AMS Economyភាពខុសគ្នា ៥ចំណុចរវាងការអប់រំស្ទែម និងការអប់រំតាមបែបប្រពៃណី
ភ្នំពេញ – ការអប់រំស្ទែម ជាវិធីសាស្ត្រក្នុងការបង្រៀនផ្តោតលើមុខវិជ្ជវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា ដែលអាចជួយឱ្យសិស្ស-និស្សិតមានសមត្ថភាពក្នុងការដោះស្រាយបញ្ហាក្នុងសង្គមពិតជាក់ស្តែង និងមានលទ្ធភាពក្នុងការប្រកួតប្រជែងក្នុងទីផ្សារការងារនាសតវត្សរ៍ទី២១។ តើការអប់រំបែបស្ទែម និងការអប់រំបែបប្រពៃណី ខុសគ្នាយ៉ាងដូចម្តេច?
បើយោងតាមឯកសាររបស់មជ្ឈមណ្ឌលកម្ពុជា៤.០ ការអប់រំស្ទែម និងការអប់រំបែបប្រពៃណី មានភាពខុសគ្នាចំនួន៥ចំណុច ដូចជា៖
ទី១.មេរៀន ៖ ការអប់រំតាមបែបប្រពៃណីផ្តោតលើមុខវិជ្ជាទូទៅ ប៉ុន្តែការអប់រំស្ទែមផ្ដោតលើតែ ៤មុខវិជ្ជា ដូចជា វិទ្យាសាស្ត្រ, បច្ចេកវិទ្យា, វិស្វកម្ម និងគណិតវិទ្យា។ ចំពោះការអប់រំតាមបែបប្រពៃណី សិស្ស-និស្សិតរៀនតែអ្វីដែលបង្ហាញក្នុងសៀវភៅ និងមិនអាចមានគំនិតផ្ទាល់ខ្លួនបាន ប៉ុន្តែមេរៀននៅក្នុងកម្មវិធីអប់រំស្ទែមវិញបានបង្រៀនឱ្យសិស្សមាននូវគំនិតច្នៃប្រឌិត។
ជាក់ស្តែង យោងតាមគេហទំព័រ The Telegraph ការអប់រំស្ទែមបានបណ្តុះនូវភាពច្នៃប្រឌិតរបស់សិស្ស-និស្សិតក្នុងការបង្កើតបច្ចេកវិទ្យាថ្មីៗនៅក្នុងសតវត្សរ៍ទី២១ មួយចំនួន ដូចជា 3D Printing, ប្លុកឆេន (Blockchain), ប្រព័ន្ធអ៊ីនធឺណិតនៃវត្ថុ (Internet of Things), ការពិតបែបនិម្មិត (Virtual Reality – VR), នាឡិកាឆ្លាតវៃ(Smart watch) និងប្រព័ន្ធប្រតិបត្តិការទូរស័ព្ទ (Mobile Operating System) ជាដើម ដែលបានជួយដល់ការអភិវឌ្ឍស្ទើរគ្រប់វិស័យ។
ទី២.ការបង្រៀន ៖ កម្មវិធីសិក្សាតាមបែបប្រពៃណីបង្រៀនសិស្ស-និស្សិតឱ្យចងចាំមេរៀន ប៉ុន្តែកម្មវិធីសិក្សាស្ទែមផ្ដោតលើការអនុវត្តជាក់ស្តែង ជាជាងការចំណាំមេរៀន ដើម្បីអាចជួយឱ្យសិស្សមានសមត្ថភាពក្នុងការយកចំណេះដឹងដែលពួកគេទទួលបានទៅប្រើប្រាស់ក្នុងជីវិតពិត ពិសេសអាជីពការងារនាពេលអនាគត។ ឧទាហរណ៍ មុខវិជ្ជាគណិតវិទ្យាក្នុងកម្មវិធីសិក្សាតាមបែបប្រពៃណីបង្រៀនសិស្សអំពីសមីការ ប៉ុន្តែពួកគេមិនបានដឹងពីអត្ថប្រយោជន៍នៃមេរៀននេះក្នុងជីវិតពិតនោះទេ។ ក្នុងន័យនេះ ការអប់រំស្ទែមពិតជាមានសារៈសំខាន់ណាស់ ព្រោះវាមិនត្រឹមតែបង្រៀនសិស្សឱ្យយល់ពីរបៀបដោះស្រាយសមីការប៉ុណ្ណោះទេ ថែមទាំងបង្ហាញសិស្សឱ្យដឹងពីអត្ថប្រយោជន៍ នៃការប្រើប្រាស់សមីការក្នុងជីវិតពិតជាក់ស្តែង ដូចជា ការសាងសង់អគារ ឬការគណនាប្រាក់ចំណេញនៃអាជីវកម្មជាដើម។
ទី៣.សកម្មភាពក្នុងថ្នាក់ ៖ ការអប់រំស្ទែមផ្ដោតលើការពង្រឹងជំនាញដែលមានតម្រូវការខ្លាំងក្នុងសតវត្សរ៍ទី២១ ដូចជា ជំនាញក្នុងការដោះស្រាយបញ្ហា ការត្រិះរិះពិចារណា ភាពច្នៃប្រឌិត ការគិតបែបឡូជីក (Logical Thinking) និងសមត្ថភាពក្នុងការវិភាគ តាមរយៈសកម្មភាពក្នុងថ្នាក់មួយចំនួន ដូចជា ការបង្កើតមនុស្សយន្ត, លំហាត់ខួរក្បាលដោយប្រើប្រាស់គណិតវិទ្យា (Brain Teaser) និងការពិសោធន៍វិទ្យាសាស្ត្រជាដើម។
