AMS Economyអតីតសិស្សនិទ្ទេស A ម៉ី មុន្នីរតនៈ ចែករំលែកបទពិសោធន៍ត្រៀមខ្លួនមុនពេលប្រឡងបាក់ឌុប
ភ្នំពេញ – ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម្រាប់ឆ្នាំសិក្សា២០២១-២០២២ នឹងប្រព្រឹត្តធ្វើទៅនៅថ្ងៃទី៥ និងថ្ងៃទី៦ ខែធ្នូ ឆ្នាំ២០២២ខាងមុខ ដោយគិតត្រឹមរយៈពេលនេះតទៅ គឺនៅសល់ប្រមាណ២ខែទៀតប៉ុណ្ណោះ។ តើសម្រាប់រយៈពេលនេះ សិស្សានុសិស្សថ្នាក់ទី១២ ដែលជាបេក្ខជន គួរតែត្រៀមខ្លួនធ្វើអ្វីខ្លះ ដើម្បីឱ្យទទួលបានលទ្ធផលល្អនៅពេលប្រឡង ?
យុវជន ម៉ី មុន្នីរតនៈ បច្ចុប្បន្នគឺជានិស្សិតកំពុងសិក្សានៅសាកលវិទ្យាល័យភូមិន្ទភ្នំពេញ ផ្នែកគណិតវិទ្យា និងជាអតីតសិស្សនិទ្ទេស A ឆ្នាំ២០២១ បានចែករំលែកបទពិសោធន៍ក្នុងការសិក្សារបស់ខ្លួន មុនរយៈពេល២ខែ នៃការប្រឡងចូលមកដល់ ដោយក្នុងនោះរួមមានការដាក់គោលដៅខ្លួនឯង ស្វ័យសិក្សាកាន់តែច្រើនជាងមុន ព្យាយាមដាក់កាលវិភាគទៅលើមុខវិជ្ជារៀនដោយខ្លួនឯងច្រើនជាងរៀនជាមួយគ្រូនៅសាលា ដូចជា៖
ទី១. មុខវិជ្ជាគណិតវិទ្យា ៖ គណិតវិទ្យា ជាមុខវិជ្ជាដែលផ្តោតខ្លាំងជាងគេ ដោយសារជាមុខវិជ្ជាពិបាក និងពិន្ទុច្រើន(១២៥ពិន្ទុ)។ លើសពីនេះ សិស្សអាចធ្វើតេស្តវិញ្ញសាគណិតវិទ្យាដោយខ្លួនឯង អាចមួយ ឬពីរថ្ងៃក្នុង១វិញ្ញាសាដោយផ្អែកលើកំរិតវិញ្ញសាផងដែរ។ ហើយវិញ្ញាសាទៀតសោត ក៏អាចស្វែងរកតាម Facebook និងអាចសួរពីមិត្តភក្តិដែលគាត់រៀនគួរ ឬរៀនជាមួយគ្រូនៅសាលា ព្រមទាំងយកអត្រាកំណែ ដើម្បីផ្ទៀងផ្ទាត់ចម្លើយ។ ចំពោះលំហាត់ពិបាកសិស្សត្រូវព្យាយាមស្វែងយល់ដោយខ្លួនឯង ឬមើលកំណែឱ្យអស់ចិត្តសិន បើនៅមិនច្បាស់ចាំទៅសួរលោកគ្រូ អ្នកគ្រូ។
ទី២. មុខវិជ្ជាគីមីវិទ្យា ៖ ចាប់ផ្តើមធ្វើវិញ្ញាសាគីមី ដោយអាចយកវិញ្ញាសាម៉ោងរៀនគួរមកធ្វើមុន និងសល់ពេលអាចសុំវិញ្ញាសាពីមិត្តភក្តិរៀនគ្រូផ្សេងមកធ្វើបន្ត។ មុខវិជ្ជានេះ ក៏មានសំនួរផងដែរ ដោយសិស្សត្រូវតែមើលទន្ទេញមួយចំនួនជាពិសេសមេរៀនទី២ (កត្តាជះឥទិ្ធពលល្បឿនប្រតិកម្ម) ដែលមានសំនួរចេញច្រើនដែរ។ មួយវិញទៀត គីមីសរីរាង្គត្រូវតែចាំរូបមន្តទូទៅ, វិធីរករូបមន្តងាយ និងសរសេររូបមន្តស្ទើរលាតឱ្យច្បាស់ ជាពិសេស អេស្ទែ, អាមីននិងអាមីត។ល។ ចំណែកគីមីអសរីរាង្គក៏ដូចគ្នាអនុវត្តវិញ្ញសាឱ្យបានច្រើន។
