AMS Economyចំណេះដឹងមូលដ្ឋាន ៦ចំណុចដើម្បីក្លាយជាឪពុកម្តាយដ៏ល្អ
ធ្វើជាឪពុកម្តាយគេមិនមែនសាមញ្ញពេកនោះទេ វាតម្រូវឱ្យអ្នកត្រូវចំណាយទាំងកម្លាំងកាយ កម្លាំងចិត្តក្នុងការឈ្វេងយល់ និងអនុវន្ដនូវអ្វីដែលបានសិក្សាកន្លងមក ។ ការចិញ្ចឹមកូនដ៏ល្អ ត្រូវបូករួមទាំងអាហារូបត្ថម្ភ និងការអប់រំ ហើយកត្តាទាំងនេះសំខាន់ខ្លាំងណាស់សម្រាប់អ្នកមានបំណងក្លាយជាឪពុកម្តាយរបស់គេ ឬអាណាព្យាបាលដែលកំពុងមានក្មេងនៅក្នុងបន្ទុក ។ បើតាមគេហទំព័រ Verry Well Family បានពីវិធីប្រាំមួយចំណុច ដើម្បីរៀបចំខ្លួនក្នុងការចិញ្ចិមកូន ឬធ្វើជាឪពុកម្តាយ។
១.មានសិល្បៈស្ដាប់កូនពេលនិយាយ ៖ តើអ្នកធ្លាប់ជួបបញ្ហាបែបនេះដែរឬទេ ជាប់រវល់ខ្លាំងពេករហូតមិនបានចាប់អារម្មណ៍ថា តើកូនរបស់អ្នកកំពុងនិយាយអំពីអ្វីសូម្បីតែបន្តិចសោះ ។ តែសូមកុំបារម្ភអី វាកើតឡើងចំពោះឪពុកម្តាយស្ទើតែគ្រប់គ្នា។ អ្នកគប្បីប្រុងប្រយ័ត្ននូវរឿងមួយចំនួនខណៈពេលដែលអ្នកចំណាយពេលវេលាជាមួយកូន សូមជៀសវាងនូវរឿងរ៉ាវការងារមួយចំនួនដែលនាំឱ្យបាត់បង់ការយកចិត្តទុកដាក់ជាមួយកូន ។ ពេលនៅជាមួយកុមារ ឬកូន សូមផ្តល់ការយកចិត្តទុកដាក់ជាអទិភាពទៅកាន់ពួកគេ ។ លើសពីនេះទៅទៀត សូមស្ដាប់ និងសួរនាំពួកគេផង ទោះបីជាពួកគេហាក់បង្ហាញចេញនូវកាយវិការមិនចង់និយាយជាមួយអ្នក ឬគេចវេះរាល់ពេលដែលអ្នកសួរចម្លើយក៏ដោយ ។ ការបង្ហាញពីការយកចិត្តទុកដាក់ប្រៀបដូចជាការប្រាប់ថា អ្នកស្រឡាញ់ពួកគេ។ «រាល់ការស្ដាប់ត្រង់ចំណុចនេះសូមស្ដាប់ដោយយកចិត្តទុកដាក់ និងផ្តោតលើអ្វីដែលក្មេងនិយាយមិនមែនជាការស្ដាប់ដើម្បីតែឆ្លើយតបនោះទេ » ។
វិធីស្ដាប់ដ៏ល្អមួយទៀត គឺបត់បែនទៅតាមកម្រិតកូនរបស់អ្នក ហើយស្ដាប់ដោយសម្លឹងមើលភ្នែករបស់ពួកគេ ។ សូមបន្ទន់ឥរិយាបថរបស់អ្នកខណៈដែលកំពុងសា្តប់ក្មេងនិយាយ ។ ការបន្ទន់ឥរិយាបថនេះអ្នកអាចធ្វើដោយវិធីសាស្រ្តមួយចំនួនដូចជា៖ អង្គុយលុតជង្គង់ចុះឱ្យស្មើកូននៅពេលស្ដាប់ ឬលើកកូនដាក់នៅលើតុឱ្យមានកម្ពស់ស្មើនឹងខ្លួនជាដើម ។ល។ សូមចាំថា ត្រូវយកចិត្តទុកដាក់នឹងការនិយាយស្ដីរបស់កុមារ និងសម្លឹងកែវភ្នែកកុមារផងដើម្បីឱ្យកាន់តែមានភាពជិតស្និត ។
