AMS Economyម្ចាស់ជ័យលាភីតស៊ូមតិ ក្រុមជូពីទ័រ ៖ ការចេះសហការគ្នា សាមគ្គីភាព និងការយល់ពីគ្នាជាគន្លឹះទទួលបានលទ្ធផលល្អ
ភ្នំពេញ- ការចេះសហការគ្នា សាមគ្គីភាព និងការយល់ពីគ្នាទៅវិញទៅមកជាគន្លឹះទទួលបានលទ្ធផលល្អប្រសើរ។ នេះជាការលើកឡើងរបស់ កញ្ញា សយ ស្រីនិច្ច សមាជិកម្នាក់មកពីក្រុមក្រុមជូពីទ័រ ដែលទទួលបានជ័យលាភីលេខ២ ក្នុងកម្មវិធីប្រកួតការជជែកដេញដោលទស្សនៈយុវជន២០២២ ទាក់ទងនឹងសិទ្ធិស្រ្តី និងសេដ្ឋកិច្ចឌីជីថល ប្រធានបទ “បរិយាបន្នហិរញ្ញវត្ថុ គឺជាកត្តាចម្បងក្នុងការពង្រឹងភាពអង់អាចរបស់ស្ត្រី និងលុបបំបាត់គម្លាតយេនឌ័រ ក្នុងសេដ្ឋកិច្ចឌីជីថល”។
កញ្ញា សយ ស្រីនិច្ច បញ្ជាក់បន្ថែមថា ការចូលរួមប្រកួតកម្មវិធីនេះ គឺដើម្បីទទួលបានបទពិសោធន៍ថ្មីៗ ក៏ដូចជាចំណេះដឹងថ្មីៗ និងរៀនពីអ្វីដែលមិនធ្លាប់រៀនពីមុនមក ប៉ុន្តែដោយសារតែការខិតខំប្រឹងប្រែង និងការសាមគ្គីភាពរបស់ក្រុមក៏អាចទទួលបានលទ្ធផលមកដល់វគ្គផ្ដាច់ព្រ័ត្រ។ កញ្ញាបន្តថា អ្វីក៏ដោយជាសមិទ្ធផលមួយដែលយើងខិតខំប្រឹងប្រែងអស់ពីសមត្ថភាពពិតៗ និងពីភាពតស៊ូរបស់យើង នឹងបង្ហាញឱ្យអ្នកដ៏ទៃឃើញថា ពួកយើងពិតជាខ្លាំង ពិតជាអស្ចារ្យ និងពិតជាមានសមត្ថភាពសមដូចសម្ដីដែលបាននិយាយពិតមែន។
កញ្ញា សយ ស្រីនិច្ច ក៏លើកទឹកចិត្តយុវជនទាំងអស់ចូលរួមកម្មវិធីឱ្យបានច្រើន ពីព្រោះកាលណាយើងបានចូលរួមកម្មវិធីច្រើន នោះយើងនឹងទទួលបានបទពិសោធន៍ថ្មីៗ ស្គាល់មនុស្សច្រើន និងមានមិត្តភក្ដិច្រើន។ លើសពីនេះ ការរៀនមិនមែនរៀនតែនៅក្នុងសាលាទេ នៅខាងក្រៅក៏អាចរៀនបាន សំខាន់យើងត្រូវចេះរៀន និងចេះចាប់យកអ្វីដែលថ្មីសម្រាប់ខ្លួនយើង និងប្រើពេលវេលាឱ្យមានតម្លៃក្នុងការអភិវឌ្ឍសមត្ថភាពរបស់យើងពីមួយកម្រិតទៅមួយកម្រិតទៀត។
លោក សួន ពិទូរ ជានិស្សិតឆ្នាំទី២ នៅសាកលវិទ្យាល័យកម្ពុជា ដែលជាសមាជិកក្រុមជូពីទ័រ ក៏បានលើកឡើងដែរថា ក្រុមរបស់ខ្លួនអាចជាប់មកដល់វគ្គផ្ដាច់ព្រ័ត្រនេះ គឺដោយសារការចេះសហការគ្នា សាមគ្គីភាព ការយល់ពីគ្នាទៅវិញទៅមក និងភាពមានទំនួលខុសត្រូវទៅលើការងារក្រុមដែលបែងចែកគ្នាធ្វើរៀងៗខ្លួន បូករួមទាំងការខិតខំប្រឹងប្រែងសិក្សាស្រាវជ្រាវអំពីអ្វីដែលពាក់ព័ន្ធទៅនឹងប្រធានបទផងដែរ។
លោក សួន ពិទូរ
“ខ្ញុំមានអារម្មណ៍ថាសប្បាយចិត្តណាស់ ទោះមិនបានជាប់លេខ១ក៏ខ្ញុំមិនមានការអាក់អន់ចិត្តអីដែរ ព្រោះក្រុមរបស់ខ្ញុំបានខិតខំប្រឹងប្រែងអស់ពីសមត្ថភាព ហើយគោលបំណងចម្បងដែលខ្ញុំចូលរួមក្នុងកម្មវិធីនេះគឺមិនមែនដើម្បីតែចង់ឈ្នះចង់ចាញ់តែម្យ៉ាងនោះទេ គឺខ្ញុំចង់សិក្សារៀនសូត្រ ចង់ទទួលបានចំណេះដឹង និងបទពិសោធន៍ថ្មីៗប៉ុណ្ណោះ”
