AMS Economyឯកឧត្តម សាន វឌ្ឍនា ៖ ៧ចំណុចជួយគ្រប់គ្រងអារម្មណ៍បានល្អសម្រាប់សិស្សត្រៀមខ្លួនប្រឡងបាក់ឌុប
ភ្នំពេញ- នៅសល់តែប៉ុន្មានសប្តាហ៍ទៀតប៉ុណ្ណោះ សិស្សានុសិស្សដែលកំពុងរៀនថ្នាក់ទី១២ នឹងត្រូវដល់ពេលចូលសង្វៀនប្រកួតដ៏ធំមួយក្នុងឆាកជីវិត នោះគឺការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលនឹងប្រព្រឹត្តទៅនាដើមខែធ្នូ ឆ្នាំ២០២២ ។ ទន្ទឹមគ្នានេះ ការគ្រប់គ្រងអារម្មណ៍ឱ្យបានល្អ គឺជារឿងដ៏សំខាន់សម្រាប់សិស្សដែលត្រៀមខ្លួនប្រឡងបាក់ឌុប ដើម្បីបោះជំហានមួយលើគន្លងផ្លូវដែលពោរពេញដោយឯករាជ្យ សេរីភាព មនសិការ និងការទទួលខុសត្រូវ។
ដើម្បីជាការជួយដល់សិស្សដែលត្រៀមប្រឡងបាក់ឌុប ឯកឧត្តម សាន វឌ្ឍនា បានចែករំលែកបទពិសោធន៍ចំនួន៧ចំណុច ដែលអាចជួយដល់សិស្សដែលត្រៀមប្រឡងអាចគ្រប់គ្រងអារម្មណ៍បានល្អ ៖
១. រក្សាវិន័យ និងសេចក្តីថ្លៃថ្នូរ ៖ នៅសល់តែប៉ុន្មានថ្ងៃទៀតទេ ក្មួយៗនឹងលាចាកភាពជា “សិស្សសាលារៀន” ហើយ តែមុននឹងដល់ថ្ងៃនោះ ក្មួយៗត្រូវរក្សាវិន័យ និងគោរពបទបញ្ជាសាលារៀនឱ្យបានខ្ជាប់ខ្ជួន។ បើចង់គូរអាវ សរសេរពាក្យពីបេះដូង ដាក់លើឯកសណ្ឋានសាលារៀន ចាំផុតក្លោងទ្វារសាលារៀន ឬផុតម៉ោងរៀនសិនចាំធ្វើ ព្រោះឯកសណ្ឋានសិស្សជាកិត្តិយស ជាគំរូ ជាវិន័យ។ គូររូប ឬសរសេរអក្សរលើអាវគ្នា គឺមិនមានអ្វីខុសទាស់ទេ តែអ្វីដែលខុសទាស់នោះគឺការគូសវាសលើឯកសណ្ឋាន និងការបំពានវិន័យសាលារៀន។
២. ប្រឡងបាក់ឌុបមិនមែនជា “ទិវាកំណត់ជោគវាសនា” ៖ បើក្មួយៗរៀនបានត្រឹមត្រូវ មិនបាច់ពូកែ Top10 ក្នុងថ្នាក់ ក៏ក្មួយគង់តែប្រឡងជាប់ទេ កុំបារម្ភឱ្យសោះ! កុំភ័យខ្លាំងរហូតធ្វើឱ្យការប្រឡងបាក់ឌុបនេះក្លាយជាព្រាយបីសាចតាមយារយីអារម្មណ៍របស់ក្មួយៗ។ ការប្រឡងបាក់ឌុប គ្រាន់តែស្ពានចម្លងមួយ ក្នុងចំណោមស្ពានចម្លងជាច្រើនទៀតដែលក្មួយៗត្រូវឆ្លងកាត់ក្នុងឆាកជីវិតនៅពេលខាងមុខ។ ត្រូវចាំថា នៅលើផ្លូវជីវិតខាងមុខនេះ ប្រហែលជាមានឧបសគ្គមួយចំនួនដែលក្មួយត្រូវជួប មានទំហំធំជាងការប្រឡងបាក់ឌុបនេះឆ្ងាយណាស់ ហើយឧបសគ្គទាំងនោះគ្មានស្ពានឆ្លងកាត់នោះទេ។