២.ការប្រកាន់ភ្ជាប់នូវវិន័យដ៏ច្បាស់លាស់ ៖ ការបង្រៀនកូនឱ្យចេះស្គាល់អំពើល្អ អំពើអាក្រក់ ឬអ្វីជារឿងខុស អ្វីជារឿងត្រូវ អាចនិយាយបានថា ជាតួនាទីយ៉ាងសំខាន់របស់ឪពុកម្តាយ ឬអាណាព្យាបាល ហើយក៏ត្រូវផ្សារភ្ជាប់ការគោរពច្បាប់ទម្លាប់ដ៏តឹងរ៉ឹងដូចគ្នាដែរ ព្រោះនៅក្នុងផ្ទះនីមួយៗតែងតែមានច្បាប់ទម្លាប់រៀងៗខ្លួន ។ ខណៈលោកអ្នកកំពុងប្រកាន់ភ្ជាប់ថាវិន័យនៅតែល្អ ក៏ប៉ុន្តែពេលខ្លះទៀតក៏ត្រូវការនូវភាពបត់បែនដែរ ។ ឧទាហរណ៍ថា អ្នកបានបដិសេធចំពោះកូនរបស់អ្នកនូវរឿងរ៉ាវដែលមិនគួរបដិសេធ ឬក៏អ្នកអនុវត្តច្បាប់នោះតឹងតែងពេក ។ ហើយនៅពេលបន្ទាប់មកអ្នកបានដឹងថា ការដែលអ្នកបដិសេធ ឬក៏ការប្រព្រឹត្តនោះមិនមែនជារឿងដែលត្រឹមត្រូវ សូមអ្នកកុំអល់អែកក្នុងការកែប្រែប្រកបដោយទំនួលខុសត្រូវ ដោយពន្យល់ពីហេតុផលឱ្យបានក្បោះក្បាយនូវអ្វីដែលអ្នកផ្លាស់ប្ដូរ ។ ហើយខណៈដែលអ្នកផ្លាស់ប្ដូរច្បាប់អ្វីមួយនៅក្នុងផ្ទះអ្នកត្រូវប្រាកដក្នុងចិត្តថា វាពិតជាខុសយ៉ាងច្បាស់មែន ។ សូមចងចាំថា យើងទាំងអស់គ្នាសុទ្ធតែអាចបង្កើតកំហុស ដូច្នេះហើយសូមកុំខ្មាសអៀនក្នុងការសារភាពពីកំហុសរបស់អ្នក ។
៣. ធ្វើគំរូជាមុនសិន ៖ សូមកុំធ្វើនូវសកម្មភាពទាំងឡាយណាដែលអ្នកមិនចង់ឱ្យកូនរបស់អ្នកប្រព្រឹត្ត ។ ឧទាហរណ៍អ្នកមិនចង់ឱ្យកូនរបស់អ្នកនិយាយគំហកស្រែកដាក់អ្នកដ៏ទៃទេ ដូច្នេះអ្នកក៏មិនគួរនិយាយខ្លាំងៗ ឬស្រែកដាក់កូនដូចគ្នា ។ សូមចាំថា ក្មេងៗងាយត្រាប់តាមទង្វើរបស់អ្នកលឿនជាងពាក្យណែនាំរបស់អ្នក ។
៤. គ្រប់គ្រងស្មារតីរបស់អ្នក ៖ ប្រសិនបើអ្នកមិនអាចទប់ស្មារតី ឬសកម្មភាពខឹងក្រោធរបស់អ្នកនៅចំពោះមុខកូនទេ នោះពួកគេនឹងមានអារម្មណ៍ភ័យខ្លាច ឬមានអារម្មណ៍ថាទទួលរងសម្ពាធ ខ្វះការយល់ចិត្ត ឬភាពកក់ក្ដៅ ។ល។ ហើយភាពភ័យខ្លាចរបស់ពួកគេនឹងមានកាន់តែច្រើននៅពេលពួកគេមានអាយុកាន់តែតិច ។ ប្រសិនបើអ្នកមានការជជែកដ៏តឹងតែងជាមួយអតិថិជន ឬប្ដីប្រពន្ធ ទោះបីជាតាមរយៈទូរស័ព្ទក្ដី ឬឈ្លោះប្រកែកដោយផ្ទាល់ក្ដី សូមរក្សារាល់សកម្មភាពទាំងនោះកុំឱ្យក្មេងតូច ឬកូនរបស់អ្នកបានឃើញឱ្យសោះ ។