កញ្ញា ថៃ ស្រីវីន ជានិស្សិតឆ្នាំទី១ នៃវិទ្យាស្ថានសិក្សាអន្តរជាតិ និងគោលនយោបាយសាធារណៈ នៅសាកលវិទ្យាល័យភូមិន្ទភ្នំពេញ វិញនិយាយថា ការប្រកួតនេះមានរយៈពេលបីខែ ចាប់ផ្ដើមដំបូងនាខែកញ្ញា រហូតមកដល់វគ្គបញ្ចប់នាខែតុលា។ កញ្ញាបន្តថា ក្នុងការធ្វើកិច្ចការជាក្រុមគ្មានរឿងទាស់ទែងពាក្យសម្ដីគ្នានោះទេ ព្រោះម្នាក់ៗចេះយោគយល់គ្នា ឱ្យយោបល់គ្នាទៅវិញទៅមក លើកទឹកចិត្តគ្នា ជួយកែតម្រូវចំណុចខ្វះខាតគ្នាទៅវិញទៅមក។ ជាពិសេសថ្ងៃប្រកួតមកដល់ ទោះបីម្នាក់ៗមិនស្រួលខ្លួនយ៉ាងណាក៏ពុះពារទៅជាមួយគ្នា រង់ចាំស្ដាប់លទ្ធផលជាមួយគ្នា ត្រេកអរជាមួយគ្នា ព្រោះទីបញ្ចប់បានសម្រេចបេសកកម្មមួយនេះបានយ៉ាងជោគជ័យ។
កញ្ញា ថៃ ស្រីវីន
“ខ្ញុំទទួលបានចំណេះដឹងច្រើនណាស់ពីកម្មវិធីតស៊ូមតិ បានរៀនសូត្រពីសន្ធិសញ្ញាស្តីពីការលុបបំបាត់រាល់ទម្រង់នៃការរើសអើងប្រឆាំងស្រ្តីភេទ (CEDAW), បានស្គាល់មនុស្សថ្មីៗ, បង្កើតទំនាក់ទំនងល្អៗ, ពង្រីកចំណេះដឹង, ការងារជាក្រុម, ពង្រឹងភាពក្លាហានរបស់ខ្លួនឯង ក៏ដូចជាការយល់ដឹងពីសេដ្ឋកិច្ចឌីជីថលនៅកម្ពុជាផងដែរ”
កញ្ញា ថៃ ស្រីវីន ក៏បានសូមណូមពរដល់យុវជនខ្មែរគ្រប់រូបមិនត្រូវខ្លាចក្នុងការសាកល្បងអ្វីដែលថ្មីៗនោះទេ ត្រូវក្លាហាន មនុស្សគ្រប់រូបមានសមត្ថភាពដូចគ្នា សំខាន់ថា តើយើងដឹង និងចេះប្រើប្រាស់សមត្ថភាពដែលយើងមានដែរទេ? បើយើងមិនហ៊ានសាក មិនដឹងថាវាមានរសជាតិបែបណាទៅ។ “ជឿខ្ញុំ! រសជាតិដែលខ្ញុំបានភ្លក់បន្ទាប់ពីការឡើងតស៊ូមតិ វាជារសជាតិមួយដែលយើងមិនអាចបំភ្លេចបាន តែគ្មានភោជនីយដ្ឋានណាមានលក់រសជាតិបែបហ្នឹងទេ ហើយខ្ញុំបានឱ្យឈ្មោះរសជាតិដែលខ្ញុំបានភ្លក់នោះថា “at least one thing makes me proud”៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅវិទ្យាស្ថានពហុបច្ចេកទេសខេត្តព្រះវិហារ
ព័ត៌មានអាហារូបករណ៍, ព្រឹត្តិការណ៍
• 05/03/2026
សម្រាប់ឆ្នាំ២០២៦នេះ វិទ្យាស្ថានពហុបច្ចេកទេសខេត្តព្រះវិហារ បានប្រកាសជ្រើសរើសសិស្សទាំងពីរភេទ (អាយុចាប់ពី១៥-៣៥ឆ្នាំ) ឱ្យចូលរៀនឥតបង់ថ្លៃ លើជំនាញចំនួន៦ ដែលកំពុងមានតម្រូវការទីផ្សារការងារ។
ឱកាសសិក្សាអាហារូបករណ៍ថ្នាក់ឧត្ដមសិក្សាចំនួន៣០កន្លែងពីរដ្ឋាភិបាលហុងគ្រី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 20/11/2023
ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ Stipendium Hungaricum Programme រដ្ឋាភិបាលហុងគ្រីចំនួន៣០កន្លែងដល់និស្សិតកម្ពុជា។ អាហារូបករណ៍ផ្ដល់ជូន...
