AMS Economyឯកឧត្តម សាន វឌ្ឍនា ៖ មជ្ឈមណ្ឌលអាស៊ានសម្រាប់ការអប់រំឌីជីថល ផ្សារភ្ជាប់បរិវត្តកម្មអប់រំទៅកាន់គ្រឹះស្ថានផ្សេងនៅក្នុងអាស៊ាន
ភ្នំពេញ – ស្ថិតក្នុងបរិបទនៃការវិវត្តឥតឈប់ឈររបស់បច្ចេកវិទ្យា ទាមទារឱ្យគ្រប់វិស័យទាំងអស់ពង្រីកវិសាលភាពរបស់ខ្លួនចាប់យកបច្ចេកវិទ្យាឌីជីថល ដើម្បីដើរឱ្យទាន់ស្ថានភាពនៃការរីកចម្រើនដ៏ឆាប់រហ័សនេះ។ ទន្ទឹមគ្នានេះ ក្រោយវិបត្តិកូវីដ-១៩ វិស័យអប់រំបានដើរតួនាទីសំខាន់ក្នុងការប្រើប្រាស់បច្ចេកវិទ្យាឌីជីថល ដើម្បីជួយសម្រួលដល់ការរៀន និងការបង្រៀនផងដែរ។
ដើម្បីឆ្លើយតបសេចក្ដីត្រូវការរបស់សិស្សានុសិស្ស គ្រូបង្រៀន គណៈគ្រប់គ្រងសាលា អាណាព្យាបាលសិស្ស និងសហគមន៍ជាដើម ក្រសួងអប់រំ យុវជន និងកីឡា បានសម្ភោធដាក់ឱ្យប្រើប្រាស់មជ្ឈមណ្ឌលអាស៊ានសម្រាប់ការអប់រំឌីជីថល កាលពីថ្ងៃទី០១ ខេវិច្ឆិកា ឆ្នាំ២០២២កន្លងទៅ។ តើមជ្ឈមណ្ឌលអាស៊ានសម្រាប់ការអប់រំឌីជីថល មានតួនាទីធ្វើអ្វីខ្លះ?
ឯកឧត្តម សាន វឌ្ឍនា អនុរដ្ឋលេខាធិកាក្រសួងអប់រំ យុវជន និងកីឡា និងជាប្រធានលេខាធិកាដ្ឋានមជ្ឈមណ្ឌលអាស៊ានសម្រាប់ការអប់រំឌីជីថល បានផ្ដល់បទសម្ភាសន៍ជាមួយក្រុមការងារ AMS ដោយបង្ហាញអំពីគោលបំណង និងដំណើរការមួយចំនួនរបស់មជ្ឈមណ្ឌលអាស៊ានសម្រាប់ការអប់រំឌីជីថល ៖
១. តើមជ្ឈមណ្ឌលអាស៊ានសម្រាប់ការអប់រំឌីជីថលបង្កើតឡើងក្នុងគោលបំណងអ្វី?