ដោយឡែកក្នុងកម្មវិធីសិក្សាតាមបែបប្រពៃណីវិញ លោកគ្រូ អ្នកគ្រូធ្វើការពន្យល់មេរៀន រួចសិស្ស-និស្សិតធ្វើការកត់ចំណាំ ហើយមេរៀនទាំងនេះនឹងចេញក្នុងវិញ្ញាសារប្រឡង។ ដូច្នេះ ចំពោះការអប់រំតាមបែបប្រពៃណី សិស្ស-និស្សិតដែលមានសមត្ថភាពក្នុងការចងចាំខ្ពស់នឹងទទួលចំណាត់ថ្នាក់ល្អនៅក្នុងថ្នាក់ រីឯសិស្ស-និស្សិតដែលសកម្ម, មានសមត្ថភាពធ្វើការងារជាក្រុម និងមានគំនិតច្នៃប្រឌិតក្នុងការដោះស្រាយបញ្ហានានានឹងទទួលបានលទ្ធផលល្អនៅក្នុងថ្នាក់រៀនស្ទែម។
ទី៤.ឱកាសការងារ ៖ យោងតាមគេហទំព័រ CNBC តម្រូវការបុគ្គលិកដែលមានជំនាញស្ទែមកំពុងមានតម្រូវការខ្លាំងក្នុងពេលបច្ចុប្បន្ន និងនៅថ្ងៃអនាគត។ ជាឧទាហរណ៍ គិតចាប់ពីឆ្នាំ២០២០ ដល់ឆ្នាំ២០៣០ តម្រូវការបុគ្គលិកមានជំនាញវិភាគសន្តិសុខព័ត៌មាននឹងកើនឡើងប្រមាណ ៣៣%, វិទ្យាសាស្ត្រទិន្នន័យ និងគណិតវិទ្យានឹងកើនឡើងប្រមាណ ៣១% និងអ្នកវិទ្យាសាស្ត្រកុំព្យូទ័រនឹងកើនឡើងប្រមាណ ២២%។
ជាមួយគ្នានេះ ការអប់រំស្ទែមមិនត្រឹមតែផ្តល់ជំនាញរឹងលើផ្នែកវិទ្យាសាស្ត្របច្ចេកវិទ្យា វិស្វកម្ម និងគណិតវិទ្យា ថែមទាំងផ្តល់នូវជំនាញទន់ និងសមត្ថភាពយល់ដឹង (Cognitive Ability) ដែលសមស្របសម្រាប់ទីផ្សារការងារ ព្រមទាំងជួយឱ្យសិស្ស-និស្សិតមិនងាយនឹងជំនួសការងារដោយស្វ័យប្រវត្តិកម្មបាន។ ដោយឡែក ការអប់រំតាមបែបប្រពៃណីផ្ដោតលើទ្រឹស្តីជាជាងការផ្ដល់ជំនាញច្បាស់លាស់ដល់សិស្ស-និស្សិត ដែលធ្វើឱ្យពួកគេពិបាកនឹងប្រកួតប្រជែងក្នុងទីផ្សារការងារដែលផ្លាស់ប្តូរឥតឈប់ឈរ និងងាយជំនួសដោយបច្ចេកវិទ្យា។
ទី៥.ប្រាក់ខែ ៖ ការអប់រំស្ទែមមិនត្រឹមតែអាចជួយឱ្យនិស្សិតមានភាពងាយស្រួលក្នុងការស្វែងរកការងារជាងការអប់រំតាមបែបប្រពៃណីប៉ុណ្ណោះទេ ថែមទាំងអាចជួយឱ្យពួកគេទទួលបានប្រាក់ខែខ្ពស់ជាងផងដែរ។ តាមគេហទំព័រ Great Learning នៅឆ្នាំ២០២២ វិទ្យាសាស្ត្រទិន្នន័យ និងវិស្វកម្មកម្មវិធី ជាការងារដែលទទួលបានប្រាក់ខែខ្ពស់ជាងគេលើពិភពលោក៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យជាតិអូស្ត្រាលីឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 09/05/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Australlian Government Rerearch Training Pro...
អាហារូបករណ៍ថ្នាក់បណ្ឌិតនៅសាកលវិទ្យាល័យសាកលវិទ្យាល័យ United Arab Emirate ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 29/02/2024
ឱកាសសិក្សាអាហារូបករណ៍ថ្នាក់បណ្ឌិតនៅសាកលវិទ្យាល័យ United Arab Emirate ពីកម្មវិធីអាហារូបករណ៍ UEAU PHD នៅទីក្រុងឌូបៃឆ្នាំសិក្សា២០២៤។ ...
