AMS Economyម្តាយឪពុកផ្លាស់ប្តូរកំហុសអប់រំកូនដោយអចេតនា
ភ្នំពេញ – ទំនងកុមារគ្រប់រូបមិនអាចប្រព្រឹត្តិអំពើហិង្សាបានទេនៅក្នុងដំណើរជីវិតរបស់ពួកគេ ប្រសិនបើម្តាយឪពុក សាលារៀន និងសហគមន៍បានអប់រំកុមារដោយអហិង្សា ហើយកុមារក៏មិនត្រូវការរូបភាពអប់រំដោយវិធីសាស្ត្រហិង្សាដែរ ។ នេះជាការយល់ឃើញរបស់លោកស្រី តឹក ចន្នី អាយុ ៤៨ឆ្នាំ ជាពលរដ្ឋរស់នៅភូមិដើមស្លែង១ សង្កាត់ច្បារអំពៅ ២ ខណ្ឌច្បារអំពៅ រាធានីភ្នំពេញ ។ ស្ត្រីមេផ្ទះរូបនេះ បានអប់រំកូនតាមវិធីសាស្ត្រគំរូអហិង្សា ក្រោយពីធ្លាប់អប់រំកូនតាមបែបហិង្សា ។
ការអប់រំបែបហិង្សាបានឆ្លងកាត់ពីទម្លាប់ នឹងអាចក្លាយជាប្រពៃណីនៃការអប់រំកូនសម្រាប់ប្រជាជនកម្ពុជា ឬជាមរតកអប់រំហិង្សាតជំនាន់ ។ អ្នកស្រី តឹក ចន្នី ជាស្ត្រីមេម៉ាយ មានកូនបីនាក់ក្នុងបន្ទុក ក្នុងនោះមានកូនម្នាក់រៀនថ្នាក់ទី៤ និងម្នាក់ថ្នាក់ទី៦ ។
លោកស្រី តឹក ចន្នី បានបញ្ជាក់បន្ថែមថា អប់រំកូនដោយហិង្សាបានធ្វើឱ្យកូនរបស់លោកស្រី ស្ទើរក្លាយជាមនុស្សបាត់បង់ទំនុកចិត្ត បាត់បង់ទំនាក់ទំនង និងឃ្លាតឆ្ងាយពីក្តីស្រឡាញ់ ។ ការអប់រំកូនដោយហិង្សាមិនទទួលបានលទ្ធផលល្អនោះទេ ផ្ទុយទៅវិញមានបញ្ហាកាន់តែធ្ងន់ធ្ងរឡើង ។
“តាំងពីតូចមកពេលដែលខ្ញុំធ្វើអ្វីខុស ម្ដាយខ្ញុំតែងតែវាយខ្ញុំ ប៉ុន្តែនៅពេលដែលខ្ញុំមានកូនខ្លួនឯង ទើបខ្ញុំដឹងថា ខ្ញុំត្រូវផ្លាស់ប្ដូររឿងហ្នឹង ដោយយកវិធីលួងលោមនៅក្នុងការអប់រំពួកគេ (កូន) ”
លោកស្រី តឹក ចន្នី
ស្រ្តីមេផ្ទះមានមុខរបរជាអ្នកលក់នំរូបនេះបន្តថា ពេលកូនធ្វើអ្វីមួយខុសក្នុងនាមជាម្ដាយត្រូវណែនាំកែ តម្រូវ និងចេះអនុគ្រោះទៅដល់កូន ចៀសវាងវាយដំកូន ។ ទន្ទឹមគ្នានេះដែរ លោកស្រីចូលចិត្តមើលអប់រំអំពីគំរូអហិង្សាទៅបណ្ដាញសង្គម ពីព្រោះរូបភាពអប់រំទាំងនោះជួយឱ្យលោកស្រី និងឪពុកម្ដាយគ្រប់រូបយល់ដឹងបន្ថែមអំពីការអប់រំកូនឱ្យបានល្អ ។
“ពេលធ្វើអំពើហិង្សាលើពួកគាត់ (កូន) ធ្វើឱ្យពួកគាត់គិតថាម្ដាយមិនស្រលាញ់ ម្តាយធ្វើបាប និងមិនបានផ្ដល់ភាពកក់ក្ដៅទៅលើពួកគាត់ឡើយ ! ហេតុនេះធ្វើឱ្យកុមារប៉ះពាល់ផ្លូវអារម្មណ៍ខ្លាំង”
នេះជាការបញ្ជាក់បន្ថែមរបស់លោកស្រី តឹក ចន្នី
ធ្លាប់មានបទពិសោធន៍ប្រើពាក្យសម្តីធ្ងន់ៗទៅលើកូន លោក ប៊ូ យៀន ពលរដ្ឋរស់នៅសង្កាត់ច្បារអំពៅ២ ខណ្ឌច្បារអំពៅ រាធានីភ្នំពេញ ក៏បាននិយាយដែរថា លោកបានផ្លាស់ប្តូរទម្លាប់ប្រើពាក្យសម្តីហិង្សាលើកូន នៅពេលដែលលោកឃើញកូនភ័យខ្លាច ហើយមិនហ៊ានជួបមុខឪពុកផ្ទាល់ឡើយ ។ តាមរយៈរូបភាពនេះ ជាចំណុចរុញច្រានចិត្តលោកឱ្យបញ្ឈប់សកម្មភាពហិង្សា និងពាក្យសម្តីមិនសមរម្យទៅកាន់កូន ។
