AMS Economyក្រសួងបរិស្ថានផ្តល់ម៉ាស៊ីនចម្រោះទឹកស្អាតទំនើបនៅតាមសាលារៀនក្នុងរាជធានីភ្នំពេញ
ភ្នំពេញ – ទឹកស្អាត និងអនាម័យជាតម្រូវការមូលដ្ឋានចាំបាច់គាំទ្រដល់សុខភាពសិស្សានុសិស្សនៅតាមសាលារៀន ។ ការលើកកម្ពស់ទឹកស្អាត និងអនាម័យនៅតាមសាលារៀនជាលើកកម្ពស់សេវាសុខភាពសាធារណៈនិងអាហារូបត្ថម្ភ ក្នុងគោលបំណងអភិវឌ្ឍធនធានមនុស្សប្រកបដោយគុណភាព ផលិតភាពការងារខ្ពស់ និងសុខភាពរឹងមាំ ។ ដោយមើលឃើញពីសារៈសំខាន់នេះ ក្រសួងបរិស្ថានសហការជាមួយក្រសួងអប់រំ យុវជន និងកីឡា គាំទ្រដោយសហភាពសហព័ន្ធយុវជនកម្ពុជា (ស.ស.យ.ក.) រាជធានីភ្នំពេញ កំពុងធ្វើយុទ្ធនាការបំពាក់ម៉ាស៊ីនចម្រោះទឹកស្អាតនៅតាមបណ្តាសាលារៀនក្នុងរាជធានីភ្នំពេញ ។
ម៉ាស៊ីនចម្រោះទឹកស្អាតនេះនាំចូលពីបរទេស មានលក្ខណៈស្តង់ដារបច្ចេកវិទ្យាខ្ពស់ អាចចម្រោះទឹកឱ្យមានគុណភាពមិនចាញ់ទឹកបរិសុទ្ធដាក់លក់នៅតាមទីផ្សារ ។ ម៉ាស៊ីនចម្រោះទឹកស្អាតមានបំពាក់បច្ចេកទេសចម្រោះទឹកដែលអាចជួយទ្រទ្រង់ដល់រាង្គកាយ និងជួយដល់បញ្ហាផ្លូវដង្ហើម ។
លោក ប៉ិច ចាម នាយកវិទ្យាល័យប៊ុនរ៉ានី ហ៊ុន សែន កោះដាច់ រាជធានីភ្នំពេញ មានប្រសាសន៍ថា ម៉ាស៊ីនចម្រោះទឹកនេះបានជួយកាត់បន្ថយថវិកាចំណាយថ្លៃទឹករបស់សិស្ស កាត់បន្ថយសំបកដបប្លាស្ទិក និងជួយទៅដល់បរិស្ថាន ។ ទន្ទឹមគ្នានេះ តាមរយៈការទទួលទានសិស្សានុសិស្សនឹងមានសុខភាពល្អ ហើយការសិក្សារបស់ពួកគេនឹងទទួលលទ្ធផលប្រសើរជាក់ជាពុំខាន ។
ទើបទទួលបានម៉ាស៊ីនចម្រោះទឹកស្អាតថ្មី លោក លឹម ចាន់ថា នាយកវិទ្យាល័យ ហ៊ុន សែន ជម្ពូវ័ន បាននិយាយថា លោកអរគុណដល់សហភាពសហព័ន្ធយុវជនកម្ពុជា រាជធានីភ្នំពេញ ដែលបានគាំទ្រទឹកស្អាតនៅក្នុងសាលារៀនរបស់លោក ។ លោកសង្ឃឹមថា ម៉ាស៊ីនចម្រោះទឹកនេះ នឹងជួយឱ្យសិស្សមានទម្លាប់ផឹកទឹកស្អាត រស់នៅស្អាត កាត់បន្ថយសំរាម ហើយសាលារៀនមានបរិយាកាសកាន់តែស្និទ្ធស្នាល ។
រហូតមកដល់ខែធ្នូ ឆ្នាំ២០២១ នេះ ក្រសួងបរិស្ថាន និងសហភាពសហព័ន្ធយុវជនកម្ពុជា រាជធានីភ្នំពេញ បានផ្តល់ម៉ាស៊ីនចម្រោះទឹកស្អាតទៅដល់សាលារៀនក្នុងភូមិសាស្រ្តរាជធានីភ្នំពេញចំនួន ១៦ សាលារៀន ។ លើសពីនេះនឹងបន្តចែកម៉ាស៊ីនចម្រោះទឹកឱ្យគ្រប់ចំនួន ២៨ ធុងសម្រាប់ដំណាក់កាលទី១ ដល់សាលារៀន និងស្ថាប័នមិនមែនសាលារៀន ដូចជាគ្រឹះស្ថានសាធារណៈរបស់រដ្ឋជាដើម ។ ស.ស.យ.ក. រាជធានីភ្នំពេញ ក៏កំពុងពិចារណាបង្កើនចំនួនម៉ាស៊ីនចម្រោះទឹកស្អាតបន្ថែមទៀត ដើម្បីចែកទៅសាលារៀនដែលមានលក្ខណៈសម្បត្តិអាចតម្លើងបាន ។
លោក សុំ មនោរម្យ ប្រធានលេខាធិការដ្ឋាន នៃសហភាពសហព័ន្ធយុវជនកម្ពុជា រាជធានីភ្នំពេញ មានប្រសាសន៍ថា សាលារៀនដែលអាចតម្លើងម៉ាស៊ីនចម្រោះទឹកនេះបាន ទីមួយត្រូវពិនិត្យទៅលើភាពជាអ្នកដឹកនាំ នៃគណៈគ្រប់គ្រងសាលា និងទីពីរមើលទៅលើសាលាដែលមានលក្ខណៈស្អាត សាលារៀនគំរូ ហើយជាសាលាដែលមានលក្ខណៈមេត្រី ។ ចំណែកចំណុចទីបី ពិនិត្យលើចំនួនកូនសិស្សនិងតម្រូវការទឹកស្អាតជាក់ស្តែងដែលសាលាត្រូវការ ។