ប្រសិនបើចៃដន្យអ្នកបានជាជ្រុលបណ្តាលឱ្យកូនរបស់អ្នកឃើញសកម្មភាពទាំងនោះ អ្នកអាចអធិប្បាយពន្យល់ទៅកាន់កូនថា ទង្វើរនោះមិនសមរម្យនោះទេ ហើយសុំទោសកូនរបស់អ្នកដែលបណ្តាលឱ្យរឿងនេះកើតឡើង ឬនៅពេលដែលអ្នកអាចគ្រប់គ្រងអារម្មណ៍និងដោះស្រាយបញ្ហាណាមួយដោយការគ្រប់គ្រងអារម្មណ៍បាន អ្នកអាចបង្ហាញសកម្មភាពទាំងនោះឱ្យកូនបានឃើញដើម្បីឱ្យគេរៀនពីវិធីដោះស្រាយបញ្ហាដោយសន្តិវិធី ។
៥. អ្នកត្រូវចេះវិធីបត់បែនទៅតាមស្ថានការណ៍ ៖ ជាធម្មតាម្តាយឪពុកដែលយកចិត្តទុកដាក់ចំពោះកូនដោយស្មោះអស់ពីចិត្តតែងតែមានការរំពឹងទុកពីការលូតលាស់ ឬការវិវឌ្ឍន៍ ក៏ប៉ុន្តែមិនមែនរាល់ការរំពឹងទុកទាំងអស់សុទ្ធតែសមបំណងនោះទេ ដូច្នេះអ្នកជាអាណាព្យាបាលចាំបាច់ត្រូវចេះបត់បែនទទួលយកលទ្ធផល មិនអនុញ្ញាតឱ្យក្ដីរំពឹងរបស់អ្នកមកត្រួតបញ្ជាអ្នក បណ្តាលឱ្យអារម្មណ៍ក្រេវក្រោធ និងឈានទៅដល់ការដាក់ទោសកូនរបស់អ្នកហួសហេតុនោះដែរ ។ ឧទាហរណ៍ថា អ្នកបានខិតខំរកលុយទាំងយប់ទាំងថ្ងៃដើម្បីឱ្យកូនទៅរៀនបន្ថែមម៉ោង ដោយដាក់ក្ដីរំពឹងថាពួកគេនឹងប្រលងបាននិន្ទេសល្អ ក៏ប៉ុន្តែជាលទ្ធផលកូនរបស់អ្នកមិនត្រឹមតែប្រឡងមិនបាននិន្ទេសល្អនោះទេថែមទាំងប្រឡងមិនជាប់ទៀតផង ។ ត្រង់ចំណុចនេះនរណាក៏មានអារម្មណ៍ខកចិត្តដែរ ក៏ប៉ុន្តែអ្នកត្រូវចេះបង្វែរស្ថានការណ៍នោះឱ្យមានភាពល្អប្រសើរដោយកុំដាក់ទោស ហើយស្វែងរកហេតុផល និងដំណោះស្រាយរួមណាមួយ ។
៦. កុំកម្រនូវសេចក្ដីស្រឡាញ់ចំពោះក្មេងតូច ៖ អ្នកប្រហែលជាធ្លាប់បានឮខ្លះៗហើយនាពេលកន្លងមកមានឪពុកម្តាយមួយចំនួនបាននិយាយថា ស្រឡាញ់កូនកុំឱ្យដឹងចិត្ត ការពោលប្រយោគមួយឃ្លានេះធ្វើឱ្យអាណាព្យាបាលមួយចំនួនលាក់ទុកនូវក្ដីស្រឡាញ់ ឬគេចចេញពីភាពស្និតស្នាលជាមួយកូន ។ ក៏ប៉ុន្តែការធ្វើដូច្នោះពុំគាប់ប្រសើរឡើយ អ្នកគប្បីបង្ហាញចេញនូវក្ដីស្រឡាញ់ ការបារម្មណ៍ ភាពស្និតស្នាលទាំងអម្បាលម៉ាន ដែលមាននៅក្នុងជម្រៅដួងចិត្តរបស់អ្នកបង្ហាញទៅកាន់កូនដូចជា៖ ការវិនិយោគពេលវេលាជាមួយកូនជាអាទិភាព, ការបង្កើតសកម្មភាពសប្បាយៗជាមួយកូនតូច, អង្អែលក្បាលពួកគេ, កាន់ដៃកូននៅពេលដើរ អោបកូន ថើបកូនមុនចូលគេង ងូតទឹកឱ្យកូន និងនិយាយលេងជាមួយកូនជាដើម ឬក៏ព្យាយាមយល់ពីចំណង់ចំណូលចិត្តរបស់កូនដើម្បីផ្តល់ឱ្យនូវសម្មភាពដែលឆ្លើយតបនឹងតម្រូវការរបស់គេ ។ កាលបង្ហាញចេញនូវសកម្មភាពទាំងនោះកូនរបស់អ្នកនឹងទទួលបាននូវភាពកក់ក្ដៅ និងមានផាសុខភាពជាពិសេសផ្នែកផ្លូវចិត្តរបស់កុមារតូច ៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យពុទ្ធិសាស្ត្រ
ព័ត៌មានអាហារូបករណ៍, ព្រឹត្តិការណ៍
• 08/01/2024
ឱកាសសិក្សាថ្នាក់បរិញ្ញាបត្រពីកម្មវិធីអាហារូបករណ៍សម្ដេចវិបុលបញ្ញា សុខ អាន នៅសាកលវិទ្យាល័យ ពុទ្ធិសាស្ត្រ សម្រាប់ឆ្នាំសិក្សា២០២៤។ អាហារូបករណ៍ផ្តោតលើឧត្តមភាព...
ឱកាសសិក្សានៅអឺរ៉ុប ៖ អូទ្រីសប្រកាសផ្តល់អាហារូបករណ៍កម្រិតបរិញ្ញាបត្រជាន់ខ្ពស់ និងក្រោយបណ្ឌិត សម្រាប់ឆ្នាំសិក្សា ២០២៧-២០២៨
ព័ត៌មានអាហារូបករណ៍, ព្រឹត្តិការណ៍
• 23/09/2026
ក្រសួងអប់រំ យុវជន និងកីឡា បានចេញសេចក្តីជូនដំណឹងជាផ្លូវការស្តីពីការផ្តល់អាហារូបករណ៍របស់ក្រសួងអប់រំ វិទ្យាសាស្ត្រ និងស្រាវជ្រាវសហព័ន្ធអូទ្រីស (BMBWF)
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី ផ្តល់ការសិក្សាជំនាញ១១ ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តរតនគិរី បានប្រកាសផ្តល់ការសិក្សាជំនាញចំនួន១១ ដោយឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក៏ដូចជាកម្មករនិយោជិកក្រៅប្រព័ន្ធ។
ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 22/01/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...
