AMS Economy

៨វិធីទាញកូនរបស់អ្នកចេញពីអេក្រង់ទូរស័ព្ទ

អប់រំកុមារតូច ព្រឹត្តិការណ៍13/12/2021បញ្ចេញមតិយោបល់

កុមារញៀននឹងទូរស័ព្ទបានក្លាយជាកង្វល់របស់អាណាព្យាបាលជាច្រើននៅពេលបច្ចុប្បន្ននេះ ។ តាមការសិក្សាបានរកឃើញថា នៅពេលដែលកុមារញៀននឹងទូរស័ព្ទ នឹងធ្វើឱ្យពួកគេរងនូវផលប៉ះពាល់ និងគុណវិបត្តិមួយចំនួនដូចជា ភ្នែកចុះខ្សោយ, ថយចុះទំនាក់ទំនងជាមួយឪពុកម្តាយ, កាត់បន្ថយដំណេក, បាត់បង់ចំណង់ក្នុងការរៀនសូត្រ ប៉ះពាល់ដល់សុខភាពផ្លូវចិត្តជាដើម ។ ដូច្នេះតើឪពុកម្តាយគួរធ្វើដូចម្តេចដើម្បីទាញកូនរបស់លោកអ្នកចេញពីអេក្រក់ទូរស័ព្ទ?

តាមគេហទំព័រ MOMNEWSDaily បានបង្ហាញនូវគន្លឹះមួយ៨ ដើម្បីអូសទាញកូនៗរបស់លោកអ្នកឱ្យចេញឆ្ងាយពីអេក្រង់ទូរស័ព្ទ ឬឧបករណ៍អេឡិចត្រូនិចផ្សេងៗ។

១. បំផុសសកម្មភាពខាងក្រៅ ៖ ចំណុចមួយនេះអាចឱ្យកូនរបស់អ្នករក្សាគម្លាតយ៉ាងឆ្ងាយពីទូរស័ព្ទ គឺលោកអ្នកគ្រាន់តែជំរុញលើកទឹកចិត្តក្មេងៗឱ្យមានសកម្មភាពផុសផុលនៅបរិយាកាសខាងក្រៅដូចជា៖ ដាំដំណាំ, ថែសួន, ស្រោចទឹករុក្ខជាតិ និងបន្តធ្វើនូវសកម្មភាពជាច្រើនទៀត ។ក្មេងៗងាយទទួលរងនូវភាពធុញទ្រាន់ណាស់នៅពេលដែលទុកឱ្យពួកគេនៅតែផ្ទះពីមួយថ្ងៃទៅមួយថ្ងៃ នោះពួកគេនឹងទាមទាររកទូរស័ព្ទដើម្បីបំបាត់ភាពធុញថប់ក្នុងចិត្ត ។ នៅពេលឪពុកម្តាយ ឬអាណាព្យាលនាំក្មេងឱ្យចូលរួមសកម្មភាពខាងក្រៅបានច្រើន ពួកគេនឹងមិនទាមទារចង់បានទូរស័ព្ទយ៉ាងតក់ក្រហល់ដូចកាលពីមុនៗទៀតនោះឡើយ។

២. សូមគន់គូរពីអាយុកាលក្មេង មុននឹងឱ្យទូរស័ព្ទទៅកូនប្រើ៖ នៅពេលដែលអ្នកអនុញ្ញាតឱ្យកូនប្រើប្រាស់ទូរស័ព្ទខណៈកូនមានអាយុនៅក្មេងពេក ធ្វើឱ្យពួកគេមានអារម្មណ៍ងប់ងល់នឹងទូរស័ព្ទរហូតដល់ថ្នាក់ញៀនទៀតផង ចំណុចនេះអាចធ្វើឱ្យក្មេងបាត់បង់ចំណាប់អារម្មណ៍នឹងរឿងផ្សេងៗទៀតដូចជាការទំនាក់ទំនងក្នុងជីវិតពិត ឬការសិក្សាជាដើម ។