នៅក្នុងឆ្នាំ២០២២នេះ ព្រះរាជាណាចក្រកម្ពុជា មានកិត្តិយសដែលបានធ្វើជាប្រធានប្ដូរវេនអាស៊ាន និងភ្ជាប់ជាមួយកិច្ចប្រជុំអាស៊ានលើកទី៤០-៤១ ព្រមទាំងបង្កើតឱ្យមានជាសេចក្ដីណែនាំអាស៊ានសម្រាប់ការបើកឡើងវិញនៃការអប់រំក្រោយពេលកូវីដ-១៩ និងការផ្ដួចផ្ដើមឱ្យមានជាសេចក្ដីថ្លែងការអាស៊ានស្ដីពី បរិវត្តកម្មឌីជីថលក្នុងការអប់រំ។ ជាមួយសកម្មភាពទាំងអស់នេះ ហើយទើបក្រសួងអប់រំ យុវជន និងកីឡា បានផ្ដួចផ្ដើមរៀបចំឱ្យមានការសម្ភោធមជ្ឈមណ្ឌលអាស៊ានសម្រាប់ការអប់រំឌីជីថល ជាព្រឹត្តិការអមមួយនៃកិច្ចប្រជុំអាស៊ាន និងកិច្ចប្រជុំសំខាន់ៗដទៃទៀត។
ឯកឧត្តម សាន វឌ្ឍនា បន្ថែមថា គោលដៅសំខាន់នៃការបង្កើតមជ្ឈមណ្ឌលអាស៊ានសម្រាប់ការអប់រំឌីជីថល គឺ ទី១. ចង់ផ្សារភ្ជាប់បរិវត្តកម្មអប់រំទៅកាន់គ្រឹះស្ថានផ្សេងទៀតនៅក្នុងអាស៊ាន ដើម្បីផ្លាស់ប្ដូរបទពិសោធន៍អប់រំទៅវិញទៅមករវាងស្ថាប័ន និងស្ថាប័ន។ ទី២. ចង់ពង្រឹងការអប់រំឌីជីថលឱ្យមានប្រសិទ្ធភាព និងមានភាពស័ក្តសិទ្ធិកាន់តែខ្លាំងជាងមុនជាមួយគ្រឹះស្ថានអបរំផ្សេងៗទៀតនៅក្នុងប្រទេសកម្ពុជា។ ទី៣. បង្ហាញពីការឈានមុខរបស់វិស័យអប់រំនៅកម្ពុជា ឬហៅថា ការប្រែមុខមាត់ថ្មីនៃវិស័យអប់រំ (Transforming) ដែលក្នុងនោះ មានការអប់រំវិទ្យាសាស្រ្ត បច្ចេកវិទ្យា ការអប់រំឌីជីថល និងការអប់រំយុវជនផ្សេង។
២. តើមជ្ឈមណ្ឌលអាស៊ានសម្រាប់ការអប់រំឌីជីថលនេះ ដំណើរការដោយរបៀបណា?
ចំពោះដំណើរការនៅក្នុងមជ្ឈមណ្ឌលអាស៊ានសម្រាប់ការអប់រំឌីជីថលនេះ ១.គឺយើងផ្ដោតទៅលើការផលិតមាតិកាឌីជីថល ដែលក្នុងនោះ មានប្រភេទវីដេអូជាច្រើនប្រភេទ មានវីដេអូបែបចម្រុះមានភាពច្នៃប្រឌិត ធនធានសិក្សាជាសៀវភៅអំណាន និងធនធានដែលមានអន្តរកម្ម អាចគាំទ្រទៅដល់ការរៀនតាមបែបថ្មីរបស់សិស្សានុសិស្សនៅកម្ពុជា។ ក្នុងនោះរួមមាន ការរៀនដោយឯករាជ្យ (Independent Learning), ការរៀនតាមចំណូលចិត្ត (Personal Life Learning), ការរៀនទៅតាមល្បឿនរបស់សិស្ស (Self-Pace Leering), និងការរៀនតាមបែបសហការ (Collaborative Learning)។