ឱកាសសិក្សាវគ្គខ្លីឌីជីថល និងភាពធននៃប្រព័ន្ធ TVET ពីកម្មវិធីអូស្រ្តាលី-អាស៊ាន
ព័ត៌មានអាហារូបករណ៍, ព្រឹត្តិការណ៍
• 04/09/2023
ឱកាសសិក្សាអាហារូបករណ៍វគ្គខ្លីឌីជីថល និងភាពធននៃប្រព័ន្ធTVET ពីកម្មវិធីអូស្រ្តាលី-អាស៊ាន ឬ Aus4ASEAN ។ ការសិក្សាផ្ដល់ជូនសម្រាប់ពលរដ្ឋក្នុងប្រទេសសមាជិកអាស៊ានដែលចូលរួម...
ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)
ព័ត៌មានអាហារូបករណ៍, ព្រឹត្តិការណ៍
• 28/09/2026
សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។
អាហារូបករណ៍ពេញថ្លៃផ្នែក «វេជ្ជសាស្ត្រ និងសុខាភិបាល» សិក្សានៅសហព័ន្ធរុស្ស៊ី ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 20/10/2026
អាហារូបករណ៍ផ្នែកវេជ្ជសាស្ត្រ និងសុខាភិបាលសិក្សានៅសហព័ន្ធរុស្ស៊ី សម្រាប់ឆ្នាំ២០២៦–២០២៧
គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening
ព័ត៌មានអាហារូបករណ៍, ព្រឹត្តិការណ៍
• 15/08/2025
ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...
អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 21/01/2026
ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
ទោះបីជាការបង្រៀនតាមប្រព័ន្ធឌីជីថលមានភាពទំនើប និងជឿនលឿនយ៉ាងណាក៏ដោយ ក៏មិនត្រូវបោះបង់ចោលការអាន និងការរៀនសូត្រតាមរយៈសៀវភៅនោះឡើយ។
សំណងសមូហភាពសម្រាប់អ្នករស់រានមានជីវិតពីអំពើហិង្សាផ្លូវភេទនៅក្នុងរបបខ្មែរក្រហម បានសម្ពោធដាក់ឱ្យប្រើប្រាស់នៅក្នុងបរិវេណវត្តភ្នំឆ្មា
រដ្ឋាភិបាលព្រីតថេន ផ្តល់ជំនួយថវិកាចំនួន ៣២៥,០០០ដុល្លារអាមេរិក ដល់អង្គភាពការពារកុមារ (CPU) នៃមូលនិធិកុមារកម្ពុជា (Cambodian Children’s Fund)
ការសន្សំលុយមិនមែនទាល់តែមានប្រាក់ខែរាប់ពាន់ដុល្លារទើបធ្វើបាននោះទេ ហើយនេះជាមូលហេតុសំខាន់ៗដែល Gen Z គួរចាប់ផ្តើមពីថ្ងៃនេះ
ជាឱកាសសម្រាប់និស្សិត និងអ្នកជំនាញកម្ពុជាដែលមានបំណងបន្តការសិក្សាថ្នាក់ក្រោយឧត្តមសិក្សា និងចង់អភិវឌ្ឍសមត្ថភាពក្នុងវិស័យកិច្ចការអន្តរជាតិ និងពាណិជ្ជកម...
និស្សិតជំនាន់ទីមួយចំនួន ២០នាក់ មកពីទូទាំងប្រទេសកម្ពុជា ដែលមានជីវភាពខ្វះខាត បានទទួលអាហារូបករណ៍ជាផ្លូវការសម្រាប់ការសិក្សាថ្នាក់ឧត្តមសិក្សារយៈពេល៤ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