៣. តម្កល់រឿងអនាគតឱ្យខ្ពស់ជាងភាពស្មុគ្រស្មាញដែលកំពុងជួប ៖ ខ្ញុំដឹងច្បាស់ណាស់ថាក្មួយៗជាច្រើន កំពុងស្ថិតក្នុងដំណាក់កាល “ឆ្លងវ័យ” គឺការប្រែប្រួលទាំងរូបសាស្រ្ត ចិត្តសាស្រ្ត និងសរីរសាស្រ្ត។ ក្នុងដំណាក់កាលនេះ ក្មួយៗហាក់ដូចជាមើលឃើញអ្វីៗនៅចំពោះមុខ ពោរពេញដោយបញ្ហាចាក់ស្រេះ អារម្មណ៍តប់ប្រមល់ដោយគ្មានមូលហេតុ ភាពតានតឹងឆេវឆាវ ឬកណ្តោចកណ្តែងឯកោជាប្រចាំ។ អ្នកខ្លះត្រូវសង្សារបែកចិត្ត អ្នកខ្លះកើតក្តីសង្វេគដោយសារជីវភាព …. រឿង១០០ជំពូក។ ពេលខ្លះក្មួយៗមានអារម្មណ៍ថាខ្លួនកំពុងនៅម្នាក់ឯង ទោះបីមនុស្សរាប់រយអ្នកកំពុងនៅក្បែរខ្លួនយើងក៏ដោយ។
ក្មួយត្រូវព្យាយាមប្រាប់ខ្លួនឯងថា “ថ្ងៃស្អែកអ្វីៗនឹងប្រសើរ” ក្មួយអាចយករឿងតប់ប្រមល់ ទាំងនេះមកនិយាយជាមួយឪពុកម្តាយ ឬមនុស្សដែលគួរឱ្យគោរពបំផុត ឬជួនកាលស្រែកច្រៀងម្នាក់ឯងពេលកំពុងមុជទឹកក៏ធូរស្រាលមួយកម្រិតដែរ។
៤. ធ្វើរឿងតូចមួយ (តូចមួយបានហើយ) ដែលផ្តល់ស្នាមញញឹមដល់អ្នកដទៃ ៖ ក្មួយៗប្រហែលជាមិនបានដឹងទេថា មានរឿងតូចតាចជាច្រើនដែលក្មួយៗគិតថាមិនចាំបាច់ តែបែរជាផ្តល់ភាពកក់ក្តៅនិងស្នាមញញឹមដល់អ្នកដទៃដែលក្មួយមិនដែលស្គាល់។ ពេលណាមួយដែលក្មួយៗបានដឹងថា មានមនុស្សណាម្នាក់បានញញឹមដោយសារអំពើល្អរបស់ក្មួយ ពេលនោះស្នាមញញឹមនោះនឹងត្រឡប់មកដល់ក្មួយវិញជាក់ជាមិនខាន។ សាកល្បងដាំដើមឈើនៅទីណាមួយ រើសសម្រាម ចូលរួមការងារស្ម័គ្រចិត្ត បរិច្ចាគសៀវភៅជូនបណ្ណាល័យ បរិច្ចាគឈាម … ឃើញទេ …. ក្មួយសាកស្រមៃមើលទង្វើទាំងនេះ ហើយគ្រាន់តែស្រមៃប៉ុណ្ណេះក៏មានស្នាមញញឹមកើតមានមួយរំពេចចំពោះក្មួយ។
៥. បង្ការខ្លួនកុំឱ្យធ្វើអ្វីដែលជ្រុលហួស មិនអាចបកក្រោយបាន ៖ ប្រហែលជាក្មួយៗជាច្រើនអាចស្អប់ និងមិនចូលចិត្តចំណុចនេះ តែខ្ញុំសូមនិយាយពាក្យនេះជាមួយក្តីស្រឡាញ់អស់បេះដូង ចំពោះក្មួយៗ។ យុវតីមួយចំនួនអាចថ្លោះធ្លោយប្រគល់ខ្លួនប្រាណទៅឱ្យដៃគូរបស់ខ្លួន នៅពេលនេះដើម្បីបញ្ជាក់ពីក្តីស្នេហ៍បរិសុទ្ធ ហើយត្រូវសោកស្តាយនិងឈឺចាប់។ ក្មួយៗជាបុរសជាច្រើន នាំគ្នាសេពគ្រឿងស្រវឹងលើសពីការគ្រប់គ្រងខ្លួន ឬសាកល្បងគ្រឿងញៀន ហើយបានជួបគ្រោះថ្នាក់ដែលនឹកស្មានមិនដល់។ ក្មួយៗធំដឹងក្តីហើយ តែការជ្រុលថ្លោះធ្លោយមួយភ្លែត អាចបង្កវិប្បដិសារីមួយចំនួនដែលបង្កជាការសោកសៅពេញមួយជីវិត។
