AMS Economyជំនាញទាំង៨ អាចទៅធ្វើការប្រទេសណាមួយក៏បានក្នុងតំបន់អាស៊ាន
ភ្នំពេញ – កាលពីចុងឆ្នាំ១៩៩៧ ថ្នាក់ដឹកនាំនៃបណ្តាប្រទេសជាសមាជិកអាស៊ានទាំងអស់ បានសម្រេចចិត្តប្រែក្លាយអាស៊ានទៅជាតំបន់មួយដែលមានស្ថិរភាព វឌ្ឍនភាព និងភាពប្រកួតប្រជែងខ្ពស់ តាមរយៈការអភិវឌ្ឍសេដ្ឋកិច្ចប្រកបដោយសមធម៌ ព្រមទាំងកាត់បន្ថយភាពក្រីក្រ និងគម្លាតផ្នែកសង្គម-សេដ្ឋកិច្ច ។ ពោលគឺប្រែកា្លយអាស៊ានឱ្យទៅជាទីផ្សារតែមួយ និងមូលដ្ឋានផលិតកម្មរួមតែមួយតាមរយៈសមារណកម្មសេដ្ឋកិច្ចអាស៊ានក្រោយឆ្នាំ២០១៥។
បើតាមការលើកឡើងរបស់ ឯកឧត្តម ថង សាម៉ុន អគ្គនាយករង នៃអគ្គនាយកដ្ឋានអប់រំ បណ្តុះបណ្តាលបច្ចេកទេស និងវិជ្ជា ជីវៈ នៃក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា ដើម្បីអនុវត្តឱ្យបានពេញលេញនូវការប្តេជ្ញាចិត្ត រដ្ឋនៃបណ្តាសមាជិកអាស៊ាន បានឯកភាពគ្នាចល័តកម្លាំងពលកម្មទៅវិញទៅមក ។ មានន័យថា ប្រជាជនរបស់អាស៊ាន អាចធ្វើការដោយសេរីបានក្នុងប្រទេសសមាជិកអាស៊ានទាំង១០។ តាមរយៈកិច្ចព្រមព្រៀងទទួលស្គាល់ទៅវិញទៅមករបស់មេដឹកនាំអាស៊ាន គឺមានជំនាញចំនួន៨ ស្ថិតនៅក្នុងលំហូរកម្លាំងពលកម្មជំនាញដោយសេរី ។
១. សេវាកម្មវិស្វកម្ម ៖ គឺសំដៅលើអ្នកជំនាញវិស្វករផ្នែកសំណង់ស៊ីវិល ។ វិស្វករផ្នែកសំណង់ស៊ីវិលមានឯកទេសខុសៗគ្នា ដូចជា ឯកទេសខាងរចនាសម្ព័ន្ធ និងគ្រោងឆ្អឹងអគារ ធនធានទឹក សំណង់ បរិស្ថាន និងផ្នែកចរាចរ ប្រព័ន្ធគមនាគមន៍ ។ ពួកគេនឹងត្រូវធ្វើការងារនៅតាមការដ្ឋានសំណង់ស្ពាន ទំនប់ទឹក ឬវារីអគ្គិសនី អគារ ប្រព័ទ្ធផ្លូវលើដី និងក្រោមដី ផ្លូវហោះហើររបស់យន្តហោះ ប្រព័ន្ធចែកចាយទឹក និងប្រព័ន្ធលូ…។
២. សេវាកម្មគិលានុបដ្ឋាក ៖ គិលានុបដ្ឋាក គឺជាអ្នកថែទាំអ្នកជំងឺ អ្នករងរបួស ឬអ្នកមានសុខភាពមិនប្រក្រតី ។ គិលានុបដ្ឋាកមិនមានការសិក្សា និងហ្វឹកហាត់ការងារដូចគ្នានោះទេ ដូចជា គិលានុបដ្ឋាកទទួលបន្ទុកទូទៅ គឺជាអ្នកកំណត់សភាពជំងឺរបស់អ្នកជំងឺ និងរៀបចំផែនការព្យាបាល ឬថែទាំសុខភាព ពិនិត្យសម្ពាធឈាម សីតុណ្ហភាព ដំណើរជីបចរ ផ្តល់ថ្នាំ ផ្លាស់ប្តូរសម្លៀកបំពាក់អ្នកជំងឺ និងរៀបចំអ្នកជំងឺសម្រាប់ការវះកាត់ ។
