AMS Economyបង្កើតក្លឹបអានសៀវភៅនៅកន្លែងការងារ ជួយបុគ្គលិកឱ្យមានគំនិតទូលាយ និងចេះដោះស្រាយបញ្ហាប្រកបដោយភាពឆ្លាតវៃ
ភ្នំពេញ – មនុស្សភាគច្រើនធ្លាប់តែឮថា បណ្ណាល័យ ឬក្លឹបអានសៀវភៅ មាននៅតាមសាលារៀនដែលជាកន្លែងអានសៀវភៅល្អបំផុតសម្រាប់សិស្សានុសិស្ស ចុះកន្លែងធ្វើការវិញ តើចាំបាច់ត្រូវមានបណ្ណាល័យ ឬក្លឹបអានសៀវភៅដែរឬទេ? ប្រាកដណាស់ ប្រសិនជាប្រទេសមួយចង់ជំរុញការអាន គឺមិនអាចធ្វើបានតែនៅក្នុងសាលានោះឡើយ ដូច្នេះនៅតាមក្រុមហ៊ុន ឬកន្លែងធ្វើការនានាក៏មិនគួររំលងការបង្កើតបណ្ណាល័យ ឬក្លឹបអានសៀវភៅដើម្បីជំរុញការអានដល់បុគ្គលិកផងដែរ។
លោក ឡាំ ឡាយ អ្នកនិពន្ធ និងជាស្ថាបនិកអំណានយុវជន មានប្រសាសន៍ថា ប្រសិនបើក្រុមហ៊ុន ឬស្ថាប័នការងារ បង្កើតបណ្ណាល័យ ឬក្លឹបអានសៀវភៅស្អាតល្អសម្រាប់បុគ្គលិក នោះនឹងផ្ដល់ផលចំណេញដល់ក្រុមហ៊ុន ព្រោះបុគ្គលិកដែលអានសៀវភៅបានច្រើនពួកគាត់មានគំនិតទូលាយ ចេះដោះស្រាយបញ្ហាប្រកបដោយភាពឆ្លាតវៃ ចំណែកបុគ្គលិកមិនអានសៀវភៅ នៅពេលមានបញ្ហាកើតឡើងគាត់មិនចេះដោះស្រាយបញ្ហាដោយខ្លួនឯងទេ។
លោក ឡាំ ឡាយ
“ក្រុមហ៊ុន ស្ថាប័នការងារ ឬអង្គការផ្សេងៗត្រូវតែជំរុញការអាន ដោយបង្កើតជាបណ្ណាល័យ ឬក្លឹបអានសៀវភៅ ដើម្បីបណ្ដុះវប្បធម៌នៃការអានដល់បុគ្គលិកឱ្យមានទម្លាប់អាន ហើយទោះជាគ្មានច្បាប់កំណត់ក៏បុគ្គលិកនៅតែមានទម្លាប់អានដដែល”
លោក ប៊ួយ សុធន ជាទីប្រឹក្សាជាន់ខ្ពស់ នៃគ្រឹះស្ថានបោះពុម្ពផ្សាយ My Bookshop Cambodia ក៏បានលើកឡើងដែរថា ដើម្បីអាចឱ្យស្ថាប័ន ឬក្រុមហ៊ុនមួយ ចាប់ផ្ដើមបណ្ដុះទម្លាប់អានរបស់បុគ្គលិក លុះត្រាតែអ្នកដឹកនាំស្ថាប័នធ្វើជាគំរូ ដើរតួនាទីជាអ្នកអានពិតប្រាកដ។ លើសពីនេះ អ្នកដឹកនាំស្ថាប័នដែលស្រឡាញ់ការអាន និងចង់លើកកម្ពស់ការអាន អាចផ្ដើមចេញពីការបោះពុម្ពសៀវភៅផ្ទាល់ខ្លួន និងធ្វើជាអ្នកឈានមុខគេក្នុងការអានសៀវភៅ។
លោក ប៊ួយ សុធន
“អ្នកដឹកនាំក្រុមហ៊ុន ឬស្ថាប័ន គឺជាជនគំរូដំបូងគេក្នុងការជំរុញបុគ្គលិកឱ្យអានសៀវភៅ ព្រោះប្រសិនបើអ្នកដឹកនាំមិនអានសៀវភៅ មិនផ្ដល់ជាគំរូល្អក្នុងការអានសៀវភៅឱ្យបុគ្គលិកមើលឃើញ នោះបុគ្គលិកក៏មិនមានចំណូលចិត្តអានសៀវភៅឡើយ”
ជុំវិញបទពិសោធន៍ជំរុញការអានរយៈពេល៧ឆ្នាំ លោក ឡាំ ឡាយ បានបញ្ជាក់បន្ថែមថា ប្រសិនបើអ្នកដឹកនាំក្រុមហ៊ុន ឬស្ថាប័នការងារ ជាអ្នកស្រឡាញ់ការអាន និងចង់ជំរុញការអានដល់បុគ្គលិក គឺក្នុងនាមជាអ្នកដឹកនាំ ឬជាប្រធានផ្នែកត្រូវតែបង្ហាញផ្លូវ ប្រាប់ពីបទពិសោធន៍ និងចំណេះដឹងបានមកពីការអានជាដើម។
លោក ឡាំ ឡាយ
“នៅពេលរំលឹកអំពីការអានដល់បុគ្គលិកដដែលៗ នោះនឹងធ្វើឱ្យគាត់ចាប់ផ្ដើមទទួលស្គាល់ពាក្យនេះ ហើយពួកគាត់គិតថា អ្នកដឹកនាំជាអ្នកអាន ធ្វើឱ្យគាត់ឆ្ងល់រឿងអាន? ដូច្នេះគាត់នឹងប្រឹងស្រាយចម្ងល់ ហើយសាកល្បងអានដែរ”
