AMS Economyពិព័រណ៍រូបថត DMC តាមប្រព័ន្ធឌីជីថល នឹងប្រារព្ធឡើងនៅថ្ងៃទី១៦ ដល់១៨ ខែធ្នូ ឆ្នាំ២០២១
ភ្នំពេញ – ដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ នឹងប្រារព្ធពិព័រណ៍រូបថត DMC ២០២១ ចាប់ពីថ្ងៃទី១៦ ដល់១៨ ខែធ្នូ ឆ្នាំ ២០២១ តាមរយៈប្រព័ន្ធឌីជីថល។
លោក ផន ភារិទ្ធ ជាគ្រូបង្រៀនមុខវិជ្ជាការថតរូបបែបសារព័ត៌មានក្នុងដេប៉ាតឺម៉ង់ប្រព័ន្ធផ្សព្វផ្សាយនិងសារគមនាគមន៍ បានឱ្យដឹងថា ពិព័រណ៍នេះត្រូវបានរៀបចំឡើងដោយនិស្សិតឆ្នាំទី ២ ជំនាន់ទី ១៩ ដើម្បីបង្ហាញស្នាដៃផលិតរូបថត ក្រោយពីពួកគេបានសិក្សាអំពីបច្ចេកទេសថតរូបអស់រយៈពេលមួយឆមាសរួចមក។
លោក ភារិទ្ធ (Miller) បន្ថែមថា ការអនុវត្តគឺមានសារៈសំខាន់សម្រាប់មុខវិជ្ជានេះ ហើយការបង្កើតឱ្យមានពិព័រណ៍រូបថត DMC នេះឡើង គឺដើម្បីឱ្យនិស្សិតមានឱកាសអនុវត្ត និងបញ្ចេញសមត្ថភាពរបស់និស្សិត ។ លោកថា ទោះបីជាស្នាដៃរបស់និស្សិតមិនសូវល្អដូចអ្នកថតរូបអាជីពក៏ដោយ ក៏អាចចាត់ទុកថាជាចំណុចចាប់ផ្ដើមដ៏ល្អរបស់ពួកគេក្នុងការបង្ហាញស្នាដៃផលិតកម្រងរូបថតជាលក្ខណៈស៊េរីទៅតាមប្រធានបទដែលពួកគេបានជ្រើសរើស និងជាប្រធានបទ ឆ្លុះបញ្ចាំងអំពីតថភាពសង្គមដ៏គួរឱ្យចាប់អារម្មណ៍។
លោក អ៊ុង ប៊ុនអ៊ី ប្រធានដេប៉ាតឺម៉ង់ប្រព័ន្ធផ្សព្វផ្សាយ និង សារគមនាគមន៍ បានបញ្ជាក់ថា នេះជាលើកទី៣ ហើយដែលដេប៉ាតឺម៉ង់បានរៀបចំឱ្យមានពិព័រណ៍រូបថតនេះឡើង។ ដោយលើកទី១ ប្រព្រឹត្តនៅក្នុងបរិវេណសាកលវិទ្យាល័យភូមិន្ទភ្នំពេញ ក្នុងឆ្នាំ២០១៩ ចំណែកលើកទី២ និងទី៣នេះ ធ្វើតាមរយៈប្រព័ន្ធឌីជីថល ដើម្បីចូលរួមបង្ការនិងទប់ស្កាត់ការរីករាលដាលនៃជំងឺកូវីដ១៩។
លោក អ៊ុង ប៊ុនអ៊ី
“ពិព័រណ៍រូបថតនេះ គឺជាការផ្សារភ្ជាប់ទ្រឹស្ដីទៅនឹងការអនុវត្តជាក់ស្ដែងរបស់និស្សិត ហើយវាក៏រួមចំណែកក្នុងការបញ្ជូនសារទៅកាន់មហាជនតាមរយៈរូបថតទាំងអស់ដើម្បីឱ្យមានការផ្លាស់ប្តូរបែបវិជ្ជមានក្នុងសង្គមផងដែរ”
កញ្ញា សៀន សុលឿក និស្សិត DMC ឆ្នាំទី២ និងជាផលិតករមួយរូប បាននិយាយថា ទោះបីជាសិក្សាតាមប្រព័ន្ធអនឡាញជួបផលវិបាកច្រើនក៏ដោយ ក៏ក្រុមនិស្សិតនៅតែមានគោលបំណងផលិតរូបថត និងរៀបចំពិព័រណ៍នេះឡើងដើម្បីបង្ហាញទៅដល់សាធារណៈជន និងទុកជាស្នាដៃប្រចាំជំនាន់របស់ពួកយើង។ កញ្ញាជឿជាក់ថា ពិព័រណ៍រូបថតលើកទី ៣ នេះនឹងទទួលបានការចាប់អារម្មណ៍ច្រើនពីសំណាក់សាធារណជន។
ពិព័រណ៍រូបថត DMC២០២១ នេះ នឹងត្រូវដាក់បង្ហាញតាមរយៈគេហទំព័រ www.dmcphotofest.com ទំព័រហ្វេសប៊ុក DMC Photo Festival និងទំព័រហ្វេសប៊ុករបស់ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។