ប្រធានលេខាធិកាដ្ឋានមជ្ឈមណ្ឌលអាស៊ានសម្រាប់ការអប់រំឌីជីថល បញ្ជាក់បន្ថែមថា លក្ខណៈនៃការរៀនទាំងអស់នេះ ត្រូវការវីដេអូជាច្រើនប្រភេទ ព្រោះសិស្សខ្លះត្រូវការវីដេអូវែង សិស្សខ្លះត្រូវការវីដេអូខ្លី និងសិស្សខ្លះទៀតត្រូវការវីដេអូបែបសង្ខេប។ ដូចនេះ តួនាទីរបស់មជ្ឈមណ្ឌលអាស៊ានសម្រាប់ការអប់រំឌីជីថល គឺការផលិតវីដេអូដោយអញ្ជើញគ្រូដែលមានបទពិសោធន៍ និងល្បីឈ្មោះនៅក្នុងប្រទេសកម្ពុជាមកផលិតវីដេអូដើម្បីបង្រៀនសិស្សានុសិស្ស។
បន្ថែមពីនេះ ២.មជ្ឈមណ្ឌលអាស៊ានសម្រាប់ការអប់រំឌីជីថលនេះ ជាមជ្ឈមណ្ឌលទិន្នន័យ (Data Center) ធំជាងគេក្នុងវិស័យអភិវឌ្ឍសង្គមនៅកម្ពុជា ដែលអាចផ្ទុកទិន្នន័យ និងមានមជ្ឈមណ្ឌលសង្គ្រោះទិន្នន័យផងដែរ។ សម្រាប់ទិន្នន័យទាំងអស់ បានរក្សាទុកនៅក្នុងប្រទេសកម្ពុជា ដែលអាចឱ្យសិស្សានុសិស្សអាចមើលវីដេអូបានលឿនជាងវីដេអូក្នុងយូធូប (YouTube)។
ទី៣. ផ្ដល់នូវវេទិកាឌីជីថលស្រាប់ការសិក្សារបស់សិស្ស ហើយបច្ចុប្បន្នក្រសួងអប់រំមានវេបសាយ និងអេបមួយឈ្មោះថា ទូរសិក្សា/Duraseksa ដែលជាការសិក្សាពីចម្ងាយ សម្រួលដល់សិស្ស និងសាលាឆ្ងាយៗ ហើយនៅកន្លែងណាក៏ដោយក៏អាចប្រើវេទិកាឌីជីថលថ្មីមួយដែលអាចហៅថា ថ្នាក់រៀនត្រឡប់ (Flip classroom)។
ទី៤. វិភាគ ស្វែងយល់ និងកែលម្អទៅលើវិធីសាស្រ្តបង្រៀន និងគរុកោសល្យនៃការអប់រំឌីជីថល ដោយមានការចូលរួមពីស្ថាប័នបណ្ដុះបណ្ដាលគ្រូ និងគ្រូដែលមានចំណេះដឹងថ្មីៗមកណែនាំ ពន្យល់បន្ថែម ហើយក៏ជាកន្លែងដែលគូ្របង្រៀន សមគមន៍អ្នកសិក្សាវិជ្ជាជីវៈ អាចផ្លាស់ប្ដូរយោបល់។
ទី៥. ការផ្ដល់ហេដ្ឋារចនាសម្ព័ន្ធសម្រាប់ផលិតវីដេអូ ដោយនៅកន្លែងនេះ មានស្ទូឌីយោ ឧបករណ៍ទំនើបៗ រួមទាំងប្រព័ន្ធប្រតិបត្តិការជាច្រើនផងដែរ។
៣. តើមជ្ឈមណ្ឌលអាស៊ានសម្រាប់ការអប់រំឌីជីថលនេះ មានសារៈសំខាន់ និងលក្ខណៈពិសេសអ្វីខ្លះ?