យ៉ាងណាក៏ដោយ បើតាមលោក ឡាំ ឡាយ ដើម្បីជំរុញដល់បុគ្គលិកក្នុងការអានសៀវភៅ អ្នកដឹកនាំក្រុមហ៊ុន ឬស្ថាប័ន គួរមានការដូរលើកទឹកចិត្តដល់បុគ្គលិកតាមរយៈការជូនជាសៀវភៅ និងបង្កើតបរិយាកាសកន្លែងអានសៀវភៅឱ្យមានផាសុខភាព ក្នុងនោះបើតាមការសិក្សាស្រាវជ្រាវខ្លះគេបានរកឃើញថា មានកូនរុក្ខជាតិបៃតងជុំវិញ នឹងជួយឱ្យបុគ្គលិកកាន់តែមានចំណង់ចំណូលចិត្តអានសៀវភៅ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ TVET រយៈពេល២ឆ្នាំ ចំនួន៦០កន្លែង នៅវិទ្យាស្ថានពហុបច្ចេកទេសខេត្តព្រះវិហារ
ព័ត៌មានអាហារូបករណ៍, ព្រឹត្តិការណ៍
• 21/08/2026
សម្រាប់ឆ្នាំ២០២៧ខាងមុខនេះ វិទ្យាស្ថានពហុបច្ចេកទេសខេត្តព្រះវិហារ នឹងជ្រើសរើសនិស្សិតឱ្យទទួលអាហារូបករណ៍ ១០០% សរុបចំនួន ៦០កន្លែង
អាហារូបករណ៍ថ្នាក់កុំព្យូទ័រ ១០០% សម្រាប់សិស្សថ្នាក់បឋមសិក្សា អនុវិទ្យាល័យ និងវិទ្យាល័យ
ព័ត៌មានអាហារូបករណ៍, ព្រឹត្តិការណ៍
• 11/02/2025
តាមរយៈក្រសួងអប់រំ យុវជន និងកីឡា សាលា អុី-ស្គូល (ខេមបូឌា) នឹងផ្តល់អាហារូបករណ៍ថ្នាក់កុំព្យូទ័រ ១០០% ជូនសិស្សានុសិស្សថ្នាក់បឋមសិក្សា អនុវិទ្យាល័យ និងវិទ្យាល័យ...
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង
ព័ត៌មានអាហារូបករណ៍, ព្រឹត្តិការណ៍
• 04/02/2025
ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។
អាហារូបករណ៍ទាំង៥ សម្រាប់និស្សិតអន្តរជាតិសិក្សានៅប្រទេសតួគី
ព័ត៌មានអាហារូបករណ៍, ព្រឹត្តិការណ៍
• 27/02/2025
ប្រទេសតួគីជាប្រទេសដែលមានសាកលវិទ្យាល័យល្បីៗជាង២០០ជុំវិញពិភពលោក និងផ្ដល់នូវកម្មវិធីសិក្សាជាច្រើនសម្បូរបែប រួមមានថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់បណ្ឌិត ថ្នាក់ផ្លាស់ប្ដូរការសិក្សា និងកម្មវិធីសិក្សាវគ្គខ្លីជាច្រើន។
អាហារូបករណ៍ម៉ាណាគី ទៅសិក្សានៅប្រទេសណូវែលហ្សេឡង់ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 03/03/2026
ស្ថានទូតណូវែលហ្សេឡង់ប្រចាំកម្ពុជា កាលពីថ្ងៃទី១ ខែមីនា បានប្រកាសផ្តល់អាហារូបករណ៍ Manaaki New Zealand Scholarships សម្រាប់ឆ្នាំ២០២៦ ដល់ប្រជាជនកម្ពុជា។
ឱកាសសិក្សានៅសាកលវិទ្យាល័យល្បីៗចំនួន៤ក្នុងប្រទេសសិង្ហបុរី ពីអាហារូបករណ៍ Dr.GOH KENG SWEE
ព័ត៌មានអាហារូបករណ៍, ព្រឹត្តិការណ៍
• 11/01/2023
កម្មវិធីអាហារូបករណ៍ Dr. GOH KENG SWEE ឬហៅកាត់ថា GKS Scholarship ប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតបរទេសឆ្នើម...
ឱកាសសិក្សាអាហារូបករណ៍៥០% សម្រាប់វគ្គបណ្ដុះបណ្ដាលជំនាញវិជ្ជាជីវៈពន្ធដារជំនាន់ទី១៨
ព័ត៌មានអាហារូបករណ៍, ព្រឹត្តិការណ៍
• 26/10/2023
អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុប្រកាសផ្ដល់អាហារូបករណ៍៥០% ចំនួន១០០កន្លែងនៅសាលាជាតិពន្ធដារ។ អាហារូបករណ៍ផ្ដល់ជូនសម្រាប់សិស្ស-និស្សិត ....
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