លោក សុំ មនោរម្យ
“ម៉ាស៊ីនចម្រោះទឹក នឹងចូលរួមលើកកម្ពស់សុខភាពកុមារ និងយុវជន ដែលទឹកស្អាតជាតម្រូវការចាំបាច់សម្រាប់ពួកគេ ។ ប្រសិនបើពុំយកចិត្តទុកដាក់លើបញ្ហានេះ យ៉ាងហោចណាស់មួយថ្ងៃកុមារម្នាក់នឹងត្រូវការទិញទឹកបរិសុទ្ធបួនទៅប្រាំដប តែបើគាត់កាន់តែដបមួយមក គាត់ប្រើបានរហូត ។ លើសពីនេះតាមរយៈការគាំទ្រទឹកស្អាតនឹងអាចកាត់បន្ថយសំណល់ប្លាស្ទិកក្នុងបរិស្ថាន ព្រមទាំងបន្ថយការចំណាយរបស់អាណាព្យាបាលសិស្សមួយចំណែក ”
ដោយឡែកឯកឧត្តមបណ្ឌិត ចាន់ សុភា ប្រធាននាយកដ្ឋានបឋមសិក្សា នៃក្រសួងអប់រំ យុវជន និងកីឡា មានប្រសាសន៍ថា ការផ្តល់ម៉ាស៊ីនចម្រោះទឹកស្អាតរបស់ ស.ស.យ.ក. រាជធានីភ្នំពេញនៅតាមសាលារៀននៅពេលនេះ បានជួយដល់សុខភាពកុមារ និងសុខភាពសិក្សាយ៉ាងពិតប្រាកដ ។ សាលារៀនដែលពុំទាន់មានប្រព័ន្ធទឹកស្អាតគ្របដណ្តប់នៅជាយក្រុង ជាតំបន់កំពុងអភិវឌ្ឍក៏ត្រូវការចាំបាច់ដើម្បីលើកកម្ពស់សុខភាពសិក្សា ។
– ឯកឧត្តម ចាន់ សុភា
“ទឹកស្អាតនេះសំខាន់ខ្លាំងណាស់ ពិសេសកុមាររស់នៅជាយទីក្រុងដែលពុំទាន់មានប្រព័ន្ធទឹកស្អាតទូលំទូលាយ ។ ក្រសួងបរិស្ថាន សហភាពសហព័ន្ធយុវជនកម្ពុជា រាជធានីភ្នំពេញ កំពុងធ្វើកិច្ចការផ្តល់គុណប្រយោជន៍ខ្លាំងដល់កុមារ ព្រោះទឹកស្អាតជួយឱ្យកុមារមានសុខភាពល្អ ការសិក្សារបស់ពួកគេកាន់តែល្អប្រសើរ”
សូមជម្រាបថា បច្ចុប្បន្នក្រសួងអប់រំ យុវជន និងកីឡា កំពុងពង្រឹងប្រព័ន្ធទឹកស្អាត និងអនាម័យនៅតាមសាលា ដើម្បីលើកកម្ពស់សុខភាពអ្នកសិក្សា ។ រាជរដ្ឋាភិបាលបាននិងកំពុងយកចិត្តទុកដាក់យ៉ាងខ្លាំងក្នុងការលើកកម្ពស់សុខភាពសិក្សា ដោយបានរៀបចំជាសំណុំយុទ្ធសាស្ត្រនិងសកម្មភាពអន្តរកម្មរវាងគ្រឹះស្ថានសិក្សានិងសេវាកម្មសុខភាពនានា ដើម្បីលើកកម្ពស់សុខភាព តាមរយៈការអប់រំសុខភាព ការបង្ការជំងឺ ការផ្តល់សេវាសុខភាពចាំបាច់ ការលើកកម្ពស់អនាម័យ បរិស្ថាន និងការផ្គត់ផ្គង់ទឹកស្អាតដល់បុគ្គលិកអប់រំនិងអ្នកសិក្សាជាដំណាក់កាលៗ ។
គោលនយោបាយជាតិស្តីពីសុខភាពសិក្សានឹងចូលរួមលើកកម្ពស់គុណភាពអប់រំ ដើម្បីឱ្យកម្ពុជាសម្រេចបានគោលដៅនៃការអប់រំ តាមរយៈការផ្តល់នូវចំណេះដឹងសុខភាពស្របតាមការលូតលាស់រាងកាយនិងស្មារតីប្រកបដោយលក្ខណៈវិទ្យាសាស្ត្រ បំណិនសម្រាប់បង្ការជំងឺឆ្លង ជំងឺមិនឆ្លង គ្រោះថ្នាក់ផ្សេងៗ និងវិធីជួយសង្គ្រោះបឋម គុណតម្លៃនិងឥរិយាបថដែលនាំឱ្យពួកគេអភិវឌ្ឍខ្លួនប្រកបដោយសុខភាពពេញលេញទាំងកាយ ទាំងប្រាជ្ញា ទាំងស្មារតី និងចេះទទួលខុសត្រូវចំពោះទង្វើរបស់ខ្លួន ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់១៥កន្លែងនៅសាកលវិទ្យាល័យ Kasetsart University នៃប្រទេសថៃឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 10/05/2023