នៅក្នុងគោលនយោបាយថ្មីរបស់ក្រសួងអប់រំបានបង្ហាញពីចក្ខុវិស័យរបស់ បរិវត្តកម្មវិស័យអប់រំ គឺចាប់ពីពេលនេះតទៅយើងផ្ដោតទៅលើការអភិវឌ្ឍមូលធនមនុស្សនៅកម្ពុជា ដោយផ្ដោតទៅលើលទ្ធផលនៃការសិក្សារបស់សិស្ស។ ទន្ទឹមគ្នានេះ ការអប់រំឌីជីថល ជាចំណុចមួយនៅក្នុងចំណោមចក្ខុវិស័យទាំង ៨ចំណុចរបស់ក្រសួងអប់រំ ។
ឯកឧត្តម សាន វឌ្ឍនា បញ្ជាក់បន្ថែមថា យើងអាចប្រើពាក្យ បរិវត្តកម្មឌីជីថលនៅក្នុងអ៊ីកូស៊ីស្ទែមនៃការអប់រំ មានន័យថា ធំទូលាយ ដោយមានអ្នកចូលលរួមទាំងគ្រូបង្រៀន សិស្ស សហគមន៍ មាតាបិតា សាលារៀន និងគណៈនាយកសាលាជាដើម ដែលតួអង្គនីមួយមានសកម្មភាព និងមានសារៈសំខាន់ដូចៗគ្នានៅក្នុងវិស័យអប់រំ។ ដូច្នេះ ការធ្វើបរិវត្តកម្មឌីជីថល គឺដើម្បីឱ្យតួអង្គនីមួយៗកាន់តែមានប្រសិទ្ធភាពខ្ពស់ជាងមុន មិនមែនប្រើប្រាស់ដើម្បីជំនួសតួអង្គ ឬក៏បច្ចេវិទ្យាមិនអាចជំនួសបាន ប៉ុន្តែអាចជំនួយទៅដល់តួអង្គនីមួយៗនៅក្នុងការអប់រំ។
មជ្ឈមណ្ឌលនេះ ដើរតួនាទីយ៉ាងសំខាន់ ទី១. ទិដ្ឋភាពផ្នែកនយោបាយរបស់រាជរដ្ឋាភិបាលកម្ពុជាក្នុងការលើកកម្ពស់ទំនើបកម្មសម្រាប់សិស្សានុសិស្សប្រកបដោយសមធម៌ សមភាព និងបរិយាបន្នពេញមួយជីវិត ទី២.បង្ហាញតួអង្គនីមួយៗមានភាពចាំបាច់ មានសារៈសំខាន់ដូចគ្នា និងកាន់តែប្រសើរជាងមុននៅក្នុងការលើកកម្ពស់វិស័យអបរំ។
៤. តើការបង្កើតមជ្ឈមណ្ឌលអាស៊ានសម្រាប់ការអប់រំឌីជីថលបានជួបបញ្ហាប្រឈមដែរឬទេ?
ក្នុងនាមជាប្រធានលេខាធិកាដ្ឋានមជ្ឈមណ្ឌលអាស៊ានសម្រាប់ការអប់រំឌីជីថល ឯកឧត្តម សាន វឌ្ឍនា មិនបានគិតថាការបង្កើតមជ្ឈមណ្ឌលនេះ បង្កជាបញ្ហាប្រឈមនោះទេ ប៉ុន្តែឯកឧត្តមមើលឃើញថាជាឱកាសទៅវិញ ដើម្បីអភិវឌ្ឍសមត្ថភាពខ្លួនពីមួយថ្ងៃទៅមួយថ្ងៃ ដោយសារពីមួយថ្ងៃទៅមួយថ្ងៃកាន់តែមានការងារថ្មីច្រើនទៅៗ។
ឧទាហរណ៍៖ កាលពេលដែលយើងចាប់ផ្ដើមដំណើរការផលិតវីដេអូសម្រាប់ការរៀន គឺយើងគិតថា ថតវីដេអូឱ្យហើយដាក់នៅលើយូថូប (YouTube) និងហ្វេសប៊ុកសិស្សអាចមើលបាន។ ផុតពីនេះទៅ យើងបានមើលឃើញថា សិស្សត្រូវការអ៊ីនធឺណិតដែលមានល្បឿន មើលវីដេអូបានខ្លះ មានគុណភាពខ្ពស់ ហើយយើងក៏បានសហការជាមួយក្រុមហ៊ុនទូរស័ព្ទដៃ ដើម្បីចរចារសុំការអនុគ្រោះ ចុះថ្លៃ ឬសម្រួលការបង់ថ្លៃសម្រាប់អ្នកសិក្សា។ បន្ទាប់មកទៀត យើងចាប់ផ្ដើមបង្កើតមាតិកាឌីជីថលជាអេប ជាវេបសាយផ្សេងៗ ព្រមទាំងបន្តផលិតវីដេអូប្លែកៗ ។ បច្ចុប្បន្ននេះ យើងកំពុងផលិតវីដេអូទាក់ទងនឹងការបង្កើតគម្រោង តាមរយៈគ្រូបង្រៀនច្បិចយកខ្លឹមសារសំខាន់ៗក្នុងមេរៀន ដើម្បីឱ្យសិស្សចេះបង្កើតគម្រោងដោះស្រាយបញ្ហា ។ មួយវិញទៀត វីដេអូពិសោធន៍លើមុខវិជ្ជារូបវិទ្យា គីមីវិទ្យា គឺសិស្សភាគច្រើនចូលចិត្ត។ ក្រុមការងាររៀបចំរបស់ក្រសួងអប់រំ តែងតែស្វែងរកដំណោះស្រាយផ្នែកបច្ចេកវិទ្យានេះ ដើម្បីបម្រើសេចក្ដីត្រូវការរបស់សិស្សានុសិស្សយើងឱ្យទទួលបានលទ្ធផលនៃការសិក្សាខ្ពស់ជាងមុន។
៥. តើឯកឧត្តមមានការរំពឹងទុកអ្វីខ្លះចំពោះមជ្ឈមណ្ឌលអាស៊ានសម្រាប់ការអប់រំឌីជីថលនេះនៅថ្ងៃអនាគត?
