AMS Economyហេតុផល ៥ចំណុចដែលស្ត្រីក្នុងវិស័យបច្ចេកវិទ្យាមានចំនួនតិចជាងបុរស
ភ្នំពេញ- ក្នុងរយៈពេលប៉ុន្មានទសវត្សរ៍ចុងក្រោយនេះ ពិភពលោកកំពុងបោះជំហានយ៉ាងធំឆ្ពោះទៅរកសមភាពយេនឌ័រក្នុងវិស័យសេដ្ឋកិច្ច-សង្គម ប៉ុន្តែការចូលរួមរបស់ស្ត្រីក្នុងវិស័យបច្ចេកវិទ្យានៅតែមានចំនួនតិច បើធៀបនឹងបុរស។ ទន្ទឹមគ្នានេះ បទដ្ឋានសង្គម ចំណង់ចំណូលចិត្ត ការរើសអើងក្នុងដំណើរការជ្រើសរើសបុគ្គលិក វិសមភាពប្រាក់ចំណូល កង្វះគំរូជាស្ត្រី បណ្ដាលឱ្យការចូលរួមរបស់ស្ត្រីក្នុងវិស័យបច្ចេកវិទ្យាមានចំនួនតិចជាងបុរស។ នេះបើតាមការចេញផ្សាយរបស់គេហទំព័រហ្វេសប៊ុករបស់មជ្ឈមណ្ឌលកម្ពុជា៤.០។
ទី១. បទដ្ឋានសង្គម (Social Norm) ៖ បទដ្ឋានសង្គមមួយចំនួនអាចធ្វើឱ្យស្ត្រីយល់ឃើញថាពួកគេមិនមានលក្ខណៈសម្បត្តិគ្រប់គ្រាន់ក្នុងការចាប់អាជីពក្នុងវិស័យបច្ចេកវិទ្យា។ ជាក់ស្តែង មានមតិមួយចំនួនបានលើកឡើងថាការងារក្នុងវិស័យ ដូចជា គណនេយ្យ ទីផ្សារ និងទំនាក់ទំនងជាដើម ជាការងារស័ក្តិសមនឹងស្ត្រី រីឯការងារក្នុងវិស័យវិទ្យាសាស្រ្ត បច្ចេកវិទ្យា វិស្វកម្មជាការងាររបស់បុរស ។ ចំណុចនេះ ធ្វើឱ្យស្ត្រីភាគច្រើនស្ទាក់ស្ទើរក្នុងការចាប់អាជីពក្នុងវិស័យបច្ចេកវិទ្យា។ យោងតាមការស្ទង់មតិរបស់ UNICEF កាលពីឆ្នាំ ២០២០ នៅក្នុង ៧៨ប្រទេស ជុំវិញពិភពលោកបានបង្ហាញថាក្មេងស្រីភាគច្រើនមិនសូវចាប់អារម្មណ៍នឹងការងារក្នុងវិស័យបច្ចេកវិទ្យា ព្រោះពួកគេមិនសូវមានទំនុកចិត្តលើសមត្ថភាពខ្លួនឯង និងយល់ឃើញពិបាកទទួលជោគជ័យក្នុងវិស័យនេះដូចបុរស។
ទី២. ចំណង់ចំណូលចិត្ត ៖ យោងតាមការសិក្សាស្រាវជ្រាវរបស់ CCEA Researchand Statistic នៅឆ្នាំ ២០១៩ បានបង្ហាញថាសិស្សស្រីដែលចាប់យកជំនាញក្នុងវិស័យបច្ចេកវិទ្យា ពិសេសវិទ្យាសាស្រ្តកុំព្យូទ័រមានចំនួនតិច ដោយសារភាពធុញថប់ក្នុងការប្រើប្រាស់កុំព្យូទ័រ (Computer Anxiety) ដែលកើតមានឡើងតាំងពីវ័យកុមារ។ ការសិក្សានេះបានបង្ហាញថា ក្មេងស្រីជំទង់នៅអង់គ្លេសដែលមានអាយុចន្លោះពី១២ ដល់១៥ឆ្នាំ ចំណាយពេលក្នុងការប្រើប្រាស់កុំព្យូទ័រជាមធ្យម ៩ម៉ោង ក្នុងមួយសប្តាហ៍សម្រាប់ការកំសាន្ត ចំណែកឯក្មេងប្រុសជំទង់ចំណាយពេលលើសពី ១៦ម៉ោង។ បើយោងតាមការស្ទង់មតិរបស់ UNICEF កាលពីឆ្នាំ ២០២០ នៅក្នុង ៧៨ប្រទេស ជុំវិញពិភពលោក ក៏បានបង្ហាញថាមានតែប្រទេសចំនួន ៤ប៉ុណ្ណោះ ដែលមានក្មេងស្រីចាប់អារម្មណ៍នឹងអាជីពក្នុងវិស័យបច្ចេកវិទ្យាច្រើនជាងបុរស។
