AMS Economyសារធាតុសំណបង្កគ្រោះថ្នាក់ដល់កុមារ១ក្នុងចំណោម៣នាក់នៅទូទាំងពិភពលោក
ភ្នំពេញ – អង្គការ UNICEF Cambodia បានបង្ហាញថា ការបំពុលដោយសារធាតុសំណបង្កគ្រោះថ្នាក់ដល់កុមារ ១ក្នុងចំណោម ៣នាក់នៅទូទាំងពិភពលោក រួមទាំងកុមារជាច្រើននាក់នៅកម្ពុជាផងដែរ។ មូលហេតុចម្បងមួយនៃការបំពុលដោយសារធាតុសំណ គឺបណ្តាលមកពីកាកសំណល់គ្រឿងអេឡិចត្រូនិច ដូចជា ផលិតផលប្រើប្រាស់ទូទៅមួយចំនួន អាគុយម៉ូតូ ឬរថយន្តជាដើម ។
បើនិយាយពីវត្ថុឈប់ប្រើប្រាស់ ដូចជា ឆ្នាំងសេរាមិច ក្នុងបន្ទះសូឡា សំបកកំប៉ុង អាគុយប្រើក្នុងផ្ទះ អាគុយម៉ូតូ ឬអាគុយរថយន្ត ទំនងប្រជាជនកម្ពុជាពុំបានគិតថា សាធារធាតុសំណរបស់វាបង្ករឱ្យមានបញ្ហាដល់សុខភាពឡើយ ។ ប៉ុន្តែធាតុពិតសំណល់ទាំងនេះ អាចបង្ករគ្រោះថ្នាក់ដល់សុខភាពកុមារគ្រប់ពេល ប្រសិនបើម្តាយឪពុក ឬអាណាព្យាបាលធ្វេសប្រហែសគ្រប់គ្រងមិនបានល្អ ។
តើការពុលសំណជាអ្វី? សំណ គឺជាលោហៈពុលដែលឃើញមាននៅក្នុងផលិតផលទូទៅ ដូចជា ថ្នាំពណ៌ បំពង់ទឹក និងក្នុងឆ្នាំងសេរាមិកលាបរលោង ថាស ឥដ្ឋកម្រាល សំបកកំប៉ុង សាំង និងផ្សែងម៉ាស៊ីន។ រាងកាយប៉ះ ឬស្រូបសំណក្នុងកម្រិតខ្ពស់មួយលើក អាចបណ្តាលឱ្យមានបញ្ហាសុខភាពធ្ងន់ធ្ងរ។ ប៉ុន្តែជាញឹកញាប់ ការពុលសំណកើតឡើងបន្តិចម្តងៗ ដោយសារការប៉ះពាល់ញឹកញាប់ក្នុងបរិមាណតិចតួច។ ការពុលសំណអាចគ្មានរោគសញ្ញាច្បាស់លាស់នោះទេ ប៉ុន្តែពេលយូរៗទៅ វាបណ្តាលឱ្យមានបញ្ហាសុខភាពធ្ងន់ធ្ងរ។
ការពុលសំណនេះកាន់តែគ្រោះថ្នាក់ចំពោះកុមារជាងលើមនុស្សធំ ដោយសារវាមានឥទ្ធិពលទៅលើការលូតលាស់ខួរក្បាល និងប្រព័ន្ធប្រសាទរបស់កុមារ។ កុមារកាន់តែក្មេង នោះគ្រោះថ្នាក់កាន់តែធ្ងន់។ យូរៗទៅ សូម្បីតែការប៉ះពាល់ក្នុងកម្រិតតិចតួច ក៏អាចមានគ្រោះថ្នាក់ទៅលើការលូតលាស់ផ្លូវចិត្តរបស់កុមារដែរ។
អាគុយ ឬថ្មពិលផ្ទុកដោយសារធាតុសំណ ។ ការកែច្នៃអាគុយបង្កើតការបំពុលដោយជាតិសំណយ៉ាងធ្ងន់ធ្ងរ ដែលបំផ្លាញដល់សុខភាពមនុស្ស និងបរិស្ថាន។ ការប្រឈមនឹងជាតិសំណកម្រិតខ្ពស់ក្នុងរយៈពេលខ្លី អាចបណ្តាលឱ្យក្អួត រាក ប្រកាច់ សន្លប់យូរ ឬថែមទាំងស្លាប់ទៀតផង។
អង្គការសុខភាពពិភពលោក (WHO) បានចុះផ្សាយថា សំណ គឺជាលោហៈធាតុពុលដែលកើតឡើងដោយធម្មជាតិដែលមាននៅក្នុងសំបកផែនដី។ សំណបានប្រើប្រាស់យ៉ាងទូលំទូលាយ ព្រមទាំងបង្កឱ្យមានជាតិបំពុលដល់បរិស្ថានយ៉ាងសម្បើមផងដែរ ។ កុមារតូចៗ ងាយរងគ្រោះដោយឥទ្ធិពលពុល នៃសារធាតុសំណ ហើយអាចទទួលរងផលប៉ះពាល់អវិជ្ជមានយ៉ាងធ្ងន់ធ្ងរ និងជាអចិន្ត្រៃយ៍ ជាពិសេសលើការអភិវឌ្ឍន៍ខួរក្បាល និងប្រព័ន្ធប្រសាទ។
