឆ្នាំសិក្សា២០២៣-២០២៤ ។ ...
អាហារូបករណ៍សិក្សាថ្នាក់បរិញ្ញាបត្រ២០កន្លែង នៅសាលវិទ្យាល័យក្រចេះ
ព័ត៌មានអាហារូបករណ៍, ព្រឹត្តិការណ៍
• 23/10/2025
សម្រាប់សិស្សានុសិស្សដែលមានបំណងចង់បន្តការសិក្សាថ្នាក់បរិញ្ញាបត្រ ពេលនេះ សាកលវិទ្យាល័យក្រចេះ បានប្រកាសផ្តល់អាហារូបករណ៍ចំនួន២០កន្លែង សម្រាប់ឆ្នាំសិក្សា២០២៥-២០២៦
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 15/05/2023
កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី ...
ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme
ព័ត៌មានអាហារូបករណ៍, ព្រឹត្តិការណ៍
• 24/01/2024
ឱកាសផ្លាស់ប្ដូរការសិក្សានៅសាកលវិទ្យាល័យChulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...
ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 29/05/2026
សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...
ឱកាសអាហារូបករណ៍រដ្ឋាភិបាលជប៉ុន MEXT ឆ្នាំ២០២៧ នៅសាកលវិទ្យាល័យ Osaka University
ព័ត៌មានអាហារូបករណ៍, ព្រឹត្តិការណ៍
• 02/07/2026
សាកលវិទ្យាល័យ Osaka University ដែលជាគ្រឹះស្ថានឧត្តមសិក្សាដ៏មានកេរ្តិ៍ឈ្មោះល្បីល្បាញមួយរបស់ប្រទេសជប៉ុន បានប្រកាសបើកទទួលពាក្យសុំអាហារូបករណ៍ Osaka University MEXT Scholarships 2027 ហើយ។
អាហារូបករណ៍អភិសន្តិបណ្ឌិត ស សុខា ផ្ដល់អាហារូបករណ៍ថ្នាក់ឧត្ដមសិក្សា៤០០កន្លែងនៅវិទ្យាស្ថានខ្មែរជំនាន់ថ្មី
ព័ត៌មានអាហារូបករណ៍, ព្រឹត្តិការណ៍
• 16/10/2024
ឱកាសសិក្សាអាហារូបករណ៍ចំនួន៤០០កន្លែងនៅវិទ្យាស្ថានខ្មែរជំនាន់ថ្មីសិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
ដំណើរការជ្រើសរើសកន្លែងបម្រើការងាររបស់បេក្ខជនជាប់បម្រុងគ្រូបង្រៀនផ្អែកលើកិច្ចព្រមព្រៀងការងារ កម្រិតអនុវិទ្យាល័យ ចំនួន ៥៧៥នាក់
ក្នុងឱកាសបើកបវេសនកាលឆ្នាំសិក្សា ២០២៦-២០២៧ ក្រសួងអប់រំ យុវជន និងកីឡា បានដាក់ចេញយុទ្ធសាស្ត្រកំណែទម្រង់ជាច្រើន ដើម្បីពង្រឹងគុណភាពសាលារៀន គ្រូបង្រៀន
កម្មវិធីពិសេសរបស់ AMS ECONOMY
