ត្រៀមចូលសាកលវិទ្យាល័យ តោះ! ចូលរួមកម្មវិធីចែករំលែក គន្លងទៅកាន់សាកលវិទ្យាល័យ

ឱកាសស្វែងយល់ពីការត្រៀមខ្លួនរៀននៅសាកលវិទ្យាល័យ រួមជាមួយគន្លឹះសំខាន់ៗជាច្រើនពីអ្នកជំនាញ និងអ្នកមានបទពិសោធន៍នឹងធ្វើឡើងនាថ្ងៃទី០៤ ខែតុលា ឆ្នាំ២០២៥ ខាងមុខនេះ ក្រោមប្រធាន «គន្លងទៅកាន់សាកលវិទ្យាល័យ ឬ Road to University» ដែលមានទីតាំងនៅ សាកលវិទ្យាល័យអាមេរិកាំងភ្នំពេញ (AUPP) ចាប់ពីម៉ោង៩:០០ព្រឹក ដល់ ៥:០០ រសៀល។

កម្មវិធីនឹងមានសកម្មភាពចែករំលែកជាច្រើនទម្រង់សម្រាប់អ្នកចូលរួមដូចជា ស្តង់ពិពរណ៌សាកលវិទ្យាល័យ និង កិច្ចពិភាក្សាតុមូល ដែលនិយាយអំពីប្រធានបទសំខាន់ៗ ក្នុងការជ្រើសរើសសាកលវិទ្យាល័យ ជ្រើសរើសជំនាញនៅសាកលវិទ្យាល័យ ការចែករំលែកចំណេះដឹងផ្នែកហិរញ្ញវត្ថុពីវាគ្មិនជំនាញ និងការចែករំលែកអំពីអាហារូបករណ៍ អ.ម.ត។

លើសពីនេះ អ្នកចូលរួមក៏អាចស្វែងយល់បន្ថែមអំពីជំនាញក្នុងវិស័យបច្ចេកវិទ្យា ដូចជា បញ្ញាសិប្បនិម្មិត និងវិទ្យាសាស្ត្រទិន្នន័យ, Software Engineer, Robotic and Automation និង Digital Marketing ជាដើម។ ការចែករំលែកក្នុងរយៈពេលមួយថ្ងៃនេះ នឹងជាផ្លូវថ្មីមួយសម្រាប់សិស្ស និស្សិតបានស្វែងយល់ និងដឹងកាន់តែច្បាស់ពីជំនាញនីមួយៗ និងការត្រៀមខ្លួនចូលរៀននៅសាកលវិទ្យាល័យបានត្រឹមត្រូវ។

រួសរាន់ឡើង! ចំនួននៃការចុះឈ្មោះចូលរួមមានកំណត់។ សិស្សានុសិស្សាដែលមានចំណាប់អារម្មណ៍ក្នុងការចូលរួម អាចចុះឈ្មោះតាមរយៈ Road to University ៕