AMS Economy

លោក ម៉ៃ ទិត្យថារ៉ា លើកទឹកចិត្តអ្នកសារព័ត៌មានកម្ពុជាសរសេរអត្ថបទបែបស៊ីជម្រៅ

ព័ត៌មានជាតិ និងអន្តរជាតិ ព្រឹត្តិការណ៍ព័ត៌មានជាតិ29/03/2022បញ្ចេញមតិយោបល់

ភ្នំពេញ – នៅពេលខ្ញុំចាប់ផ្ដើមសរសេរកាសែតជាលើកដំបូង ហាក់ដូចជាមានអ្វីមួយជំរុញចិត្តខ្ញុំ ព្រោះខ្ញុំចូលចិត្តសរសេរមែនទែន ដោយសារក្ដីស្រឡាញ់តាំងពីក្មេង ហើយខ្ញុំយល់ថា ធ្វើជាអ្នកសារព័ត៌មានអាចជួយសង្គមបានច្រើន ជាពិសេសសរសេរអត្ថបទបែបស៊ីជម្រៅ ដើម្បីលាតត្រដាងបញ្ហាសង្គមមួយចំនួនដែលគេព្យាយាមលាក់បាំងយកមកបង្ហាញដល់សាធារណជនឱ្យបានដឹង ។ នេះបើតាមការលើកឡើងរបស់លោក ម៉ៃ ទិត្យថារ៉ា អ្នកជំនាញផ្នែកសារព័ត៌មាននៃ Inter News ប្រចាំប្រទេសកម្ពុជា និងជាគ្រូបង្រៀនសារព័ត៌មាននៃសាកលវិទ្យាល័យកម្ពុជា ។

បុរសមានសម្បុរខ្មៅ សក់ខ្មៅរលោង ដែលតែងតែបញ្ចេញស្មាមញញឹមនៅពេលដែលនិយាយម្តងៗ លោក ម៉ៃ ទិត្យថារ៉ា មន្រ្តីជំនាញផ្នែកប្រព័ន្ធផ្សព្វផ្សាយនៃ អង្គការ Internews បន្ថែមថា ក្នុងអាជីពជាអ្នកសារព័ត៌មានលោកជួបបញ្ហាប្រឈមជាច្រើន ដូចជា ការគំរាមកំហែងពីឧកញ៉ាមួយចំនួនដែលរកស៊ីខុសច្បាប់ ថ្នាក់ដឹកនាំជាន់ខ្ពស់មួយចំនួន ការគំរាមប្ដឹងទៅតុលាការ និងការគំរាមកំហែងលើផ្នែកផ្សេងៗទៀត។ លោក ម៉ៃ ទិត្យថារ៉ា បានបន្តថា ការគំរាមកំហែងនោះ គ្រាន់តែជាការគំរាមកំហែងប៉ុណ្ណោះគ្មានអ្វីកើតឡើងនោះទេ ។

កន្លងទៅអត្ថបទព័ត៌មានរបស់ ទិត្យថារ៉ា ភាគច្រើនជាប្រភេទអត្ថបទព័ត៌មានស៊ើបអង្កេត និងបទយកការណ៍ស៊ីជម្រៅដែលទទួលស្គាល់ទាំងក្នុងស្រុកនិងនៅលើឆាកអន្តរជាតិ ។ លោក ទិត្យថារ៉ា បានលើកឡើងថា ៖

“អត្ថបទមួយៗរបស់ខ្ញុំ គឺខ្ញុំប្រុងប្រយ័ត្នណាស់ ហេតុនេះហើយបានជាគេធ្វើអ្វីយើងមិនបានទេ គឺបានត្រឹមតែគំរាមកំហែងតែប៉ុណ្ណោះ។ កាលពីមុនពេលខ្ញុំធ្វើរឿងបែបស៊ីជម្រៅ ខ្ញុំសឹងតែមិនហ៊ានជិះម៉ូតូជាមួយគ្រួសារ ដោយសារតែខ្លាចមានបញ្ហាដល់ពួកគាត់”