ទី៣. ការរើសអើងក្នុងដំណើរការជ្រើសរើសបុគ្គលិក ៖ យោងតាមគេហទំព័រ Builtin នៅឆ្នាំ២០២១ ប្រមាណ៤៩% នៃស្ត្រីក្នុងវិស័យបច្ចេកវិទ្យា បានទទួលរងការរើសអើងក្នុងអំឡុងពេលស្វែងរកការងារ។ ដោយសារតែវិស័យបច្ចេកវិទ្យាបានគ្របដណ្តប់ដោយបុរស និយោជកមួយចំនួនជ្រើសរើសអ្នកដាក់ពាក្យជាបុរស ព្រោះពួកគេយល់ឃើញថាបុរសនឹងងាយស្រួលទំនាក់ទំនងជាមួយជាងស្ត្រី។ មិនតែប៉ុណ្ណោះ យោងតាមរបាយការណ៍ «ការយល់ដឹងអំពីយេនឌ័រ» របស់គេហទំព័រ LinkedIn កាលពីឆ្នាំ២០១៩ បានបង្ហាញថាអ្នកដាក់ពាក្យស្នើសុំបម្រើការងារក្នុងក្រុមហ៊ុនបច្ចេកវិទ្យាជាបុរសភាគច្រើនទទួលបានការកត់សម្គាល់ជាងស្ត្រី។ ទាំងនេះក៏ជាកត្តាមួយរួមចំណែករារាំងស្ត្រីក្នុងការចូលរួមក្នុងវិស័យបច្ចេកវិទ្យា។
៤. វិសមភាពប្រាក់ចំណូល ៖ វិសមភាពប្រាក់ចំណូលរវាងស្ត្រី និងបុរសក៏ជាកត្តាមួយ ដែលធ្វើឱ្យការចូលរួមរបស់ស្ត្រីក្នុងវិស័យបច្ចេកវិទ្យាមានចំនួនតិចជាងបុរស។ ស្ត្រីភាគច្រើនជ្រើសយកការងារក្នុងវិស័យផ្សេង ព្រោះមិនសូវមានគម្លាតប្រាក់ចំណូលធំដូចនៅក្នុងវិស័យបច្ចេកវិទ្យា។ ជាក់ស្តែង យោងតាមគេហទំព័រ Hire នៅឆ្នាំ ២០២០ ប្រមាណ៥៩% នៃក្រុមហ៊ុនបច្ចេកវិទ្យាបានផ្តល់ប្រាក់ខែដល់ស្ត្រីតិចជាងបុរស ក្នុងរង្វង់ប្រមាណ ៣% សម្រាប់អ្នកមានជំនាញដូចគ្នា។៥. កង្វះគំរូជាស្ត្រី (Role Model)៖ កង្វះគំរូជាស្ត្រីក្នុងវិស័យបច្ចេកវិទ្យាក៏ជាកត្តានាំឱ្យការចូលរួមរបស់ស្ត្រីក្នុងវិស័យនេះនៅមានចំនួនតិច ព្រោះពួកគេយល់ឃើញថាមិនសូវមានស្ត្រីជោគជ័យក្នុងវិស័យនេះដូចបុរស។ ទន្ទឹមគ្នានេះ បើទោះបីជាចំនួនស្ត្រីក្នុងវិស័យបច្ចេកវិទ្យាមានការកើនឡើងជាលំដាប់ក្នុងរយៈពេលប៉ុន្មានឆ្នាំចុងក្រោយនេះ ចំនួនស្ត្រីក្នុងវិស័យនេះនៅតែតិចជាងបុរស។ យោងតាមការស្ទង់មតិរបស់ London Tech Week នៅក្នុងឆ្នាំ ២០២២នេះ ប្រមាណ៥៧% នៃអ្នកឆ្លើយតបបានបង្ហាញថាកង្វះគំរូជាស្ត្រីក្នុងវិស័យបច្ចេកវិទ្យាជាកត្តាដ៏សំខាន់មួយ ដែលរារាំងពួកគេក្នុងការចូលរួមក្នុងវិស័យបច្ចេកវិទ្យានេះ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ៧០% សិក្សាវគ្គខ្លីនៅ ADITI Academy
ព័ត៌មានអាហារូបករណ៍, ព្រឹត្តិការណ៍
