AMS Economyលោក ឌុច គីមលុច លើកទឹកចិត្តសិស្សស្រីចាប់យកជំនាញបច្ចេកវិទ្យាដែលកំពុងមានតម្រូវការទីផ្សារខ្ពស់
បច្ចុប្បន្នប្រទេសកម្ពុជាកំពុងរីកចម្រើនទៅមុខ ហើយបច្ចេកវិទ្យាក៏កំពុងដើរតួនាទីសំខាន់ក្នុងទីផ្សារការងារសព្វថ្ងៃ ដែលត្រូវការអ្នកជំនាញបច្ចេកវិទ្យាច្រើន ខណៈដែលគេក៏មើលឃើញថា សិស្សស្រីដែលរៀនជំនាញនេះនៅតិចនៅឡើយ ដែលទាមទារឱ្យមានការចូលរួមបន្ថែម។
លោក ឌុច គីមលុច អ្នកសម្របសម្រួលកម្មវិធី Insight Tech Festival លើកឡើងថា ខណៈទីផ្សារការងារកំពុងមានតម្រូវការអ្នកជំនាញបច្ចេកវិទ្យា តែបើងាកមកមើលចំនួនសិស្សស្រីដែលរៀនជំនាញព័ត៌មានវិទ្យា គឺនៅមិនទាន់មានច្រើននៅឡើយ ដូច្នេះលោកលើកទឹកចិត្តដល់សិស្សស្រីដែលមានចំណាប់អារម្មណ៍ចង់រៀនបច្ចេកវិទ្យាក្តី ព័ត៌មានវិទ្យាក្តី សូមស្វែងយល់ពីជំនាញទាំងនេះបន្ថែម ដើម្បីចាប់យកជាអាជីពនាពេលអនាគត។
កាលពីថ្ងៃទី១០ ខែវិច្ឆិកា ឆ្នាំ២០២៤ កន្លងទៅនេះ យុវជនមួយក្រុម នៃក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក (AYC) បានរៀបចំកម្មវិធី Insight Tech Festival ក្នុងបំណងបំផុសស្មារតីយុវជន ជាពិសេស យុវតីកម្ពុជា ឱ្យចាប់យកជំនាញក្នុងវិស័យបច្ចេកវិទ្យា ខណៈជំនាញនេះកំពុងតែមានតម្រូវការខ្ពស់ក្នុងទីផ្សារការងារ។ កម្មវិធីដែលធ្វើឡើងពេញមួយថ្ងៃនៅ Factory Phnom Penh មានជាការរៀបចំសិក្ខាសាលាចែករំលែកចំណេះដឹងពីអ្នកជំនាញធ្វើការងារនៅលើវិស័យបច្ចេកវិទ្យា, ឱកាសអាហារូបករណ៍ទៅសិក្សានៅសហរដ្ឋអាមេរិក និងមានជាស្តង់ពិព័រណ៍ ដើម្បីយុវជនបានស្វែងយល់អំពីជំនាញសិក្សាជាដើម។
យុវតី ហុន នីហ្សា ជាសិស្សទើបប្រឡងបាក់ឌុបរួច និងដែលបានចូលរួមក្នុងកម្មវិធីនោះនិយាយថា ការចូលរួមកម្មវិធីនេះ គឺព្រោះតែនាងចាប់អារម្មណ៍អំពីឱកាសការងារស្ម័គ្រចិត្ត និងការដាក់ពាក្យអាហារូបករណ៍ទៅសិក្សានៅសហរដ្ឋអាមេរិក។ នីហ្សា បន្តថា ក្នុងកម្មវិធីនេះ នាងទទួលបានចំណេះដឹងថ្មីៗដែលមិនធ្លាប់ជួបពីមុនមក ដោយនៅតាមស្តង់ជាច្រើនមានសិស្សច្បងចាំឆ្លើយសំណួរអំពីការជ្រើសរើសជំនាញ, ឱកាសការងារស្ម័គ្រចិត្ត, ឱកាសហាត់ការងារ និងឱកាសអាហារូបករណ៍ផ្សេងៗជាច្រើន។
ជាមួយគ្នានេះ នីហ្សា ក៏បានបង្ហាញចំណាប់អារម្មណ៍ក្នុងការបន្តការសិក្សាជំនាញវិស្វកម្មសុវែរ (Software Engineering) ព្រោះតែនាងស្រឡាញ់ផ្នែកបច្ចេកវិទ្យាតាំងពីរៀននៅវិទ្យាល័យ ហើយគិតថា បច្ចុប្បន្នប្រទេសកម្ពុជាកំពុងត្រូវការអ្នកជំនាញផ្នែកនេះច្រើន ខណៈទីផ្សារការងារផ្នែកនេះ ក៏មានតម្រូវការច្រើនទាំងក្នុងប្រទេស និងក្រៅប្រទេស។
ដោយឡែកយុវសិស្ស ដន មករា ជាសិស្សថ្នាក់ទី១០ មកពីសាលាដុនបូស្កូ និយាយថា ការចូលរួមកម្មវិធី Insight Tech Festival នេះ រូបគេបានទស្សនាស្តង់ពិព័រណ៍ ហើយចាប់អារម្មណ៍ទៅលើបច្ចេកវិទ្យាបញ្ញាសិប្បនិម្មិត (AI) ការសរសេរកូដ (Coding) និងការបង្កើតគេហទំព័រ (Web Development)។ យុវសិស្ស ដន មករា បន្តថា Insight Tech Festival នេះ ពិតជាល្អ ដែលបានជួយផ្សព្វផ្សាយអំពីព័ត៌មាន នៃជ្រើសរើសជំនាញសិក្សាដល់សិស្សានុសិស្សឱ្យបានដឹងកាន់តែច្បាស់ និងសម្រេចចិត្តជ្រើសរើសជំនាញសិក្សាបានត្រឹមត្រូវ៕
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាកលវិទ្យាល័យ Hanyang University នៃប្រទេសកូរ៉េខាងត្បូង បានប្រកាសផ្តល់អាហារូបករណ៍ថ្នាក់បណ្ឌិត (PhD) ពេញថ្លៃ ដល់និស្សិតអន្តរជាតិ
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