ចំពោះក្មេងមានវ័យតូចៗក្រោមអាយុពីរឆ្នាំអ្នកមិនគួរអនុញ្ញាតណែនាំឱ្យពួកគេប្រើប្រាស់នោះទេ លុះត្រាណាតែពួកគេអាចដឹងពីរបៀបប្រើប្រាស់ដោយខ្លួនឯង ឬក៏អាយុរបស់ពួកគេឈានដល់កម្រិតមួយដែលសមស្របជាមួយនឹងការប្រើប្រាស់ប្រព័ន្ធកម្មវិធីឌីជីថលណាមួយ ។ ហើយឪពុកម្តាយមិនគួរបង្ហាញរូបកុមារតូចចន្លោះអាយុ២ឆ្នាំចុះក្រោមនៅក្នុងគណនីប្រព័ន្ធផ្សព្វផ្សាយនោះទេ(ហ្វេសប៊ុក) លើកលែងតែក្នុងករណីការហៅឆ្លងឆ្លើយជាវីឌីអូពីភាគីម្ខាងទៅភាគីម្ខាងទៀត ។

ទោះបីជាត្រង់ចំណុចនេះមិនលើកទឹកចិត្តឱ្យអ្នកផ្តល់ទូរស័ព្ទឱ្យកូនលេងពិតមែន, ក៏ប៉ុន្តែអ្នកអាចបង្រៀនកូនរបស់អ្នកឱ្យប្រើប្រាស់ និងនាំកូនមើលវីដេអូល្អៗជាមួយអ្នក ។ កាលដែលធ្វើបែបនេះគឺដើម្បីងាយស្រួលតាមដាន និងពន្យល់ក្មេងតូចឱ្យយល់ពីអត្ថន័យ នៃមតិការអត្ថបទទាំងឡាយថាចង់អប់រំអំពីអ្វី ។ វាជាវិធីសាស្រ្តដ៏ត្រឹមត្រូវមួយ ដើម្បីជួយបណ្តុះទម្លាប់កុមារឱ្យប្រើប្រាស់ទូរស័ព្ទទទួលបានប្រសិទ្ធភាពខ្ពស់ទាំងពេលបច្ចុប្បន្ន និងពេលអនាគត ។

លោកអ្នកប្រហែលជាធ្លាប់ឃើញហើយនាពេលកន្លងមក ខណៈដែលក្មេងកំពុងយំខ្លាំងៗ ឬអាក់អន់ចិត្តនឹងរឿងអ្វីមួយយើងសង្កេតឃើញឪពុកម្តាយមួយចំនួនតែងហុចទូរស័ព្ទដៃទៅឱ្យកូនដើម្បីលួងលោមនិងបំពេញអារម្មណ៍ ។ បើនិយាយឱ្យខ្លីទៅ គឺធ្វើយ៉ាងណាឱ្យតែពួកគេស្ងៀមស្ងាត់ឈប់រំខានមួយពេលៗ ។

លោកអ្នកដឹងទេ, កាលដែលអ្នកប្រើវិធីសាស្រ្តបែបនេះមិនល្អទេ អ្នកគួតែផ្តល់ពេលវេលាសួរនាំ និងតាមដានផ្លូវចិត្តនិងតម្រូវការរបស់ពួកគេ ។ ម្យ៉ាងវិញទៀតការប្រគល់ទូរស័ព្ទឱ្យក្មេងលេងតាមរបៀប នៃការដោះដូរជាមួយភាពស្ងៀមស្ងាត់របស់ក្មេងបែបនេះ វាអាចជួយឱ្យពួកគេបាត់យំតែមួយភ្លែតប៉ុណ្ណោះ ។ គឺមានន័យថា វាអាចផ្តល់ផលប្រយោជន៍ត្រឹមរយៈពេលខ្លី, ក៏ប៉ុន្តែវាផ្តល់ផលប៉ះពាល់រយៈពេលវែងដូចជា៖ ការញៀននឹងទូស័ព្ទ និងបាត់បង់ទំនាក់ទំនងក្នុងសង្គម ។ល។ ហើយវិធីដែលល្អគឺសូមជម្លៀសកុមារឱ្យឆ្ងាយពីទូរស័ព្ទសិន ក្នុងករណីមិនចាំបាច់ក្នុងការប្រើប្រាស់បច្ចេកវិទ្យាទាំងនោះ ។