ស្ថានទូតនៃព្រះរាជាណាចក្រកម្ពុជាប្រចាំប្រទេសថៃឡង់ដ៍ បានប្រកាសដល់សាធារណជន និងនិស្សិតកម្ពុជាថា សាកលវិទ្យាល័យ Kasetsart University...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី ROBERT KREMBIL Scholarship 2025
ព័ត៌មានអាហារូបករណ៍, ព្រឹត្តិការណ៍
• 06/08/2025
តាមរយៈកម្មវិធី ROBERT KREMBIL Scholarship of MERIT 2025 ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ ឆ្នាំសិក្សា២០២៥ នៅ Schulich School of Business នៃសាកលវិទ្យា YORK នៃប្រទេសកាណាដា។
អាហារូបករណ៍ព្រះមហាក្សត្រថៃ សិក្សានៅសាកលវិទ្យាបច្ចេកវិទ្យា SURANAREE ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 15/02/2023
សាកលវិទ្យាល័យបច្ចេកវិទ្យា SURANAREE នៃប្រទេសថៃ បានបើកផ្ដល់អាហារូបករណ៍ថ្នាក់បរិញ្ញាបត្រចំនួន២០កន្លែងដល់សិស្សនិស្សិតក្នុងតំបន់អាស៊ានពីកម្មវិធីអាហារូបករណ៍...
អាហារូបករណ៍កម្មវិធីអ្នកដឹកនាំវ័យក្មេង កម្ពុជា-ឡាវ (CLYLP) ទៅកាន់ប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 23/04/2026
តើអ្នកជាអ្នកដឹកនាំវ័យក្មេងដែលកំពុងបម្រើការងារក្នុងសហគមន៍ ឬអង្គការសង្គមស៊ីវិលមែនទេ? កម្មវិធីអ្នកដឹកនាំវ័យក្មេង កម្ពុជា-ឡាវ (Cambodia Laos Young Leaders Programme - CLYLP) កំពុងបើកទទួលពាក្យសម្រាប់បេក្ខជន...
ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់
ព័ត៌មានអាហារូបករណ៍, ព្រឹត្តិការណ៍
• 24/06/2026
សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យអាហារូបករណ៍សម្រាប់កម្មវិធី JYU Visiting Fellow Programme 2027 ដល់និស្សិត និងសាស្ត្រាចារ្យកម្ពុជានៅលើការ...
ប្រទេសព្រុយណេផ្តល់អាហារូបករណ៍រយៈពេលខ្លី សម្រាប់បេក្ខជនមកពីបណ្តាប្រទេសសមាជិកអាស៊ាន
ព័ត៌មានអាហារូបករណ៍, ព្រឹត្តិការណ៍
• 06/01/2023
ក្រសួងអប់រំ យុវជន និងកីឡា បានជូនដំណឹងថា នៅក្នុងឆ្នាំ២០២៣នេះ កម្មវិធីអាហារូបករណ៍ "Brunei Darussaiam Scholarship on Enhancing Professional...
ឱកាសអាហារូបករណ៍ទៅសិក្សានៅប្រទេសសឹង្ហបុរី ពី SIM Global Education Diploma 2026
ព័ត៌មានអាហារូបករណ៍, ព្រឹត្តិការណ៍
• 01/12/2025
SIM Global Education (SIM GE) កំពុងផ្ដល់ជូននូវអាហារូបករណ៍ SIM Global Education Diploma Scholarship ឆ្នាំ២០២៦ ដល់និស្សិតអន្តរជាតិដែលមានលទ្ធផលសិក្សាឆ្នើម ដើម្បីបន្តការសិក្សានៅប្រទេសសឹង្ហបុរី។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