សម្រាប់ការរំពឹងទុក មជ្ឈមណ្ឌលអាស៊ានសម្រាប់ការអប់រំឌីជីថលនេះ នឹងជាទីកន្លែងមួយ ដែលយើងអាចស្វែងរកដំណោះស្រាយផ្នែកបច្ចេកវិទ្យាឌីថលនៅក្នុងការរៀន និងកាបង្រៀនឱ្យបានប្រសើរជាមុន ។ ខ្ញុំសង្ឃឹមថា មាតាបិតានៅតាមផ្ទះលោកពង្រឹងតួនាទីកាន់តែខ្លាំងជាងមុនសម្រាប់អនាគតបុត្រធីតា ដើម្បីផ្ដល់ឱវាទ ការណែនាំប្រៀនប្រដៅ ឱ្យកូនៗមកប្រើប្រាស់ឧបករណ៍អេឡិចត្រូនិច ដូចជា ទូរស័ព្ទដៃ កុំព្យូទ័រ សម្រាប់រៀននៅផ្ទះ ហើយផ្ដល់ជាបរិស្ថានសមរម្យសម្រាប់កូនរៀននៅផ្ទះឱ្យបានប្រសើរជាងមុន។ លើសពីនេះ លើកទឹកចិត្តកូន និងផ្ដល់ភាពកក់ក្ដៅដល់កូនដើម្បីរៀនឱ្យបានច្រើនជាងមុនជាមួយបច្ចេកវិទ្យាឌីជីថលនេះ។
ឯកឧត្តម សាន វឌ្ឍនា បន្ថែមថា ប្រសិនយើងមើលឃើញបច្ចេកវិទ្យាឌីជីថលជាឧបសគ្គ ឬជាកត្តាប្រឈមយើងនឹងមើលឃើញវាជាបញ្ហា ហើយប្រសិនបើកូនៗពិបាក គឺត្រូវខិតខំតស៊ូប្រឹងប្រែបន្ថែមទៀត នោះយើងនឹងក្លាយជាម្ចាស់ នៃបច្ចេកវិទ្យា។ សម្រាប់សិស្សនុសិស្សវិញ ត្រូវឆក់ឱកាសនេះឱ្យខ្លាំងជាងមុនដើម្បីប្រើប្រាស់បច្ចេកវិទ្យាឱ្យមានប្រសិទ្ធភាពក្នុងការរៀន និងបង្រៀន។ ខ្ញុំសូមបញ្ជាក់បន្ថែមថា កម្មវិធីទូរសិក្សា បានតម្លើងជាអេប និងវេបសាយ ដែលមានមេរៀន និងវីដេអូគ្រប់ប្រភេទ សម្រាប់សិស្សអាចរៀនដោយខ្លួនឯងនៅផ្ទះ។ លោកគ្រូអ្នកគ្រូក៏អាចប្រើប្រាស់ធនធានទាំងអស់នេះ សម្រាប់ជំនួយដល់ការបង្រៀនកាន់តែប្រសើរផងដែរ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសម្រាប់យុវជន និស្សិត ចូលរួមសិក្ខាសាលាពាក់ព័ន្ធនឹងកិច្ចការពាណិជ្ជកម្មនៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 26/06/2024
ដើម្បីចូលរួមអបអរសាទរឆ្នាំ នៃការផ្លាស់ប្តូរប្រជាជន និងប្រជាជនកម្ពុជា-ចិន ឆ្នាំ២០២៤ សមាគមទំនាក់ទំនងយុវជនកម្ពុជា-ចិន (CCYA) និងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ASCS)...