អ្នកជំនាញផ្នែកសារព័ត៌មានដែលមានបទពិសោធន៍ជាង ២០ឆ្នាំរូបនេះ បញ្ចាក់បន្ថែមថា ដើម្បីសរសេរអត្ថបទព័ត៌មានបែបស៊ីជ្រៅបានល្អ ទី១. អ្នកសារព័ត៌មានត្រូវអានឱ្យបានច្រើន ទី២. ចេះស្រាវជ្រាវឱ្យបានច្រើន មានចំណេះដឹងបន្ថែមនៅពេលសរសេរអត្ថបទ។ ទន្ទឹមគ្នានេះ នៅពេលដែលយុវជនបានអានហើយ ត្រូវចាប់ផ្ដើមធ្វើការស្រាវជ្រាវ ហើយតាមដានព័ត៌មានប្រចាំថ្ងៃឱ្យបានទាន់ពេល ដើម្បីជួយឱ្យយើងមានគំនិតក្នុងការសរសេរអត្ថបទ ។

មានស្រុកកំណើតនៅខេត្តស្វាយរៀង បានវេចសំពាយឡើងមកបន្តការសិក្សារនៅទីក្រុងភ្នំពេញ ដោយស្នាក់នៅវត្ត ព្រោះតែពុំមានសាច់ញាតិរស់នៅទីក្រុង លោក ម៉ៃ ទិត្យថារ៉ា បន្តថា ប្រសិនអ្នកសារព័ត៌មានចង់សរសរអត្ថបទបែបស៊ីជម្រៅត្រូវមានភាពក្លាហាន កុំភ័យខ្លាចជួបបញ្ហា ឬឧបសគ្គ ព្រោះយើងមិនបានទៅធ្វើអ្វីអាក្រក់ អ្វីដែលយើងកំពុងធ្វើគឺដើម្បីស្វែងរកយុត្តិធម៌ឱ្យទាំងជនដែលគេចោទប្រកាន់ និងព័ត៌មានដែលប្រជាពលរដ្ឋបានលើកឡើងដើម្បីលាតត្រដាងការពិត ហេតុនេះ ទាមទារឱ្យអ្នកកាសែតស្រាវជ្រាវឱ្យបានច្រើន ។

ដោយសារតែបច្ចុប្បន្នវិស័យសារព័ត៌មានរីកដូចផ្សិតត្រូវទឹកភ្លៀង ជាពិសេសការរីកចម្រើនបច្ចេកវិទ្យា អ្នកសារព័ត៌មានដែលមានកូនបួននាក់នៅក្នុងបន្ទុកគ្រួសារ បានលើកឡើងថា ៖

“ខ្ញុំចង់ឃើញអ្នកសារព័ត៌មាននៅកម្ពុជាមានតម្លៃដូចអ្នកសារព័ត៌មាននៅក្រៅប្រទេស ។ ទើបខ្ញុំព្យាយាមមើលការសរសេរអត្ថបទបរទេសថាគេសរសេរបែបណាទើបគេល្បី។ ដូច្នេះខ្ញុំខិតខំសំរុំាងអត្ថបទរបស់ខ្ញុំដើម្បីឱ្យមានគុណភាព និងធ្វើឱ្យគេទទួលស្គាល់ថា អ្នកសារព័ត៌មានខ្មែរក៏មានសមត្ថភាពដូចអ្នកសារព័ត៌មានបរទេសដែរ”

កន្លងទៅថ្មីៗនេះ លោក ម៉ៃ ទិត្យថារ៉ា មន្រ្តីជំនាញផ្នែកប្រព័ន្ធផ្សព្វផ្សាយនៃអង្គការ Internews ប្រចាំប្រទេសកម្ពុជា និងជាគ្រូបង្រៀនផ្នែកសារព័ត៌មាននៃសាកលវិទ្យាល័យកម្ពុជា បានទទួលពានរង្វាន់លើកទឹកចិត្តអ្នកសារព័ត៌មានប្រាំសម័យកាល ចាប់ពីទសវត្សរ៍៧០ រហូតដល់ទស្សវត្សឆ្នាំ២០១០ ពីក្រសួងព័ត៌មាន កាលពីថ្ងៃទី២៤ ខែមីនា ឆ្នាំ២០២២ ។

