AMS Economyលោក ឡាំ ឡាយ ៖ អ្នកសរសេរសៀវភៅគួរងាកមកបញ្ចូលចំណេះដឹងសង្គមក្នុងស្នាដៃរបស់ខ្លួនឱ្យបានច្រើន
ភ្នំពេញ – បច្ចុប្បន្នមានសៀវភៅ និងស្នាដៃចំរុះគ្នាជាច្រើន ត្រូវបានដាក់លក់នៅតាមបណ្ណាគារ ដែលវាជារឿងដ៏ល្អបំផុតសម្រាប់អ្នកអាន ក្នុងការជម្រើសសៀវភៅទៅតាមចំណង់ចំណូលចិត្ត ក្នុងការទទួលបាននូវចំណេះដឹង ឬក៏បំណិនថ្មីៗ ។ សម្រាប់លោក ឡាំ ឡាយ ដែលជាអ្នកនិពន្ធ និងជាស្ថាបនិកអំណានយុវជន បានសម្តែងការយល់ឃើញថា ការសម្បូរទៅដោយសៀវភៅដែលជាស្នាដៃចម្រុះ វាជារឿងល្អក្នុងការជំរុញការអានរបស់ប្រជាជនយើង ប៉ុន្តែលោកគិតថា សម្រាប់អ្នកនិពន្ធ ឬអ្នកសរសេរសៀវភៅ គួរងាកមកបញ្ចូលនូវចំណេះដឹងសង្គមទៅក្នុងស្នាដៃរបស់ខ្លួនឱ្យបានច្រើន ដូចជា តថភាពសង្គមជាក់ស្ដែង ប្រវត្តិសាស្រ្ត នយោបាយនិងរូបារម្មណ៍ជាដើម។
លោក ឡាំ ឡាយ លើកឡើងថា សម្រាប់អ្នកនិពន្ធមិនគួរចោលនោះទេនូវការដាក់បញ្ចូលចំណេះដឹង ប្រវត្តិសាស្រ្ត នយោបាយ ទៅក្នុងស្នាដៃរបស់ខ្លួន បើទោះជាការសរសេររឿងប្រលោមលោក ក៏ត្រូវមានសារសំខាន់អ្វីមួយដែលអ្នកនិពន្ធចង់បង្ហាញទៅដល់អ្នកអាននៅក្នុងស្នាដៃរបស់ខ្លួនផងដែរ។ ក្នុងនោះ បើតាមលោក ឡាំ ឡាយ សៀវភៅអ្វីក៏អាចផ្លាស់ប្ដូរសង្គមបានដែរ ឱ្យតែអ្នកនិពន្ធ ឬអ្នកសរសេរជីកដល់ជម្រៅនៃសង្គមពិតប្រាកដ និងបានល្អិតល្អន់។ លោកបានផ្ដល់គំនិតថា ប្រលោមលោកដែលជាប្រភេទអក្សរសិល្ប៍ គួតែពិចារណាសម្រាប់អ្នកសរសេរជំនាន់ថ្មី ឧទាហរណ៍ដូចជារឿង ផ្កាស្រពោន ដែលបង្ហាញឱ្យមនុស្សខ្មែរដឹងថា ការបង្ខំកូនស្រីឱ្យរៀបការគឺមិនមែនជារឿងល្អនោះទេ។
“ចំពោះខ្ញុំអ្វីដែលត្រូវធ្វើគឺហាមដាច់ខាតចោលចំណេះដឹងសង្គម ចំណេះដឹងឆ្លុះបញ្ចាំង ចំណេះដឹងទស្សនៈ ចំណេះដឹងប្រវត្តិសាស្រ្ត និងនយោបាយ ព្រោះជាចំណុចចាប់ផ្ដើមក្នុងការសរសេរសៀវភៅ“
លោក ឡាំ ឡាយ ជាអ្នកនិពន្ធ និងជាស្ថាបនិកអំណានយុវជន
អ្នកនិពន្ធសៀវភៅទស្សនៈផ្ដាច់ផ្លូវក្រោយ រូបនេះ បន្ថែមថា ដើម្បីឱ្យសៀវភៅមួយក្បាលបោះពុម្ពចេញទៅដោយផ្ដល់ចំណេះដឹងដល់អ្នកអាន ទាល់តែមានអ្នកអានដែលយល់ពីអ្នកនិពន្ធដែរ។
“ហើយមានពេលខ្លះយើងមិនបានបណ្ដុះអ្នកអានពិតប្រាកដនោះទេ គឺយើងគ្រាន់តែពង្រឹងផ្នែកសរសេរឱ្យបានច្រើនប៉ុណ្ណោះ ។ នៅក្នុងទិដ្ឋភាពណាក៏ដោយ នៅក្នុងការនិពន្ធ អ្នកនិពន្ធគឺតែងមានចេតនាធ្វើឱ្យអ្នកអានយល់ពីខ្លួន ប៉ុន្តែអ្វីដែលបារម្ភជាងគេ គឺអ្នកអានមិនអាចយល់ ព្រោះតែខ្វះអ្នកអានពិតប្រាកដ”
តើអ្នកនិពន្ធត្រូវសរសេរយ៉ាងដូចម្ដេចឱ្យអ្នកអានយល់?
