AMS Economyទារកដ្ឋាន កន្លែងបន្សាំកុមារឱ្យស្រឡាញ់បរិយាកាសថ្នាក់រៀន និងបណ្តុះឥរិយាបថ
អ្នកជំនាញផ្នែកអប់រំបានលើកឡើងថា ការដាក់កូនតូចនៅទារកដ្ឋាន គឺជាវិធីសាស្រ្តដ៏ល្អ ក្នុងការជួយពង្រឹងការអប់រំផ្នែកឥរិយាបថ និងការបន្សាំខ្លួនរបស់ពួកគេទៅនឹងមជ្ឈដ្ឋានខាងក្រៅ ហើយថែមទាំងធ្វើឱ្យពួកគេសប្បាយរីករាយជាមួយបរិយាកាសសិក្សា និងបន្តបណ្តុះចិត្តស្រឡាញ់លោកគ្រូ អ្នកគ្រូ និងមិត្តរួមថ្នាក់ឯទៀត ។ មិនតែប៉ុណ្ណោះទារកដ្ឋាន ក៏ជួយឱ្យកូនតូចទទួលបានការអប់រំ ឬឥរិយាបថល្អប្រកបដោយភាពនឹងធឹង ។
លោកបណ្ឌិត ឃ្លាំង សុវណ្ណ ទីប្រឹក្សាផ្នែកអប់រំរបស់សាលាផ្លេបេសត៍លើននីង (PLA Academy) បានលើកឡើងថា ជាការពិត អាណាព្យាបាលអាចជួលអ្នកថែទាំទារក ឬពឹងពាក់បងប្អូនឱ្យជួយថែទាំកូនៗក៏បាន ប៉ុន្តែការទុកកូនឱ្យនៅផ្ទះទទួលការថែទាំដោយអ្នកមិនមានជំនាញត្រឹមត្រូវ អាចបណ្តាលឱ្យក្មេងប្រឈមនឹងបញ្ហាជាច្រើនដូចជា ការអប់រំផ្នែកឥរិយាបចុះខ្សោយ ឬក៏កូនអាចក្លាយទៅជាក្មេងអូទីហ្សឹមទៀតផង ។ មួយវិញទៀតក្មេងអាចបាត់បង់ការទំនាក់ទំនងសង្គម ក្មេងដែលបាត់បង់ទំនាក់ទំនងសង្គមភាគច្រើនចូលចិត្តលេងអ្វីតែឯងៗ ចូលចិត្តនៅម្នាក់ឯង ឬកន្លែងស្ងាត់ ។
យ៉ាងណាក៏ដោយ ការជ្រើសរើសទារកដ្ឋានទៀតសោធ ឪពុកម្តាយ ឬអាណាព្យាបាលអាចយកកូនទៅដាក់តាំងតែពីពួកគេមានអាយុមួយឆ្នាំម្ល៉េះ និងត្រូវយកចិត្តទុកដាក់ប្រុងប្រយ័ត្នឱ្យបានខ្ពស់ ដោយស្វែងរកព័ត៌មានលម្អិតអំពីសេវាកម្មរបស់សាលាតាមរយៈការស៊ើបសួរអំពីកម្មវិធីសិក្សា បរិស្ថានសិក្សា គុណភាពគ្រូ និងទិសដៅចក្ខុវិស័យរបស់សាលា ដើម្បីជៀសវាង ប្រភេទសាសាមិនមានទស្សនៈវិស័យវែងឆ្ងាយ ឬក៏មានការផ្លាស់ប្តូរសាលាដែលជាហេតុបង្កបញ្ហាដល់កូន ។ លោកថា ក្មេងជាទូទៅត្រូវការពេលវេលាយ៉ាងហោចណាស់ប្រាំមួយខែ ទៅមួយឆ្នាំ ដើម្បីបង្កើតបានបរិយាកាសមួយដែលមានផាសុខភាពសម្រាប់ពួកគេ (ការកសាងសហគមន៍ ) ។ បន្ថែមពីនោះ ការពិគ្រោះយោបល់ជាមួយអ្នកជំនាញ ឬតាមដានការចុះផ្សាយតាមគេហទំព័រនានាដែលពាក់ព័ន្ធដើម្បីទទួលបានចំណេះដឹងបន្ថែមមុននឹងសម្រេចចិត្តដាក់កូននៅទារកដ្ឋាន សុទ្ធសឹងជាសារប្រយោន៍ ព្រោះការដាក់ក្មេងនៅសាលាដែលគ្មានគុណភាព ឬកម្មវិធីនៃការបង្រៀនមិនត្រឹមត្រូវ នោះការបញ្ជ្រាបចំណេះដឹងនឹងក្លាយទៅជាសមិទ្ធិផលពិបាកប្រើការជាក់ជាពុំខាន ។ ការជ្រើសសាលាបានត្រឹមត្រូវនឹងនាំឱ្យចំណេញពេលវេលា ថវិកា និងការគិតគូរពីអនាគតកូនក្នុងរយៈពេលវែង ។
