AMS Economyអ្នកជំនាញប្រាប់ពីវិធីសាស្រ្តថែទាំធ្មេញកុមារឱ្យស្របតាមបច្ចេកទេស
ភ្នំពេញ – ឪពុកម្តាយភាគច្រើនតែងបារម្ភអំពីសុខភាពមាត់ធ្មេញរបស់កូនៗ, មានអាណាព្យាបាលមួយចំនួនបានដឹងខ្លះៗហើយអំពីការថែទាំសុខភាពមាត់ធ្មេញនេះ ប៉ុន្តែនៅមិនទាន់បានដឹងស៊ីជម្រៅ ដោយគ្រាន់តែដឹងថា ត្រូវឱ្យពួកគេដុសធ្មេញ ឬហាមកូនមិនឱ្យញាំរបស់ផ្អែមជាដើម ។ តាមពិតទៅនៅមានរឿងជាច្រើនពាក់ព័ន្ធនឹងការថែរក្សាសុខភាពមាត់ធ្មេញចំពោះកុមារ ដែលឪពុកម្តាយ ក៏ដូចជាអាណាព្យាបាលគួរស្វែងយល់ ។
លោកស្រីទន្តបណ្ឌិត ណម ចំណាន ប្រធានផ្នែកគ្លីនិក នៃមន្ទីរព្យាបាលធ្មេញមែលវីន បានលើកឡើងថា ធ្មេញមានសារៈសំខាន់ណាស់ក្នុងសរីរាង្គរបស់មនុស្ស ព្រោះមនុស្សត្រូវការធ្មេញដើម្បីទំពាអាហារមួយថ្ងៃ២ទៅ៣ដង មួយវិញទៀតវាបានផ្តល់ស្នាមញញឹមដ៏ស្រស់ស្អាត ផ្តល់ភាពងាយស្រួលក្នុងការបញ្ចេញសំឡេង ថែមទាំងនិយាយបានច្បាស់ល្អទៀតផង ។ ជាពិសេសមាត់ធ្មេញគឺជាច្រកទ្វារដ៏សំខាន់ដែលយើងត្រូវការសម្អាតជានិច្ចដើម្បីកុំឱ្យមេរោគបង្កហានិភ័យ ដូចជាបង្កឱ្យកើតមានជំងឺទូទៅផ្សេងៗទៀត។ ដូច្នេះឪពុកម្តាយ ឬអាណាព្យាបាលមានតួនាទីសំខាន់ខ្លាំងណាស់ក្នុងការនាំកូនៗមកទទួលការពិនិត្យមាត់ធ្មេញឱ្យបានទៀងទាត់ដើម្បីការពារធ្មេញកុំឱ្យខូចច្រើន ។
បើតាមការលើកឡើងរបស់លោកស្រីទន្តបណ្ឌិត តួអង្គសំខាន់ដែលអាចជួយកុមារ ក្នុងការការពារធ្មេញមិនឱ្យខូច គឺឪពុកម្តាយ ឬអាណាព្យាបាលតែម្តង ព្រោះជាទូទៅការឱ្យតម្លៃ និងចំណេះដឹងក្នុងការថែទាំសុខភាពមាត់ធ្មេញរបស់ប្រជាជនខ្មែរយើងនៅមានកម្រិត ដោយនៅមានជំនឿបែបបុរាណច្រើន ។ លោកស្រីថា បើទោះបីជាពេលខ្លះឪពុកម្តាយមានលុយ មានចំណេះដឹងក៏ដោយ តែពួកគាត់នៅតែយល់ថា ធ្មេញទឹកដោះគង់តែត្រូវផ្លាស់ដោយធ្មេញស្រុក ជាហេតុធ្វើឱ្យគាត់ មិននាំកូនមកទទួលការពិនិត្យធ្មេញនោះទេ ដោយទុករហូតទាល់តែមានបញ្ហាឈឺធ្មេញ ទើបបាននាំកូនមកទទួលការព្យាបាល។ ការធ្វើបែបនេះពុំបាននាំផលចំណេញសោះឡើយ ផ្ទុយទៅវិញមានតែធ្វើឱ្យការចំណាយកាន់តែច្រើនឡើងៗដើម្បីព្យាបាលនៅពេលអនាគត ហើយថែមទាំងផ្តល់នូវផលរំខានក្នុងការសិក្សារបស់កូនទៀតផង ។