៦. សាកល្បងទៅទីកន្លែងណាដែលទូលាយ និងមានពណ៌បៃតង ៖ ទោះបីក្មួយត្រូវរវល់ទន្ទេញមេរៀន ឬជាប់កម្មវិធីដើរលេងជាមិត្តភក្តិ យ៉ាងណា ក្មួយអាចសាកល្បងទៅទីកន្លែងណាមួយដែលមានបរិយាកាសស្រស់បំព្រង មានពណ៌បៃតង មានខ្យល់បក់ពេញលេញ។ សួនច្បារមុខព្រះបរមរាជវាំង មាត់ទន្លេ ឧទ្យានគីរីរម្យ វាលស្រែជាយក្រុង ឬសមុទ្រ ដោយមិនបាច់យកទូរសព្ទឬសៀវភៅទៅតាម។ ធូរទ្រូងបន្តិច ក៏ជាការប្រសើរដែរ។ នៅមានរឿងជាច្រើនទៀត ដែលងាយស្រួលហើយអាចកសាងស្មារតី និងអារម្មណ៍របស់យើងបាន។ ជួនកាលបើកន្លែងទាំងនេះមិនមែនជាចំណូលចិត្ត ក្មួយៗអាចទៅអង្គុយសម្រួលអារម្មណ៍នៅតាមវត្តអារាម ព្រះវិហារ ប្រាសាទជាដើម។
៧. បង្កើតអនុស្សាវរីយ៍សប្បាយៗជាមួយមិត្តភក្តិ ៖ ក្មួយៗត្រូវចាំថាពេលប្រឡងបាក់ឌុបចប់ ហើយចូលរៀនសាកលវិទ្យាល័យ ក៏ជាពេលដែលត្រូវបែកគ្នាពីមិត្តភក្តិសំណប់ចិត្តជាច្រើនដែរ។ មិត្តភក្តិដែលធ្លាប់ផឹកភេសជ្ជៈមួយកំប៉ុងទុយោរួមគ្នា មិត្តភក្តិធ្លាប់ជិះម៉ូតូកាត់ភ្លៀងជាមួយគ្នា មិត្តភក្តិធ្លាប់រកចៃឱ្យគ្នា មិត្តភក្តិធ្លាប់ចូលបង្គន់ចាំគ្នា …. គេត្រូវរកផ្លូវដើររៀងខ្លួនហើយ។ ដូច្នេះ បើអាចធ្វើបាន នាំគ្នាបង្កើតបរិយាកាសសប្បាយៗជុំគ្នា ត្រូវសារភាពសេចក្តីសេ្នហាប្រាប់គ្នាឱ្យហើយក៏បាន សងលុយជំពាក់គ្នាឱ្យអស់ក៏បាន របស់ធ្លាប់លួចគ្នាត្រូវយកទៅឱ្យគ្នាវិញក៏បាន …. ដើរលេងរួមគ្នាបន្តិចក៏ល្អដែរព្រោះមិនដឹងមានពេលណាជួបគ្នាវិញជុំគ្នាទេ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសចូលរួមកម្មវិធីបណ្តុះបណ្តាលយុវជនបរិស្ថានអាស៊ាន (AYGC) ឆ្នាំ២០២៦ នៅទីក្រុងហ្សាកាតា
ព័ត៌មានអាហារូបករណ៍, ព្រឹត្តិការណ៍
• 19/03/2026
អង្គការ ERIA (Regional Knowledge Centre for Marine Plastic Debris) សហការជាមួយ The Conversation Indonesia (TCID) បានប្រកាសបើកទទួលពាក្យសម្រាប់កម្មវិធី "ASEAN Young Green Communicators
កម្មវិធី MTCP ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសម៉ាឡេស៊ីឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 23/06/2023
ភ្នំពេញ - កម្មវីធីអាហារូបករណ៍ THE MALAYSIAN TECHNICAL COOPERATION PROGRAMME ឬ MTCP ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់...
