AMS Economyទិវាសៀវភៅកម្ពុជា ផ្ដល់ឱកាសឱ្យយុវជនស្វែងរកសៀវភៅអានដើម្បីអភិវឌ្ឍសមត្ថភាពចំណេះដឹងបន្ថែម
ភ្នំពេញ – ការអានសៀវភៅ មិនមែនជារឿងខាតបង់នោះឡើយ ការអានបានរួមចំណែកផ្ដល់ចំណេះដឹងថ្មីៗ តាមរយៈបទពិសោធន៍ជីវិតរបស់អ្នកនិពន្ធ ទទួលបានកម្លាំងចិត្ត មានគំនិតចាស់ទុំ ព្រមទាំងធ្វើឱ្យខួរក្បាលគិតរហ័ស។ ដើម្បីរួមចំណែកជួយឱ្យយុវជនទទួលបាននូវសារៈប្រយោជន៍ទាំងនេះ ទើបបានជាមានការប្រារព្ធទិវាសៀវភៅកម្ពុជាឡើង ដើម្បីជំរុញការផ្សព្វផ្សាយសៀវភៅក្នុងស្រុក និងអន្តរជាតិឱ្យបានទូលំទូលាយ បំផុសវប្បធម៌អាន ការស្រឡាញ់សៀវភៅ លើកកម្ពស់សមត្ថភាពអាន និងវប្បធម៌រៀនសូត្រឯករាជ្យ។
កញ្ញា សេង ដានីន គ្រូបង្រៀនភាសាអង់គ្លេស នៅវិទ្យាល័យជាស៊ីមសាមគ្គី ដែលបានចូលរួមក្នុងកម្មវិធីទិវាសៀវភៅ ដែលប្រព្រឹត្តធ្វើឡើងនៅពហុកីឡាដ្ឋានជាតិតេជោ បានលើកឡើងថា ការអានសៀវភៅ ពិតជាមានសារៈសំខាន់ ព្រោះសៀវភៅប្រៀបដូចជាឃ្លាំងចំណេះវិជ្ជា នៅពេលនរណាម្នាក់បានអាន នោះពួកគាត់អាចទទួលបានចំណេះដឹងថ្មីៗជាមិនខាន។
កញ្ញាបន្តថា ទិវាសៀវភៅកម្ពុជា បានរួមចំណែកលើកកម្ពស់ការអាននៅកម្ពុជា ដោយក្នុងនោះកម្មវិធីមានការបញ្ជុះតម្លៃសៀវភៅ ដែលធ្វើឱ្យយុវជនមួយចំនួនដែលធ្លាប់មានការស្ទាក់ស្ទើរមិនហ៊ានទិញសៀវភៅ ជំរុញមួយឱ្យគាត់ចង់ទិសៀវភៅយកទៅអាន, មួយទៀតវាក៏ជួយលើកកម្ពស់វប្បធម៌អានសៀវភៅ ដោយជំរុញលើកទឹកចិត្តដល់អ្នកមិនដែលអានឱ្យដឹងអំពីសារៈសំខាន់នៃការអានសៀវភៅ និងចង់អានសៀវភៅ។
កញ្ញា សេង ដានីន
“ខ្ញុំមានអារម្មណ៍ថា ហាក់ដូចមានក្ដីសង្ឃឹមនៅពេលបានឃើញទិវាសៀវភៅកម្ពុជាបានរៀបចំឡើងរួចរាល់ ហើយក៏សប្បាយរីករាយនៅពេលឃើញមានបងប្អូន យុវវ័យចូលរួមច្រើន ហើយឃើញស្តង់រៀបចំបានស្អាត គឺបានត្រៀមរួចជាស្រេចសម្រាប់អ្នកមកអានតែម្ដង”
គ្រូបង្រៀនភាសាអង់គ្លេសរូបនេះ បន្ថែមថា ក្នុងនាមជាគ្រូបង្រៀនម្នាក់ នាងអាចផ្សព្វផ្សាយអំពីទិវាសៀវភៅឱ្យសិស្សបានដឹងហើយមកចូលរួមទិញសៀវភៅអានទាំងអស់គ្នា ព្រោះអាចជាការកំសាន្តដែលអាចឱ្យសិស្សមកលំហែអារម្មណ៍ ដោយសារខណៈពេលនេះក៏ជាពេលវិសមកាលសិក្សាដែលសិស្សអាចមានពេលវេលាគ្រប់គ្រាន់ចូលរួមទិវាសៀវភៅដើម្បីទិញសៀវភៅយកទៅអាន។ ទន្ទឹមគ្នានេះ អ្នកគ្រូ សេង ដានីន ក៏សំណូមពរដល់សាធារណៈជនកុំឱ្យមានការរិះគន់ ឬបង្អាប់ នៅពេលឃើញយុវជនខ្មែរអង្គុយអានសៀវភៅនៅទីសាធារណៈ ព្រោះការអានសៀវភៅគឺជារឿងដែលល្អ ដែលគួរតែលើកទឹកចិត្តឱ្យពួកគាត់អានកាន់តែច្រើនឡើង។