អ្នកជំនាញផ្នែកអប់រំរូបនេះបន្តថា បរិយាកាសទារកដ្ឋានសម្រាប់កុមារក៏សំខាន់ដែរ ដោយមិនគួរផ្លាស់ប្តូរសាលាញឹកញាប់ពេក ព្រោះធ្វើឱ្យឥរិយាបថកុមារចាប់ផ្តើមបាត់បង់លំនឹង ។ មិនត្រឹមតែបរិយាកាសនៅសាលាទេ សូម្បីការអប់រំ ឬការចិញ្ចឹមកូននៅផ្ទះក៏ដូចគ្នាដែរ ពុំគួរផ្លាស់ប្តូរមនុស្សច្រើនក្រុមពេកនោះទេ ។ ប្រើមនុស្សច្រើនក្រុមត្រង់ចំណុចនេះគឺចង់មានន័យថា ប្រសិនបើពេលព្រឹកនៅជាមួយជីដូនជីតា ហើយល្ងាចនៅជាមួយអ្នកមើលថែរ ចំណែកឯពេលយប់នៅជាមួឪពុកម្តាយ ។ ភាពចម្រុះទាំងនោះនឹងធ្វើឱ្យក្មេងមានអារម្មណ៍វិលវល់មិនដឹងថាត្រូវប្រតិបត្តិតាមតួអង្គណាមួយឱ្យប្រាកដ ។ ដូច្នេះការចិញ្ចឹមអប់រំដោយប្រភេទមនុស្សតិចក្រុមដូចជា កន្លែងថែទាំ និងឪពុកម្តាយ មានប្រសិទ្ធភាពខ្ពស់ជាងច្រើនក្រុម ។
បណ្ឌិត ឃ្លាំង សុវណ្ណ
” ការចិញ្ចឹមកូនដៃតិច ប្រសើជាងការចិញ្ចឹមដៃច្រើន “
ក្រៅពីគ្រូបង្រៀន កូនគួរតែនៅជាមួយម្តាយឪពុក មិនគួរយកទៅផ្ញើនៅនឹងបងប្អូនយាយតាច្រើនពេកនោះទេ ។ តែក្នុងករណីអាណាព្យាបាលមិនអាចជៀសផុតពីការប្រើប្រាស់មនុស្សច្រើនប្រភេទក្នុងការអប់រំកូនបាន មានវិធីសាស្រ្តមួយទៀតដែលអាចស្រោចស្រង់ស្ថានការណ៍នេះបាន គឺត្រូវជួបជជែកពិភាក្សាឱ្យយល់គ្នាជាមុនរវាង អាណាព្យាបាល លោកគ្រូអ្នកគ្រូ បងប្អូន ឬអ្នកមើលថែរអំពីគោលបំណង និងរបៀបអប់រំកុមារឱ្យមានចក្ខុវិស័យរួម ដើម្បីកុំឱ្យកុមារពិបាកសម្របខ្លួន និងងាយស្រូបយកការបង្រៀនណែនាំពីសំណាក់អាណាព្យាបាល លោកគ្រូអ្នកគ្រូទាំងឡាយ ។
លោកបណ្ឌិត ឃ្លាំង សុវណ្ណ លើកទឹកចិត្តឱ្យអាណាព្យាបាលទាំងអស់ដែលសម្រេចចិត្តដាក់កូននៅមណ្ឌលថែទាំទារក សូមដាក់ពួកគេនៅទីនោះមួយថ្ងៃពេញ ព្រោះធ្វើឱ្យក្មេងអាចបន្សាំខ្លួនជាមួយនឹងបរិយាកាសខាងក្រៅបានច្រើន ថែមទាំងជួយឱ្យសុខភាពផ្លូវចិត្តផ្លូវកាយមានភាពរឹងមាំ ។ ជារួមការផ្តល់ឱកាសឱ្យពួកគេបាននៅក្នុងទារកដ្ឋាន គឺជាការកសាងមូលដ្ឋានគ្រឹះឥរិយាបថល្អ សុខមាភាពផ្លូវចិត្តនិងផ្លូវកាយ និងការអប់រំប្រកបដោយប្រសិទ្ធភាពទាំងពេលបច្ចុប្បន្ន និងទៅអនាគត ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានបច្ចេកវិទ្យាកម្ពុជា (ITC) មណ្ឌលវិមានឈ្នះ-ឈ្នះ ផ្តល់អាហារូបករណ៍ ១០០% ចំនួន ៤០កន្លែង
ព័ត៌មានអាហារូបករណ៍, ព្រឹត្តិការណ៍
• 11/09/2026
វិទ្យាស្ថានបច្ចេកវិទ្យាកម្ពុជា (សាលាតិចណូ - ITC) នឹងប្រឡងជ្រើសរើសនិស្សិតកម្រិតវិស្វករ នៅ មណ្ឌលវិមានឈ្នះ-ឈ្នះ ដោយផ្តល់ជូននូវអាហារូបករណ៍ពេញ ១០០% ចំនួន ៤០កន្លែង។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 29/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...
អាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ច ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 25/10/2024
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៦០កន្លែងនៅវិទ្យាស្ថានជាតិសង្គមកិច្ចក្នុងឆ្នាំសិក្សា២០២៤-២០២៥។ អាហារូបករណ៍ជាការគាំទ្រពី ឯកឧត្តមអភិបណ្ឌិត ស សុខា និង លោកជំទាវ កែ សួនសុភី សហការជាមួយវិទ្យាស្ថានជាតិសង្គមកិច្ច។
ក្រសួងអប់រំជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់គ្រប់គ្រងអប់រំជំនាន់ទី១២
ព័ត៌មានអាហារូបករណ៍, ព្រឹត្តិការណ៍
• 12/06/2023
ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំជំនាន់ទី១២ ឆ្នាំសិក្សា២០២៣-២០២៤ ។ ការប្រឡង...
អាហារូបករណ៍ រដ្ឋាភិបាលនូវែលសេឡង់ សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧
ព័ត៌មានអាហារូបករណ៍, ព្រឹត្តិការណ៍
• 23/03/2026
ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅតាមសាកលវិទ្យាល័យនានា
ឱកាសសិក្សាអាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្សីឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 15/11/2023
ឱកាសសិក្សាអាហារូបករណ៍ថ្នាក់បរិញ្ញបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ឯកទេស(Specialist)ចំនួន៤០កន្លែងនៅសហព័ន្ធរុស្សីពីកម្មវិធីអាហារូបករណ៍...
ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 22/02/2023
ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...
ឱកាសសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស ជំនាញវិស្វកម្មអគ្គិសនី ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 24/10/2025
តាមរយៈ គម្រោង S4C វិទ្យាស្ថានជាតិសហគ្រិនភាព និងនវានុវត្តន៍ (NIEI) កំពុងប្រកាសជ្រើសរើសសិស្ស និស្សិត ចូលសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស ជំនាញវិស្វកម្មអគ្គិសនី ចំនួន៤៥០កន្លែង សម្រាប់ឆ្នាំសិក្សា២០២៥-២០២៦។
អាហារូបករណ៍ SHE-CAN ប្រកាសបើកទទួលពាក្យសម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 09/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រ នៅសហរដ្ឋអាមេរិកសម្រាប់ឆ្នាំសិក្សា២០២៦ ពីកម្មវិធីអាហារូបករណ៍ SHE-CAN ដោយអាហារូបករណ៍ SHE-CAN ចាប់បើកទទួលពាក្យស្នើសុំអាហារូបករណ៍ សម្រាប់និស្សិតស្ត្រី ដើម្បីលើកកម្ពស់ជីវភាព...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