ម្នាក់ក្នុងចំណោមជ័យលាភី ១៤នាក់ លោក ម៉ៃ ទិត្យថារ៉ា មានប្រសាសន៍ថា ការផ្ដល់ពានរង្វាន់នេះ មិនមែនសម្រាប់តែរូបលោកនោះទេ ប៉ុន្តែគឺជាការលើកទឹកចិត្តទៅដល់អ្នកសារព័ត៌មានផ្សេងៗទៀតឱ្យគាត់ខិតខំធ្វើការ លះបង់ទាងកម្លាំងកាយ កម្លាំងចិត្ត ហើយជាសញ្ញាល្អសម្រាប់លើកទឹកចិត្តដល់អ្នកសារព័ត៌មានថាពួកគាត់មិនឯកា គាត់មានមន្រ្តី មានអ្នកសារព័ត៌មានជុំវិញខ្លួន នៅមើលនិងជួយជ្រុំជ្រែង។

ជាម្ចាស់ពានរង្វាន់ផ្នែកស៊ើបអង្កេតដែលទទួលបានពីក្រៅប្រទេស លោក ទិត្យថារ៉ា បន្តថា ៖

“ខ្ញុំសប្បាយពេញចិត្ត ព្រោះនេះជាលើកទី១ ដែលបានទទួលពានរង្វាន់ដែលផ្ដល់ដោយក្រសួងព័ត៌មាន ព្រោះខ្ញុំធ្លាប់បានទទួលពានរង្វាន់ច្រើននៅក្រៅប្រទេស ហើយខ្ញុំយល់ឃើញថា ក្រសួងព័ត៌មានចាប់ផ្ដើមឱ្យតម្លៃទៅលើអ្នកសារព័ត៌មានដែលធ្វើការប្រកបដោយក្រមសីលធម៌ និងវិជ្ជាជីវៈរបស់ខ្លួន”

មន្រ្តីជំនាញផ្នែកសារព័ត៌មានវ័យ ៤២ឆ្នាំរូបនេះ បានបន្ថែមថា ដើម្បីជួយឱ្យវិស័យសារព័ត៌មាននៅកម្ពុជាមានការរីកចម្រើន អ្នកសារព័ត៌មានទាំងអស់គួរប្រែទម្លាប់មិនល្អចោល ប្រសិនយើងចង់ឱ្យស្ថាប័នព័ត៌មានយើងល្អ លុះត្រាតែយើងធ្វើល្អផ្ដើមចេញពីខ្លួនយើងជាមុនសិន។ លោកបន្តថា អ្នកសារព័ត៌មានកុំអាងតែខ្លួនជាអ្នកសារព័ត៌មានចង់ធ្វើអ្វីតាមចិត្ត អ្នកសារព័ត៌មានត្រូវគោរពក្រមសីលធម៌វិជ្ជាជីវៈរបស់អ្នកសារព័ត៌មាន។

ម្ចាស់អត្ថបទព័ត៌មានជាច្រើនទាក់ទងទៅនឹងការកាប់បំផ្លាញព្រៃឈើ អំពើពុករលួយ ជម្លោះដីធ្លី លោក ទិត្យថារ៉ា បន្តថា ៖

“បើសិនយើងមិនឱ្យតម្លៃខ្លួនឯង យើងចាប់ផ្ដើមដើរនិយាយផ្ដេសផ្ដាស គ្មានភស្ដុតាងច្បាស់លាស់ យូរទៅគេប្ដឹងពីបទបរិហាកេរ្តិ៍ពីបទញុះញុងដែលធ្វើឱ្យយើងអន់ខ្លួនឯងតែម្ដង ហេតុនេះយើងឱ្យតម្លៃខ្លួនឯងជាមុនសិនទើបអ្នកដទៃឱ្យតម្លៃយើងតាមក្រោយ”