ដោយឡែក យុវតី សេង ស្រីណេ សិស្សថ្នាក់ទី១២ នៅវិទ្យាល័យជាស៊ីមសាមគ្គី និយាយថា ទិវាសៀវភៅនេះ បានជួយឱ្យនាងស្គាល់សៀវភៅបានច្រើន ជួបអ្នកនិពន្ធ អ្នកមកទិញសៀវភៅ ព្រមទាំងបានយល់ដឹងអំពីប្រភេទសៀវភៅ និងទិញសៀវភៅបានច្រើនតាមរយៈការលក់បញ្ចុះតម្លៃ។
យុវតី សេង ស្រីណេ
“ខ្ញុំមានអារម្មណ៍ថាសប្បាយរីករាយ នៅពេលបានចូលរួមទិវាសៀវភៅ យុវជនចាប់អារម្មណ៍អានសៀវភៅបានច្រើន ដោយពួកគាត់ហ៊ានចំណាយថវិកាទិញសៀវភៅមកអានដែលអាចជួយផ្ដល់ចំណេះដឹង ដោយមិនចំណាយលុយទៅទិញរបស់ផ្សេងៗដែលមិនផ្ដល់ចំណេះដឹង”
យុវតី សេង ស្រីណេបន្ថែមថា នាងចូលចិត្តអានសៀវភៅ ហើយសៀវភៅដែលនាងអានភាគច្រើនជាសៀវភៅលើកទឹកចិត្ត ព្រោះសៀវភៅប្រភេទនេះ ជួយឱ្យនាងគិតពីផ្លូវវិជ្ជមានបានច្រើន ជួយពង្រឹងទឹកចិត្ត ជាពិសេសធ្វើឱ្យនាងមានអធ្យាស្រ័យល្អជាមួយមនុស្សនៅជុំវិញខ្លួន ព្រមទាំងធ្វើឱ្យផ្លូវចិត្តស្ងប់ ។
ជាមួយគ្នានេះយុវតី សេង ស្រីណេ បានលើកទឹកចិត្តដល់យុវជន សិស្សានុសិស្សទាំងអស់ចូលរួមអានសៀវភៅឱ្យបានច្រើន ពីព្រោះសៀវភៅមានអត្ថប្រយោជន៍ជាច្រើនដែលអាចជួយផ្ដល់ទាំងចំណេះដឹង និងជួយអភិវឌ្ឍប្រទេសជាតិ។
សម្រាប់កញ្ញា ង៉ុយ សារិកា ជានិស្សិត និងជាអ្នកនិពន្ធ និយាយថា នេះជាលើកទី១ ក្នុងការប្រារព្ធទិវាសៀវភៅ មានការចូលរួមពីស្ថាប័នផ្សេងៗចូលរួមលក់សៀវភៅ ដែលផ្ដល់ភាពងាយស្រួលដល់អ្នកចូលចិត្តអានសៀវភៅ អាចមកទីនេះ ដើម្បីកសាន្តអារម្មណ៍ផង និងមករកទិញសៀវភៅសម្រាប់អានផង។
កញ្ញា ង៉ុយ សារិកា បន្តថា ការអានសៀវភៅមានសារៈសំខាន់ ពីព្រោះសៀវភៅគឺជាការបណ្ដុំទៅដោយចំណេះដឹង ដោយសារពេលខ្លះមនុស្សមិនអាចដឹងរឿងគ្រប់យ៉ាងអស់នោះឡើយ ប៉ុន្តែនៅពេលពួកគេមានសៀវភៅនៅក្នុងដៃសម្រាប់អាន ប្រៀបបានជាយើងអាចឃើញពិភពលោកបានធំជាមុន។
កញ្ញា ង៉ុយ សារិកា
“សៀវភៅមានច្រើនប្រភេទ រួមមាន សៀវភៅលើកទឹកចិត្ត និងសៀវភៅផ្ដល់ចំណេះដឹងប្រវត្តិសាស្រ្តផ្សេងៗ ហើយនៅពេលយើងអានសៀវភៅយើងអាចដឹងរឿងរ៉ាវជាច្រើនដែលយើងមិនបានដឹងពីមុនមក”
