AMS Economyអ្នកស្រី រស់ រតនៈ៖ កិច្ចការងារផ្ទះគឺជាទំនួលខុសត្រូវរួម មិនសំដៅលើស្រ្តីនោះទេ
ភ្នំពេញ – ការងារក្នុងផ្ទះគឺជាកិច្ចការងាររួមដែលសមាជិកនៅក្នុងផ្ទះជាអ្នកទទួលខុសត្រូវ ដោយវាមិនមែនជាបន្ទុកតែលើមនុស្សស្រីតែមុខនោះទេ ពោលគឺមនុស្សប្រុសក៏អាចជួយកិច្ចការងារផ្ទះបានដែរ ដោយវានឹងធ្វើឱ្យគ្រួសារទាំងមូលកាន់តែបង្កើនសុខមង្គលរឹងមាំថែមទៀត។ នេះគឺជាការលើកឡើងរបស់ លោកស្រី រស់ រតនៈ ស្ថាបនិក Rotanak Food Media។
“នៅក្នុងគ្រួសាររបស់ខ្ញុំលោកប្ដីខ្ញុំអត់ពូកែធ្វើម្ហូបនោះទេ ដូច្នោះខ្ញុំជាអ្នកធ្វើម្ហូបប៉ុន្តែធ្វើម្ហូបហើយ ខ្ញុំមិនត្រូវលាងចានទៀតនោះទេ ពីព្រោះលោកប្ដីនឹងមកជួយ! ការងារផ្ទះមិនមែនជាការងាររបស់មនុស្សស្រី ឬរបស់មនុស្សប្រុសនោះទេ ប៉ុន្តែត្រូវគិតថាម្នាក់នោះពូកែលើអ្វី ឬមួយក៏គាត់អាចធ្វើការងារអ្វីបានដែលអាចជួយសម្រាលបន្ទុកគ្នា! យើងមិនអាចឱ្យនរណាម្នាក់រ៉ាប់រងការងារផ្ទះតែម្នាក់ឯងទាំងស្រុងឡើយ”
លោកស្រី រស់ រតនៈ
លោកស្រី រស់ រតនៈ បន្តថា ការងារនៅក្នុងផ្ទះគឺជាបន្ទុករបស់អ្នកនៅក្នុងផ្ទះដែលគាត់មានតម្លៃស្មើនឹងអ្នកដែលទៅធ្វើការងារនៅខាងក្រៅរកចំណូលដូចគ្នា។ ការងារនៅក្នុងផ្ទះក៏ជាការងារ ហើយការងារនៅខាងក្រៅក៏ជាការងារ។ ចំណែកឯគ្រួសារដែលមានការជួយគ្នា គឺជាក្រុមគ្រួសារមួយដែលឱ្យតម្លៃចំពោះគ្នាទៅវិញទៅមក។
“ការងារផ្ទះអ្វីក៏ដោយក៏មនុស្សប្រុសអាចធ្វើបានដែរ រាប់ចាប់តាំងពីចម្អិនម្ហូប បោកខោអាវ តភ្លើងជាដើម! ខ្ញុំយល់ថាមនុស្សប្រុសអាចធ្វើការងារក្នុងផ្ទះបានទាំងអស់”
លោកស្រី រស់ រតនៈ បន្តថា ទាំងនេះមិនមែនជាការដាក់បន្ទុកឱ្យមនុស្សប្រុសត្រូវតែធ្វើនោះទេ ប៉ុន្តែវាជាទំនួលខុសត្រូវរួមរបស់មនុស្សគ្រប់គ្នានៅក្នុងផ្ទះ។ ហើយនៅពេលដែលយើងចេះជួយគ្នា យល់ពីគ្នាបានច្រើន ក្រុមគ្រួសារនឹងឆាប់មានពេលវេលានៅជាមួយគ្នាបានយូរ ឬក៏មានពេលវេលាសម្រាប់កូនៗ និងចំណេញពេលវេលាទៅធ្វើអ្វីបានផ្សេងទៀត។
បើតាមលោកស្រី រតនៈ ការស្ម័គ្រចិត្តជួយដោយយល់អំពីតម្លៃការងារនៅក្នុងផ្ទះ នោះក្រុមគ្រួសារនឹងមានសុភមង្គល ហើយការជួយនោះវាចេញពីបេះដូង និងធ្វើឱ្យមនុស្សគ្រប់គ្នាសប្បាយចិត្ត មានអារម្មណ៍រីករាយនៅក្នុងគ្រួសារ ព្រមទាំងជាគំរូរល្អនៅក្នុងសង្គមថែមទៀត។
ផ្ទុយទៅវិញ ប្រសិនបើមានការស្ដីបន្ទោសបង្អាប់ទៅដល់អ្នកដែលធ្វើកិច្ចការងារផ្ទះ វានឹងធ្វើឱ្យពួកគាត់ប៉ះពាល់សម្ពាធផ្លូវចិត្ត។
“បើសិនជាប្រពន្ធធ្វើការងារនៅក្នុងផ្ទះ ធ្វើការងារគ្រប់យ៉ាង ពេលបុរសទៅដល់ផ្ទះ បើមិនបានជួយកិច្ចការងារផ្ទះប្រពន្ធទេ ក៏គួរចេះប្រើពាក្យសម្ដីពិរោះលើកទឹកចិត្តទៅដល់អ្នកដែលខំធ្វើផងដែរ”