ចំណែកលោកស្រី គង់ ធីតា ភរិយាលោក ប៊ូ យៀន បាននិយាយថា ពេលកូនមានកំហុសម្តាយឪពុកប្រើពាក្យលួងលោមល្អៗទៅកាន់កូន ធ្វើឱ្យកូនមានអារម្មណ៍ល្អ ទទួលបានភាពកក់ក្តៅ និងឆ្លើតតមមកម្តាយឪពុកដោយក្តីស្រឡាញ់ ។
“ម្តាយឪពុកត្រូវចេះជួយគ្នាទៅវិញទៅមក ហើយអប់រំកូនដោយក្តីស្រឡាញ់ ដើម្បីឱ្យកូនៗឃើញគំរូល្អ ។ ខ្ញុំជឿថា ពួកគេអាចយកតម្រាប់តាម ហើយគ្រួសារក៏មានសុភមង្គលគ្រួសារ”
លោកស្រី គង់ ធីតា
ជាក់ស្តែង មិនមែនមានតែពីរគ្រួសារខាងលើនេះទេ ដែលចាត់ទុកការអប់រំកូនដោយហិង្សាជាវិធីសាស្ត្របំបាក់ទឹកចិត្តនិងស្មារតីរបស់កុមារ ផ្ទុយទៅវិញការកែប្រែទម្លាប់អប់រំកូនដោយហិង្សាបានលុបបំបាត់ចេញពីគ្រួសារលោកស្រី ឃ្លាំង សុផន អ្នកភូមិច្បារអំពៅតាំងពីឆ្នាំ ២០១០ ។ ស្ត្រីមេផ្ទះវ័យ ៥៨ឆ្នាំរូបនេះ បានអនុវត្តវិធីសាស្ត្រអប់រំកូនតាមបែបវិជ្ជមាន នៅពេលដែលលោកស្រីដឹងថា វិធីសាស្ត្រអប់រំកូនដោយហិង្សា កុមារក្លាយជាក្មេងឆាប់ភ្លេចភ្លាំងច្រើន ។
“ខ្ញុំគិតថាប្រើអំហិង្សាអប់រំកូនហ្នឹង ជារឿងមិនល្អនោះទេ វាបានជះឥទ្ធិពលទៅដល់សង្គម ធ្វើឱ្យកូនមានសម្ពាធផ្លូវចិត្ត ! ខ្ញុំបានកែប្រែទម្លាប់ពីជេរស្ដី ឬវាយដំកូន មកនិយាយពាក្យល្អៗដាក់កូនវិញ ស្រាប់តែពួកគេស្តាប់យល់ពីបំណងម៉ែឪ ហើយម្នាក់ៗខំប្រឹងប្រែងរៀនសូត្រ”
លោកស្រី ឃ្លាំង សុផន
ក្រៅពីប៉ះពាល់សុខភាពផ្លូវចិត្តធ្ងន់ធ្ងរដល់កុមារ តាមទិន្នន័យដែលចេញដោយក្រសួងកិច្ចការនារី អង្គការ UNICEF ការអង្កេតស្តីពីអំពើហិង្សាលើកុមារនៅឆ្នាំ២០១៤ បានបញ្ជាក់ថា អំពើហិង្សាលើកុមារនៅឆ្នាំ ២០១៣ បណ្តាលឱ្យកម្ពុជាខាតបង់ថវិកាទៅលើផ្នែកសុខភាព ប្រមាណជាង ១៦៨លានដុល្លារអាមេរិក ឬស្មើនឹង១,១% នៃផលិតផលក្នុងស្រុកសរុបរបស់កម្ពុជា (GDP) និងបណ្តាលឱ្យមានផលវិបាករយៈពេលវែងលើកំណើនសេដ្ឋកិច្ច និងការអភិវឌ្ឍសង្គម ។
ពាក់ព័ន្ធនឹងឥទ្ធិពលនៃផលប៉ះពាល់អំពើហិង្សាលើកុមារ អ្នកស្រី ផល ផលកា មន្ត្រីបច្ចេកទេសផ្នែកការពារកុមារនិងមនុស្សពេញវ័យ នៃអង្គការទស្សនៈពិភពលោក មានប្រសាសន៍ទទួលស្គាល់ថា សកម្មភាពអប់រំកុមារដោយហិង្សាតែងបង្អាក់ការលូតលាស់ប្រាជ្ញា និងស្មារតីកុមារ ពិសេសបង្កររូបភាពឈឺចាប់នៅក្នុងដំណើរជីវិតកុមារ ។
“កុមារទទួលរងអំពើហិង្សាតាមរយៈការអប់រំនឹងក្លាយជាក្មេងបាក់ទឹកចិត្ត បាត់បង់ភាពក្លាហ៊ាន អត្តចរឹកឆេវឆាវ ភាពភ័យខ្លាច បោះបង់ការសិក្សា គេចវេសពីទំនួលខុសត្រូវ ឬអាចឈានទៅដាក់ទណ្ឌកម្មដល់ខ្លួនឯង”
នេះជាការបញ្ជាក់របស់អ្នកស្រី ផល ផលកា