ដោយឡែកលោក ឡោម លីម អ្នកលក់សៀវភៅ របស់គ្រឹះស្ថានដាំដើមជីវិត និយាយថា នៅថ្ងៃទីមួយ នៃកម្មវិធីទិវាសៀវភៅ មានយុវជនមកចូលរួមទស្សនាកម្មវិធី និងទិញសៀវភៅប្រហែលពី ៦០ភាគរយ ទៅ៧០ភាគរយ ។ លោកថា នេះជាចំនួនមួយដែលច្រើន ព្រោះទើបតែជាថ្ងៃចាប់ផ្ដើមនៃកម្មវិធីទិវាសៀវភៅ ដែលអាចឱ្យលោកកត់សម្គាល់បានថា យុវជនចាប់ផ្ដើមចូលចិត្តអានសៀវភៅ។
លោក ឡោម លីម បន្ថែមថា ភាគច្រើនអ្នកមកទិញសៀវភៅ គឺទៅតាមវ័យ បើជាសិស្ស-និស្សិត ពួកគាត់ចូលចិត្តទិញសៀវភៅទាក់ទងទៅនឹងការរៀន ឬការអភិវឌ្ឍខ្លួនឯង ដោយឡែកសម្រាប់ អ្នកដែលមានការងារធ្វើ ពួកគាត់ចូលចិត្តទិញសៀវភៅទាក់ទងនឹងការលក់ និងវិធីសាស្រ្តធ្វើអាជីវកម្មជាដើម។
លោក ឡោម លីម បន្ថែមថា ទិវាសៀវភៅដែលប្រារព្ធឡើងនេះ គឺជាកម្មវិធីល្អ ជំរុញការអាននៅកម្ពុជា ជួយដល់ប្រជាជនខ្មែរឱ្យកាន់តែមានចំណេះដឹង និងអាចអភិវឌ្ឍខ្លួនកាន់តែប្រសើរឡើង។ លោកបន្តថា ទិវាសៀវភៅនេះ ក៏នឹងជួយដល់អ្នកនិពន្ធក្នុងការលើកទឹកចិត្តឱ្យអ្នកនិពន្ធខិតខំប្រឹងប្រែងនិពន្ធសៀវភៅមានគុណភាពសម្រាប់ប្រទេសកម្ពុជាឱ្យកាន់តែច្រើនបន្ថែមទៀត ព្រោះសន្ទុះនៃការអានរបស់ប្រជាជនកម្ពុជាយើងក៏កាន់តែច្រើនទៅតាមនោះដែរ។
គួរជម្រាបជូនថា ទិវាសៀវភៅកម្ពុជា (Cambodia Boook Day) ប្រារព្ធធ្វើឡើងចាប់ពីថ្ងៃទី ៦ ដល់ ១០ ខែ មេសា ឆ្នាំ ២០២២នៅពហុកីឡដ្ឋានជាតិមរតកតេជោ ដើម្បីចូលរួមលើកកម្ពស់ការអានពេញមួយឆ្នាំ ដោយក្នុងនោះក៏មានការចូលរួមគាំទ្រ និងការដាក់តាំងបង្ហាញសៀវភៅពី សមាគមអ្នកនិពន្ធខ្មែរ គ្រឹះស្ថានបោះពុម្ព បណ្ណាគារ ហាងលក់សៀវភៅអនឡាញ បណ្ណាល័យ អ្នកនិពន្ធ អ្នកផ្សព្វផ្សាយសៀវភៅ ដោយមានទាំងការបញ្ចុះតម្លៃសៀវភៅរហូតដល់ ៧០% ថែមទៀត៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០កន្លែងពីក្រសួងប្រៃសណីយ និងទូរគមនាគមន៍ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 30/10/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០កន្លែងពីក្រសួងប្រៃសណីយ៍ និងទូរគមនាគមន៍ សិក្សានៅបណ្ឌិតសភាបច្ចេកវិទ្យាឌីជីថលកម្ពុជា និងសាកលវិទ្យាល័យអាមេរិកាំងភ្នំពេញ សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សា...