លោកស្រីទន្តបណ្ឌិត ណម ចំណាន បានផ្តល់ដំបូន្មានដល់ឪពុកម្តាយទាំងឡាយ គួរយកចិត្តទុកដាក់ជួយកុមាររក្សាធ្មេញឱ្យបានល្អប្រសើរ គួរបង្រៀនឱ្យពួកគេចេះដុសធ្មេញនៅអាយុ២ឆ្នាំ ដោយធ្វើការដុសឱ្យត្រឹមត្រូវក្នុង១ថ្ងៃយ៉ាងហោចណាស់២ដង, ឪពុកម្តាយក៏គួរនាំកូនមកពិនិត្យធ្មេញជារៀងរាល់ ៣ ទៅ៤ខែម្តង ឱ្យបានទៀងទាត់។ ជាមួយគ្នាការអប់រំកូនឱ្យកាត់បន្ថយការបរិភោគចំណីអាហារ ឬភេសជ្ជៈដែលមានជាតិផ្អែមខ្លាំង ព្រមទាំងសង្កេតមើលកុមារ ដោយកុំឱ្យពួកគេបង្កើតនូវទម្លាប់មិនល្អមួយចំនួនដែលបង្កឱ្យមានការប្រែប្រួលដល់ឆ្អឹងធ្គាម និងកម្លាំងធ្មេញពេលកំពុងដុះ ដូចជា ការបៀមមេដៃ ខាំបបូរមាត់លេង ដកដង្ហើមតាមមាត់ លេបអាហារមិនប្រើអណ្តាតទប់ដល់ក្រអូមមាត់ជាដើម។
ជាមួយគ្នានេះ លោកស្រីទន្តបណ្ឌិត ក៏បានប្រាប់ដល់ឪពុកម្តាយទាំងអស់ គួរតែសង្កេតមើលកូនអំពីអាការៈដែលពួកគេអាចមានបញ្ហាធ្មេញធ្ងន់ធ្ងរ ដែលចាំបាច់ត្រូវនាំពួកគេទៅកាន់មន្ទីរពេទ្យ ដូចជា នៅពេលដែលកុមារមិនអាចបរិភោគចំណីអាហារបាន ពុំចង់ញាំសាច់ ឬតែងតែត្អូញត្អែរថាឈឺធ្មេញពេលគាត់ញាំសាច់ ។ ចំណុចមួយទៀតដែលបង្ហាញពីស្ថានភាពធ្ងន់ធ្ងរ នៃការឈឺធ្មេញ គឺពេលកុមារញាំរបស់ផ្អែមខ្លាំង ត្រជាក់ខ្លាំង គាត់នឹងមានអាការៈស្រៀវធ្មេញ ហើយយកដៃក្តោបមាត់យំ ។ លោកស្រីថា ទាំងនេះភាគច្រើនជារោគសញ្ញាដង្កូវស៊ីធ្មេញជ្រៅដល់សសៃ ឬមានសាច់ជាប់នៅចន្លោះធ្មេញ ឬមានការបង្ករោគ មានខ្ទុះអាប់សែលើអញ្ចាញធ្មេញ ឬហើមអញ្ចាញធ្មេញជាដើម ហើយពេលខ្លះរោគសញ្ញាទាំងនេះអមមកជាមួយការរង្គើធ្មេញ ឬមានឈាមចេញតាមអញ្ចាញធ្មេញក៏មានដែរ ។
បើយោងតាមគេហទំព័រ KidsHealth កុមារចាប់ផ្តើមលេចចេញនូវធ្មេញដំបូងតាំងតែពីអំឡុងពេលម្តាយកំពុងពរពោះនៅត្រីមាសទី២ម្ល៉េះ ដោយគ្រាន់តែធ្មេញរបស់ពួកគេមិនទាន់ដុះរូបរាងធ្មេញចេញមក ដូច្នេះតម្រូវឱ្យយកចិត្តទុកដាក់តាំងពីនៅតូច ។ ជាធម្មតា គួរនាំពួកគេទៅមន្ទីរថែទាំធ្មេញពេលពួកគេមានអាយុគម្រប់មួយឆ្នាំ ។ ការទៅជួបគ្រូពេទ្យជាលើកដំបូង បើទោះបីជាមិនមានបញ្ហាក៏ដោយ ប៉ុន្តែនៅតែអាចព្យាបាលទាន់ពេលវេលា ហើយនៅពេលដែលកុមារមានទម្លាប់មកមន្ទីរពេទ្យតាំងតែពីក្មេងបែបនេះ គឺជាការបន្សាំខ្លួនដើម្បីកុំឱ្យមានការបារម្ភពេលពួកគេមកពេទ្យតែឯងនៅពេលពួកគេពេញវ័យ ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សិក្សាជំនាញវិជ្ជាជីវៈចំនួន៥០០នាក់នៅវិទ្យាស្ថានជាតិវិជ្ជាជីវៈបាត់ដំបង
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 26/09/2024
ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានជាតិវិជ្ជាជីវៈបាត់ដំបង ចំនួន៥០០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១៥មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាដោយឥតគិតថ្លៃ។
