AMS Economyកញ្ញា សេង ហ្គេកលី ៖ យុវជនគួរចាប់ផ្តើមអានសៀវភៅ ដើម្បីទទួលបានចំណេះដឹងថ្មីៗសម្រាប់អភិវឌ្ឍខ្លួន
ភ្នំពេញ – ម្ចាស់ស្នាដៃសៀវភៅ “កូនសិស្សជីវិត” និងជាអ្នកបង្កើតមាតិកាវីដេអូលើកទឹកចិត្តនៅលើបណ្តាញសង្គម កញ្ញា សេង ហ្គេកលី និយាយថា យុវជនកម្ពុជាគួរតែចាប់ផ្ដើមអានសៀវភៅ ដោយផ្ដើមចេញពីខ្លួនឯង ដើម្បីអនាគតល្អ ព្រោះទាល់តែមានចំណេះដឹង មានសមត្ថភាព ទើបអាចជួយមនុស្សនៅជុំវិញខ្លួនបាន។
កញ្ញា សេង ហ្គេកលី បញ្ជាក់បន្ថែមថា បច្ចុប្បន្ននេះ ពិភពលោកពោរពេញទៅដោយការផ្លាស់ប្ដូរ ពេលខ្លះយើងសឹងសម្របខ្លួនមិនទាន់ ដែលវាទាមទារឱ្យយើងត្រូវមានចំណេះដឹងទូលំទូលាយ ហេតុនេះការអាន គឺជាមូលដ្ឋានគ្រឹះសំខាន់សម្រាប់មនុស្សគ្រប់គ្នា ។
អ្នកនិពន្ធរូបនេះបន្តថា ក្រៅពីរៀននៅសាលា យុវជនគួរចំណាយពេលខ្លះដើម្បីអានសៀវភៅ ដោយអាចអានសៀវភៅដែលយើងចូលចិត្ត ឬជាសៀវភៅចំណេះដឹងទូទៅផ្សេងៗក៏បាន ដើម្បីឱ្យដឹងថា ពិភពលោកគេទៅដល់ណាហើយ យើងនៅខ្វះខាតអ្វី? ត្រូវពង្រឹងខ្លួនរបៀបម៉េចដើម្បីឆ្លើយតបតម្រូវការពិភពលោកទៅថ្ងៃអនាគត?
កញ្ញា សេង ហ្គេកលី
“ការអានសៀវភៅមានសារៈសំខាន់ ព្រោះបើយើងសង្កេតមើលទៅមេដឹកនាំពូកែៗ បុគ្គលជោគជ័យមួយចំនួន ភាគច្រើនពួកគាត់ជាមនុស្សដែលចូលចិត្តអានសៀវភៅ”
យុវតីមកពីខេត្តកំពង់ចាមរូបនេះ បញ្ជាក់ថា ទិវាសៀវភៅកម្ពុជា ដែលប្រព្រឹត្តធ្វើនៅពហុកីឡដ្ឋានជាតិមរតកតេជោ ជាផ្នែកមួយជំរុញឱ្យយុវជនមានលទ្ធភាពទិញសៀវភៅយកទៅអាន ដោយមានជាកន្លែងលក់សៀវភៅចម្រុះ ព្រមទាំងជាឱកាសសម្រាប់យុវជនអានសៀវភៅដោយឥតគិតថ្លៃ ។ ព្រឹត្តិការណ៍នេះ ជាគំរូមួយបង្ហាញប្រាប់យុវជនដែលមិនដែលអានសៀវភៅថា ដល់ពេលវេលាដែលត្រូវអានហើយ។
កញ្ញា សេង ហ្គេកលី
“យើងឃើញសន្ទុះអានសៀវភៅកើនឡើងច្រើនក្នុងមួយរយៈចុងក្រោយ ប៉ុន្តែនៅមានកម្រិត ហេតុនេះទើបយើងព្យាយាមផលិតវីដេអូ សរសេរសៀវភៅដែលមានគុណភាព ដើម្បីឱ្យយុជនអាន ចាប់ផ្ដើមស្រឡាញ់សៀវភៅ និងបន្តអានសៀវភៅផ្សេងៗទៀត”