ទន្ទឹមគ្នានេះ សំណក៏បណ្តាលឱ្យមានគ្រោះថ្នាក់យូរអង្វែងចំពោះមនុស្សពេញវ័យ រួមទាំងការកើនឡើងហានិភ័យ នៃជំងឺលើសឈាម និងការខូចខាតតម្រងនោម។ ការបញ្ចេញជាតិសំណខ្ពស់ប៉ះពាល់ដល់ស្ត្រីមានផ្ទៃពោះ អាចបណ្តាលឱ្យរលូតកូន ការសម្រាលកូនមិនគ្រប់ខែ និងទម្ងន់សម្រាលទាប។
ចំណែកសំណល់ថ្មពិលវិញ ក៏បង្កគ្រោះថ្នាក់ខ្លាំងដែរ ដោយនៅកន្លែងខ្លះ ថ្មពិលតូចៗត្រូវបានគេផ្តាច់ចេញពីគ្នា ដើម្បីយកម្សៅពណ៌ខ្មៅនៅខាងក្នុងធ្វើជាថ្នាំជ្រលក់ពណ៌ ថ្នាំពណ៌ និងផលិតផលសម្អាង។ ម្សៅនេះមានជាតិពុលខ្លាំងណាស់ និងមិនគួរយកមកប្រើក្នុងគោលបំណងទាំងនេះឡើយ។ វាបានផលិតចេញពីកាតមីញ៉ូម សំណ ស័ង្កសី បារត និងលោហៈធ្ងន់ពុលផ្សេងទៀត។ ប្រសិនបើប្រើម្សៅនេះ ត្រូវតែប្រុងប្រយ័ត្នដោយពាក់ស្រោមដៃនិងម៉ាស់ ហើយបោះចោលវាឱ្យមានសុវត្ថិភាព។ នៅកម្ពុជាក្រសួងបរិស្ថានបានលើកទឹកចិត្តដល់អ្នកប្រើប្រាស់ថ្មពិតត្រូវបោះសំណល់ចោលឱ្យបានត្រឹមត្រូវ និងទុកដាក់ឱ្យមានរបៀបបំផុត ។
ដើម្បីបញ្ជៀសបញ្ហាខាងលើ វិធីល្អបំផុតក្នុងការកាត់បន្ថយការប្រឈមនឹងសារធាតុពុលក្នុងអាគុយ និងថ្មពិល គឺអ្នកផលិតរបស់ទាំងនេះជាអ្នកប្រមូលអាគុយ និងថ្មពិលដែលប្រើរួចឱ្យបានត្រឹមត្រូវ ហើយប្រាកដថា វាបានកែច្នៃនៅក្នុងស្ថានភាពសុវត្ថិភាព។ ប្រទេសខ្លះ មានច្បាប់ដាក់កម្រិតលើការកែច្នៃអាគុយ និងថ្មពិលដោយសុវត្ថិភាព។ កុំបោះចោលវានៅជិតផ្ទះ កុំបោះទៅក្នុងទឹក កុំជីកកប់ក្នុងដី ព្រមទាំងមានស្មារតីចូលរួមកាត់បន្ថយ ប្រើប្រាស់ឡើងវិញ និងកែច្នៃឡើងវិញ គ្រឿងអេឡិចត្រូនិក និងអាគុយ (ត្រូវមានជំនាញច្បាស់លាស់) តាមដែលអាចធ្វើទៅបាន ឬយកវាចោលក្នុងធុងសំរាមថ្មពិលរបស់ក្រសួងបរិស្ថានឱ្យបានសមរម្យ ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យ Boston ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/11/2025
តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិតអន្តរជាតិចំនួន២០នាក់ ឱ្យទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញ...
អាហារូបករណ៍ថ្នាក់ក្រោយឧត្តមសិក្សា និងឧត្តមសិក្សា ទៅសិក្សានៅជាំងក្វាងស៊ី ប្រទេសចិន សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 14/03/2024
សម្រាប់និស្សិតកម្ពុជាដែលមានបំណងចង់បន្តការសិក្សាថ្នាក់ក្រោយឧត្តមសិក្សា និងថ្នាក់ឧត្តមសិក្សា នៅប្រទេសចិន ពេលនេះ ក្រសួងអប់រំ យុវជន និងកីឡា បានប្រកាសពីអាហារូបករណ៍ចំនួន៨កន្លែង សម្រាប់សិស្ស និស្សិត ...