វិទ្យាស្ថាន PSE ផ្តល់អាហារូបករណ៍ដល់សិស្សានុសិស្សក្រីក្រចូលរៀនថ្នាក់ជំនាញចំនួន៣៥០នាក់
ព័ត៌មានអាហារូបករណ៍, ព្រឹត្តិការណ៍
• 28/06/2024
អង្គការដើម្បីភាពញញឹម នៃកុមារ (PSE) ប្រកាសជ្រើសរើសសិស្សានុសិស្សក្រីក្រ ដើម្បីចូលរៀនថ្នាក់ត្រៀម និងថ្នាក់ជំនាញចំនួន ៣៥០នាក់ សម្រាប់ឆ្នាំសិក្សា២០២៤-២០២៥ខាងមុខ។
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
ព័ត៌មានអាហារូបករណ៍, ព្រឹត្តិការណ៍
• 25/04/2024
វិទ្យាស្ថានពហុបច្ចេកទេសភូមិភាគឦសាន បានប្រកាសជ្រើសរើសយុវជនចំនួន២៤០នាក់ ចូលរៀនជំនាញបច្ចេកទេស និងវិជ្ជាជីវៈ ១ សិក្សាក្នុងរយៈពេល៤ខែ ក្នុងកម្មវិធី១.៥លាននាក់ ។
ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 25/12/2024
កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។
ឱកាសសិក្សាអាហារូបករណ៍សម្រាប់វគ្គសិក្សារដូវក្ដៅនៅប្រទេសអាល្លឺម៉ង់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 04/11/2024
ឱកាសសិក្សាអាហារូបករណ៍សម្រាប់វគ្គសិក្សានារដូវក្ដៅក្នុងប្រទេស អាល្លឺម៉ង់ឆ្នាំសិក្សា២០២៥ ពីកម្មវិធី DAAD University Summer Courses 2025 ។ អាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដោយការសិក្សា...
Monash University ប្រកាសផ្តល់អាហារូបករណ៍ពេញលេញថ្នាក់បរិញ្ញាបត្រដល់និស្សិតកម្ពុជាសម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 10/06/2026
Monash University ប្រកាសផ្តល់អាហារូបករណ៍ពេញថ្លៃថ្នាក់បរិញ្ញាបត្រដល់និស្សិតកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សាលារៀនប្រមាណ២០០ នៅទូទាំងប្រទេស មានលទ្ធភាពអនុវត្តកម្មវិធីសិក្សា «៤ម៉ោង+២» ដែលសិស្សរៀនសរុប៦ម៉ោងក្នុងមួយថ្ងៃ ខណៈរាជរដ្ឋាភិបាលគ្រោងពង្រីកកម្មវិធីនេះ
ឯកសារបណ្ណសារ ដែលស្ថិតនៅបណ្ណសារដ្ឋានជាតិ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ
ក្រុមហ៊ុន មេនូឡាយហ្វ៍ បានបន្តកិច្ចសហការយ៉ាងរឹងមាំជាមួយគណៈកម្មាធិការជាតិអូឡាំពិកកម្ពុជា (NOCC) ក្នុងនាមជាដៃគូសហការផ្ដាច់មុខនៃព្រឹត្តិការណ៍រត់ប្រណាំង
គម្រោងសហការរវាងក្រសួងអប់រំ និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) «កសាងសមត្ថភាពបច្ចេកវិទ្យាព័ត៌មាន និងគមនាគមន៍សម្រាប់ការអប់រំនៅមធ្យមស...
មនុស្សជាច្រើនយល់ច្រឡំថា ពាក្យថា «វិន័យ» គឺជាទ្រុងដែកដែលរឹតត្បិតសេរីភាព ឬជាទោសទណ្ឌដែលបង្ខំចិត្តឱ្យធ្វើរឿងដែលមិនចូលចិត្ត
អាហារូបករណ៍ថ្នាក់បរិញ្ញាបត្ររងពេញថ្លៃ ៣០ កន្លែងនៅសាកលវិទ្យាល័យពុទ្ធិសាស្ត្រ
ខណៈប្រទេសជាច្រើននៅលើពិភពលោកកំពុងរឹតត្បិតការប្រើប្រាស់ទូរស័ព្ទនៅក្នុងថ្នាក់រៀន, សម្រាប់ប្រទេសកម្ពុជា សម្តេចធិបតី ហ៊ុន ម៉ាណែត
នៅព្រឹកថ្ងៃទី៣ ខែវិច្ឆិកា ឆ្នាំ២០២៦ នេះ បេក្ខជនជាប់បម្រុង គ្រូបង្រៀនផ្អែកលើកិច្ចព្រមព្រៀងការងារ កម្រិតវិទ្យាល័យ សម្រាប់ឆ្នាំសិក្សា២០២៦-២០២៧ ប្រមាណ...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