អ្នកជំនាញការពារកុមាររូបនេះ បានឱ្យដឹងទៀតថា ម្តាយឪពុក អាណាព្យាបាល និងគ្រូបង្រៀនគួរមានវិធីសាស្ត្រដាក់ពិន័យកុមារតាមបែបវិជ្ជមាន ដូចជា ផ្តល់ពេលវេលាសមស្របណាមួយឱ្យកុមារពិចារណាកំហុស បង្ហាញឬណែនាំកុមារដោយពាក្យសម្តីទន់ភ្លន់ កែតម្រូវកំហុសដោយពាក្យពេចន៍លើកទឹកចិត្ត និងបង្កើតវិន័យរួមនៅក្នុងគ្រួសារដោយមានការចូលរួមសម្រេចចិត្តពីកុមារ ។ លើសពីនេះការដាក់ពិន័យកុមារនៅសាលារៀន អាចធ្វើបានតាមរយៈការផ្តល់ប័ណ្ណពិន័យដែលមានកម្រិតពណ៌ដល់កុមារ (ពណ៌លឿងកំហុស្រាល មុននឹងដល់ពណ៌ក្រហម) ។
អ្នកស្រី ផល ផលកា បន្តយល់ថា ៖
“គំរូអហិង្សាជារូបភាពអប់រំកុមារល្អបំផុតសម្រាប់ម្តាយឪពុកនាពេលបច្ចុប្បន្ន ។ សកម្មភាពចាត់ទុកជាគំរូអហិង្សា គឺម្តាយឪពុកមិនប្រើអំពើហិង្សាគ្រប់ទម្រង់លើកុមារ ព្រមទាំងម្តាយស្វែងយល់ពីតម្រូវការរបស់កុមារឱ្យបានច្បាស់”
ស្របនឹងការលើកឡើងខាងលើ អ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា មានប្រសាសន៍ថា អភិវឌ្ឍន៍កុមារឱ្យក្លាយជាក្មេងល្អ ចាប់ផ្តើមចេញពីការអប់រំល្អនៅក្នុងគ្រួសារតាមរយៈគំរូអហិង្សា ។ អ្នកជំនាញកុមាររូបនេះ បញ្ជាក់បន្ថែមថា ភាពស្និទ្ធិស្នាលកុមាររវាងឪពុកម្ដាយ អាចជួយឱ្យកុមារជឿទុកចិត្តលើក្ដីស្រឡាញ់របស់ឪពុកម្ដាយចំពោះពួកគេ ។ លើសពីនេះ កុមារចេះយកចិត្តទុកដាក់អ្នកជុំវិញ អាចរស់នៅពោរពេញគំនិតវិជ្ជមាន ព្រមទាំងដោះស្រាយបញ្ហាប្រឈមនានាដោយជំនឿចិត្តខ្ពស់ ។
“កុមារក្លាយជាក្មេងដឹងគុណតាមរយៈភាពជាគំរូរបស់ឪពុកម្ដាយ ។ ភាពស្និទ្ធស្នាល និងភាពកក់ក្តៅពីម្តាយឪពុកបានជំរុញសកម្មភាពភ្ញោចប្រព័ន្ធប្រសាទខួរក្បាលផ្នែកខាងស្តាំ ធ្វើឱ្យក្មេងមានភាពវៃឆ្លាតពិសេសផ្នែកអារម្មណ៍ (EQ)”
ប្រសាសន៍អ្នកស្រី សរ ម៉ុន្ថា នាយិកាសាលាអប់រំកុមារតូចស៊ីជីដាកម្ពុជា
សូមជម្រាបថា តាមរយៈផែនការសកម្មភាពដើម្បីទប់ស្កាត់ និងឆ្លើយតបចំពោះអំពើហិង្សាលើកុមារ ២០១៧-២០២១ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានបញ្ជាក់ថា ភាគច្រើននៃកុមារដែលធ្លាប់ឆ្លងកាត់អំពើហិង្សា បានឱ្យដឹងថា ឪពុកម្តាយជាពិសេសម្តាយ អ្នកថែទាំ និងសមាជិកក្រុមគ្រួសារដែលពេញវ័យផ្សេងទៀតគឺជាអ្នកប្រព្រឹត្តញឹកញាប់ជាងគេ សម្រាប់អំពើហិង្សាលើរាងកាយ ផ្លូវចិត្ត និងផ្លូវភេទមកលើកុមារ។ ទន្ទឹមគ្នានេះ “ផ្ទះ” ជាទីកន្លែងដែលកុមាររងអំពើហិង្សាច្រើនជាងគេ ដែលភាគច្រើនបំផុតគឺការដាក់ទ័ណ្ឌកម្មលើរាងកាយ និងផ្លូវចិត្ត ។
