AMS Economyម្ចាស់ពានរង្វាន់លេខ១ អក្សរសិល្ប៍ពុទ្ធសាសនបណ្ឌិត្យ ៖ ចង់អភិវឌ្ឍខ្លួនឱ្យប្រសើរ ត្រូវហ៊ានប្រឈមនឹងបញ្ហាលំបាក
ភ្នំពេញ – ស្នាដៃប្រលោមលោកខ្លីចំណងជើង «មិននឹកស្មានសោះ» របស់កញ្ញា ទ្រី ស្រីលក្ខ និស្សិតសិក្សាថ្នាក់បរិញ្ញាបត្រអក្សរសាស្រ្តខ្មែរឆ្នាំទី៤ បានទទួលជ័យលាភីលេខ១ និងក្លាយជាម្ចាស់ពានរង្វាន់អក្សរសិល្ប៍ពុទ្ធសាសនបណ្ឌិត្យ លើកទី៤ ឆ្នាំ២០២១ ។ ស្នាដៃជ័យលាភីឆ្នើមនេះបានបង្ហាញតម្លៃអប់រំដល់មនុស្សនៅក្នុងសង្គមសព្វថ្ងៃ កុំឱ្យធ្វេសប្រហែសចំពោះសុខភាព ជាពិសេសប្រុងប្រយ័ត្នជានិច្ចអំឡុងពេលនៃការរាតត្បាតជំងឺផ្លូវដង្ហើមកូវីដ-១៩ ។
ម្ចាស់ជ័យលាភីពានរង្វាន់អក្សរសិល្ប៍វ័យ ២១ឆ្នាំរូបនេះ បានបង្ហាញបទពិសោធន៍ផ្ទាល់ខ្លួនថា ទម្រាំបញ្ចប់សំណេររឿងខ្លីដើម្បីចូលរួមប្រកួតប្រជែង កញ្ញាត្រូវជម្នះរឿងរ៉ាវលំបាកក្នុងសំណេរជាច្រើន ពិសេសគំនិតស្មុកស្មាញនៅក្នុងដំណាក់កាលតែងនិពន្ធ ។ តាមរយៈបទពិសោធន៍នេះ កញ្ញាយល់ថា បំណាច់ចង់អភិវឌ្ឍខ្លួនឱ្យប្រសើរលើកិច្ចការសំណេរ និងសម្រេចបំណងប្រាថ្នាផ្ទាល់ក្នុងនាមជាអ្នកនិពន្ធ ត្រូវហ៊ានប្រឈមមុខនឹងការលំបាកជាច្រើន ។
កញ្ញា ទ្រី ស្រីលក្ខ បានឱ្យដឹងថា គិតចាប់ពីពេលចាប់ផ្ដើមសរសេររឿងរហូតដល់បញ្ចប់រឿងកញ្ញាចំណាយរយៈពេលប្រហែលពីរខែជាង ហើយនៅពេលខ្លះការតែងនិពន្ធជួបគំនិតស្មុគស្មាញ សរសេរមិនចេញក៏សម្រេចចិត្តទុកចោល ប៉ុន្តែនៅពេលមានអារម្មណ៍ល្អឡើងវិញ ទើបកញ្ញាចាប់ផ្ដើមតែងរឿងបន្ត ។
“ខ្ញុំមិនធ្លាប់គិតថាស្នាដៃខ្ញុំទទួលបានជ័យលាភីលេខ១ អីទេ ប៉ុន្តែជឿជាក់ថាស្នាដៃរឿងខ្លីនេះនឹងទាក់ទាញទឹកចិត្តនិងគំនិតគណៈកម្មការ ព្រោះរឿងនេះខ្ញុំព្យាយាមសរសេរប្រលោមចិត្តអ្នកអាន បង្កប់គំនិតអប់រំដើម្បីឱ្យអ្នកអានរំភើប និងទទួលបានប្រយោជន៍សម្រាប់ជីវិតលើសពីការកម្សាន្ត”
កញ្ញា ទ្រី ស្រីលក្ខ
និស្សិតអក្សរសាស្ត្រខ្មែរ នៃសាកលវិទ្យាល័យភូមិន្ទភ្នំពេញរូបនេះ បានបន្តថា កញ្ញាមិនខ្វាយខ្វល់ច្រើនពីចំណាត់ថ្នាក់ប្រកួតប្រជែងឡើយ ប៉ុន្តែកសាងភាពក្លាហាន និងបង្កើនទំនុកចិត្តលើខ្លួនឯងជាអ្វីដែលត្រូវធ្វើឱ្យបានល្អបំផុត ។ យុវជនត្រូវក្លាហានធ្វើអ្វីដែលជាបំណងប្រាថ្នា និងហ៊ានទទួលស្គាល់ការពិតទោះជាទទួលបានលទ្ធផលបែបណាក៏ដោយ ព្រោះលទ្ធផលដែលទទួលបាននឹងបង្វឹកមនុស្សឱ្យកាន់តែខ្លាំងឡើង ហើយត្រូវចាកចេញពីភាពងាយស្រួល ហ៊ានប្រឈមនឹងបញ្ហាលំបាក ។ នេះជាការបញ្ជាក់បន្ថែមរបស់កញ្ញា ទ្រី ស្រីលក្ខ ។