គិលានុបដ្ឋាកផ្នែកវះកាត់ គឺជួយកិច្ចការវេជ្ជបណ្ឌិតផ្នែកវះកាត់នៅក្នុងពេលធ្វើការវះកាត់ ។ ចំណែកគិលានុបដ្ឋាកផ្នែកសម្ភព ជួយកិច្ចការក្នុងបន្ទប់សម្រាលកូន និងជួយថែទាំ និងចិញ្ចឹមកូនង៉ែតឱ្យត្រូវតាមបច្ចេកទេស ។ គិលានុបដ្ឋាកផ្នែកបង្រៀន គឺផ្តល់ឱវាទដល់សិស្សព្យាបាលជំងឺ ឬរបួសស្រាល និងផ្តល់យោបល់ពាក់ព័ន្ធនឹងបញ្ហាសុខភាព និងចុងក្រោយ គិលានុបដ្ឋាកផ្នែកជំងឺធ្ងន់ធ្ងរ ជាអ្នកថែទាំអ្នកជំងឺធ្ងន់ធ្ងរក្នុងមន្ទីរពេទ្យ ឬពិនិត្យព្យាបាលដល់ផ្ទះ ករណីអ្នកជំងឺមិនអាចមកមន្ទីរពេត្យបាន។
៣. សេវាកម្មស្ថាបត្យកម្ម ៖ សំដៅទៅលើការងារជំនាញស្ថាបត្យកររៀបចំគម្រោង និងរចនាប្លង់អគារទាំងបរិវេណខាងក្រៅ ឬទេសភាពជុំវិញ ក្នុងនោះ អគារ ផ្សារទំនើប សាលារៀន អាកាសយានដ្ឋាន ការិយាល័យ រោងចក្រ និងគេហដ្ឋាន សុទ្ធសឹងចាប់ផ្តើមពីគំនិត និងកិច្ចការរបស់ស្ថាបត្យករ។
ស្ថាបត្យករមានជំនាញឯកទេសខុសៗគ្នា ដូចជា ឯកទេសរចនាប្លង់ផ្ទះ ការិយាល័យ កីឡដ្ឋាន មហោស្រព វត្តអារាម និងរោងចក្រ…។ ស្ថាបត្យករខ្លះផ្តោតលើឯកទេសខាងការរចនាផ្នែកខាងក្នុងនៃអគារ ឬជួសជុលកែលម្អសំណង់អគារចាស់ៗ ដូចជាអគារចាស់ៗសម័យអាណានិគមបារាំងជាដើម។
៤.គុណវុឌ្ឍិផ្នែកការវាស់ស្ទង់ ៖ សំដៅដល់អ្នកឯកទេសដែលមានសមត្ថភាព និងបច្ចេកទេសដើម្បីកំណត់ វាស់វែង និងបរិយាយពីសណ្ឋានដី, ប្រមូល និងបកស្រាយព័ត៌មានពាក់ព័ន្ធនឹងសណ្ឋានដី និងស្ថានភាពភូមិសាស្រ្ត, ប្រើប្រាស់ព័ត៌មានសម្រាប់រៀបចំផែនការ និងគ្រប់គ្រងដីធ្លី និងដែនសមុទ្រ។ល។
អ្នកឯកទេសវាស់ស្ទង់ តែងតែធ្វើការនៅតាមការដ្ឋានសំណង់ ការដ្ឋានស្ពានថ្នល់ ព្រលានយន្តហោះ និងសំណង់លំនៅដ្ឋានជាដើម ដោយទិន្នន័យបានពីការវាស់ស្ទង់ នឹងផ្តល់អត្ថប្រយោជន៍សម្រាប់កិច្ចការវិស្វកម្ម និងអ្នកបច្ចេកទេសសំណង់។
៥. អ្នកឯកទេសផ្នែកវេជ្ជសាស្រ្ត ៖ ត្រង់នេះគឺសំដៅទៅលើវេជ្ជបណ្ឌិតផ្នែកវះកាត់ ។ ឯកទេសពាក់ព័ន្ធការវះកាត់មានដូចជា ការវះកាត់ទូទៅ ការវះកាត់ផ្នែកណាមួយ នៃសរីរាង្គ ឯកទេសតឆ្អឹងបាក់ស្រាំ ការវះកាត់ខួរក្បាល ការវះកាត់បេះដូង និងការវះកាត់កែសម្ផស្សជាដើម។ កិច្ចការនេះ គឺធ្វើការនៅក្នុងមន្ទីរពេទ្យ ឬក៏គ្លីនិក។
៦. អ្នកឯកទេសផ្នែកទន្តសាស្រ្ត ៖ សំដៅលើទន្តពេទ្យ ។ ទន្តពេទ្យជួយឱ្យមនុស្សទូទៅមានភាពប្រសើរផ្នែកសុខភាពមាត់ធ្មេញ តាមរយៈការលាងសម្អាត ជួសជុល ផ្លាស់ប្តូរ និងធ្វើឱ្យធ្មេញត្រង់ល្អ។ ទន្តពេទ្យបែងចែកជាឯកទេសផ្សេងៗដូចជា ឯកទេសតម្រង់ធ្មេញដែលដុះមិនស្មើល្អ, ឯកទេសវះកាត់ ឬដកប្ញសធ្មេញ និងជួសជុល, ឯកទេសព្យាបាលអញ្ចាញធ្មេញមានជំងឺ, ឯកទេសធ្វើធ្មេញសិប្បនិម្មិត, ឯកទេសព្យាបាលជំងឺធ្មេញកុមារ, ឯកទេសពិនិត្យរោគសញ្ញាជំងឺក្នុងមាត់ និងឯកទេសព្យាបាលប្ញសធ្មេញ។