តាមការបញ្ជាក់របស់អ្នកជំនាញនៃក្រុមប្រឹក្សាជាតិដើម្បីកុមារកម្ពុជា និងក្រសួងកិច្ចការនារី បានឱ្យដឹងថា កំហុសអប់រំកូនដោយអចេតនា គួរលុបបំបាត់ទាំងស្រុងដើម្បីបង្ហាញពីតម្លៃនៃការគោរពសិទ្ធិកុមារឱ្យបានពេញលេញនៅក្នុងសង្គម ។ ប្រសិនបើកុមារមិនទទួលរងអំពើហិង្សាគ្រប់ទម្រង់ណាមួយ នោះផលិតភាពការងារ គំនិតច្នៃប្រឌិដ្ឋ និងសក្តានុពលរបស់ពួកគេនឹងក្លាយជាកម្លាំងចលករយ៉ាងមានថាមពលសម្រាប់ជំរុញកម្ពុជាឱ្យសម្រេចគោលដៅសំខាន់ៗ ព្រមទាំងក្លាយជាប្រទេសចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសអភិវឌ្ឍន៍ក្នុងឆ្នាំ ២០៥០ ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
កម្មវិធី Women Innovators ជ្រើសរើសនិស្សិតស្រី និងស្រ្តី ចូលរួមវគ្គបណ្តុះបណ្តាលពីបច្ចេកវិទ្យា ភាពជាអ្នកដឹកនាំ និងសហគ្រិនភាព
ព័ត៌មានអាហារូបករណ៍, ព្រឹត្តិការណ៍
• 26/03/2025
កម្មវិធី Women Innovators Bootcamp ក្រោមកម្មវិធី SparkMeet រដូវកាលទី៤ បានប្រកាសជ្រើសរើសនិស្សិតស្រី និងស្រ្តី ចូលរួមវគ្គបណ្តុះបណ្តាលពីបច្ចេកវិទ្យា ភាពជាអ្នកដឹកនាំ និងសហគ្រិនភាព រយៈពេល ៦សប្តាហ៍...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 12/02/2024
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...
កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 17/02/2023
អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...
អាហារូបករណ៍សិក្សាផ្នែកធ្វើនាឡិកា នៅមជ្ឈមណ្ឌលបណ្ដុះបណ្ដាលវិជ្ជាជីវៈ ព្រីនស៍ នាឡិកា នៅកម្ពុជា ជំនាន់ទី៣
ព័ត៌មានអាហារូបករណ៍, ព្រឹត្តិការណ៍
• 02/09/2025
មជ្ឈមណ្ឌលបណ្តុះបណ្ដាលវិជ្ជាជីវៈ ព្រីនស៍ នាឡិកានៅកម្ពុជា ប្រកាសផ្ដល់អាហារូបករណ៍ ១០០% សិក្សាផ្នែកផលិតនាឡិកា ជំនាន់ទី៣ សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនសម្រាប់បេក្ខជន បេក្ខនារីដែលមានចំណាប់អារម្មណ៍ផ្នែកផលិតនាឡិកា...
អាហារូបករណ៍ថ្នាក់បណ្ឌិត-អនុបណ្ឌិតពីកម្មវិធី MSIS Lap នៅសាកលវិទ្យាល័យជាតិ Chungbuk
ព័ត៌មានអាហារូបករណ៍, ព្រឹត្តិការណ៍
• 04/04/2024
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship ...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 30/05/2025
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Calgary ប្រទេសកាណាដា សម្រាប់ឆ្នាំសិក្សា២០២៥។ អាហារូបករណ៍ផ្ដល់ដោយ កម្មវិធី University of Calgary Bachlor’s Scholarship 2025 in Canada។
ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course
ព័ត៌មានអាហារូបករណ៍, ព្រឹត្តិការណ៍
• 21/05/2024
ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