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
ព័ត៌មានអាហារូបករណ៍, ព្រឹត្តិការណ៍
• 25/04/2024
វិទ្យាស្ថានពហុបច្ចេកទេសភូមិភាគឦសាន បានប្រកាសជ្រើសរើសយុវជនចំនួន២៤០នាក់ ចូលរៀនជំនាញបច្ចេកទេស និងវិជ្ជាជីវៈ ១ សិក្សាក្នុងរយៈពេល៤ខែ ក្នុងកម្មវិធី១.៥លាននាក់ ។
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យមហាសារ៉ាខាម នៃព្រះរាជាណាចក្រថៃឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/05/2023
កម្មវិធីអាហារូបករណ៍ព្រះអង្គម្ចាស់ក្សត្រីយ៍មហាក្សត្រីយ៍មហាចក្រី សិរិនថន ចំនួន0៦កន្លែងកំពុងប្រកាសជ្រើសរើសសម្រាប់សាធារណជនកម្ពុជាទាំងពីរភេទសម្រាប់ឆ្នាំសិក្សា២០២៣-២០២៤ ។...
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង
ព័ត៌មានអាហារូបករណ៍, ព្រឹត្តិការណ៍
• 14/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...
រៀនជំនាញបច្ចេកទេសឥតគិតថ្លៃនៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង
ព័ត៌មានអាហារូបករណ៍, ព្រឹត្តិការណ៍
• 29/06/2026
សម្រាប់យុវជន ក៏ដូចជាប្រជាពលរដ្ឋ ដែលកំពុងស្វែងរកការសិក្សាជំនាញ វិជ្ជាជីវៈ និងបច្ចេកទេស ពេលនេះឱកាសបានមកដល់ហើយ, វិទ្យាស្ថានពហុបច្ចេកទេសភូមិភាគតេជោសែនស្វាយរៀង កំពុងតែជ្រើសរើសសិក្ខាកាមឱ្យចូលរៀន...
ឱកាសសិក្សានៅប្រទេសសឹង្ហបុរី ពីកម្មវិធី SIM Global Education Diploma Scholarships
ព័ត៌មានអាហារូបករណ៍, ព្រឹត្តិការណ៍
• 29/07/2024
សម្រាប់សិស្សនិស្សិតដែលកំពុងស្វែងរកអាហារូបករណ៍ទៅសិក្សានៅប្រទេសសឹង្ហបុរី លើជំនាញពាក់ព័ន្ធនឹងធុរកិច្ច ពេលនេះកម្មវិធីអាហារូបករណ៍ SIM Global Education Diploma Scholarships
អាហារូបករណ៍សាច់ប្រាក់ពីធនាគារ Maybank សម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 26/03/2025
កម្មវិធីអាហារូបករណ៍ Maybank Scholarship Programme 2025 ប្រកាសផ្ដល់អាហារូបករណ៍សាច់ប្រាក់សម្រាប់និស្សិតដែលកំពុងសិក្សានៅសាកលវិទ្យាល័យមួយចំនួននៅព្រះរាជាណាចក្រកម្ពុជា។
អាហារូបករណ៍សិក្សានៅសាកលវិទ្យាល័យ Pisa ប្រទេសអ៊ីតាលីឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 26/04/2023
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Pisa នៃប្រទេសអ៊ីតាលីឆ្នាំសិក្សា២០២៣ ។ ...
អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 16/09/2025
ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