លោក អ៊ុក ប៊ុនឡេង ជាសមាជិកស្នូលក្នុងការរៀបចំពិព័រណ៍រូបថត បានឱ្យដឹងថា រូបថតចំនួន ១៥៩ សន្លឹក ក្រោមប្រធានបទផ្សេងៗគ្នានឹងត្រូវដាក់តាំងបង្ហាញនៅលើគេហទំព័រផ្លូវការរបស់ពិព័រណ៍រូបថត DMC ។ លោក អ៊ុក ប៊ុនឡេង បន្ថែមថា «ក្នុងរយៈពេលបីថ្ងៃនោះដែរ ពួកយើងនឹងមានបង្ហាញកិច្ចសម្ភាសន៍ជាមួយនឹងផលិករមកពីក្រុមនីមួយៗ ដើម្បីឱ្យសាធារណជនបានយល់ដឹងបន្ថែមអំពីស្នាដៃពួកគេ នៅលើទំព័រហ្វេសប៊ុករបស់ពិព័រណ៍រូបថត DMC ផងដែរ។ ក្រៅពីនេះ យើងនឹងមានផ្សាយនូវការពិភាក្សាគ្នារវាងលោកគ្រូ Miller និងអ្នកជំនាញផ្នែកច្បាប់អំពីការថត និងសិទ្ធផ្នែករូបភាព នៅលើទំព័រហ្វេសបុករបស់យើងផងដែរ។ »
គួរបញ្ជាក់ផងដែរថា ពិពរណ៍រូបថតលើកទីបីរបស់និស្សិត DMC ឆ្នាំនេះ នឹងផ្ដោតសំខាន់ទៅលើប្រធានបទចំនួន ៨ រួមមាន៖ ទី១. មរតកចុងក្រោយ ដែលបង្កើតឡើងក្នុងគោលបំណងបង្ហាញពីមរតកចម្លាក់ខ្មែរ ក៏ដូចជាសិល្បករដែលនៅពីក្រោយស្នាដៃនោះ។ ទី២.សិល្បៈដាប់ស្បែក បង្ហាញពីមរតកចម្លាក់ស្បែកដ៏មានតម្លៃរបស់ខ្មែរ ដែលជាបេតិកភណ្ឌជាតិព្រមទាំងដំណើរការផលិ៎តស្បែកតាំងពីដើមរហូតដល់ចប់។ ទី៣.កេរខ្មែរដំណែលកក់ បង្ហាញពីការធ្វើកន្ទេលកក់ពីមួយជំហានទៅមួយជំហានរហូតសម្រេចបានកន្ទេលកក់មួយ។ ទី៤. ត្នោតខ្មែរ ស្ករខ្មែរ បង្ហាញពីដំណើរការយ៉ាងលម្អិតនៃការផលិតស្ករត្នោត។
ដោយក្នុងនោះ ទី៥. ដំបូលប្រក់មេឃ បង្ហាញពីជីវិតពិតរបស់អ្នកធាក់ស៊ីក្លូវ័យចំណាស់ម្នាក់ដែលផ្ញើវាសនារបស់ខ្លួនលើយានកម្សត់នេះ ។ ទី៦.សម្ដីអ្នកនៅលើអេក្រង់ខ្ញុំ បង្ហាញពីសកម្មភាពនានាដែលត្រូវបានចាត់ទុកថាជាការគំរាមកំហែងតាមអ៊ីនធឺណេត និងផលប៉ះពាល់នៃទង្វើនេះ។ ទី៧. ក្រុមរបាំបុរសស្រលាញ់ភេទដូចគ្នា បង្ហាញពីទឹកចិត្តស្រលាញ់និងការថែរក្សាសិល្បៈបុរាណខ្មែរ ក្នុងនាមពួកគាត់ជាបុរសស្រលាញ់ភេទដូចគ្នា ដែលពួកគាត់បានឆ្លងកាត់ការលំបាកជាច្រើនក្នុងសង្គម និងទី៨. ទម្លាប់ថ្មីក្នុងបរិបទកូវីដ១៩ បង្ហាញពីការរស់នៅរបស់ប្រជាជនដែលអនុវត្តនូវវិធានការការពារខ្លួនពីការឆ្លងរីករាលដាលនៃជំងឺកូវីដ១៩៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
សិក្សាជំនាញឥតគិតថ្លៃចំនួន ៦៦០កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 18/09/2024
សម្រាប់យុវជន ក៏ដូចជាបងប្អូនប្រជាពលរដ្ឋដែលរស់នៅខេត្តកំពង់ឆ្នាំង មានបំណងចង់សិក្សាជំនាញវិជ្ជាជីវៈ និងបច្ចេកទេស, វិទ្យាស្ថានពហុបច្ចេកទេសខេត្តកំពង់ឆ្នាំង កំពុងជ្រើសរើសយុវជនឱ្យចូលសិក្សាដោយឥតគិតថ្លៃលើជំនាញជាច្រើនសរុបចំនួន ៦៦០កន្លែង។