ទី៣. មុខវិជ្ជារូបវិទ្យា៖ អនុវត្តដូចគ្នានឹងមុចវិជ្ជាគីមីដែរ គឺសិស្សត្រូវចំណាយពេល មួយថ្ងៃធ្វើលំហាត់យ៉ាងតិចមួយវិញ្ញាសា បានពីការរៀនគួរ ឬសុំវិញ្ញាសាពីមិត្តភក្តិ។ លើសពីនេះ ដោយសារកម្រិតលំហាត់ចេញរាល់ឆ្នាំមិនសូវពិបាកខ្លាំង ដូច្នេះសិស្សអាចអនុវត្តលំហាត់វិញ្ញាសាដែលរៀនគួរ នៅក្នុងសៀវភៅពុម្ព ឬរៀនជាមួយគ្រូឱ្យបានច្រើន។ មួយវិញទៀត ត្រូវចាំរូបមន្ត និងមើលសំនួរត្រៀមផង ព្រោះជាការកត់សម្គាល់នៅរាល់ឆ្នាំអាចចេញសំណួរមួយ ឬពីរ។
ទី៤. មុខវិជ្ជាជីវវិទ្យា ៖ បែងចែកជា២ផ្នែក ទី១. ផ្នែកលំហាត់ រាល់ឆ្នាំតែងតែចេញលំហាត់២ ឬ៣ គឺ ADN&ARN ធ្វើលំហាត់ទាក់ទងមេរៀនខាងលើ ២ទៅ៣រាល់ថ្ងៃរួមទាំងលំហាត់ក្នុងវិញ្ញសាផងដែរ។ យើងដឹងហើយថា រូបមន្តជីវៈមុនសរសេរបាន លុះត្រាតែយើងវាចារជាអក្សរសិន ហេតុនេះហើយត្រូវឱ្យចាំរបៀបវាចាររបស់រូបមន្តនីមួយៗ ។ ទី២ មេរៀន ជាបញ្ហាដែលសិស្សគ្រប់រូបពិបាកខ្លាំងត្រង់សំណួរ។ ដូច្នេះ ដំបូងត្រូវជ្រើសរើសសៀវភៅសង្ខេប ដោយអាចជាសៀវភៅក្រសួង អានមេរៀនដែលទាក់ទងការប្រឡង២ ឬ៣ចប់ឱ្យយល់ខ្លះសិន បន្ទាប់មកត្រូវចាប់ផ្តើមទន្ទេញសំណួរ និងចម្លើយក្នុងវិញ្ញាសា។
យុវជន ម៉ី មុន្នីរតនៈ
“វិញ្ញសា ឬសៀវភៅសំណួរ-ចម្លើយ ត្រូវច្បាស់ខ្លួនឯងថា ជ្រើសមួយណា ហើយត្រូវផ្តោតតែរបស់គ្រូមួយណា ចាប់ឱ្យជាប់រហូតដល់ថ្ងៃប្រឡង កុំដូរ ឬមើលច្រើនគ្រូបូកចូលគ្នា ប្រយ័ត្នឆៅ ហើយកុំភ័យ វិញ្ញាសាគ្រូនីមួយៗស្រដៀងគ្នាទេ “
ទី៥. មុខវិជ្ជាភាសាអង់គ្លេស៖ សិស្សអាចយកវិញ្ញាសាចាស់ៗតាំងពីបាក់ឌុបឆ្នាំ២០០៧មកធ្វើដដែលៗ និងមើលគំរូ វាក្យសព្ទ (vocabulary) និងវេយ្យាករណ៍ (grammar) ដែលគួររៀនបន្ថែម ដូចជា zero/first/second/third conditionals, past simple/continuous, passive voice និង present simple/continuous ។ល។ លើសពីនេះ យកវិញ្ញាសាចាស់ៗមកធ្វើឱ្យបានច្រីនលើករហូតចាំចម្លើយ ជាពិសេសវាក្យសព្ទ (vocabulary) និងវេយ្យាករណ៍ (grammar) ដោយសារឆ្នាំខ្លះ គឺគេយកមកចេញដូចឆ្នាំមុនៗដែរ។