៧. សេវាកម្មគណនេយ្យ ៖ ការងារពាក់ព័ន្ធនឹងបញ្ជីស្នាម ឬគណនាលេខនព្វន្ត ព្រមទាំងទទួលខុសត្រូវរាល់កិច្ចការ ដែលតម្រូវឱ្យមានការរៀបចំ វិភាគ ផ្ទៀងផ្ទាត់របាយការណ៍ ឬបញ្ជីស្នាមផ្នែកហិរញ្ញវត្ថុសម្រាប់បុគ្គល កិច្ចការជំនួញ និងស្ថាប័ន។ គណនេយ្យករ ត្រូវរៀបចំរបាយការណ៍លទ្ធផលសរុបជូនប្រធាន ឬនាយកក្រុមហ៊ុនដើម្បីពិនិត្យ។
លើសពីនេះ ត្រូវរៀបចំប្រព័ន្ធគ្រប់គ្រង និងថែរក្សារបាយការណ៍ដើម្បីពិនិត្យតាមដានអំពីចរន្ត ឬលំហូរ នៃការប្រើប្រាស់សាច់ប្រាក់នៅក្នុងក្រុមហ៊ុន ឬស្ថាប័ន។ គណនេយ្យករតែងប្រើប្រាស់កុំព្យូទ័រ ឬប្រព័ន្ធកុំព្យូទ័រ ដើម្បីរក្សាទុករបាយការណ៍ហិរញ្ញវត្ថុប្រើជាមធ្យោបាយក្នុងការដោះស្រាយចំណោទ ឬបញ្ហាពាក់ព័ន្ធគណិតវិទ្យា និងការគណនាលេខ។
៨. អ្នកឯកទេសផ្នែកទេសចរណ៍ ៖ ការងារមគ្គទេសក៍ទេសចរណ៍ ដឹកនាំ និងបង្ហាញទីកន្លែងផ្សេងៗជូនភ្ញៀវដូចជា សារមន្ទីរ ទីក្រុង ប្រាសាទបុរាណ និងរមណីយដ្ឋាន។ មគ្គទេសក៍ខ្លះដើរតួជាភ្នាក់ងារធ្វើដំណើរ តាមរយៈការកក់សំបុត្រយន្តហោះ ឬរថយន្ត ផ្តល់ព័ត៌មានពីសណ្ឋាគារ ឬផ្ទះសំណាក់ក្នុងតំបន់ដែលភ្ញៀវត្រូវទៅទស្សនា និងរៀបចំកម្មវិធីធ្វើដំណើរ។ មគ្គទេសក៍ត្រូវព្យាយាមស្វែងយល់ពីចិត្តសាស្រ្ត ចំណូលចិត្ត និងតម្រូវការរបស់ភ្ញៀវ ឬក្រុម ដើម្បីរៀបចំនូវជម្រើសសកម្មភាពស្របតាមវ័យ ភេទ និងសញ្ជាតិ…៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានជាតិអប់រំ ជ្រើសរើសគ្រូបង្រៀន ៤០នាក់ ចូលថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ
ព័ត៌មានអាហារូបករណ៍, ព្រឹត្តិការណ៍
• 24/04/2026
ជាឱកាសសម្រាប់គ្រូបង្រៀនដែលចង់អភិវឌ្ឍសមត្ថភាព ! ពេលនេះ វិទ្យាស្ថានជាតិអប់រំ បានប្រកាសជ្រើសរើសបេក្ខជនចំនួន ៤០នាក់ ឱ្យចូលសិក្សាថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ សម្រាប់ជំនាន់ទី៧
ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង
ព័ត៌មានអាហារូបករណ៍, ព្រឹត្តិការណ៍
• 30/01/2025
ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង（USTB）បានប្រកាសផ្តល់អាហារូបករណ៍ដល់និស្សិតកម្ពុជា ក្នុងការសិក្សាជំនាញជាច្រើន...
ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 02/03/2023
ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...
អាហារូបករណ៍២៥កន្លែងសម្រាប់ព្រះសង្ឃកម្ពុជាសិក្សាថ្នាក់បរិញ្ញាបត្រនៅពុទ្ធិកមហាវិទ្យាល័យសឹង្ហបុរី
ព័ត៌មានអាហារូបករណ៍, ព្រឹត្តិការណ៍
• 02/01/2024
ពុទ្ធិកមហាវិទ្យាល័យប្រកាសផ្ដល់អាហារូបករណ៍ដល់សមណ:សិស្សដែរមានបំណង់សិក្សានៅផ្នែកសិក្សាព្រះពុទ្ធសាសនាចំនួន២៥កន្លែងនៅសាកលពុទ្ធិកសាកលវិទ្យាសឹង្ហបុរីសម្រាប់ឆ្នាំ...
កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 17/02/2023
អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ប្រទេសរុស្សី ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 09/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ MGIMO ពីកម្មវិធី Second Enrollment of Masters Degree Program in Eco...
អាហារូបករណ៍ថ្នាក់បរិញ្ញាបត្រ១០០កន្លែងនៅសាកលវិទ្យាល័យសម្ដេចព្រះមហាសង្ឃរាជ បួរ គ្រី ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 17/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យសម្ដេចព្រះមហាសង្ឃរាជ បួរ គ្រី ចំនួន១០០កន្លែង សម្រាប់ឆ្នាំសិក្សា២០២៥-២០២៦ ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។
អាហារូបករណ៍រដ្ឋាភិបាលសហព័ន្ធរុស្ស៊ីចំនួន៤០កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/12/2024
សម្រាប់ឆ្នាំសិក្សា២០២៥-២០២៦ រដ្ឋាភិបាល នៃសហព័ន្ធរុស្ស៊ី ផ្តល់អាហារូបករណ៍ចំនួន ៤០កន្លែង ដល់សិស្ស និស្សិត និងមន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ បណ្ឌិត និងថ្នាក់ឯកទេស (Specialist) នៅសហព័ន្ធរុស្ស៊ី។
ឱកាសអាហារូបករណ៍ Lester B. Pearson ទៅសិក្សានៅ University of Toronto សម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 14/07/2026
ឱកាសសម្រាប់សិស្សានុសិស្សកម្ពុជាដែលបញ្ចប់ថ្នាក់ទី១២ ហើយមានបំណងចង់បន្តការសិក្សាថ្នាក់បរិញ្ញាបត្រនៅប្រទេសកាណាដាបានមកដល់ហើយ។ ពេលនេះអាហារូបករណ៍ Lester B. Pearson International Scholarship 2027
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