ងាកមកនិយាយពីបទពិសោធន៍ការងារតែងនិពន្ធវិញ បច្ចុប្បន្ន ទ្រី ស្រីលក្ខ ជាអ្នកសរសេរអត្ថបទ និងជាអ្នកនិពន្ធឯករាជ្យម្នាក់ ។ កញ្ញាបន្ថែមថា ប្រសិនយុវជនស្រឡាញ់ការងារតែងនិពន្ធ ត្រូវព្យាយាមសិក្សាស្រាវជ្រាវរកឱ្យឃើញចំណុចខ្លាំងរបស់ខ្លួនឯង ចាប់ផ្ដើមសរសេរសាច់រឿងមួយដែលខ្លួនពេញចិត្ត កែសម្រួលខ្លួនឯងជាបន្តបន្ទាប់ ព្រមទាំងស្វែងរកអ្នកនិពន្ធរៀមច្បងឱ្យជួយពិនិត្យស្នាដៃ និងយកស្នាដៃឱ្យមិត្តភក្ដិដែលចូលចិត្តអានជួយផ្ដល់មតិយោបល់ ។
នេះជាសម្រង់ខ្លឹមសារលើកទឹកចិត្តផ្ទាល់ខ្លួនរបស់កញ្ញា ទ្រី ស្រីលក្ខ ៖ “ភាពរីកចម្រើនប្រៀបដូចជាការធ្វើដំណើរលើផ្លូវមួយ បើយើងដើរទៅមុខ យើងនិងផ្លាស់ទីចេញពីកន្លែងដើម” ។
កញ្ញា ទ្រី ស្រីលក្ខ ធ្លាប់ជានិស្សិតផ្លាស់ប្ដូរបទពិសោធន៍សិក្សាទៅប្រទេសជប៉ុនឆ្នាំ២០១៨-២០១៩ តាមរយៈកម្មវិធីផ្លាស់ប្ដូរបទពិសោធន៍សិក្សារបស់សាកលវិទ្យាល័យតូខ្យូ និងសាកលវិទ្យាល័យភូមិន្ទភ្នំពេញ ។ លើសពីនេះកញ្ញាក៏ជាម្ចាស់ស្នាដៃប្រលោមលោក ចំណងជើង “និស្សិតស្រី” ផងដែរ ។
គួររំលឹកថា កម្មវិធីប្រកួតពានរង្វាន់អក្សរសិល្ប៍ពុទ្ធសាសនបណ្ឌិត្យលើកទី៤ ប្រចាំឆ្នាំ២០២១ កញ្ញា ទ្រី ស្រីលក្ខ បានទទួលជ័យលាភីលេខ១ ផ្នែកប្រលោមលោកខ្លីសា្នដៃ «មិននឹកស្មានសោះ» លោក កែវ សេងរដ្ឋា ទទួលជ័យលាភីលេខ២ ផ្នែករឿងប្រលោមលោកខ្លី និងជ័យលាភីលេខ១ ផ្នែកតែងកំណាព្យរឿង និងជ័យលាភីលេខ៣ បានទៅអ្នកស្រី អ៊ុច ថាវី ជាមួយស្នាដៃរឿង «វង្វេង» ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សិក្សាថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី CGTI ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 11/08/2023
វិទ្យាស្ថានបណ្តុះបណ្តាលសម្លៀកបំពាក់កម្ពុជា(CGTI) ប្រកាស់ប្រលងជ្រើសរើសសិស្សសិក្សាអាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែង។ សិស្សជាប់ ឬធ្លាក់...
កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 27/01/2023
ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...
ក្រសួងអប់រំ ជ្រើសរើសនិស្សិតអាហារូបករណ៍សិក្សាថ្នាក់បណ្ឌិតគ្រប់គ្រងអប់រំ និងឯកទេសកម្មវិធីសិក្សា ចំនួន១៥កន្លែង
ព័ត៌មានអាហារូបករណ៍, ព្រឹត្តិការណ៍
• 22/08/2023
ក្រសួងអប់រំ យុវជន និងកីឡា ប្រកាសជ្រើសរើសនិស្សិតសិក្សាអាហារូបករណ៍ថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី...
អាហារូបករណ៍ថ្នាក់បណ្ឌិតនៅសាកលវិទ្យាល័យសាកលវិទ្យាល័យ United Arab Emirate ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 29/02/2024
ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ United Arab Emirate ពីកម្មវិធីអាហារូបករណ៍ UEAU PHD នៅទីក្រុងឌូបៃឆ្នាំសិក្សា២០២៤។ ...
អាហារូបករណ៍ថ្នាក់បរិញ្ញាបត្រ ផ្នែកវិស័យអាកាសចរណ៍ នៅសាកលវិទ្យាល័យ Qatar Airway 2025
ព័ត៌មានអាហារូបករណ៍, ព្រឹត្តិការណ៍
• 10/04/2025
កម្មវិធីអាហារូបករណ៍ Qatar Airway University Undergraduate Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Qatar Airway សម្រាប់ឆ្នាំសិក្សា២០២៥។
សិក្សាជំនាញបច្ចេកទេសរថយន្តឥតបង់ថ្លៃ នៅវិទ្យាស្ថានបច្ចេកទេស ហ្ស៊ី វ៉េ សេ
ព័ត៌មានអាហារូបករណ៍, ព្រឹត្តិការណ៍
• 12/03/2026
ជាឱកាសសម្រាប់យុវជនដែលចង់ចេះជំនាញជួសជុលរថយន្ត ពេលនេះវិទ្យាស្ថានបច្ចេកទេស ហ្ស៊ី វ៉េ សេ បានប្រកាសចុះឈ្មោះចូលរៀនដោយឥតគិតថ្លៃ ក្រោមគម្រោងកម្មវិធីសិក្សា TVET 1.5M របស់រាជរដ្ឋាភិបាល។
ឱកាសសិក្សាអាហារូបករណ៍សិក្សាជំនាញវិស្វករថែទាំយន្តហោះពីកម្មវិធី Wefly Scholarship នៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 22/02/2023
ឱកាសទទួលបានអាហារូបករណ៍ចាប់ពី៣០% ៥០% និង១០០% សិក្សាលើជំនាញវិស្វករថែទាំយន្តហោះពីកម្មវិធីអាហារូបករណ៍ Wefly Scholarship Program...
អាហារូបករណ៍ថ្នាក់បរិញ្ញាបត្រជាន់ខ្ពស់ ពី ADB-KFP ឆ្នាំ២០២៦ ទៅសិក្សានៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 13/01/2026
ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School)
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