ជាមួយគ្នានេះ ហ្គេកលី ក៏បានផ្តល់ជាគន្លឹះខ្លះៗសម្រាប់អ្នកទើបចាប់ផ្តើមអានសៀវភៅ ដោយថា ដើម្បីអានសៀវភៅមិនឱ្យធុញ យុវជនគួរអានសៀវភៅដែលខ្លួនពេញចិត្ត ដោយស្វែងយល់ពីខ្លួនឯងជាមុនសិន ព្រោះមានសៀវភៅច្រើនប្រភេទមែនទែន ហើយពេលខ្លះយើងមិនចាំបាច់អានតាមគេ ឬអានតាមសៀវភៅដែលគេល្បី។ កញ្ញាបន្តថា នៅពេលអានសៀវភៅត្រូវចំណង់ចំណូលចិត្តរបស់យើង នោះនឹងធ្វើឱ្យយើងចង់ដឹង ចង់សិក្សាពីរឿងនោះបន្ថែមទៀត ហើយពេលអានចប់មួយក្បាល យើងទៅរកសៀវភៅថ្មីដែលទាក់ទងពីរឿងនោះមកអាន ប្រទាក់ក្រឡាគ្នា ។
កញ្ញា សេង ហ្គេកលី
“ពេលខ្លះយើងអានសៀវភៅតាមគេ យើងឃើញសៀវភៅនោះល្បី ប៉ុន្តែវាអត់ត្រូវជាមួយចំណង់ចំណូលចិត្តយើងនោះទេ ទោះទិញហើយក៏យកមកទុកចោល ហើយមានអារម្មណ៍ថាអានទៅធុញ អត់ឆ្លាត អត់ពូកែដូចគេក៏មាន”
ហ្គេលី បន្តថា ដើម្បីអានសៀវភៅឱ្យមានប្រសិទ្ធភាព ឬអានជាទម្លាប់ យុវជនត្រូវដឹងពីអ្វីដែលខ្លួនចង់ដឹង ចង់អាន ហើយអានជាប្រចាំ ព្រោះឱ្យតែយុវជនអាចស្វែករកអ្វីដែលយើងចូលចិត្តឃើញ នោះអាចចំណាយពេលអានបាន ។ ហើយបន្ទាប់ពីអានសៀវភៅរួច យុវជនគួរសរសេរកំណត់ហេតុសង្ខេបថាអ្វីដែលយើងបានអាន? ថាសៀវភៅមួយក្បាលនោះនិយាយពីអ្វី? ហើយគោលគំនិតអ្វីដែលយើងគិតថាល្អ ដើម្បីយកមកអនុវត្ត នោះនឹងទទួលបានលទ្ធផលល្អប្រសើរ។
កញ្ញា សេង ហ្គេកលី
“របៀបអានសៀវភៅរបស់ខ្ញុំ គឺខ្ញុំមិនដែលកំណត់ថាមួយខែត្រូវតែអានចប់មួយក្បាល ឬមួយឆ្នាំត្រូវអានឱ្យបាន៥០ក្បាលនោះទេ ព្រោះការអានសៀវភៅ ខ្ញុំមិនចង់ដាក់វាជាបន្ទុកសម្រាប់ខ្លួនឯង ប៉ុន្តែអាចជាសកម្មភាពដែលយើងអាចធ្វើបានរាល់ថ្ងៃ និងគ្រប់ពេលវេលា”
គួរបញ្ជាក់ថា កញ្ញា សេង ហ្គេកលី គឺជាម្ចាស់សៀវភៅចំណងជើង “កូនសិស្សជីវិត” ដែលជាសៀវភៅអប់រំបែបលើកទឹកចិត្ត និងសាងកម្លាំងចិត្ត, ហើយនាងក៏ជាអ្នកផលិតវីដេអូអប់រំនៅលើបណ្តាញសង្គមហ្វេសប៊ុកផងដែរ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធី ICESCO Young Professionals នៅប្រទេសម៉ារ៉ុក
ព័ត៌មានអាហារូបករណ៍, ព្រឹត្តិការណ៍
• 15/01/2025
កម្មវិធី ICESCO Young Professionals នៃ អង្គការអប់រំ វិទ្យាសាស្ត្រ និងវប្បធម៌ឥស្លាមពិភពលោក (The Islamic World Educational, Scientific and Cultural Organization) ប្រកាសជ្រើសរើសនិស្សិតសិក្សាអាហារូបករណ៍ថ្នាក់ឧត្ដមសិក្សា...