ទី៦. មុខវិជ្ជាប្រវត្តិវិទ្យា ៖ សិស្សអាចចាប់ផ្តើមមើលទន្ទេញ និងមើលមេរៀនមុនប្រឡង។ លើសពីនេះ សិស្សក៏អាចចាក់វីឌីអូក្នុង youtube របស់ក្រសួងស្តាប់ទៅមកទាល់តែច្បាស់ គឺស្តាប់មេរៀន (អាណានិគមន៍បារាំង-ព្រះរាជាណាចក្រកម្ពុជាទី២)។ មួយវិញទៀត សិស្សអាចជ្រើសរើសឯកសារពីរផ្នែកសម្រាប់ត្រៀម គឺសៀវភៅប្រវតិ្តត្រៀមបាក់ឌុបមានប្រាសាទសម្បូរព្រៃគុកនៅលើគម្របសៀវភៅ និងមួយផ្នែកទៀត គឺវិញ្ញាសាចាស់ៗតាំងពី២០១៤ដល់២០១៩។ សកម្មភាពលើមុខវិជ្ជានេះ ផ្តោតលើការអានហើយយល់ច្រើន ៨០% មិនទាមទារចម្លើយដូចទាំងស្រុងទេ ជាពិសេសក្នុងសៀវភៅខាងលើ ចំណែក២០% គឺទន្ទេញឱ្យចាំដូចជា កាលបរិច្ឆេទ និង ឈ្មោះជាដើម។
ទី៧. អក្សរសាស្ត្រខ្មែរ ៖ សិស្សអាចអាន និងរកសំណេរណាដែលល្អៗយកមកអានជាច្រើន ជាពិសេសវិញ្ញាសាចាស់ៗ និងព្យាយាមស្វែងយល់តាម YouTube និងរៀនគួរទាក់ទងការលើកយកសកម្មភាពតួអង្គអក្សរសិល្ប៍ទៅតាមសំណេរ។ ចំណុចសំខាន់របស់សំណេរតែងសេចក្ដី គឺគំនិតសំខាន់នៅក្នុងប្រធានសំណេរ ដែលយើងត្រូវបកស្រាយត្រង់តួសេចក្តី។ ទន្ទឹមគ្នានេះ កំឡុងពេលប្រឡងព្យាយាមសរសេរបំបែកគំនិត តែធ្វើយ៉ាងណាកុំឱ្យបាត់បង់ចំណុចណាមួយរបស់គម្រោងតែងសេចក្តី ជាពិសេសគឺត្រង់ចំណុចបញ្ចប់សេចក្តី ធ្វើយ៉ាងណាសល់ពេលដើម្បីបញ្ចប់សេចក្តី។ អ្វីដែលគួរជៀសវាង គឺកុំរង់ចាំពេលគៀកប្រឡងបានរៀនសរសេរសំណេរ ហេតុនេះហើយកំឡុងពេលនេះ គួរបែងចែកពេលសម្រាប់សរសេរសំណេរដោយដាក់ម៉ោងកំណត់ឱ្យថ្នឹកដៃ ដើម្បីតេស្តសមត្ថភាពហើយព្យាយាមសរសេរអក្សរឱ្យច្បាស់ៗ បើអក្សរស្អាតទៀតកាន់តែល្អ។
ជាមួយគ្នានេះដែរ យុវជន ម៉ី មុន្នីរតនៈ ក៏បានលើកទឹកចិត្តសិស្សានុសិស្សដែលត្រៀមខ្លួនប្រឡងបាក់ឌុបនាពេលខាងមុខនេះ សូមកុំឆាប់ចុះចាញ់ ដោយត្រូវគិតដល់ក្រុមគ្រួសារ ឪពុកម្ដាយ ឬអាណាព្យាបាល ដែលពួកគាត់ខិតខំចិញ្ចឹមបីបាច់ថែរក្សាយើងមកដល់ពេលនេះ ពោលគឺពួកគាត់មានការលំបាក ហើយត្រូវចាំថា ឪពុកម្ដាយគ្រប់រូបមិនចង់បានអ្វីពីកូនក្រៅពីចង់ឱ្យកូនរៀនបានខ្ពង់ខ្ពស់ និងចង់ឃើញកូនទទួលបានលទ្ធផលល្អនោះទេ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានបច្ចេកទេស JVC ជ្រើសរើសយុវជនចូលរៀនជំនាញជួសជុលរថយន្ត ឥតគិតថ្លៃចំនួន៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 29/04/2024