៣.មិនចុចទូរស័ព្ទអំឡុងពេលជួបជុំគ្រួសារ៖ ត្រង់ចំណុចនេះយើងចង់សំដៅដល់ពេលវេលារវាងអាណាព្យាបាល និងកុមារនៅអាហារពេលល្ងាច ឬចុងសប្តាហ៍ជាដើម ។ នៅពេលដែលអ្នកអនុញ្ញាតឱ្យកូនប្រើប្រាស់ទូរស័ព្ទគ្រប់ពេល វាមិនល្អទាល់តែសោះសម្រាប់កូនរបស់អ្នក ។

ឪពុកម្តាយមួយចំនួនរវល់ចុចទូរស័ព្ទផ្ញើសារចុះឡើងៗ អំឡុងពេលជួបជុំគ្រួសារ និងនៅជាមួយកូនៗ ហើយមិនសូវខ្វាយខ្វល់ពីពេលវេលាដែលមានចំពោះកូនទេ ។ សកម្មភាពបែបនេះនឹងបង្កភាពឈឺចាប់អន់ចិត្តចំពោះផ្លូវចិត្តកុមារយ៉ាងខ្លាំង ។ ដូចនេះហើយជំនួយឲ្យការប្រើប្រាស់ទូរស័ព្ទអាណាព្យាបាលគួរតែបង្កើតបរិយាកាសជាមួយគ្រួសារឱ្យមានគុណភាពតាមរយៈ ការបង្កើតកិច្ចសន្ទនាឆ្លើយឆ្លងជាមួយកូនៗឱ្យបានច្រើនតាមដែលអាចធ្វើបាន។

៤.បិទអ៊ឺនធឺណិតនៅពេលមិនប្រើប្រាស់៖ ការបិទអ៊ឺនធឺណិតចោលជាកម្លាំងចលករដ៏សំខាន់ជំរុញឱ្យអ្នក និងកូនអាចរក្សាគម្លាតពីការប្រើប្រាស់ទូរស័ព្ទ ឬបច្ចេកវិទ្យាផ្សេងៗ ។ ទន្ទឹមគ្នានេះដែរ អ្នកអាចទាញយកវីដេអូ ឬកម្មវិធីផ្សេងៗមកទុកក្នុងទូរស័ព្ទដោយកំណត់ចំនួនឱ្យជាក់លាក់និងពិនិត្យវាឱ្យត្រូវជាមួយអាយុរបស់កូនផង ។ លោកអ្នកត្រូវប្រាដកថាវីដេអូ ឬកម្មវិធីនោះនាំផលប្រយោជន៍ដល់កូនរបស់អ្នក ។ សូមកំណត់សម្គាល់ថា បន្ទាប់ពីទាញយកវីដេអូ ឬកម្មវិធីសព្វគ្រប់ហើយសូមបិទអ៊ឺនធឺណិតវិញ ។

៥.ផ្តល់ពេលល្អៗទៅកាន់កូន៖ ឆ្លើយតបនឹងចំណុចនេះ អាណាព្យាបាលអាចនាំកូនទៅញាំអាហារពេលល្ងាច ទៅចូលរួមកម្មវិធីផ្សេងៗដូចជាពិធីមង្គលការ ពិធីខួបកំណើត ពិធីឆ្លងឆ្នាំសកល ឬក៏អញ្ជើញសាច់ញាតិមកជួបជុំជាមួយគ្នាដើម្បីបង្កើតកម្មវិធីសប្បាយៗនៅផ្ទះ ឬបង្កើតដំណើរកម្សាន្តទៅតាមបណ្តាខេត្តនានា ។ សកម្មភាពទាំងនេះនឹងជួយឱ្យកូនអ្នកអាចរៀនសូត្របានថ្មីៗពីមនុស្សផ្សេងៗគ្នា ។ បន្ថែមពីនេះវាក៏អាចជួយកុមារឱ្យពង្រឹងនូវជំនាញទំនាក់ទំនង ហើយក្មេងនឹងក្លាយជាមនុស្សសកម្ម និងមានទំនាក់ទំនងយ៉ាងឆាប់រហ័សជាមួយអ្នកដ៏ទៃនៅពេលគេប្រឡូកទៅក្នុងសង្គមខាងក្រៅ ។