អាហារូបករណ៍ទេពកោសល្យស្ទែម ចំនួន១០កន្លែងនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 20/08/2025
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗ នៃប្រទេសប្រ៊ុយណេ ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 30/12/2024
កម្មវិធីអាហារូករណ៍ Brunei DARUSSALAM SCHOLARSHIP រដ្ឋាភិបាល នៃប្រទេសប្រ៊ុយណេ ប្រកាសផ្ដល់អាហារូបករណ៍ថ្នាក់ឧត្ដមសិក្សាសម្រាប់និស្សិតអន្តរជាតិជាច្រើនកន្លែងសម្រាប់ឆ្នាំសិក្សា២០២៥-២០២៦...
ឱកាសបន្តការសិក្សាថ្នាក់អនុបណ្ឌិត ឬបណ្ឌិតនៅសហរដ្ឋអាមេរិក ជាមួយនឹងអាហារូបករណ៍ Fulbright
ព័ត៌មានអាហារូបករណ៍, ព្រឹត្តិការណ៍
• 03/02/2026
ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត)
អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់
ព័ត៌មានអាហារូបករណ៍, ព្រឹត្តិការណ៍
• 29/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។
ក្រសួងទេសចរណ៍ ជ្រើសរើសសិក្ខាកាមចូលរៀនជំនាញឆុងកាហ្វេ និងសេវាកម្មម្ហូបអាហារ និងភេសជ្ជៈ សម្រាប់ខេត្តបាត់ដំបង
ព័ត៌មានអាហារូបករណ៍, ព្រឹត្តិការណ៍
• 24/08/2023
គណៈកម្មការគ្រប់គ្រងគម្រោង ហូកា នៃក្រសួងទេសចរណ៍ ក្រោមកិច្ចសហការជាមួយគម្រោង “គាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយកម្មកសិកម្មនៅកម្ពុជា (SAAMBAT)”...
ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋកូរ៉េពីកម្មវិធីអាហារូបករណ៍ KDI 2024 Spring
ព័ត៌មានអាហារូបករណ៍, ព្រឹត្តិការណ៍
• 27/07/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាធារណរដ្ឋកូរ៉េពីកម្មវិធីអាហារូបករណ៍ KDI 2024 Spring ។ អាហារូបករណ៍ផ្ដល់ជូនសម្រាប់មន្ត្រីរាជការកម្ពុជាទាំងពីរភេទ និងសាធារណជន ។
ឱកាសសិក្សាជំនាញវិជ្ជាជីវៈឥតគិតថ្លៃនៅវិទ្យាស្ថានជាតិសហគ្រិនភាព និងនវានុវត្តន៍ វគ្គសិក្សាថ្មី
ព័ត៌មានអាហារូបករណ៍, ព្រឹត្តិការណ៍
• 07/05/2025
វិទ្យាស្ថានជាតិសហគ្រិនភាព និងនវានុវត្តន៍ ប្រកាសជ្រើសរើសសាធារណជនចូលសិក្សាជំនាញវិជ្ជាជីវៈ ដោយឥតគិតថ្លៃសម្រាប់វគ្គសិក្សាថ្មី។ ការសិក្សា ផ្ដល់ជូនដល់យុវជនមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុង និងក្រៅប្រព័ន្ធ។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