វិទ្យាស្ថានបច្ចេកទេស ហ៊ី វ៉េ សេ (JVC) បានប្រកាសជ្រើសរើសយុវជនទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ១ ជំហានទី២ ដោយឥតគិតថ្លៃចំនួន៣០០កន្លែង។
អាហារូបករណ៍ទៅសិក្សាថ្នាក់បរិញ្ញាបត្រនៅសាកលវិទ្យាល័យ Kent State សម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 12/08/2025
ឱកាសសិក្សាអាហារូបករណ៍ថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យ Kent State សហរដ្ឋអាមេរិក ឆ្នាំសិក្សា២០២៦ ពីកម្មវិធីអាហារូបករណ៍ Kent State University Global Scholarship 2026 ។
ក្រសួងអប់រំជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់គ្រប់គ្រងអប់រំជំនាន់ទី១២
ព័ត៌មានអាហារូបករណ៍, ព្រឹត្តិការណ៍
• 12/06/2023
ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំជំនាន់ទី១២ ឆ្នាំសិក្សា២០២៣-២០២៤ ។ ការប្រឡង...
ឱកាសអាហារូបករណ៍ ១០០% ចំនួន១៦កន្លែង សម្រាប់សិស្សធ្លាក់ ឬជាប់បាក់ឌុប នៅ CGTI
ព័ត៌មានអាហារូបករណ៍, ព្រឹត្តិការណ៍
• 01/07/2025
វិទ្យាស្ថានបណ្តុះបណ្តាលឯកទេសសម្រាប់ឧស្សាហកម្មកាត់ដេរ (CGTI) កំពុងប្រកាសផ្តល់អាហារូបករណ៍ចំនួន១៦កន្លែង សម្រាប់សិស្សដែលជាប់ ឬធ្លាក់ថ្នាក់ទី១២ គ្រប់ឆ្នាំសិក្សាទាំងអស់។
ឱកាសអាហារូបករណ៍ថ្នាក់បរិញ្ញាបត្រ និងថ្នាក់ក្រោយឧត្តមសិក្សាចំនួន១២០កន្លែងនៅសាធារណរដ្ឋសង្គមនិយមវៀតណាម ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 04/04/2023
រសួងអប់រំយុវជន និងកីឡា កាលពីពេលថ្មីៗនេះ បានប្រកាសជ្រើសរើសនិស្សិតអាហារូបករណ៍ថ្នាក់ក្រោយឧត្តមសិក្សា និងប្រឡងជ្រើសរើសនិស្សិតអាហារូបករណ៍...
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Oxford Pershing Sqaure Graduate ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។...
អាហារូបករណ៍អភិសន្តិបណ្ឌិត ស សុខា ផ្ដល់អាហារូបករណ៍ថ្នាក់ឧត្ដមសិក្សា៤០០កន្លែងនៅវិទ្យាស្ថានខ្មែរជំនាន់ថ្មី
ព័ត៌មានអាហារូបករណ៍, ព្រឹត្តិការណ៍
• 16/10/2024
ឱកាសសិក្សាអាហារូបករណ៍ចំនួន៤០០កន្លែងនៅវិទ្យាស្ថានខ្មែរជំនាន់ថ្មីសិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់។
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