៦.បង្កើតព្រឹត្តការណ៍សប្បាយៗ៖ លើសពីការបង្កើតកម្មវិធីសប្បាយៗនៅផ្ទះអ្នកក៏អាចលើកទឹកចិត្តឱ្យកូនមានឱកាសចេញទៅខាងក្រៅដូចជា ការលេងកីឡាកម្សាន្ត, ការគូសគំនូរ, អានសៀភៅ និងសកម្មភាពជាច្រើនទៀតដែលជួយឱ្យកូនកាន់តែមានស្មារតីទទួលបានការអភិវឌ្ឍជារឿយៗ ។ ភាពមមាញឹកទាំងនេះហើយធ្វើឱ្យកុមារឈប់ទទូចសួររកទូរស័ព្ទ ។ លោកអ្នកក៏គួរតែនាំកុមារនិយាយរឿងនិទានមុនពេលចូលគេង ជំនួយឱ្យការកាន់ទូរស័ព្ទមុនពេលចូលគេង ។

៧.ការកំណត់រយៈពេលនៅលើអេក្រង់ទូរស័ព្ទ៖ វិធីសាស្រ្តដ៏ល្អមួយបន្ថែមទៀតគឺការកំណត់ APP នៅលើអេក្រង់ទូរស័ព្ទមុនពេលដាក់ឱ្យក្មេងប្រើប្រាស់ អ្នកអាចកំណត់រយៈពេលឱ្យជាក់លាក់ទៅតាមអាយុកូនរបស់អ្នក ។ ធ្វើដូច្នេះពួកគេនឹងមិនអាចប្រើប្រាស់ហួសហេតុជ្រុលពេកទេ ។

ចំពោះការកំណត់អាយុទៀតសោធ ក្មេងដែលមានវ័យតូចៗអ្នកអាចកំណត់ឱ្យពួកគេចាប់ពី២ទៅ៣ម៉ោងក្នុងមួយថ្ងៃ, រីឯក្មេងដែលមានវ័យជំទង់អ្នកអាចកំណត់៥ទៅ៦ម៉ោង គឺដើម្បីឱ្យពួកគេមានឱកាសអាចស្វែងរកឯកសារផ្សេងដើម្បីសិក្សាបន្ថែម ។

ចំណែកឯក្មេងអាយុពី៨ទៅ១៨ឆ្នាំលោកអ្នកអាចកំណត់ឱ្យពួកគេប្រើប្រាស់រហូតដល់៧ម៉ោងនិង៣០នាទីក្នុងមួយថ្ងៃ ដោយយើងគិតរាប់បញ្ចូលតាំងពី ទូរទស្សន៍ ទូរស័ព្ទ កុំព្យូទ័រ និងឧបករណ៍អេឡិចត្រូនិចផ្សេងៗទៀត ។

៨.ព្យាយាមចំណាយពេលឱ្យច្រើនជាមួយកូន៖ ដូចដែលយើងបានដឹងស្រាប់ហើយគ្រួសារគឺជាគំរូសំខាន់សម្រាប់កុមារ, កុមារតែងតែរៀននូវសកម្មភាពផ្សេងៗពីសំណាក់អាណាព្យាបាល និងសកម្មភាពផ្សេងៗទៀតដែលពួកគេបានដឹងបានឮ ។ ទន្ទឹមនឹងនេះ ឪពុកម្តាយមានទំនួលខុសត្រូវខ្ពស់ក្នុងការបង្រៀនកូនឱ្យយល់ពីការប្រើប្រាស់រាល់ឧបករណ៍ទាំងឡាយឱ្យបានច្បាស់ នៅពេលដែលអាណាព្យាបាលជាប់រវល់ជាមួយកិច្ចការផ្សេងៗ ។

ក្នុងនាមជាឪពុកម្តាយ នៅពេលអ្នកកាន់តែចំណាយពេលវេលាច្រើនជាមួយកូន អ្នកកាន់តែមានភាពជិតស្និតស្រួលទំនាក់ទំនងជាមួយកូន ធ្វើឱ្យការអភិវឌ្ឍផ្នែកទំនាក់ទំនងរបស់កូនកាន់តែប្រសើរឡើងៗ ៕

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ពេញថ្លៃផ្នែក «វេជ្ជសាស្ត្រ និងសុខាភិបាល» សិក្សានៅសហព័ន្ធរុស្ស៊ី ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 20/10/2026

អាហារូបករណ៍ផ្នែកវេជ្ជសាស្ត្រ និងសុខាភិបាលសិក្សានៅសហព័ន្ធរុស្ស៊ី សម្រាប់ឆ្នាំ២០២៦–២០២៧