អាហារូបករណ៍ស្រាវជ្រាវក្រោយឧត្ដមសិក្សានៅសាកលវិទ្យាល័យ Sydney ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 07/09/2023
ឱកាសសិក្សាអាហារូបករណ៍ស្រាវជ្រាវក្រោយឧត្ដមសិក្សាសម្រាប់អន្តរជាតិនៅសាកលវិទ្យាល័យSydny ប្រទេសអូស្រ្តាលីឆ្នាំសិក្សា២០២៤ ។ អាហារូបករណ៍ជាការផ្ដល់ឱ្យពីសាកលវិទ្យាល័យSydny...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025
ព័ត៌មានអាហារូបករណ៍, ព្រឹត្តិការណ៍
• 06/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...
សហភាពអឺរ៉ុបផ្តល់អាហារូបករណ៍ពេញថ្លៃ ៣០កន្លែង លើជំនាញវិស័យទឹក ទៅសិក្សានៅសាកលវិទ្យាល័យក្នុងតំបន់អឺរ៉ុប
ព័ត៌មានអាហារូបករណ៍, ព្រឹត្តិការណ៍
• 02/10/2026
សហភាពអឺរ៉ុប (EU) ប្រចាំនៅកម្ពុជា បានប្រកាសផ្ដល់អាហារូបករណ៍ពេញថ្លៃចំនួន ៣០ កន្លែង ក្រោមគម្រោង «European Global Gateway Scholarships on Water Professions»
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Merit Scholarships នៅសាកលវិទ្យាល័យ Tulane សហរដ្ឋអាមេរិក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 07/08/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Tulane ពីកម្មវិធីអាហារូបករណ៍ Marit Scholarship សហរដ្ឋអាមេរិកឆ្នាំសិក្សា២០២៥...
វិទ្យាស្ថានពហុបច្ចេកទេសព្រះកុសុមៈ (PPI) ប្រកាសផ្ដល់អាហារូបករណ៍ជាង ១ពាន់កន្លែង
ព័ត៌មានអាហារូបករណ៍, ព្រឹត្តិការណ៍
• 15/07/2026
វិទ្យាស្ថានពហុបច្ចេកទេសព្រះកុសុមៈ (PPI) បានប្រកាសផ្តល់អាហារូបករណ៍សិក្សាដោយឥតគិតថ្លៃចំនួន ១,០៥៦កន្លែង លើជំនាញចំនួន ១៤មុខវិជ្ជា ព្រមទាំងផ្តល់ប្រាក់ឧបត្ថម្ភប្រចាំខែជូនសិក្ខាកាម ក្រោមកម្មវិធីបណ្ដុះបណ្ដាលជំនាញវិជ្ជាជីវៈ...
វិទ្យាស្ថាន NTTI ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ ឥតគិតថ្លៃ ក្រោមគម្រោង TVET 1.5M
ព័ត៌មានអាហារូបករណ៍, ព្រឹត្តិការណ៍
• 11/03/2026
វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាសចុះឈ្មោះយុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...
អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 16/09/2025
ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