វិទ្យាស្ថានបច្ចេកទេស ហ្សឺ វ៉េ សេ ផ្តល់អាហារូបករណ៍ជំនាញជួសជុលរថយន្ត ៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 20/03/2024
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានបច្ចេកទេស ហ្សី វ៉េ សេចំនួន៣០០កន្លែង។ អាហារូបករណ៍...
សាកលវិទ្យាល័យភូមិន្ទវិចិត្រសិល្បៈ ផ្តល់អាហារូបករណ៍ ១០០% ជូនដល់កូនៗរបស់វីរយុទ្ធជនដែលបានពលីជីវិត ដើម្បីបុព្វហេតុការពារបូរណភាពទឹកដី
ព័ត៌មានអាហារូបករណ៍, ព្រឹត្តិការណ៍
• 04/08/2025
សាកលវិទ្យាល័យភូមិន្ទវិចិត្រសិល្បៈ សម្រេចផ្តល់ជូនអាហារូបករណ៍សិក្សាឥតបង់ថ្លៃ ១០០% រយៈពេល៤ និង៥ឆ្នាំ ក្នុងកម្រិតសិក្សាថ្នាក់បរិញ្ញាបត្រ គ្រប់ជំនាញសិក្សាទាំង៥មហាវិទ្យាល័យ ជូនដល់កូនៗរបស់វីរៈយុទ្ធជន
វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ផ្ដល់អាហារូបករណ៍រយៈពេលខ្លីផ្នែកព័ត៌មានវិទ្យា៥០កន្លែង
ព័ត៌មានអាហារូបករណ៍, ព្រឹត្តិការណ៍
• 09/05/2023
វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ប្រកាសជ្រើសរើសនិស្សិតឱ្យសិក្សាអាហារូបករណ៍ចំនួន៥០កន្លែងឆ្នាំសិក្សា២០២៣ ។ អាហារូបករណ៍សិក្សារយៈពេល៤ខែ...
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសវៀតណាម ពី TUAF-AEP ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 28/08/2023
ឱកាសសិក្សាថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់នៅសាកលវិទ្យាល័យមួយចំនួនក្នុងប្រទេសវៀតណាម ឬសាកលវិទ្យាល័យជាដៃគូផ្សេងទៀត ។...
វិទ្យាស្ថានជាតិសហគ្រិនភាព និងនវានុវត្តន៍ ផ្តល់អាហារូបករណ៍ដល់យុវជន រៀនធ្វើនំ ធ្វើម្ហូប ភេសជ្ជៈ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 31/05/2024
សម្រាប់យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុងនិងក្រៅប្រព័ន្ធ ដែលមានបំណងចង់រៀនធ្វើនំ ធ្វើម្ហូប ក៏ដូចជាធ្វើភេសជ្ជៈ ពេលនេះ វិទ្យាស្ថានជាតិសហគ្រិនភាព និងនវានុវត្តន៍...
អាហារូបករណ៍ថ្នាក់វេជ្ជបណ្ឌិតវេជ្ជសាស្ត្រសិក្សានៅសាធារណរដ្ឋគូបាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 29/06/2023
ក្រសួងអប់រំ យុវជន និងកីឡាប្រកាសដំណឹងជ្រើសរើសនិស្សិតសិក្សាអាហារូបករណ៍ថ្នាក់វេជ្ជបណ្ឌិតវេជ្ជសាស្ត្រនៅសាធារណរដ្ឋគូបាចំនួន០១កន្លែងសម្រាប់ឆ្នាំសិក្សា២០២៣-២០២៤ ។...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