អាហារូបករណ៍ទឹកប្រាក់ពីធនាគារ អ៊ូរី ចំនួន១០០កន្លែងនៅសាកលវិទ្យាល័យភូមិន្ទភ្នំពេញសម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 14/02/2023

សាកលវិទ្យាល័យភូមិន្ទភ្នំពេញសហការណ៍ជាមួយ ធនាគារ អ៊ូរី (ខេមបូឌា) ម.ក សម្រេចផ្ដល់អាហារូបករណ៍សាច់ប្រាក់សម្រាប់និស្សិតសិក្សានៅសាកលវិទ្យាល័យភូមិន្ទ...

ឱកាសពង្រឹងសមត្ថភាពការងារ! កម្មវិធី OPEN បើកវគ្គបណ្ដុះបណ្ដាលភាសាអង់គ្លេសជំនាញ ៣ មុខវិជ្ជាដោយមិនគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/10/2026

បណ្តាញអប់រំភាសាអង់គ្លេសវិជ្ជាជីវៈតាមប្រព័ន្ធអនឡាញ (Online Professional English Network - OPEN) ដែលជាគម្រោងឧបត្ថម្ភគាំទ្រដោយក្រសួងការបរទេសសហរដ្ឋអាមេរិក

ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 21/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី Youth of Excellence Scheme of China (YES China) នៅវិទ្យាស្ថានបច្ចេកវិទ្យា Harbin ...

អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF

ព័ត៌មានអាហារូបករណ៍, ព្រឹត្តិការណ៍

• 26/07/2023

ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣

អាហារូបករណ៍សិក្សាវគ្គខ្លីថ្នាក់ Full-Stack Development នៅ ADITI Academy

ព័ត៌មានអាហារូបករណ៍, ព្រឹត្តិការណ៍

• 17/10/2025

ឱកាសសិក្សាអាហារូបករណ៍វគ្គខ្លីថ្នាក់ Full-Steak Development រយៈពេល៤ខែ នៅ ADITI Academy សម្រាប់ឆ្នាំសិក្សាថ្មី។ អាហារូបករណ៍គាំទ្រដោយធនាគារវីង ផ្ដល់ជូន ១០០% ចំនួន ៣០កន្លែង ៨០% ចំនួន១០កន្លែង និង ៧០% ចំនួន ១០កន្លែង។

អាហារូបករណ៍សម្រាប់និស្សិតកម្ពុជា ទៅបន្តការសិក្សានៅប្រទេសហុងគ្រី ៣០កន្លែង សម្រាប់ឆ្នាំ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 29/11/2024

ក្រោមកម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេសហុងគ្រី នឹងផ្តល់អាហារូបករណ៍ចំនួន ៣០កន្លែងដល់និស្សិតកម្ពុជា ដើម្បីបន្តការសិក្សានៅតាមសាកលវិទ្យាល័យនានាក្នុងប្រទេសហុងគ្រី...

វិទ្យាស្ថានពហុបច្ចេកទេសខេត្តកំពង់ឆ្នាំង ជ្រើសរើសបេក្ខជនសិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន៦៥៥នាក់

ព័ត៌មានអាហារូបករណ៍, ព្រឹត្តិការណ៍

• 24/01/2025

ឱកាសសិក្សាជំនាញបច្ចេកទេស និងវិជ្ជាជីវៈចំនួន៦៥៥កន្លែង នៅវិទ្យាស្ថានពហុបច្ចេកទេសកំពង់ឆ្នាំង សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាជំនាញថ្នាក់សញ្ញាបត្រជាន់ខ្ពស់បច្ចេកទស (បរិញ្ញាបត្ររង)...

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០០កន្លែងនៅសាកលវិទ្យាល័យកម្ពុជា សម្រាប់ឆ្នាំសិក្សា២០២៣-២០២៨

ព័ត៌មានអាហារូបករណ៍, ព្រឹត្តិការណ៍

• 03/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យកម្ពុជាចំនួន២០០កន្លែងសម្រាប់ឆ្នាំសិក្សា២០២៣-២០២៨ ។ អាហារូបករណ៍សិក្សាស្ថិតក្រោមកម្មវិធី អាហារូប......