រៀនជំនាញបច្ចេកទេស ១៣ជំនាញ ឥតគិតថ្លៃ នៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 09/07/2026
សម្រាប់យុវជន ក៏ដូចជាប្រជាពលរដ្ឋទូទៅដែលកំពុងស្វែងរកការសិក្សាជំនាញបច្ចេកទេស ពេលនេះវិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសសិស្សឱ្យចូលរៀនជំនាញបច្ចេកទេស និងវិជ្ជាជីវៈ ទៅលើ ១៣ជំនាញដោយឥតគិតថ្លៃ...
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍ Merit Scholarships នៅសាកលវិទ្យាល័យ Tulane សហរដ្ឋអាមេរិក ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 07/08/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Tulane ពីកម្មវិធីអាហារូបករណ៍ Marit Scholarship សហរដ្ឋអាមេរិកឆ្នាំសិក្សា២០២៥...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania នៃប្រទេសអូស្ត្រាលី
ព័ត៌មានអាហារូបករណ៍, ព្រឹត្តិការណ៍
• 08/04/2025
កម្មវិធីអាហារូបករណ៍ University of Tasmania Scholarship 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania ប្រទេសអូស្រ្តាលី សម្រាប់ឆ្នាំសិក្សា២០២៥។
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធី ADB-JSP ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 16/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធីអាហារូបករណ៍ ADB-JSP ឆ្នាំសិក្សា២០២៥។ អាហារូបករណ៍ផ្ដល់ជូនប្រជាជន...
ឱកាសសម្រាប់សិស្សបាក់ឌុប! អាហារូបករណ៍ទេពកោសល្យឌីជីថលតេជោ ៦០០កន្លែង ផ្តល់ជូនទាំងកុំព្យូទ័រ និងការសិក្សាឥតគិតថ្លៃ ១០០%
ព័ត៌មានអាហារូបករណ៍, ព្រឹត្តិការណ៍
• 03/07/2026
ក្នុងឆ្នាំសិក្សា២០២៦-២០២៧ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួង ប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៦០០ កន្លែង សម្រាប់សិក្សាថ្នាក់...
ឱកាសអាហារូបករណ៍រដ្ឋាភិបាលចិន នៅសាកលវិទ្យាល័យ Shanghai Jiao Tong
ព័ត៌មានអាហារូបករណ៍, ព្រឹត្តិការណ៍
• 04/02/2026
សាកលវិទ្យាល័យ Shanghai Jiao Tong University (SJTU) ដែលជាគ្រឹះស្ថានសិក្សាដ៏ល្បីល្បាញលំដាប់កំពូលនៅក្នុងទីក្រុងស៊ាងហៃ ប្រទេសចិន កំពុងប្រកាសជ្រើសរើសនិស្សិតអន្តរជាតិ ដើម្បីទទួលអាហារូបករណ៍រដ្ឋាភិបាលចិន (CSC Type B)
អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/11/2023
ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