រៀនជំនាញសេវាកម្មម្ហូបអាហារ និងភេសជ្ជៈ ឥតគិតថ្លៃ សម្រាប់អ្នកសេដ្ឋកិច្ចក្រៅប្រព័ន្ធ
ព័ត៌មានអាហារូបករណ៍, ព្រឹត្តិការណ៍
• 09/02/2026
ដើម្បីពង្រឹងសមត្ថភាព និងបង្កើនឱកាសក្នុងអាជីពផ្នែកបដិសណ្ឋារកិច្ច សមាគមមិត្តយើង (MYA) សហការជាមួយ វិទ្យាស្ថានបច្ចេកវិទ្យា និងកសិកម្មកម្ពុជា (CITA) ក្រុមហ៊ុន ខូហ្វី (KOFI Co., Ltd) និង សមាគមភោជនីយដ្ឋានកម្ពុជា (CRA)
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 26/04/2024
វិទ្យាស្ថានជាតិវិជ្ជាជីវៈខេត្តបាត់ដំបង បានប្រកាសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលមានបំណងចង់រៀនជំនាញវិជ្ជាជីវៈ ឱ្យប្រញាប់ចុះឈ្មោះចូលរៀន ដោយក្នុងឆ្នាំ២០២៣-២០២៤នេះ...
ឱកាសអាហារូបករណ៍ទៅសិក្សានៅប្រទេសចិន តាមរយៈអាហារូបករណ៍រដ្ឋាភិបាលចិនឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 17/12/2024
តាមរយៈស្ថានទូតចិនប្រចាំព្រះរាជាណាចក្រកម្ពុជា សហការជាមួយសហភាពសហព័ន្ធយុវជនកម្ពុជា នឹងផ្តល់អាហារូបករណ៍ដល់យុវជនកម្ពុជាដើម្បីបន្តការសិក្សាថ្នាក់ឧត្តមសិក្សានៅប្រទេសចិនសម្រាប់ឆ្នាំសិក្សា២០២៥។
ឱកាសសិក្សាវជំនាញវិជ្ជាជីវៈ និងបច្ចេកទេសនៅវិទ្យាស្ថានជាតិសហគ្រិនភាព និងនវានុវត្តន៍
ព័ត៌មានអាហារូបករណ៍, ព្រឹត្តិការណ៍
• 19/03/2024
វិទ្យាស្ថានជាតិសហគ្រិនភាព និងនវានុវត្តន៍ប្រកាសជ្រើសរើសបេក្ខជនសិក្សាវគ្គបណ្តុះបណ្តាលជំនាញវិជ្ជាជីវៈ និងបច្ចេកទេស (១,៥ លាននាក់)។ អាហា...
សិស្សបាក់ឌុបដែលចង់រៀនជំនាញមេកានិករថយន្ត សាលា JVC ផ្តល់អាហារូបករណ៍ ១០០%
ព័ត៌មានអាហារូបករណ៍, ព្រឹត្តិការណ៍
• 08/10/2025
វិទ្យាស្ថានបច្ចេកទេស ហ្ស៊ី វ៉េ សេ ដែលគេទទួលស្គាល់ថា ជាសាលាដែលបណ្តុះបណ្តាលជំនាញជួសជុលរថយន្ត បានប្រកាសផ្តល់អាហារូបករណ៍ ១០០%
ឱកាសផ្លាស់ប្ដូរការសិក្សារដូវក្ដៅនៅប្រទេសជប៉ុនពីកម្មវិធី Sokendai KEK ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 25/02/2025
កម្មវិធី SOkendai KEK Summer Student Program 2025 នៃប្រទេសជប៉ុន ប្រកាសជ្រើសរើសនិស្សិតអន្តរជាតិទូទាំងពិភពលោក ចូលរួមកម្មវិធីផ្លាស់ប្ដូរការសិក្សាក្នុងវិស័យស្រាវជ្រាវរយៈពេល៨សប្ដាហ៍។
វិទ្យាស្ថានជាតិពហុបច្ចេកទេសអង្គរ ផ្ដល់ការសិក្សាជំនាញ TVET ២៤០០កន្លែង
ព័ត៌មានអាហារូបករណ៍, ព្រឹត្តិការណ៍
• 03/06/2025
ឱកាសរៀនជំនាញវិជ្ជាជីវៈ (TVET) សម្រាប់សិស្សានុសិស្ស និងសាធារណៈជន ដោយឥតគិតថ្លៃចំនួន២៤០០កន្លែង នៅវិទ្យាស្ថានពហុបច្ចេកទេសអង្គរសម្រាប់វគ្គសិក្សាថ្មី។ អាហារូបករណ៍ផ្ដល់ឱ្យសិក្សាពេញលេញ ពីរាជរដ្ឋាភិបាល...
ឱកាសសិក្សាជំនាញកម្រិតសញ្ញាបត្របច្ចេកទេសចំនួន២៤០កន្លែងនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែង
ព័ត៌មានអាហារូបករណ៍, ព្រឹត្តិការណ៍
• 15/12/2023
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តស្ទឹងត្រែងប្រកាសជ្រើសរើសចូលរៀនជំនាញបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរង ហានិភ័យជាច្រើនកន្លែងសិក្សាកម្រិត...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