• 21/08/2025
ឱកាសសិក្សាវគ្គខ្លីផ្នែកព័ត៌មានវិទ្យានៅ ADITI Academy សម្រាប់សិស្សានុសិស្សចូលសិក្សារយៈពេល៣ខែ ដោយភ្ជាប់ការសិក្សាទ្រឹស្ដី និងការអនុវត្តជាក់ស្ដែង។
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Salford ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 19/05/2025
ឱកាសសម្រាប់សិស្ស និស្សិតកម្ពុជាដែលចង់បន្តការសិក្សានៅចក្រភពអង់គ្លេស ពេលនេះ កម្មវិធី Salford International Excellence Scholarship បានប្រកាសផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់
ព័ត៌មានអាហារូបករណ៍, ព្រឹត្តិការណ៍
• 24/06/2026
សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យអាហារូបករណ៍សម្រាប់កម្មវិធី JYU Visiting Fellow Programme 2027 ដល់និស្សិត និងសាស្ត្រាចារ្យកម្ពុជានៅលើការ...
ក្រសួងអប់រំជ្រើសរើសនិស្សិតអាហារូបករណ៍នៅសិក្សានៅប្រទេសថៃសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 20/12/2023
ក្រសួងអប់រំ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង
ព័ត៌មានអាហារូបករណ៍, ព្រឹត្តិការណ៍
• 23/01/2025
វិទ្យាស្ថានពហុបច្ចេកទេសភូមិភាគតេជោសែនស្វាយរៀង បានប្រកាសជ្រើសរើសនិស្សិតឱ្យចូលរៀនជំនាញបច្ចេកទេស និងវិជ្ជាជីវៈ លើកទី២ សម្រាប់ឆ្នាំសិក្សា២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។
ឱកាសចូលរួមកម្មវិធីទស្សនកិច្ចសិក្សានៅសាកលវិទ្យាល័យ CHUO ទីក្រុងតូក្យូ ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 21/07/2025
សាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច បានប្រកាសជ្រើសរើសនិស្សិតចំនួន១០រូប ដើម្បីទៅចូលរួមទស្សនកិច្ចសិក្សានៅសាកលវិទ្យាល័យ CHUO ទីក្រុងតូក្យូ ប្រទេសជប៉ុន ដែលនឹងប្រព្រឹត្តទៅពីថ្ងៃទី១៧-២៣ ខែវិច្ឆិកា ឆ្នាំ២០២៥។
អាហារូបករណ៍១០០% នៅមហាវិទ្យាល័យ Guangxi Transport Vocational
ព័ត៌មានអាហារូបករណ៍, ព្រឹត្តិការណ៍
• 17/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅមហាវិទ្យាល័យGuangxi Transport Vocational and Technical សម្រាប់ឆ្នាំសិក្សា២០២៤-២០២៥។ ...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