ឱកាសសិក្សាអាហារូបករណ៍ភាសាកូរ៉េពីសាកលវិទ្យាល័យ Yonsei ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 29/05/2024
សាកលវិទ្យាល័យ Yonsei និងកម្មវិធីសិក្សាតាមOnline Coursera ប្រកាសផ្ដល់អាហារូបករណ៍សិក្សាភាសាកូរ៉េតាមរយៈ online ពីវិទ្យាស្ថានផ្សេងៗនៃសាកលវិទ្យាល័យYonsei ដល់.....
អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ
ព័ត៌មានអាហារូបករណ៍, ព្រឹត្តិការណ៍
• 02/04/2026
ឱកាសទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សាជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន
CADT ប្រកាសផ្តល់អាហារូបករណ៍ ”ទេពកោសល្យឌីជីថលតេជោ” ចំនួន ២០០ កន្លែង សម្រាប់ឆ្នាំសិក្សា ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 07/09/2026
ដោយមានការគាំទ្រ និងឧបត្ថម្ភផ្ទាល់ពីក្រសួងប្រៃសណីយ៍និងទូរគមនាគមន៍ (ក.ប.ទ.), បណ្ឌិត្យសភាបច្ចេកវិទ្យាឌីជីថលកម្ពុជា (CADT) បានប្រកាសជាផ្លូវការនូវការបើកទទួលពាក្យប្រឡងជ្រើសរើស...
ឱកាសថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីអាហារូបករណ៍អូស្ត្រាលីឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 20/02/2025
កម្មវិធីអាហារូបករណ៍រដ្ឋាភិបាលអូស្ត្រាលីឆ្នាំសិក្សា២០២៦ ចាប់បើកទទួលពាក្យសម្រាប់សិស្ស និសិ្សត និងសាធារណជនកម្ពុជាហើយ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ...
ឱកាសសម្រាប់អ្នករៀនជំនាញព័ត៌មានវិទ្យា រដ្ឋសភាជ្រើសរើសមន្រ្តីកិច្ចសន្យា ចំនួន៣០នាក់
ព័ត៌មានអាហារូបករណ៍, ព្រឹត្តិការណ៍
• 21/11/2025
ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។
អាហារូបករណ៍ ១០០% ពី University of the Thai Chamber of Commerce ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 14/01/2025
University of the Thai Chamber of Commerce គឺជាសាកលវិទ្យាល័យល្បីមួយនៅប្រទេសថៃ ដែលផ្តោតទៅលើជំនាញធុរកិច្ច បានប្រកាសផ្តល់អាហារូបករណ៍ ១០០% សម្រាប់និស្សិតបរទេស ទៅសិក្សាថ្នាក់បរិញ្ញាបត្រ។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សៀវភៅពីរភាសា «ស្នាមញញឹមខ្មែរ - Le Sourire du peuple cambodgien» ចំនួន ៣,០០០ក្បាល ត្រូវបានរៀបចំឡើងក្នុងឱកាសកម្ពុជាធ្វើជាម្ចាស់ផ្ទះ កិច្ចប្រជុំ
យោងតាមទិន្នន័យក្នុងឆ្នាំ២០២៥ បានបង្ហាញថា សិស្ស-និស្សិតដែលរៀនជំនាញបច្ចេកទេស និងវិជ្ជាជីវៈ (TVET) រហូតដល់ ៨៧,៤% ទទួលបានឱកាសការងារភ្លាមៗ
បេក្ខជនប្រឡងជាប់ស្ថាពរ និងបេក្ខជនប្រឡងជាប់បម្រុង សម្រាប់ការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារកម្រិតមធ្យមសិក្សា
ក្នុងសង្គមបច្ចុប្បន្នមនុស្សភាគច្រើនហាក់ផ្តោតលើភាពលេចធ្លោផ្ទាល់ខ្លួន និងការប្រកួតប្រជែង។ ការបង្រៀនកូនឱ្យក្លាយជាមនុស្សមានចិត្តមេត្តា និងចេះយល់ពីអារម្...
សាកលវិទ្យាល័យ Hanyang University នៃប្រទេសកូរ៉េខាងត្បូង បានប្រកាសផ្តល់អាហារូបករណ៍ថ្នាក់បណ្ឌិត (PhD) ពេញថ្លៃ ដល់និស្សិតអន្តរជាតិ
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
កម្មវិធីពិសេសរបស់ AMS ECONOMY