អាហារូបករណ៍ទៅសិក្សានៅប្រទេសរុស្ស៊ីចំនួន ៤០កន្លែង សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 08/01/2025
ជាឱកាសសម្រាប់សិស្ស និស្សិត និងមន្រ្តីរាជការកម្ពុជា ដែលចង់បន្តការសិក្សាថ្នាក់ជំនាញឯកទេស បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសហព័ន្ធរុស្ស៊ី។ ពេលនេះរដ្ឋាភិបាលរុស្ស៊ីបានផ្តល់អាហារូបករណ៍ចំនួន ៤០កន្លែង សម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់ភាសា នៅប្រទេសចិន សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 02/05/2023
សមាគមនិស្សិតកម្ពុជាប្រចាំសាធារណរដ្ឋប្រជាមានិតកម្ពុជា បានប្រកាសអំពីអាហារូបករណ៍ថ្នាក់ភាសា សិក្សានៅប្រទេសចិន រយៈពេល១ឆ្នាំ។...
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT
ព័ត៌មានអាហារូបករណ៍, ព្រឹត្តិការណ៍
• 20/02/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។
រៀនជំនាញសេវាកម្មម្ហូបអាហារ និងភេសជ្ជៈ ឥតគិតថ្លៃ សម្រាប់អ្នកសេដ្ឋកិច្ចក្រៅប្រព័ន្ធ
ព័ត៌មានអាហារូបករណ៍, ព្រឹត្តិការណ៍
• 09/02/2026
ដើម្បីពង្រឹងសមត្ថភាព និងបង្កើនឱកាសក្នុងអាជីពផ្នែកបដិសណ្ឋារកិច្ច សមាគមមិត្តយើង (MYA) សហការជាមួយ វិទ្យាស្ថានបច្ចេកវិទ្យា និងកសិកម្មកម្ពុជា (CITA) ក្រុមហ៊ុន ខូហ្វី (KOFI Co., Ltd) និង សមាគមភោជនីយដ្ឋានកម្ពុជា (CRA)
អាហារូបករណ៍សិក្សាផ្នែកធ្វើនាឡិកា នៅមជ្ឈមណ្ឌលបណ្ដុះបណ្ដាលវិជ្ជាជីវៈ ព្រីនស៍ នាឡិកា នៅកម្ពុជា ជំនាន់ទី៣
ព័ត៌មានអាហារូបករណ៍, ព្រឹត្តិការណ៍
• 02/09/2025
មជ្ឈមណ្ឌលបណ្តុះបណ្ដាលវិជ្ជាជីវៈ ព្រីនស៍ នាឡិកានៅកម្ពុជា ប្រកាសផ្ដល់អាហារូបករណ៍ ១០០% សិក្សាផ្នែកផលិតនាឡិកា ជំនាន់ទី៣ សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនសម្រាប់បេក្ខជន បេក្ខនារីដែលមានចំណាប់អារម្មណ៍ផ្នែកផលិតនាឡិកា...
អាហារូបករណ៍សាច់ប្រាក់ពីមូលនិធីព្រីនស៍ នៃអាហារូបករណ៍ ចេន ហ្សី ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/01/2024
ឱកាសទទួលបានអាហារូបករណ៍សាច់ប្រាក់ពីមូលនិធីព្រីនស៍សម្រាប់អាហារូបករណ៍ ចេន ហ្សី ជំនាន់ទី៣ ឆ្នាំសិក្សា២០២៤។ អាហារូបករណ៍ផ្ដល់ជូនពីមូនិធីព្រីនស៍ ដែលមានការចូល...
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យជាតិគ្រប់គ្រងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 06/11/2024
តាមរយៈការលើកស្ទួយក្នុងវិស័យអប់រំ ឯកឧត្ដមអភិបណ្ឌិត ស សុខា និង លោកជំទាវ កែ សួនសុភី សហការជាមួយសាកលវិទ្យាល័យជាតិគ្រប់គ្រង ប្រកាសជ្រើសរើសនិស្សិតចំនួន១៥នាក់ដើម្បីសិក្សាថ្នាក់...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ MGIMO ចំនួន៣កន្លែង
ព័ត៌មានអាហារូបករណ៍, ព្រឹត្តិការណ៍
• 26/05/2025
យោងតាមសមាគមនិស្សិតខ្មែរប្រចាំសហព័ន្ធរុស្សី ពេលនេះ សាកលវិទ្យាល័យ MGIMO បានប្រកាសជ្រើសរើសនិស្សិតចំនួន៣កន្លែង សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ក្នុងឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