លោកស្រី រស់ រតនៈ បានឱ្យដំបូន្មានថា ការប្រើសម្ដីផ្អែមល្អែម ការយោគយល់គ្នា លើកទឹកចិត្ត និងចេះជួយគ្នានៅក្នុងគ្រួសារ ជាផ្នែកដ៏សំខាន់ក្នុងការជំរុញតម្លៃគ្រួសារឱ្យកាន់តែមានភាពស្អិតរមួត បង្កើនទំនាក់ទំនងល្អ ដែលវាគឺជាសុភមង្គលសុខភាពផ្លូវចិត្តពេញលេញ។ ហេតុនេះបើមនុស្សគ្រប់គ្នានៅក្នុងគ្រួសារមានទំនួលខុសត្រូវរៀងខ្លួន ជាឪកាសល្អនៃការភ្ជាប់ក្ដីស្រលាញ់ឱ្យកាន់តែរឹងមាំរវាងគ្នានិងគ្នា។ បើយោងតាមមាត្រា៣៦ ច្បាប់រដ្ឋធម្មនុញ្ញ នៃព្រះរាជាណាចក្រកម្ពុជាឆ្នាំ១៩៩៣បានចែងថា ការងារមេផ្ទះមានតម្លៃស្មើគ្នាទៅនឹងកម្រៃដែលបានមកពីការងារធ្វើនៅក្រៅផ្ទះ។ ប្រជាពលរដ្ឋខ្មែរទាំងពីរភេទ មានសិទ្ធិទទួលប្រាក់បំណាច់ស្មើគ្នា ចំពោះការងារដូចគ្នា។ មួយវិញទៀត បើតាមមាត្រា៤៥ នៃរដ្ឋធម្មនុញ្ញវិញ ក៏បានចែងដែរថា បុរស និងស្ត្រីមានសិទ្ធិស្មើគ្នាក្នុងគ្រប់វិស័យទាំងអស់ ជាពិសេសក្នុងអាពាហ៍ពិពាហ៍ និងគ្រួសារ។ ដូច្នេះការងារនៅក្នុងផ្ទះ ក៏ជាការងារដែលមានតម្លៃដូចគ្នា ហើយបុរសទាំងឡាយគួរប្ដូរពីការស្ដីបន្ទោសចំពោះស្រ្តីធ្វើការងារផ្ទះ រួចប្តូរមកប្រើពាក្យសម្ដីដោយការយល់ពីគ្នា និងឱ្យតម្លៃ ព្រោះគ្រប់ការងារទាំងអស់សុទ្ធតែពិបាកដូចគ្នា រួមតាំងការងារផ្ទះផងដែរ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ចំនួន១០០កន្លែង ៖ អាហារូបករណ៍ ចេន ហ្ស៊ី (Chen Zhi) ចាប់ផ្តើមបើកទទួលពាក្យហើយ
ព័ត៌មានអាហារូបករណ៍, ព្រឹត្តិការណ៍
• 22/01/2024
ក្នុងរយៈពេលប្រាំពីរឆ្នាំកម្មវិធីរបស់ ព្រីនស៍ ហូលឌីង គ្រុប នឹងគាំទ្រដល់និស្សិតកម្ពុជាចំនួន ៤០០នាក់ ជាមួយនឹងការបរិច្ចាគដែលមានតម្លៃជាទឹកប្រាក់សរុបប្រមាណ ២ លានដុល្លារសហរដ្ឋអាមេរិក...
អាហារូបករណ៍ ១០០% ចំនួន ១ ៨០៨ កន្លែង ថ្នាក់សញ្ញាបត្រជាន់ខ្ពស់បច្ចេកទេស សម្រាប់សិស្សទើបចប់បាក់ឌុប
ព័ត៌មានអាហារូបករណ៍, ព្រឹត្តិការណ៍
• 21/09/2026
សមាគមសហព័ន្ធសិស្ស-និស្សិតអប់រំបណ្ដុះបណ្ដាលបច្ចេកទេស និងវិជ្ជាជីវៈ បានប្រកាសផ្ដល់អាហារូបករណ៍ ១០០% សរុបចំនួន ១ ៨០៨ កន្លែង
អាហារូបករណ៍សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 23/10/2024
ឱកាសសិក្សាអាហារូបករណ៍ចំនួន២០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍សម្រាប់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រចំនួន១០កន្លែង និងកម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់ឧត្ដមសិក្សាពីកម្មវិធី Abu Dhabi University ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 27/08/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Abu Dhabi University ពីកម្មវិធី Abu Dhabi University Scholarship 2026 នៃប្រទេសអេមីរ៉ាតអារ៉ាប់រួម។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររយៈពេល៤ឆ្នាំ
ឱកាសសម្រាប់អ្នករៀនជំនាញព័ត៌មានវិទ្យា រដ្ឋសភាជ្រើសរើសមន្រ្តីកិច្ចសន្យា ចំនួន៣០នាក់
ព័ត៌មានអាហារូបករណ៍, ព្រឹត្តិការណ៍
• 21/11/2025
ជាឱកាសសម្រាប់សិស្សនិស្សិតដែលមានជំនាញព័ត៌មានវិទ្យា (IT) ពេលនេះ អគ្គលេខាធិការដ្ឋានរដ្ឋសភា បានប្រកាសប្រឡងជ្រើសរើសមន្រ្តីកិច្ចសន្យាទាំងពីរភេទ ចំនួន៣០នាក់ ដើម្បីបំពេញការងារនៅរដ្ឋសភាជាតិ។
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង
ព័ត៌មានអាហារូបករណ៍, ព្រឹត្តិការណ៍
• 14/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