សូមជម្រាបថា លោក ម៉ៃ ទិត្យថារ៉ា មានស្នាដៃលេចធ្លោជាច្រើនចាប់ពីឆ្នាំ២០០៩ ដល់ឆ្នាំ២០១៥ ទទួលបានពានរង្វាន់សារព័ត៌មានទាំងក្នុងស្រុក និងក្រៅស្រុកចំនួន២៤ ដូចជា នៅឆ្នាំ២០០៩ ពានរង្វាន់ Society of Publishers in Asia (SOPA) នៅហុងកុង លើអត្ថបទ «នរកនៅលើទូកនេសាទ» ដែលលោកបានចុះទៅយកព័ត៌មាន នៅក្នុងខេត្តកោះកុងនឹងបន្តទៅថៃ ដោយប្រថុយគ្រោះថ្នាក់ដើម្បីទៅសម្ភាសន៍អ្នកនេសាទនៅលើសមុទ្រ។ ទន្ទឹមគ្នានេះនៅឆ្នាំ ២០១៣ ពានរង្វាន់លោកទទួលបានពានរង្វាន់ “អ្នកសារព័ត៌មានឆ្នើមប្រចាំឆ្នាំនៅអាស៊ី” ពី SOPA ដោយសារតែលោកបានប្រថុយប្រថានយ៉ាងខ្លាំងក្នុងការស៊ើបអង្កេតរឿងរ៉ាវពាក់ព័ន្ធនឹងអ្នកមានទ្រព្យសម្បត្តិ និងអ្នកមានអំណាចនៅកម្ពុជា។ លើសពីនេះ មានពានរង្វាន់ក្នុងស្រុកនិងក្រៅស្រុកផ្សេងទៀត ដែលភាគច្រើនជាបទយកការណ៍ និងអត្ថបទបែបស៊ីជម្រៅ ៕

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

មូលនិធិអាហារូបករណ៍ Mabuchi International ផ្តល់អាហារូបករណ៍សម្រាប់និស្សិតកម្ពុជាចេះភាសាជប៉ុន ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 17/11/2025

មូលនិធិអាហារូបករណ៍អន្តរជាតិម៉ាប៊ូឈិ (Mabuchi International Scholarship Foundation) ប្រកាសផ្តល់អាហារូបករណ៍សម្រាប់និស្សិតកម្ពុជាដែលចេះភាសាជប៉ុន សម្រាប់ឆ្នាំសិក្សា២០២៦។

ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 30/09/2024

វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។

អាហារូបករណ៍ថ្នាក់បរិញ្ញាបត្រចំនួន៥កន្លែងនៅសាកលវិទ្យាល័យភ្នំពេញអន្តរជាតិ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 05/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន០៥កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យភ្នំពេញអន្តរ...

អាហារូបករណ៍សាច់ប្រាក់សាច់ប្រាក់ពីអង្គការ Education First Cambodia ឆ្នាំ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/05/2024

អង្គការ Education First Cambodia ឬហៅកាត់ថា EFC សហការណ៍ជាមួយសាកលវិទ្យាល័យមួយចំនួននៅរាជធានីភ្នំពេញផ្ដល់អាហារូបករណ៍សាច់ប្រាក់...

ឱកាសសិក្សាអាហារូបករណ៍ថ្នាក់បរិញ្ញាបត្រនៅប្រទេសចិន ចំនួន១០កន្លែង

ព័ត៌មានអាហារូបករណ៍, ព្រឹត្តិការណ៍

• 24/04/2025

តាមរយៈសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ACSC) បានប្រកាសជ្រើសរើសសិស្ស និស្សិតកម្ពុជា ឱ្យទៅសិក្សាថ្នាក់បរិញ្ញាបត្រនៅក្នុងខេត្ត Hainan និងខេត្ត Yunnan នៃសាធារណរដ្ឋប្រជាមានិតចិន ចំនួន១០កន្លែង...

អាហារូបករណ៍ថ្នាក់សិក្សា Online វគ្គខ្លីនៅសាកលវិទ្យាល័យ Stanford

ព័ត៌មានអាហារូបករណ៍, ព្រឹត្តិការណ៍

• 18/07/2023

ឱកាសសិក្សាជំនាញវគ្គខ្លីនៃសាកលវិទ្យាល័យ Stanford ពីកម្មវិធីអាហារូបករណ៍ Stanford University Free Online Courses 2023 ដល់និស្សិតបរទេសសម្រាប់ឆ្នាំសិក្សា២០២៣...

អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ

ព័ត៌មានអាហារូបករណ៍, ព្រឹត្តិការណ៍

• 15/09/2026

សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន

ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 25/10/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....