បើតាមលោក ឡាំ ឡាយ អ្នកនិពន្ធត្រូវស្គាល់អំពីអ្នកអានរបស់ខ្លួនថា តើអ្នកអានរបស់ខ្លួនស្ថិតក្នុងវ័យណា? លោកបញ្ជាក់ថា ការសរសេរដែលមិនមានទស្សនៈវិជ្ជា មិនមានការជំរុញយុវជនស្វែងរកខ្លួនឯង គឺនាំឱ្យសៀវភៅទាំងនោះផ្ដល់តែការកម្សាន្តតែមួយមុខ ហើយអ្នកសរសេរ គឺសរសេរដើម្បីតម្រូវទីផ្សារអ្នកអានតែប៉ុណ្ណោះ។ អ្នកសរសេរ ឬនិពន្ធ គឺជាការបង្ហាញអំពីតថភាពសង្គមជាក់ស្ដែង និងជួយរកគន្លឹះដើម្បីចាក់ស្ថានភាពដែលគួរតែកែប្រែបញ្ហាក្នុងសង្គម។
សម្រាប់លោក ឡាំ ឡាយ មានវិធីសាស្រ្តចំនួន៣ ក្នុងការសរសេរសៀវភៅដែលអាចផ្ដល់ចំណេះដឹង ក៏ដូចជាការអប់រំសង្គមទៅដល់អ្នកអានបាន នោះគឺ ៖
ទី១.សរសេរជាកំណាព្យ ៖ គឺជាភាសាកវី ដោយការតែងកំណាព្យជាស្នាដៃតែងរបស់អ្នកនិពន្ធផ្ទាល់ នូវបញ្ចូលចំណេះដឹងរបស់អ្នកតែង ក៏ដូចជាចំណេះដឹងសង្គម ល្អមើល ល្អអានជាដើម។
ទី២. សរសេរជាប្រលោមលោក ៖ អ្នកនិពន្ធគួរប្រើសិល្ប៍វិធីរបស់ខ្លួនទាក់ទាញអ្នកអាន អ្នកស្ដាប់ ឱ្យទទួលអារម្មណ៍រំភើប ប៉ុន្តែក៏មានចំណុចដែលត្រូវរៀនសូត្រពីស្នាដៃប្រលោមលោកនោះផងដែរ។
ទី៣. ការនិពន្ធបែបរូបភាព ៖ អ្នកនិពន្ធអាចប្រើជាគំនូរភ្ជាប់ជាមួយសាច់រឿងខ្លី ដោយឆ្លុះបញ្ចាំងពីបញ្ហាសង្គម និងដំណោះស្រាយក្នុងសង្គមបាន ។
និងទី៤. សរសេរជាទស្សនៈបង្រៀនមនុស្សការគិតស៊ីជម្រៅ។
យ៉ាងណាក៏ដោយ លោក ឡាំ ឡាយ បានបញ្ជាក់ថា ការសរសេរសៀវភៅបែបប្រលោមលោកគឺជារឿងល្អ ប៉ុន្តែអ្នកសរសេរគួរបញ្ចូលគ្រឹះទស្សនៈ ភូមិសាស្រ្ត ប្រវត្តិសាស្រ្ត នយោបាយ ទៅក្នុងសៀវភៅនោះផង ប្រសិនបើការសរសេរសៀវភៅប្រលោមលោកមិនបញ្ជូលធាតុសំខាន់ទាំងនេះទេ វាគឺគ្រាន់តែជាសៀវភៅសម្រាប់អានកម្សាន្តអារម្មណ៍សប្បាយប៉ុណ្ណោះ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍៥០កន្លែងសិក្សានៅសាកលវិទ្យាល័យខេមរៈថ្នាក់បរិញ្ញាបត្រជាន់ខ្ពស់ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/12/2024
ឱកាសសិក្សាអាហារូបករណ៍ថ្នាក់បរិញ្ញាបត្រ៥០កន្លែងសម្រាប់ឆ្នាំសិក្សា២០២៤-២០២៥ នៅសាកលវិទ្យាល័យខេមរៈ តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត...
ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 16/06/2023
កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...
អាហារូបករណ៍ផ្លាស់ប្ដូរការសិក្សានៅប្រទេសកូរ៉េពី Global Korea Scholarship ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 28/01/2026
ឱកាសទៅផ្លាស់ប្ដូរការសិក្សានៅប្រទេសកូរ៉េ ពីកម្មវិធីអាហារូបករណ៍ Global Korea Scholarship សម្រាប់ឆ្នាំសិក្សា២០២៦។ កម្មវិធីអាហារូបករណ៍នឹងគាំទ្រពេញលេញលើបេក្ខភាពអាហារូបករណ៍ក្នុងរយៈពេលផ្លាស់ប្ដូរការសិក្សា...
អាហារូបករណ៍ទេពកោសល្យស្ទែម ចំនួន១០កន្លែងនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 20/08/2025
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...
ឱកាសនិស្សិតកម្ពុជា បន្តការសិក្សាថ្នាក់បរិញ្ញបត្រជាន់ខ្ពស់ និងបណ្ឌិត នៅសាកលវិទ្យាល័យ APU ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 10/08/2026
សាកលវិទ្យាល័យ APU ជប៉ុន ប្រកាសជ្រើសរើសនិស្សិតពីកម្ពុជាសិក្សាថ្នាក់បរិញ្ញបត្រជាន់ខ្ពស់ និងបណ្ឌិត
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
ឱកាសសិក្សាជំនាញបច្ចេកទេស និងវិជ្ជាជីវៈ ឥតគិតថ្លៃ នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 10/02/2025
វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសផ្តល់អាហារូបករណ៍ចំនួន ៩៩០កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃដល់ប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុកដែលមកពីគ្រួសារក្រីក្រ...
អាហារូបករណ៍សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 23/10/2024
ឱកាសសិក្សាអាហារូបករណ៍ចំនួន២០កន្លែងនៅវិទ្យាស្ថានជាតិសហគ្រិនភាព និងនវានុវត្តន៍សម្រាប់ឆ្នាំសិក្សា២០២៤-២០២៥ ។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រចំនួន១០កន្លែង និងកម្រិតសញ្ញាបត្រជាន់ខ្ពស់បច្ចេកទេស...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
